2 كُواْرِنْتِيَاوَا 2 - أَتَّوْرَتْ دَ أَنَّبَاوَا

¹ سَبُواْدَ حَكَ نَطَوْكِ نِيَّ عَكَنْ بَذَنْ سَاكٜىٰ ذُوَا وُرِنْكُ إِنْسَاكُ بَڧِنْ ثِكِيبَ؞

² تُواْ، عِدَنْ نَسَاكُ بَڧِنْ ثِكِ، وَظَيْسَا رَيْنَ يَجِ دَاطِے، إِنْ بَاوَنْدَ نَسَاشِ بَڧِنْ ثِكِنْ بَ؟

³ دَلِيلِنْدَ يَسَا نَرُبُوتُواْ مُكُ وَثَّنْ وَسِيڧَرْ كُوَ شِينٜىٰ، دُوانْ بَانَسُواْ إِنْذُواْ إِنْسَامِ مُتَنٜىٰنْدَ يَكَمَاتَ سُسَا نِے ڢَضٍ ثِكِ، سُٻَاتَ مِنِ رَيْ؞ دُواْمِنْ نَتَبَّتَرْ ثٜىٰوَ عِدَنْ نَيِ مُرْنَ، دُكَنْكُ مَا ذَاكُيِ مُرْنَ؞

⁴ نَرُبُوتُواْ مُكُنٜىٰ إِنَ ثِكِنْ وَهَلَ دَ بَڧِنْ ثِكِ مَيْ يَوَ، حَرْ دَ هَوَيٜىٰ سُواْسَيْ، بَوَيْ دُواْمِنْ إِنْسَاكُ بَڧِنْ ثِكِيبَ، سَيْدَيْ دُواْمِنْ كُسَنْ يَدَّ نَكٜىٰ ڧَوْنَرْكُ سُواْسَيْ؞

يَڢٜىٰوَ غَ وَنْدَ يَيِ لَيْڢِ

⁵ عِدَنْ وَنِ يَجَٰوُاْ بَڧِنْ ثِكِ، بَنِينٜىٰ يَيِ مِنِبَ، عَمَّا أَوَنِ غٜىٰڢٜىٰ يَيِ وَدُكَنْكُ نٜىٰ؞ بَوَيْ إِنَ ڢَطِ حَكَ إِنْ مَاڟَ مُكُ لَمْبَ بَنٜىٰ؞

⁶ حُواْرُوانْ دَ مُتُمِنَّنْ يَشَا عَتَوَنَّنْ حَنْيَ دَغَ وُرِنْ يَوَنْثِنْكُ، يَا إِسَ حَكَ؞

⁷ يَنْذُ كُمَ، سَيْ كُيَاڢٜىٰمَسَ، كُكُمَيِ مَسَ تَعَظِيَّ، دُواْمِنْ كَدَ كُبَرْشِ حَرْ بَڧِنْ ثِكِ يَشَا ڧَرْڢِنْسَ؞

⁸ سَبُواْدَ حَكَ إِنَ ضُواْڧُوانْكُ كُتَبَّتَرْ مَسَ ثٜىٰوَ كُنَ ڧَوْنَرْسَ سُواْسَيْ؞

⁹ نَرُبُوتُواْ مُكُ وَنَّنْ وَسِيڧَ دُواْمِنْ إِنْ‌ڠُودَكُ نٜىٰ، إِنْ‌غَنِ كُواْ كُنَ أَشِرْيٜىٰ كُبِے عُمَرْنَيْنَ عَكُواْيَوْشٜىٰ؞

¹⁰ دُكْ وَنْدَ كُكَ يَاڢٜىٰمَسَ كُواْمٜىٰ، نِے مَا نَيَاڢٜىٰمَسَ؞ أَبِنْدَ نَيَاڢٜىٰ كُوَ، إِنْ مَا أَݣَويْ أَبِنْ يَاڢٜىٰوَا، نَيَاڢٜىٰنٜىٰ سَبُواْدَكُو، دُوانْ أَلْبَرْكَثِنْ أَلْمَسِيحُ،

¹¹ دُواْمِنْ كَدَ شَيْطَنْ يَسَامِ دَامَ يَرُوطٜىٰمُ، سَبُواْدَ مُنْ سَنْ دَبَرُنْسَ سَرَيْ؞

دَامُوَرْ بُلُسْ أَ تُواْرُوَسْ

¹² دَنَذُواْ تُواْرُوَسْ دُوانْ إِنْيِ وَعَظِنْ لَابَرِ مَيْ دَاطِے نَ أَلْمَسِيحُ، عُبَنْ‌غِجِ كُمَ يَبُوطٜىٰ مِنِ ڧُواْڢَ إِنْيِ عَيْكِ أَنَنْ،

¹³ عَمَّا سَيْ نَدَامُ سُواْسَيْ دُواْمِنْ بَنْ‌غَا طَنْعُوَنَ تِيتُسْ أَنَنْبَ؞ سَبُواْدَ حَكَ سَيْنَيِ بَنْ ݣُونَ دَسُو، نَوُثٜىٰ ذُوَا مَكِدُواْنِيَ؞

نَصَرَا ثِكِنْ أَلْمَسِيحُ

¹⁴ عَمَّا غُواْدِيَ غَ اللَّهْ، شِے وَنْدَ يَكٜىٰبِدَمُو كُلُّمْ مُثِ نَصَرَا تَوُرِنْ أَلْمَسِيحُ؞ يَنَ أَمْڢَانِ دَمُو دُوانْ مُكَيْ سَڧُوانْ أَلْمَسِيحُ كُواْعِنَ كَمَرْ تُرَارٜىٰ مَيْ ڧَنْشِنْ دَ عَكَبَظَ؞

¹⁵ غَمَا مُو كَمَرْ تُرَارٜىٰ مَيْ ڧَنْشِنٜىٰ وَنْدَ أَلْمَسِيحُ يَمِيڧَوَ اللَّهْ، وَنْدَ يَبَظُو ثِكِنْ وَطَنْدَ عَكٜىٰ ثٜىٰتُوانْسُ دَ كُمَ وَطَنْدَ سُكٜىٰ أَ حَنْيَرْ هَلَّكَ؞

¹⁶ غَ وَطَنْدَ سُكٜىٰ أَ حَنْيَرْ هَلَكَا كُوَ، ڧَنْشِنَّنْ وَرِنْ مُتُوَانٜىٰ، مَيْ كَٰوُاْ مُتُوَ، عَمَّا غَ وَطَنْدَ سُكٜىٰ سَامُنْ ثٜىٰتُواْ، ڧَنْشِنَّنْ رَيْنٜىٰ مَيْ كَٰوُاْ رَيْ؞ بَابُوَنِ وَنْدَ ذَيْ عِيَ طَوْكَرْ نَوْيِنْ عَيْكِنَّنْ؞

¹⁷ مُو طِنَّنْ بَكَمَرْ سَوْرَنْ مُتَنٜىٰ مُكٜىٰبَ، وَطَنْدَ سُكٜىٰ وَعَظِنْ كَلْمَرْ اللَّهْ دُواْمِنْ نٜىٰمَنْ رِيبَ؞ عَمَّا دَيَكٜىٰ اللَّهْ نٜىٰ يَعَيْكُواْمُ، مُنَ مَغَنَ ثِكِنْ غَسْكِيَ أَغَبَنْسَ، أَمَڟَيِنْمُ نَمَاسُ حِدِمَرْ أَلْمَسِيحُ؞