2 كُواْرِنْتِيَاوَا 4 - أَتَّوْرَتْ دَ أَنَّبَاوَا

أَرْزِڧِ عَثِكِنْ تُلُنْ لَاكَ

¹ سَبُواْدَ حَكَ دَيَكٜىٰ مُنَدَ وَنَّنْ حِدِمَ بِسَغَ جِنْڧَنْ اللَّهْ بَذَامُ ڢِدَّ ذُوثِيَا بَ؞

² بَا ضُوَنْمُ دَ ٻُواْيٜىٰ ٻُواْيٜىٰ إِرِنَّمُنَاڢُنْثِنْ دَسُكٜىٰ أَبُبُوَنْ كُنْيَا؞ بَا ضُوَنْمُ دَ رُوطُ كُواْ يِنْ ڧَضْيَا دَ كَلْمَرْ اللَّهْ؞ عَمَّا مُنَ ڢَطِنْ غَسْكِيَ أَ ڢِيلِ؞ تَهَكَنٜىٰ كُواْوَ ذَيْ يِشَيْدَرْ غَسْكِيَرْمُ أَغَبَنْ اللَّهْ ثِكِنْ ذُوثِيَارْسَ؞

³ عِدَنْ مَا لَابَرِ مَيْ دَاطِنَّنْ دَمُكٜىٰ وَعَظِنْتَ عَٻُواْيٜىٰ تَكٜىٰ، تَنَ عَٻُواْيٜىٰ نٜىٰ غَ وَطَنْدَ سُكٜىٰ أَ حَنْيَرْ هَلَّكَ؞

⁴ سُو مَرَسَ بَادَ غَسْكِيَانٜىٰ، غَمَا اللَّهْ نَظَامَانِنَّنْ يَمَكَنْتَرْ دَ ذُوثِيَارْسُ؞ يَاهَنَاسُ غَنِنْ حَصْكٜىٰنْ دَيَكٜىٰ حَصْكَكَسُ، حَصْكٜىٰنَّنْ دَيَكٜىٰ ڢِتُواْوَ دَغَ لَابَرِ مَيْ دَاطِے نَطَوْكَكَرْ أَلْمَسِيحُ، وَنْدَ شِينٜىٰ كَمَنِّنْ اللَّهْ؞

⁵ دُواْمِنْ بَوَعَظِنْ كَنْمُ مُكٜىٰيِبَ، سَيْدَيْ نَ عِيسَىٰ أَلْمَسِيحُ، ثٜىٰوَ شِينٜىٰ عُبَنْ‌غِجِ، مُو كُوَ كَمَرْ بَايِنْكُ نٜىٰ سَبُواْدَ عِيسَىٰ؞

⁶ اللَّهْ وَنْدَ يَثٜىٰ ‏«‏بَرِ حَصْكٜىٰ يَحَصْكَكَا دَغَ دُهُ،»‏ شِينٜىٰ كُمَ يَسَا حَصْكٜىٰنْسَ يَكٜىٰ حَصْكَكَاوَا عَثِكِنْ ذُوثِيَارْمُ، دُوانْ أَ حَصْكَكَ مُتَنٜىٰ سُسَنْ طَوْكَكَرْ اللَّهْ أَ ڢُسْكَرْ أَلْمَسِيحُ؞

⁷ دُكْدَهَكَ، مُو دَمُكٜىٰ دَ وَنَّنْ أَرْزِڧِ نَرُوحَنِيَ، مُنَ كَمَرْ تُلُنَنْ لَاكَ نٜىٰ كَوَيْ؞ مُنْ ذَمَ حَكَ دُواْمِنْ أَنُونَ ثٜىٰوَ ثِكَكّٜىٰنْ إِيكُوانْدَ يَڢِ دُكَ دَغَ وُرِنْ اللَّهْ نٜىٰ، بَادَغَ وُرِنْمُبَ؞

⁸ أَنَبَامُ وَهَلَ تَكُواْوَثٜىٰ حَنْيَ، دُكْدَهَكَ بَعَ عِيَ سَامُ مُغَجِ دَ عَيْكِنْبَ؞ وَنِ لُواْكَثِ مَا مُكَنْيِ شَكَّ، عَمَّا بَامَ ڢِدَّ ذُوثِيَا؞

⁹ أَنَ ڟَنَنْتَ مَنَ، دُكْدَهَكَ اللَّهْ بَيْبَرْ مُبَ؞ وَنِ لُواْكَثِ عَكَنْ بُغَمُ حَرْ ڧَسَا، دُكْدَهَكَ بَعَ هَلَّكَمُبَ؞

¹⁰ كُلُّمْ مُنَ أَ حَڟَرِنْ مُتُوَ كَمَرْ يَدَّ عَكَيِ وَ عِيسَىٰ، دُواْمِنْ عَبَيَّنَ رَايُوَرْ عِيسَىٰ أَجِكِنَّنْ نَامُ مَيْ مُتُوَ؞

¹¹ دُكَنْ ݣُونَكِنْمُ عَدُونِيَا، مُنَ ثِكِنْ حَڟَرِنْ مُتُوَ سَبُواْدَ عِيسَىٰ، دُوانْ دَيْ أَغَ رَايُوَرْ عِيسَىٰ أَجِكِنَّنْ نَامُ مَيْ مُتُوَ؞

¹² شِيَسَا مُكٜىٰ ڢُسْكَنْتَرْ مُتُوَ دُواْمِنْ كُو كُسَامِ رَيْ؞

¹³ رُبُوتَثِّيَرْ مَغَنَرْ اللَّهْ تَثٜىٰ ‏«‏نَا غَسْكَتَ، سَبُواْدَ حَكَ نَا يِمَغَنَ؞»‏ تُنْدَيَكٜىٰ مُنَدَ رُوحٌ بَنْ‌غَسْكِيَ إِرِ طَيَ، تُواْ، مُو مَا مُنْ غَسْكَتَ، سَبُواْدَ حَكَكُمَ مُكٜىٰ مَغَنَ؞

¹⁴ مُنْ كُمَ سَنِ ثٜىٰوَ اللَّهْ وَنْدَ يَتَادَ عُبَنْ‌غِجِ عِيسَىٰ دَغَ مَتَتُّو، ذَيْ تَادَمُو تَرٜىٰدَ عِيسَىٰ، يَكُمَ مِيڧَمُ أَغَبَنْسَ تَرٜىٰدَكُو؞

¹⁵ دُكْ وَنَّنْ ڢَا دُواْمِنْ أَمْڢَانِنْكُ نٜىٰ، يَايِنْ دَ أَلْحٜىٰرِنْ اللَّهْ يَنَ تَڧَارَ يَطُوَ غَ مُتَنٜىٰ مَاسُيَوَ، ذَيْ ذَمَ دَلِيلِنْ ڧَارَ غُواْدِيَ غَ اللَّهْ، دُواْمِنْ أَطَوْكَكَاشِ؞

رَايُوَا تَوُرِنْ بَنْ‌غَسْكِيَ

¹⁶ سَبُواْدَ حَكَ بَمُ ڢِدَّ ذُوثِيَابَ؞ كُواْدَيَكٜىٰ جِكِنَّنْ نَامُ يَنَ تَلَلَثٜىٰوَ دُكْدَهَكَ أَنَ مَيْدَ رُوحُنْمُ سَابُواْ كُلُّمْ؞

¹⁷ غَمَا وَنَّنْ یَرْ وَهَلَرْ دَمُكٜىٰ شَا بَذَاتَ دَطٜىٰبَ، ذَاتَ حَيْڢَرْ مَنَ دَ طَوْكَكَ مَيْ يَوَ، وَدَّ تَوُثٜىٰ غَبَنْ مِصَالِ، تَكُمَ كَسَنْثٜىٰ حَرْ أَبَدَا؞

¹⁸ شِيَسَا بَا أَبُبُوَنْ دَ إِدَانُو سُكٜىٰ غَنِنٜىٰ مُكٜىٰ دُوبَوَبَ، سَيْدَيْ أَبُبُوَنْ دَ بَعَغَنِ؞ غَمَا أَبُبُوَنْ دَ عَكٜىٰغَنِ سُنَ سَوْرِنْ وُثٜىٰوَ عَمَّا أَبُبُوَنْ دَ بَعَغَنِ نَهَرْ أَبَدَانٜىٰ؞