2 كُواْرِنْتِيَاوَا 8 - أَتَّوْرَتْ دَ أَنَّبَاوَابَايَرْوَرْ مَاسُبِے 1 يَنْذُ كُمَ، یَنْعُوَ مُنَ سُواْ كُسَنْ أَبِنْدَ أَلْحٜىٰرِنْ اللَّهْ يَيِ عَثِكِنْ جَمَعَرْ مَاسُبِے وَطَنْدَ سُكٜىٰ أَ مَكِدُواْنِيَ؞ 2 غَمَا سُنْ شَا وُيَ سُواْسَيْ سَبُواْدَ ڟَنَنِنْ وَهَلَرْ دَسُكَ شِغَ ثِكِ، حَرْ يَوَنْ ڢَضٍ ثِكِنْسُ يَكَيْسُ غَ يِنْ أَلْحٜىٰرِ تَبَايَرْوَ غَ وَطَنْسُ، كُواْدَيَكٜىٰ سُنَ ثِكِنْ ڟَنَنِنْ تَلَوْثِ؞ 3 نَا تَبَّتَا سُنْ بَايَرْ دَيْدَيْ ڧَرْڢِنْسُ حَرْ مَا ڢِيٜىٰدَ حَكَ؞ سُنْ بَايَرْدَ يَرْدَرْ رَيْ، بَ دُوانْ دُواْلٜىٰبَ؞ 4 سُنْ ضُواْڧٜىٰمُ مُبَاسُ دَامَرْ حِدِمَرْ تَيْمَكَاوَ، دُواْمِنْ سُو مَا سُسَامِ دَامَرْ شِغَ ثِكِنْ وَطَنْدَ سُكٜىٰ تَيْمَكُوانْ ڟَرْكَكَنْ دَسُكٜىٰ عَيَنْكِنْ يَهُودَ؞ 5 حَرْ مَا سُكَ بَايَرْ ڢِيٜىٰدَ يَدَّ مُكَيِ ڟَمَّنِ؞ دَ ڢَرْكُواْ دَيْ، سُنْ مِيڧَ كَنْسُ غَ عُبَنْغِجِ دَغَ نَنْ كُمَ سَيْ سُكَ بَادَ كَنْسُ غَرٜىٰمُ، بِسَغَ نُڢِنْ اللَّهْ؞ 6 دَ غَنِنْ حَكَ، سَيْ مُكَ ضُواْڧِ تِيتُسْ يَثِيغَبَدَ وَنَّنْ عَيْكِنْ تَارَ بَايَرْوَ نَيَرْدَرْ رَيْ، تُنْدَيَكٜىٰ شِينٜىٰ يَڢَارَ؞ 7 عَثِكِنْ كُواْمٜىٰ كُنَ عَكَنْ غَبَ، كُواْ تَبَنْغَسْكِيَرْكُ ثِكِنْ أَلْمَسِيحُ، كُواْ ثِكِنْ مَغَنَ، كُواْ أَ سَنِنْ غَسْكِيَ، كُواْ أَ سُوانْ عَيْكِنْ حِدِمَ دَ كُمَ ڧَوْنَرْ دَ كُكٜىٰ مَنَ؞ سَبُواْدَ حَكَ مُنَ سُواْ كُثِيغَبَ ثِكِنْ وَنَّنْ أَلْحٜىٰرِنْ بَايَرْوَ حَنُّ سَكٜىٰ؞ 8 بَوَيْ دُواْلٜىٰ نَكٜىٰسَا كُبَ، سَيْدَيْ إِنَ نُونَ مُكُ يَدَّ وَطَنْسُ سُنْ نُونَ ڨُوذُواْ؞ وَنَّنْ ذَيْ ڠُودَ إِرِنْ ڧَوْنَرْ دَ كُكٜىٰدَ عِتَ؞ 9 غَمَا كُنْ سَنْ أَلْحٜىٰرِنْ عُبَنْغِجِنْمُ عِيسَىٰ أَلْمَسِيحُ؞ كُواْدَيَكٜىٰ يَنَ دُكَنْ كُواْمٜىٰ، دُكْدَهَكَ يَذَمَ مَتَلَوْثِ سَبُواْدَكُو، دُواْمِنْ تَوُرِنْ تَلَوْثِنْسَ كُمَ كُو كُسَامِ دُكَنْ كُواْمٜىٰ أَغَبَنْ اللَّهْ؞ 10 شَوَرَرْ دَ ذَنْبَاكُ عِتَثٜىٰ، ذَيْڢِݣَوْ كُغَمَ أَبِنْدَ كُكَ ڢَارَ أَ شٜىٰكَرَرْ دَ تَوُثٜىٰ، بَوَيْ كَوَيْ كُنْ بَايَرْ بَنٜىٰ، أَعَ، أَيْ، كُنَدَ نِيَّرْيِ؞ 11 تُواْ، سَيْ كُغَمَ عَيْكِنْ دَ إِرِنْ ذُوثِيَارْدَ كُكَ ڢَارَ، كُيِ وَنَّنْ ڠُورْڠُودُوانْ ڧَرْڢِنْكُ؞ 12 عِدَنْ كُنَدَ ذُوثِيَارْ بَايَرْوَ، اللَّهْ ذَيْجِے دَاطِنْ بَايَرْوَرْ، وَتُواْ عِدَنْ كُنْ بَايَرْ ڠُورْڠُودُوانْ ڧَرْڢِنْكُ؞ اللَّهْ بَايَسُواْ كُيِ أَبِنْدَ ڧَرْڢِنْكُ بَيْ كَيْبَ؞ 13 بَا وَيْ إِنَ سُواْ إِنْ بَا وَطَنْسُ أَبُ مَيْ سَوْڧِ سَعَنً كُكُمَ عَبَاكُ مَيْ نَوْيِ بَنٜىٰ؞ 14 عَمَّا دُوانْ أَ رَبَ عَيْكِنَّنْ دَيْدَيْ يَدَّ يَا كَمَاتَ، سَيْ كُتَيْمَكٜىٰسُ عَيَنْظُ دَ كُنَدَ حَنْيَرْ تَيْمَكُواْ؞ كُو كُمَ لُواْكَثِنْدَ بَاكُدَ وَنِ أَبُ، سُو كُمَ سُنَدَشِ، سَيْ سُو مَا سُتَيْمَكٜىٰكُ؞ تَهَكَ كُواْمٜىٰ ذَيْ ذَمَ دَيْدَيْ؞ 15 كَمَرْ يَدَّ رُبُوتَثِّيَرْ مَغَنَرْ اللَّهْ تَثٜىٰ «وَنْدَ يَتَارَ مَيْ يَوَ، بَيْيِ مَسَ يَوَبَ، وَنْدَ يَتَارَ كَطَنْ كُوَ، وَنَّنْ بَيْ كَاسَ مَسَبَ؞» تِيتُسْ دَ أَبُواْكَنْسَ 16 مُنْ غُواْدٜىٰ وَ اللَّهْ وَنْدَ يَسَا تِيتُسْ يَطَوْكِ نِيَّرْ سُوانْ تَيْمَكُوانْكُ، كَمَرْ يَدَّ نَسُواْ؞ 17 بَا وَيْ كَوَيْ يَيَرْدَ يَجٜىٰ وُرِنْكُ كَمَرْ يَدَّ مُكَ ضُواْڧٜىٰشِ يَيِبَ، عَمَّا يَسُواْ يَذُواْ كَمَرْ يَدَّ يَرِغَا يَا طَوْكِ نِيَّ؞ 18 غَاشِ، مُنْ عَيْكُواْ طَنْعُوَنَّنْ تَرٜىٰ دَشِ، وَنْدَ يَيِ سُونَ وَجٜىٰنْ يِنْ شٜىٰلَرْ لَابَرِ مَيْ دَاطِے غَ دُكَنْ جَمَعَرْ مَاسُبِے؞ 19 بَنْدَ حَكَمَا، جَمَعَرْ مَاسُبِے سُنْ ذَاٻٜىٰشِ يَدِنْغَ تَڢِيَ تَرٜىٰدَمُو عَكَنْ وَنَّنْ عَيْكِنْ أَلْحٜىٰرِ وَنْدَ مُكٜىٰيِ سَبُواْدَ طَوْكَكَرْ عُبَنْغِجِ، كُمَ دُواْمِنْ مُنُونَ ثٜىٰوَ مُنَدَ نِيَّرْ تَيْمَكُواْ؞ 20 مُنَ غُدُنْ كَدَ كُواْوَ يَظَرْغٜىٰمُ عَكَنْ يَدَّ مُكٜىٰبِدَ ݣَوْتَرْ نَنْ دَ عَكَ بَامُ دَيَرْدَرْ رَيْ؞ 21 نِيَّرْمُ عِتَثٜىٰ مُيِ أَبِنْدَ يَكٜىٰ دَيْدَيْ، بَوَيْ أَغَبَنْ عُبَنْغِجِ كَطَيْبَ، عَمَّا حَرْ مَا أَغَبَنْ مُتَنٜىٰ؞ 22 مُنَ كُمَ عَيْكُواْ دَ طَنْعُوَنْمُ تَرٜىٰدَسُو، وَنْدَ سَوْ دَيَوَ مُكَ ڠُودَ شِ مُكَ كُمَ تَبَّتَرْ دَنِيَّرْسَ عَكَنْ أَبُبُوَ إِرِ إِرِ؞ يَنْذُ كُوَ يَڧَارَ نِيَّ سَبُواْدَ أَمِنْثٜىٰوَرْ دَ يَكٜىٰدَ عِتَ عَكَنْكُ؞ 23 كُتُنَ ثٜىٰوَ تِيتُسْ أَبُواْكِنْ عَيْكِنَ نٜىٰ دَنِے دَشِے مُنَ عَيْكِنَّنْ سَبُواْدَكُونٜىٰ؞ سَوْرَنْ یَنْعُوَنْمُ وَطَنْدَ سُكٜىٰ تَرٜىٰ دَشِ، جَمَعَرْ مَاسُبِے نٜىٰ سُكَ عَيْكُواْسُ، عَيْكِنْسُ يَنَ كَٰوُاْ طَوْكَكَ غَ أَلْمَسِيحُ؞ 24 كُتَبَّتَرْ وَ وَطَنَّنْ مُتَنٜىٰ إِرِنْ ڧَوْنَرْكُ؞ جَمَعَرْ مَاسُبِے وَطَنْدَ سُكَ عَيْكٜىٰسُ ذَاسُجِ أَبِنْدَ كُكَيِ، وَنَّنْ ذَيْ تَبَّتَرْ مُسُ ثٜىٰوَ تَاڧَمَرْ دَمُكٜىٰيِ عَكَنْكُ غَسْكِيَثٜىٰ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria