2 كُواْرِنْتِيَاوَا 5 - أَتَّوْرَتْ دَ أَنَّبَاوَا

¹ غَمَا مُنْ سَنْ ثٜىٰوَ عِدَنْ أَنْرُشٜىٰ تٜىٰنْتِنَّنْ دَمُكٜىٰ ذَمَ عَثِكِ، وَتُواْ جِكِنْمُ نَوَنَّنْ دُونِيَا، اللَّهْ دَ كَنْسَ يَيِ مَنَ غِدَا أَ سَمَ؞ غِدَنَّنْ كُوَ بَمُتُمْ نٜىٰ يَغِنَاشِيبَ، كُمَ ذَيْ كَسَنْثٜىٰ حَرْ أَبَدَا؞

² عَيَنْظُ كَمْ، مُنَ أَجِيَرْ ذُوثِيَا، مُنَ مَرْمَرِ سُواْسَيْ مُسَامِ وَنَّنْ جِكِے وَنْدَ ذَاعَ سَنْيَ مَنَ أَ سَمَ؞

³ عِدَنْ كُوَ عَكَ سَنْيَمُ دَشِ، بَذَاعَ سَامٜىٰمُ ڟِرَرَبَ؞

⁴ سَعَدَّ مُكٜىٰ ظَوْنٜىٰ ثِكِنْ جِكِنَّنْ نَدُونِيَا، مُنَ نِيشِ سَبُواْدَ مَڟِنْ دَمُكٜىٰشَا؞ بَوَيْ مُنَسُواْ مُرَبُ دَ جِكِنَّنْ نَامُ نَدُونِيَابَ، عَمَّا مُنَسُواْ أَ سَنْيَمُ دَ نَسَمَ، دُواْمِنْ أَبُ مَيْ رَيْ نَهَرْ أَبَدَا يَثَنْجَ أَبِنَّنْ مَيْ مُتُوَ غَبَاطَيَ؞

⁵ اللَّهْ دَ كَنْسَ نٜىٰ يَشِرْيَ مَنَ وَنَّنْ ثَنْجَاوَا، كُمَ يَبَامُ رُوحُنْسَ دُواْمِنْ يَتَبَّتَرْ دَ أَبِنْدَ ذَيْ يِمَنَ نَنْ غَبَ؞

⁶ شِيَسَا كُلُّمْ مُكٜىٰ دَ ڧَرْڢِنْ ذُوثِيَا، مُنْ كُمَ سَنِ ثٜىٰوَ عِدَنْ دَيْ مُنَدَ وَنَّنْ جِكِے نَدُونِيَا، تُواْ، مُنَ نٜىٰسَ دَ غِدَنْمُ وَنْدَ يَكٜىٰ تَرٜىٰدَ عُبَنْ‌غِجِ؞

⁷ غَمَا تَڢِيَرْ بَنْ‌غَسْكِيَ مُكٜىٰيِ، بَبِسَغَ أَبِنْدَ مُكٜىٰ غَنِ دَ عِدُواْبَ؞

⁸ حَڧِيڧَ مُنَدَ ڧَرْڢِنْ ذُوثِيَا، كُمَ مُنْڢِے سُواْ مُرَبُ دَ وَنَّنْ جِكِے، مُذَوْنَ تَرٜىٰدَ عُبَنْ‌غِجِ أَ سَمَ؞

⁹ ڢِيٜىٰ دَكُواْمٜىٰ دَيْ، مُنْڢِے سُواْ يَجِ دَاطِنْمُ، كُواْ مُنَ أَوَنَّنْ دُونِيَا كُواْ مُنَ أَ سَمَ؞

¹⁰ دُوانْ دُواْلٜىٰنٜىٰ دُكَنْمُ مُڟَيَ أَغَبَنْ أَلْمَسِيحُ، دُواْمِنْ يَيِ مَنَ شَرِيعَ؞ غَمَا كُواْوَ ذَيْكَرْٻِ لَادَنْ عَيْكِنْ دَ يَيِ أَوَنَّنْ جِكِے نَدُونِيَا، كُواْ مَيْݣَوْ نٜىٰ كُواْ كُمَ مَرَرْݣَوْ؞

حِدِمَرْ شِرْيَ مُتَنٜىٰ دَ اللَّهْ

¹¹ تُنْدَيَكٜىٰ مُنْسَنْ أَبِنْدَ عَكٜىٰ نُڢِ إِنْ أَنَ مَغَنَرْ ڟُواْرُوانْ اللَّهْ، شِے يَسَا مُكٜىٰ ڧُواْڧَرِ مُجَٰوُاْ وَطَنْسُ؞ اللَّهْ يَسَنْ دُكْ يَدَّ مُكٜىٰ، كُمَ إِنَ ڢَاتَا كُنْ سَنْ دَ وَنَّنْ أَ ذُوثِيَارْكُ؞

¹² بَوَيْ مُنَ سُواْ مُيَبِے كَنْمُ أَغَبَنْكُ بَنٜىٰ، سَيْدَيْ مُنَ ڧُواْڧَرِ مُبَاكُ دَلِيلِ مَيْݣَوْنٜىٰ وَنْدَ ذَاكُجِ دَاطِنْمُ، دُوانْ كُإِيَ بَادَ أَمْسَ غَ وَطَنْدَ سُكٜىٰ طَغَ كَيْ سَبُواْدَ مَڟَيِنْسُ، أَمَيْمَكُوانْ حَلِنْسُ؞

¹³ مُنَ هَوْكَ نٜىٰ، كَمَرْ يَدَّ وَطَنْسُ سُكَ ڢَطَا؟ كُواْ مَا مُنَ هَوْكَنٜىٰ، مُنَيِ نٜىٰ دُواْمِنْ طَوْكَكَرْ اللَّهْ؞ إِنْ كُمَ بَهَوْكَ مُكٜىٰيِبَ، وَنَّنْ دُواْمِنْكُنٜىٰ؞

¹⁴ كُواْمٜىٰ مُكَيِ، مُنْيِشِ نٜىٰ بَدُوانْ رِيبَرْمُبَ، عَمَّا سَبُواْدَ ڧَوْنَرْ أَلْمَسِيحُنْ دَتَكٜىٰبِے دَمُو؞ دَيَكٜىٰ مُنْ بَادَ غَسْكِيَ أَلْمَسِيحُ يَمُتُ دُواْمِنْ دُكَنْ مُتَنٜىٰ، سَبُواْدَ حَكَ دُكَ سُنْ مُتُ تَرٜىٰدَشِ؞

¹⁵ يَكُوَ مُتُنٜىٰ سَبُواْدَ دُكَنْ مُتَنٜىٰ، دُواْمِنْ وَطَنْدَ سُكٜىٰ دَ رَيْ، كَدَ سُيِ ذَمَنْ غَنِنْ دَامَ نَنْ غَبَ، سَيْدَيْ سُيِ ذَمَ سَبُواْدَ وَنْدَ يَمُتُ دُواْمِنْسُ، عَكَ كُمَ تَاشٜىٰشِ سَبُواْدَسُو؞

¹⁶ سَبُواْدَ حَكَنَنْ غَبَ بَذَامُ ڧَارَ تُنَانِنْ وَنِ بِسَغَ سَنِنْ مُتُمْبَ، دُواْمِنْ كُواْدَيَكٜىٰ مُنْ تَٻَ تُنَانِنْ أَلْمَسِيحُ بِسَغَ سَنِنْ مُتُمْ، يَنْذُ بَ مَا ڧَارَ تُنَانِنْسَ حَكَبَ؞

¹⁷ سَبُواْدَ حَكَ عِدَنْ مُتُمْ يَنَ ثِكِنْ أَلْمَسِيحُ، يَذَمَ سَابُوَرْ حَلِتَّ كٜىٰنَنْ، ڟُواْڢَڢِّنْ أَبُبُوَ دُكْ سُنْ وُثٜىٰ، غَاشِ، كُواْمٜىٰ يَذَمَ سَابُواْ؞

¹⁸ دُكْ وَنَّنْ دَغَ وُرِنْ اللَّهْ نٜىٰ، وَنْدَ يَشِرْيَ ڟَكَانِنْمُ دَشِ تَوُرِنْ أَلْمَسِيحُ، يَكُمَ بَامُ حِدِمَ تَشِرْيَ ڟَكَانِنْ مُتَنٜىٰ دَ اللَّهْ؞

¹⁹ سَڧُوانْمُ شِينٜىٰ اللَّهْ يَنَ شِرْيَ یَنْ أَدَمْ دَشِ تَوُرِنْ أَلْمَسِيحُ، بَايَ كُمَ لِسَّڢْتَا ذُنُبَنْسُ عَكَنْسُ؞ اللَّهْ كُمَ يَبَامُ حَكِّنْ حِدِمَرْ شِرْيَ مُتَنٜىٰ دَشِ؞

²⁰ سَبُواْدَ حَكَ مُو وَكِلَيْنٜىٰ نَ أَلْمَسِيحُ، كَمَرْ دَيْ اللَّهْ نٜىٰ دَ كَنْسَ يَكٜىٰ مَغَنَ تَوُرِنْمُ؞ عَثِكِنْ سُونَنْ أَلْمَسِيحُ، مُنَ ضُواْڧُوانْكُ كُشِرْيَ دَ اللَّهْ كُذَمَ أَبُواْكَنْسَ، بَا مَاسُ غَابَادَشِيبَ؞

²¹ أَلْمَسِيحُ بَيْتَٻَيِنْ ذُنُوبِبَ، عَمَّا سَبُواْدَمُو اللَّهْ يَمَيْدَشِ كَمَرْ مَيْ ذُنُوبِ؞ تَوَنَّنْ دَلِيلِنْ نٜىٰ، ثِكِنْ أَلْمَسِيحُ، ذَامُ عِيَ سَامِ أَدَلْثِنْ اللَّهْ؞