2 سَرَاكُنَ 1 - أَتَّوْرَتْ دَ أَنَّبَاوَا

أَنَّبِے إِلْيَاسُ يَڟَاوَتَاوَ سَرْكِے أَهَظِيَ

¹ أَنَانً بَايَنْ مُتُوَرْ سَرْكِے أَهَبْ نَ إِسْرَٰٓءِيلَ، سَيْ ڧَسَرْ مُواْوَبْ تَيِ وَڧَسَرْ إِسْرَٰٓءِيلَ تَاوَيٜىٰ؞

² وَتَرَانَ سَرْكِے أَهَظِيَ نَ إِسْرَٰٓءِيلَ يَڢَاطِ دَغَ تَغَ نَغِدَنْ سَمَنْسَ عَبِرْنِنْ سَمَرِيَ، يَجِ ثِيوُاْ سُواْسَيْ؞ سَيْ يَعَيْكَ دَ یَنْ عَيْكَ يَثٜىٰ مُسُ ‏«‏كُتَڢِے كُتَمْبَيِ بَعَلْظٜىٰبُبْ اللَّهْ‌نْ بِرْنِنْ عٜىٰكْرُوانْ نَ ڢِلِسْتِيَاوَا كُواْ ذَنْ وَرْكٜىٰ دَغَ وَنَّنْ ثِيوُاْ؞»‏

³ عَمَّا سَيْ مَلاَىِٕكَنْ يَهْوٜىٰهْ يَثٜىٰ وَ إِلْيَاسُ مُتُمِنْ تِشْبٜىٰ ‏«‏تَاشِ، كَتَڢِے كَسَدُ دَ یَنْ عَيْكَنْ دَ سَرْكِنْ إِسْرَٰٓءِيلَ يَعَيْكَ دَغَ سَمَرِيَ؞ كَثٜىٰمُسُ، ‏‹‏شِنْ، بَابُ اللَّهْ نٜىٰ عَ إِسْرَٰٓءِيلَ دَ كُكٜىٰ تَڢِيَ نٜىٰمَنْ أَمْسَ دَغَ بَعَلْظٜىٰبُبْ اللَّهْ‌نْ عٜىٰكْرُوانْ؟›‏

⁴ تُواْ، سَبُواْدَ حَكَ إِنْجِ يَهْوٜىٰهْ، ‏‹‏بَذَاكَ تَاشِ دَغَ كَنْ غَدُوانْ دَ كَكٜىٰ ݣُونْثٜىٰبَ، لَلَّيْ ذَاكَ مُتُ؞›‏ »‏ سَيْ إِلْيَاسُ يَوُثٜىٰ؞

⁵ سَيْ یَنْ عَيْكَ سُكَ كُواْمَ وُرِنْ سَرْكِے؞ سَرْكِے يَتَمْبَيٜىٰسُ يَثٜىٰ ‏«‏دُوانْمٜىٰ كُكَ دَاوُاْ؟»‏

⁶ سُكَ أَمْسَوَ سَرْكِے سُكَثٜىٰ ‏«‏وَنِ مُتُمْ يَسَامٜىٰمُ أَ حَنْيَ يَثٜىٰ مَنَ، ‏‹‏كُكُواْمَ وُرِنْ سَرْكِنْدَ يَعَيْكٜىٰكُ كُثٜىٰ مَسَ ‏«‏إِنْجِ يَهْوٜىٰهْ، شِنْ، بَابُ اللَّهْ نٜىٰ عَ إِسْرَٰٓءِيلَ دَ كُكٜىٰ تَڢِيَ نٜىٰمَنْ أَمْسَ دَغَ بَعَلْظٜىٰبُبْ اللَّهْ‌نْ عٜىٰكْرُوانْ؟ سَبُواْدَ حَكَ بَذَاكَ تَاشِ دَغَ كَنْ غَدُوانْ دَ كَكٜىٰ ݣُونْثٜىٰ بَ، لَلَّيْ ذَاكَ مُتُ؞»‏ ›‏ »‏

⁷ سَرْكِے يَتَمْبَيٜىٰسُ يَثٜىٰ ‏«‏وَنٜىٰ إِرِنْ مُتُمْ نٜىٰ يَسَدُ دَكُو، يَڢَطَا مُكُ وَطَنَّنْ أَبُبُوَ؟»‏

⁸ سُكَ أَمْسَ سُكَثٜىٰ ‏«‏يَسَا رِغَرْ دَ أَنْيِ دَ غَاشِنْ دَبَّ دَ طَمَرَ تَڢَتَ؞»‏ سَيْ سَرْكِے يَثٜىٰ ‏«‏أَيْ، إِلْيَاسُ مُتُمِنْ تِشْبٜىٰ نٜىٰ!‏»‏

⁹ سَيْ سَرْكِے يَعَيْكَ دَ بَبَّنْ سُواْجَ تَرٜىٰدَ ڧُنْ‌غِيَرْ سُواْجُواْجِ حَمْسِنْ سُجٜىٰ سُكَامَ إِلْيَاسُ؞ بَبَّنْ سُواْجَنْ يَتَڢِے يَسَامٜىٰشِ يَنَ ذَمَ عَكَنْ تُدُ، سَيْيَثٜىٰ مَسَ ‏«‏يَا مُتُمِنْ اللَّهْ، سَرْكِے يَثٜىٰ كَسَوْكَ ڧَسَا؞»‏

¹⁰ إِلْيَاسُ يَأَمْسَ يَثٜىٰ مَسَ ‏«‏عِدَنْ نِے مُتُمِنْ اللَّهْ نٜىٰ، بَرِ وُتَا تَسَوْكُواْ دَغَ سَمَ تَثِنْيٜىٰكَ دَ سُواْجُواْجِنْكَ حَمْسِنْ؞»‏ نَنْ دَ نَنْ سَيْ وُتَا تَسَوْكُواْ دَغَ سَمَ تَثِنْيٜىٰ بَبَّنْ سُواْجَنْ دَ ڧُنْ‌غِيَرْ سُواْجُواْجِنْسَ حَمْسِنْ؞

¹¹ سَرْكِے يَسَاكٜىٰ عَيْكَ وَنِ بَبَّنْ سُواْجَ دَ ڧُنْ‌غِيَرْ سُواْجُواْجِ حَمْسِنْ؞ سُكَ هَوْرَ ذُوَا وُرِنْ إِلْيَاسُ سُكَثٜىٰ مَسَ ‏«‏يَا مُتُمِنْ اللَّهْ، سَرْكِے يَثٜىٰ كَسَوْكَ ڧَسَا دَ سَوْرِ!‏»‏

¹² سَيْ إِلْيَاسُ يَثٜىٰ مَسَ ‏«‏عِدَنْ نِے مُتُمِنْ اللَّهْ نٜىٰ، بَرِ وُتَا تَسَوْكُواْ دَغَ سَمَ تَثِنْيٜىٰكَ دَ سُواْجُواْجِنْكَ؞»‏ نَنْ دَ نَنْ سَيْ وُتَرْ اللَّهْ تَسَوْكُواْ دَغَ سَمَ تَثِنْيٜىٰ بَبَّنْ سُواْجَنْ دَ ڧُنْ‌غِيَرْ سُواْجُواْجِنْسَ حَمْسِنْ؞

¹³ سَوْ نَعُكُ سَيْ سَرْكِے يَسَاكٜىٰ عَيْكَ دَ وَنِ بَبَّنْ سُواْجَ دَ ڧُنْ‌غِيَرْ سُواْجُواْجِ حَمْسِنْ؞ سَيْ يَهَوْرَ تُدُنْ، يَدُرْڧُسَ أَغَبَنْ إِلْيَاسُ يَضُواْڧٜىٰشِ يَثٜىٰ ‏«‏يَا مُتُمِنْ اللَّهْ، كَيِ مِنِ جِنْڧَيْ دَنِے دَ ڧُنْ‌غِيَرْ سُواْجُواْجِنَ؞ بَرِ كَغَ دَرَجَرْ رَيْنَ دَ نَوَطَنَّنْ بَايِنْكَ؞

¹⁴ غَاشِ وُتَادَغَ سَمَ تَا رِغَاتَ ثِنْيٜىٰ مَنْيَنْ سُواْجُواْجِنْ غُدَا بِيُ دَ سُواْجُواْجِنْسُ ڧُنْ‌غِيَ حَمْسِنْ حَمْسِنْ؞ عَمَّا إِنَ ضُواْڧُواْ كَغَ دَرَجَرْ رَيْنَ كَيِمِنِ جِنْڧَيْ!‏»‏

¹⁵ سَيْ مَلاَىِٕكَنْ يَهْوٜىٰهْ يَثٜىٰ وَ إِلْيَاسُ ‏«‏كَدَ كَجِڟُواْرُواْ؞ كَغَنْ‌غَرَ تَرٜىٰ دَشِ؞»‏ إِلْيَاسُ كُوَ يَتَاشِ يَبِے بَبَّنْ سُواْجَنْ ذُوَا وُرِنْ سَرْكِے؞

¹⁶ سَيْ إِلْيَاسُ يَثٜىٰ وَسَرْكِے ‏«‏إِنْجِ يَهْوٜىٰهْ، ‏‹‏تُنْدَيَكٜىٰ كَعَيْكُواْ دَ یَنْ عَيْكَ ذُوَا وُرِنْ بَعَلْظٜىٰبُبْ اللَّهْ‌نْ عٜىٰكْرُوانْ، كَمَرْ بَابُ اللَّهْ عَ إِسْرَٰٓءِيلَ وَنْدَ ذَاكَ نٜىٰمِ نُڢِنْسَ، تُواْ، بَذَاكَ وَرْكٜىٰ بَ، لَلَّيْ ذَاكَ مُتُ؞›‏ »‏

¹⁷ أَهَظِيَ يَمُتُ بِسَغَ كَلْمَرْ دَ يَهْوٜىٰهْ يَيِ تَبَاكِنْ إِلْيَاسُ؞ تُنْدَيَكٜىٰ أَهَظِيَ بَاشِدَ طَا، سَيْ طَنْعُوَنْسَ يٜىٰهُواْرَمْ يَغَاجٜىٰشِ يَذَمَ سَرْكِے؞ وَنَّنْ يَڢَرُ أَ شٜىٰكَرَا تَبِيُ تَمُلْكٍ سَرْكِے يٜىٰهُواْرَمْ طَنْ يٜىٰهُواْشَڢَتْ نَ يَهُودَ؞

¹⁸ سَوْرَنْ أَيُّكَنْ دَ أَهَظِيَ يَيِ سُونَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞