2 كُواْرِنْتِيَاوَا 3 - أَتَّوْرَتْ دَ أَنَّبَاوَا

مَاسُ حِدِمَرْ سَابُوَرْ يَرْجٜىٰجٜىٰنِيَ

¹ وَتُواْ، يَبُوانْ كَنْمُ ذَامُ ڢَارَيِ كُمَ؟ كُواْ كُوَ مُنَ نٜىٰمَنْ وَسِيڧُنْ شَيْدَ نٜىٰ ذُوَا وُرِنْكُ، كُواْ دَغَ وُرِنْكُ، كَمَرْ يَدَّ وَطَنْسُ سُكٜىٰيِ؟

² أَيْ، كُو دَ كَنْكُنٜىٰ وَسِيڧَرْ دَمُكٜىٰ دَ عِتَ، وَدَّ عَكَ رُبُوتَ أَ ذُوثِيَارْمُ دُوانْ كُواْوَ يَغَنِ يَكُمَ كَرَنْتَ؞

³ كُنْ نُونَ ثٜىٰوَ كُو وَسِيڧَثٜىٰ تَ أَلْمَسِيحُ، وَدَّ تَكٜىٰ سَكَمَكُوانْ حِدِمَرْمُ؞ وَنَّنْ وَسِيڧَرْ كُوَ بَعَرُبُوتَتَ دَ أَبِنْ رُبُوتُوبَ، عَمَّا أَنْرُبُوتَتَ دَ رُوحُ مَيْ ڟَرْكِے نَ اللَّهْ مَيْ رَيْ؞ بَعَرُبُوتَتَ عَكَنْ أَلُّوانْ دُووَڟُبَ، عَمَّا أَ ظُكَاتَنْ مُتَنٜىٰ؞

⁴ مُنْ ڢَطِ حَكَ دُواْمِنْ مُنَدَ تَبَّثِ أَغَبَنْ اللَّهْ تَوُرِنْ أَلْمَسِيحُ؞

⁵ بَامُ دَ وَنِ أَبِنْدَ ذَامُ نُونَ ثٜىٰوَ دَ عِيَوَرْمُ نٜىٰ مُكٜىٰ عَيْكِنَّنْ؞ عِيَوَرْمُ دَغَ وُرِنْ اللَّهْ نٜىٰ يَڢِتُواْ؞

⁶ شِيَسَا مُكَ عِيَ ذَمَ مَاسُ حِدِمَرْ سَابُوَرْ يَرْجٜىٰجٜىٰنِيَرْ وَدَّ بَتَوُرِنْ دُواْكَرْ دَ عَكَ رُبُوتَ بَ، عَمَّا تَوُرِنْ رُوحُ؞ دُواْكَرْ نَنْ دَتَكٜىٰ أَرُبُوثٜىٰ عِتَثٜىٰ تَكٜىٰ كَٰوُاْ مُتُوَ، عَمَّا رُوحُ يَنَ بَادَ رَيْ؞

⁷ أَنْ رُبُوتَ كُواْيَرْوَرْ مُوسَٰى عَكَنْ أَلُّنَنْ دُوڟٜىٰ، كُمَ طَوْكَكَرْ اللَّهْ تَابَيَّنَ أَسَعَدَّ عَكٜىٰ بَايَرْدَ عِتَ؞ كُواْدَيَكٜىٰ ڨَلِّنْ دَيَكٜىٰ أَ ڢُسْكَرْ مُوسَٰى مَيْ شُوطٜىٰوَ نٜىٰ، يَحَصْكَكَا سُواْسَيْ حَرْ مَا مُتَنٜىٰنْ إِسْرَٰٓءِيلَ سُكَ كَاسَ كَڢَ عِدُواْ أَ ڢُسْكَرْسَ؞ عِدَنْ حَرْ كُواْيَرْوَا وَدَّ تَكٜىٰ كَٰوُاْ مُتُوَ تَذُواْ دَ طَوْكَكَ حَكَ،

⁸ تُواْ، يَيَ يَوَنْ طَوْكَكَ وَدَّ تَكٜىٰ تَحِدِمَرْ رُوحُ ذَاتَ كَسَنْثٜىٰ؟

⁹ عِدَنْ أَبِنْدَ يَكٜىٰ كَٰوُاْ مُتُوَ يَسَامِ طَوْكَكَ، لَلَّيْ أَبِنْدَ يَكٜىٰ جَٰوُاْ سَامُنْ أَدَلْثِنْ اللَّهْ يَڢِيشِ طَوْكَكَ نٜىٰسَ؞

¹⁰ حَڧِيڧَ، طَوْكَكَ تَڟُواْهُوَرْ يَرْجٜىٰجٜىٰنِيَ بَاتَدَ وَتَ دَرَجَ يَنْذُ، عِدَنْ أَنْ‌ڠُودَتَ دَ دَرَجَ تَسَابُوَرْ يَرْجٜىٰجٜىٰنِيَ؞

¹¹ عِدَنْ حَرْ أَبِنَّنْ مَيْ شُوطٜىٰوَ يَذُواْ دَ طَوْكَكَ، يَيَ ذَيْ ذَمَ غَ أَبِنَّنْ دَ ذَيْ كَسَنْثٜىٰ حَرْ أَبَدَا!‏

¹² سَبُواْدَ مُنَدَ إِرِنْ وَنَّنْ سَا ذُوثِيَا، شِے يَسَا مُكٜىٰ دَ ڧَرْڢِنْ حَلِ سُواْسَيْ؞

¹³ مُو بَكَمَرْ مُوسَٰى بَنٜىٰ، وَنْدَ يَرُڢٜىٰ ڢُسْكَرْسَ دَ مَيَاڢِ، دُواْمِنْ كَدَ إِسْرَٰٓءِيلَاوَا سُغَ ڧَارٜىٰوَرْ طَوْكَكَرْ نَنْ مَيْ شُوطٜىٰوَ؞

¹⁴ عَمَّا حَنْكَلِنْسُ يَتَوْرَرٜىٰ، دُواْمِنْ حَرْ ذُوَا يَوْ، أَݣَويْ وَنِ أَبِنْدَ يَكٜىٰ هَنَاسُ غَنِنْ غَسْكِيَرْ نَنْ إِنْ أَنَ كَرَاتُنْ ڟُواْهُوَرْ يَرْجٜىٰجٜىٰنِيَرْ؞ مَيَاڢِنَّنْ حَرْ يَنْذُ بَعَ ثِرٜىٰشِ، دُواْمِنْ بَعَ عِيَ ثِرٜىٰشِيبَ سَيْ تَوُرِنْ أَلْمَسِيحُ كَطَيْ؞

¹⁵ هَرْوَيَوْ، عِدَنْ أَنَ كَرَاتُنْ لِتَّتَّڢَنْ مُوسَٰى، سَيْ وَنَّنْ مَيَاڢِ يَرُڢٜىٰ ذُوثِيَارْسُ؞

¹⁶ عَمَّا ذَاعَ عِيَ ثِرٜىٰشِ عِدَنْ مُتُمْ يَجُويُواْ غَ عُبَنْ‌غِجِ؞

¹⁷ تُواْ، عُبَنْ‌غِجِ ڢَا، شِينٜىٰ رُوحُ؞ أَ عِنْدَ رُوحٌ عُبَنْ‌غِجِ يَكٜىٰ كُوَ أَنَنْ یَنْثِ يَكٜىٰ؞

¹⁸ مُو دَ بَعَرُڢٜىٰ ڢُسْكَرْمُبَ، مُنَ نُونَ حَصْكٜىٰنْ طَوْكَكَرْ عُبَنْ‌غِجِ كَمَرْ مَدُوبِے، كُمَ أَنَ ثَنْجَمُ مُذَمَ كَمَرْسَ؞ وَنَّنْ ثَنْجَاوَرْ دَ عَكٜىٰيِ مَنَ تَنَ تَڧَارُوَ ثِكِنْ طَوْكَكَ وَدَّ تَڢِتُواْ دَغَ وُرِنْ عُبَنْ‌غِجِ، وَنْدَ يَكٜىٰ رُوحُ نٜىٰ؞