2 كُواْرِنْتِيَاوَا 9 - أَتَّوْرَتْ دَ أَنَّبَاوَا

تَيْمَكُواْ غَ ڟَرْكَكَا

¹ بَلَلَّيْ سَيْ نَرُبُوتَ مُكُ عَكَنْ تَيْمَكُواْنَّنْ دُواْمِنْ ڟَرْكَكَابَ،

² دُواْمِنْ نَسَنْ نِيَّرْكُ، حَرْ مَا إِنَ تَاڧَمَ دَكُو أَوُرِنْ مُتَنٜىٰنْ مَكِدُواْنِيَ عَكَنْ حَكَ؞ إِنَ ثٜىٰ مُسُ كُو مُتَنٜىٰنْ عَكَيَ كُنْيِ شِرِ تُنْ أَشٜىٰكَرَرْ دَ تَوُثٜىٰ؞ إِرِنْ ڨُوظُواْنَّنْ دَ كُكٜىٰ دَ شِے يَسَا سُو مَا سُكَتَاشِ ڟَيٜىٰ؞

³ يَنْذُ كُمَ، غَاشِ إِنَ عَيْكَ وَطَنَّنْ یَنْعُوَ، دُواْمِنْ كَدَ تَاڧَمَرْ دَمُكٜىٰيِ عَكَنْكُ أَوَنَّنْ عَيْكِ تَذَمَ مَغَنَرْ بَنْظَ دَ وُاْڢِ؞ عَمَّا إِنَ سُواْ كُذَوْنَ دَ شِرِ، كَمَرْ يَدَّ دَا نَشَيْدَ ذَاكُيِ؞

⁴ سَبُواْدَ عِدَنْ نَا ذُواْ تَرٜىٰدَ وَطَنْسُ مَاسُبِے دَغَ مَكِدُواْنِيَ، بَانَ سُواْ سُذُواْ سُسَامُ بَكُ رِغَا كُنْ شِرْيَ تَيْمَكُوانْكُبَ؞ إِنْ حَكَ يَڢَرُ، ذَنْشَا كُنْيَا سَبُواْدَ يَوَنْ تَاڧَمَرْدَ نَيِ عَكَنْكُ، بَنِ كَطَيْ ذَنْشَا كُنْيَرْبَ، هَرْمَا دَكُو؞

⁵ سَبُواْدَ حَكَ نَغَ دَيْ يَيِݣَوْ إِنْضُواْڧِ یَنْعُوَنَّنْ سُذُواْ كَاڢِنْ نِے، دُواْمِنْ سُتَتَّارَ أَبُبُوَنْ دَ كُكَيِ أَلْڧَوَرِ ذَاكُبَايَرْ، دُواْمِنْ أَ سَامٜىٰسُ أَشِرْيٜىٰ؞ وَنَّنْ ذَيْ نُونَ ثٜىٰوَ دَ يَرْدَرْ رَيْ كُكَ بَايَرْ، بَعَكَنْ دُواْلٜىٰبَ؞

⁶ كُتُنَ، مُتُمِنْدَ يَشُوكَ إِرِ كَطَنْ، ذَيْ غِرْبٜىٰ أَمْڢَانِنْ غُواْنَ كَطَنْ، عَمَّا مُتُمِنْدَ يَشُوكَ إِرِ دَيَوَ، ذَيْسَامِ أَمْڢَانِنْ غُواْنَ دَيَوَ؞

⁷ كُواْوَ يَبَايَرْ كَمَرْ يَدَّ يَيِ نِيَّ، بَاتَرٜىٰدَ ٻَثِنْ رَيْ كُواْ تِلَسْبَ، دُواْمِنْ اللَّهْ يَنَ سُوانْ مَيْ بَايَرْوَ دَ دَاطِنْ رَيْ؞

⁸ اللَّهْ كُمَ يَنَ عِيَ بَاكُ أَلْبَرْكَ ڢِيٜىٰدَ أَبِنْدَ كُكٜىٰ بُڧَاتَ، دُواْمِنْ عَكُواْيَوْشٜىٰ كُسَامِ دُكَنْ أَبِنْدَ كُكٜىٰ بُڧَاتَ، حَرْ مَا ڢِيٜىٰ دَهَكَ، دُواْمِنْ كُيِ عَيْكِنْ أَلْحٜىٰرِ؞

⁹ كَمَرْ يَدَّ رُبُوتَثِّيَرْ مَغَنَرْ اللَّهْ تَثٜىٰ، ‏«‏يَكَنْ بَايَرْ غَ مَتَلَوْتَ حَنُّ سَكٜىٰ؞ أَدَلْثِنْسَ يَتَبَّتَا حَرْ أَبَدَا؞»‏

¹⁰ اللَّهْ نٜىٰ يَكٜىٰ بَا مَيْ شُوكَ إِرِ يَشُوكَ، يَكُمَ بَاشِ عَبِنْثِ؞ سَبُواْدَ حَكَ اللَّهْ ذَيْبَاكُ إِرِ دُواْمِنْ كُشُوكَ، شِينٜىٰ كُمَ ذَيْسَا إِرِنْ يَيِ غِرْمَ؞ تَهَكَنٜىٰ ذَيْسَا بَايَرْوَرْ نَنْ تَاكُ تَيَرْدَرْ رَيْ تَڧَارَ مُكُ أَلْبَرْكَرْ أَيُّكَنْكُ نَأَلْحٜىٰرِ؞

¹¹ عَكُواْيَوْشٜىٰ ذَيْ أَلْبَرْكَثٜىٰكُ ثِكِنْ دُكَنْ كُواْمٜىٰ دُواْمِنْ كُذَمَ مَاسُ بَايَرْوَ دَ دَاطِنْ رَيْ كُلُّمْ؞ تَهَكَ مُتَنٜىٰ دَيَوَ ذَاسُغُواْدٜىٰ وَ اللَّهْ سَبُواْدَ ݣَوْتَيْ وَطَنْدَ ذَاكُ عَيْكَ مُسُ تَوُرِنْمُ؞

¹² دُواْمِنْ عَيْكِنَّنْ نَأَلْحٜىٰرِنْ دَ كُكٜىٰيِبَ بِيَنْ بُڧَاتَرْ ڟَرْكَكَا كَطَيْ يَكٜىٰيِبَ، حَرْ مَا يَنَ ڧَارَ كَٰوُاْ غُواْدِيَ غَ اللَّهْ؞

¹³ كُمَ سَبُواْدَ أَبِنْ شَيْدَرْ دَ وَنَّنْ عَيْكِ يَكٜىٰ كَٰوُاْوَ غَمٜىٰدَكُو، مُتَنٜىٰ دَيَوَ ذَاسُ طَوْكَكَ اللَّهْ سَبُواْدَ بِيَيَّرْكُ دَ تَبِے بَايَنْ أَمِنْثٜىٰوَرْ دَ كُكَيِ دَ لَابَرِ مَيْ دَاطِے نَ أَلْمَسِيحُ، كُمَ سَبُواْدَ تَيْمَكُواْ حَنُّ سَكٜىٰ وَنْدَ كُكَيِ مُسُ دَ سَوْرَنْ مُتَنٜىٰ دُكَ؞

¹⁴ سُو كُوَ ذَاسُيِ مُكُ أَدُّعَ، سُنَ كُمَ تُنَانِنْكُ أَ ذُوثِيَارْسُ سَبُواْدَ أَلْحٜىٰرِنَّنْ وَنْدَ يَوُثٜىٰ غَبَنْ مِصَالِنْ دَ اللَّهْ يَيِ مُكُ؞

¹⁵ مُغُواْدٜىٰ وَ اللَّهْ سَبُواْدَ وَنَّنْ ݣَوْتَرْ دَ يَيِ مَنَ، ݣَوْتَرْ دَ تَڢِے ڧَرْڢِنْ مَغَنَ؞