2 كُواْرِنْتِيَاوَا 6 - أَتَّوْرَتْ دَ أَنَّبَاوَا

¹ عَثِكِنْ عَيْكِنْمُ تَرٜىٰدَ اللَّهْ، مُنَ ضُواْڧُوانْكُ كُو دَ كُكَ سَامِ أَلْحٜىٰرِنْ اللَّهْ، كَدَ كُبَرِ يَذَمَ عَبَنْظَ؞

² كُجِ أَبِنْدَ اللَّهْ يَثٜىٰ، ‏«‏أَ دَيْدَيْ لُواْكَثِنْ أَلْحٜىٰرِ، نَاسَوْرَرٜىٰكُ؞ دَ رَانَرْ ثٜىٰتُواْ تَذُواْ، نَاتَيْمَكٜىٰكُ؞»‏ غَاشِ!‏ وَنَّنّٜىٰ لُواْكَثِنْ دَ ذَاكُ كَرْٻِ أَلْحٜىٰرِنْ اللَّهْ، يَوْ ثٜىٰ رَانَرْ ثٜىٰتُواْ!‏

³ كَدَ مُذَمَ دَلِيلِنْ تُنْتُٻٜىٰ غَ كُواْوَ، دُواْمِنْ كَدَ أَ سَامِ دَلِيلِ أَ زَرْغِ حِدِمَرْمُ؞

⁴ أَ مَيْمَكُوانْ حَكَ، دُكْ أَبِنْدَ مُكٜىٰيِ، مُنَ يِنْسَ دُواْمِنْ مُنُونَ ثٜىٰوَ مُو مَاسُ حِدِمَرْ اللَّهْ نٜىٰ؞ مُنَ يِنْ حَكَ ثِكِنْ جِمْرٜىٰوَ دَ شَنْ عَذَابَ دَ شَنْ وَهَلَ، حَرْ دَ مَسِيڢُ؞

⁵ أَنْيِ مَنَ دُوكَ، أَنْسَامُ عَكُرْكُكُ، أَنْكُمَ يِمَنَ ثِيوُاْ ثِكِنْ تَاشِنْ حَنْكَلِ، مُنْيِ عَيْكِ وَنْدَ يَشَا ڧَرْڢِنْمُ، مُنْ كُمَ رَسَ بَرْثِ دَ كُمَ عَبِنْثِ؞

⁶ تَوُرِنْ ڟَبْتَرْ رَيْ دَ كُمَ سَنِنْ دَمُكٜىٰ دَشِ دَ حَڧُرِ تَرٜىٰدَ كِرْكِ، مُنْ نُونَ ثٜىٰوَ مُو مَاسُ حِدِمَرْ اللَّهْ نٜىٰ تَوُرِنْ رُوحُ مَيْ ڟَرْكِے دَ كُمَ ڧَوْنَرْمُ تَغَسْكٜىٰ،

⁷ دَ سَڧُوانْمُ تَغَسْكِيَ دَ كُمَ إِيكُوانْ اللَّهْ؞ مُنَدَ أَدَلْثِے وَنْدَ شِينٜىٰ كَمَرْ مَكَامِنْ دَمُكٜىٰ رِڧٜىٰشِ أَ حَنُّنْ دَامَ دَ هَغُنْمُ؞

⁸ أَنَ طَوْكَكَمُ، أَنَ كُمَ وُلَڧَنْتَمُ، أَنَ يَبُوانْمُ، أَنَ كُمَيِ مَنَ مَغَنَرْ ٻَاتَ سُونَ؞ أَنْ مَيْدَمُو مَاسُ ڧَضْيَا، دُكْدَهَكَ مُو دَيْ مُنَ ڢَطِنْ غَسْكِيَ؞

⁹ كَمَرْ مَا بَعَسَنْمُبَ، غَاشِ كُوَ أَنْسَنْمُ سَرَيْ؞ كَمَرْ عَبَاكِنْ مُتُوَ مُكٜىٰ، غَاشِ كُوَ مُنَدَ رَيْ؞ أَنَ تَبَامُ حُواْرُواْ، عَمَّا بَعَكَشٜىٰ مُبَ،

¹⁰ عَثِكِنْ دَامُوَ، مُكَنْ سَامِ دَلِيلِنْ ڢَضٍ ثِكِ؞ كُواْدَيَكٜىٰ بَامُ دَكُواْمٜىٰ، دُكْدَهَكَ مُنْسَا مُتَنٜىٰ دَيَوَ سُكَيِ أَرْزِڧِ؞ كَمَرْ مُو بَامُدَ وَنِ أَبُ، عَمَّا كُواْمٜىٰ نَامُنٜىٰ؞

¹¹ يَا كُو كُواْرِنْتِيَاوَا، بَمُٻُواْيٜىٰ مُكُ كُواْمٜىٰبَ، كُمَ مُنْ نُونَ مُنَ ڧَوْنَرْكُ سُواْسَيْ؞

¹² أَيْ، بَمُونٜىٰ مُكَڧِيكُبَ، كُونٜىٰ بَكُ بُوطٜىٰ ذُوثِيَارْكُ كُنْيَرْدَ دَمُوبَ؞

¹³ إِنَ مَغَنَرْ نَنْ دَكُو كَمَرْ يَدَّ بَابَ يَكٜىٰيِ وَیَیَنْسَ مَغَنَنٜىٰ، كُو مَا كُنُونَ مَنَ كُنَ ڧَوْنَرْمُ؞

كَدَ كُهَطَ كَيْ دَ مَرَسَبِے

¹⁴ كَدَ كُهَطَكَيْ دَ مُتَنٜىٰنْ دَ بَاسَبِنْ عُبَنْ‌غِجِ؞ مُتُمِنْ كِرْكِ ذَيْ عِيَ ظَوْنَاوَا لَاڢِيَ دَ مَيْ مُغُنْتَا؟ كُواْ كُمَ مٜىٰنٜىٰنٜىٰ يَهَطَ حَصْكٜىٰ دَ دُهُ؟

¹⁵ أَلْمَسِيحُ أَبُواْكِنْ شَيْطَنْ نٜىٰ؟ كُواْ كُوَ مٜىٰنٜىٰنٜىٰ يَهَطَ مَاسُبِے دَ مَرَسَبِے؟

¹⁶ مٜىٰنٜىٰنٜىٰ يَهَطَ هَيْكَلِنْ اللَّهْ دَ غِدَنْ ڟَاڢِ؟ مُو ڢَا هَيْكَلِ نٜىٰ نَ اللَّهْ مَيْ رَيْ؞ كَمَرْ يَدَّ اللَّهْ يَثٜىٰ، ‏«‏ذَنْ ذَوْنَ تَرٜىٰدَسُو، إِنْيِ تَڢِيَ عَثِكِنْسُ؞ ذَنْ كُمَ ذَمَ اللَّهْ نْسُ، سُو كُمَ سُذَمَ جَمَعَتَ؞

¹⁷ سَبُواْدَ حَكَ سَيْ كُڢِتُواْ دَغَ ثِكِنْ مَرَسَبِے، كُوَارٜىٰ كَنْكُ دَغَ غَرٜىٰسُ، إِنْجِ عُبَنْ‌غِجِ؞ كَدَ كُهَطَ كَنْكُ دَ وَنِ أَبُ مَيْ ڧَظَنْتَا، تَهَكَنٜىٰ ذَنْيَرْدَ دَكُو؞

¹⁸ ذَنْذَمَ عُبَا أَغَرٜىٰكُ، كُو كُمَ كُذَمَ یَیَنَ مَظَا دَ مَاتَا، إِنْجِ عُبَنْ‌غِجِ مَيْ إِيكُواْ دُكَ؞»‏