2 يَحْيَى 1 - أَتَّوْرَتْ دَ أَنَّبَاوَا

غَيْسُوَا

¹ دَغَ دَتِّجُواْنَّنْ ذُوَاغَ عُوَرْغِدَا وَدَّ اللَّهْ يَذَاٻَا دَ كُمَ یَیَنْتَ، وَطَنْدَ نَكٜىٰ ڧَوْنَ ڨُورَيْ دَ غَسْكٜىٰ؞ بَا نِ كَطَيْ نَكٜىٰ ڧَوْنَرْكُبَ، حَرْ مَا دَ دُكَنْ مُتَنٜىٰنْ دَ سُكَ سَنْ غَسْكِيَرْ نَنْ تَ اللَّهْ؞

² وَتُواْ، مُنَ ڧَوْنَرْكُ سَبُواْدَ غَسْكِيَرْ نَنْ دَتَكٜىٰ ثِكِنْ ذُوثِيَارْمُ، كُمَ ذَاتَ ذَوْنَ دَمُو حَرْ أَبَدَا؞

³ أَلْحٜىٰرِ دَ جِنْڧَيْ دَ سَلَمَ دَغَ وُرِنْ اللَّهْ عُبَادَ عِيسَىٰ أَلْمَسِيحُ، طَنْ عُبَنْ، ذَاسُ تَبَّتَا أَغَرٜىٰمُ ثِكِنْ غَسْكِيَ دَ ڧَوْنَ؞

بِنْ كُواْيَرْوَرْ أَلْمَسِيحُ

⁴ نَيِ ڢَضٍ ثِكِ سُواْسَيْ سَعَدَّ نَغَ ثٜىٰوَ وَطَنْسُ عَثِكِنْ یَیَنْكُ سُنَ بِنْ غَسْكِيَرْ نَنْ، كَمَرْ يَدَّ اللَّهْ عُبَنْمُ يَعُمَرْثٜىٰمُ؞

⁵ يَنْذُ كُمَ إِنَ ضُواْڧُوانْكِ، عُوَرْغِدَا، مُڧَوْنَثِ جُونَ؞ وَنَّنْ بَا وَنِ سَابُوانْ عُمَرْنِ بَنٜىٰ، عُمَرْنِنْ دَمُكٜىٰ دَشِينٜىٰ تُنْدَغَ ڢَرْكُواْ؞

⁶ عَيْنِحِنْ ڧَوْنَ عِتَثٜىٰ، مُبِے عُمَرْنَنْ اللَّهْ؞ عُمَرْنِنَّنْ كُمَ دَ كُكَجِ تُنْدَغَ ڢَرْكُواْ، شِينٜىٰ كُيِ ذَمَنْ ڧَوْنَ؞

⁷ نَا ثٜىٰ حَكَ غَمَا مُتَنٜىٰ دَيَوَ مَاسُ رُوطِنْ مُتَنٜىٰ سُنْ ڢِتُواْ، سُنْ بَظُو كُواْعِنَ ثِكِنْ دُونِيَا؞ بَسُيَرْدَ ثٜىٰوَ عِيسَىٰ أَلْمَسِيحُ يَاذُواْ وَنَّنْ دُونِيَا دَ جِكِنْ مُتُمْبَ؞ إِرِنْ مُتَنٜىٰنَّنْ مَاسُ رُوطُ نٜىٰ كُمَ مَاسُ غَابَادَ أَلْمَسِيحُ؞

⁸ سَبُواْدَ حَكَ كُلُورَ، دُواْمِنْ كَدَ دُكَنْ أَبِنْدَ كُكَيِ يَذَمَ بَنْظَ، أَمَيْمَكُواْ كُسَامِ ثِكَكّٜىٰنْ لَادَنْكُ؞

⁹ دُكْ مُتُمِنْ دَ بَيْ ڟَيَ عَكَنْ كُواْيَرْوَرْ أَلْمَسِيحُ بَ، عَمَّا يَيِ ڧَارِ عَكَنْتَ، مُتُمِنَّنْ بَا شِ دَ اللَّهْ؞ عَمَّا وَنْدَ يَڟَيَ عَكَنْ كُواْيَرْوَرْ أَلْمَسِيحُ، يَنَدَ عُبَنْ دَ كُمَ طَنْ؞

¹⁰ عِدَنْ وَنِ يَا ذُواْ يَنَ كُواْيَرْ دَ وَنِ أَبُ دَبَمْ دَ وَنَّنْ كُواْيَرْوَا، كَدَ كُكَرْٻٜىٰشِ، كَدَ مَا كُغَيْشٜىٰشِ؞

¹¹ غَمَا عِدَنْ وَنِ يَاغَيْ دَ إِرِنْ وَنَّنْ مُتُمْ، يَنَ حَطَكَيْ دَ مُتُمِنْ ثِكِنْ مُوغُنْ عَيْكِنْسَ كٜىٰنَنْ؞

مَغَنَرْ ڧَرْشٜىٰ

¹² إِنَدَ أَبُبُوَ دَيَوَ وَطَنْدَ نَكٜىٰسُواْ إِنْ رُبُوتَ مُكُ، عَمَّا بَانَ سُواْ إِنْ رُبُوتَسُ أَوَسِيڧَرْ نَنْ؞ أَ مَيْمَكُوانْ حَكَ، إِنَ ڢَاتَا ذَنْ سَامِ دَامَ إِنْذُواْ وُرِنْكُ دُواْمِنْ مُتَتَّوْنَ ڢُسْكَ دَ ڢُسْكَ، دُواْمِنْ ڢَضٍ ثِكِنْمُ يَذَمَ ثِكَكّٜىٰ؞

¹³ یَیَنْ یَرْعُوَرْكِ وَدَّ اللَّهْ يَذَاٻَا، سُنَ غَيْشٜىٰكِ؞