2 كُواْرِنْتِيَاوَا 13 - أَتَّوْرَتْ دَ أَنَّبَاوَا

غَرْغَطِنْ بُلُسْ نَڧَرْشٜىٰ

¹ وَنَّنْ ذَيْ ذَمَ ذُوَانَ نَعُكُ كٜىٰنَنْ أَوُرِنْكُ؞ ‏«‏لَلَّيْ نٜىٰ عَتَبَّتَرْ دَ كُواْوَثٜىٰ مَغَنَ عَبَاكِنْ شَيْدُ بِيُ كُواْ عُكُ»‏ كَمَرْ يَدَّ رُبُوتَثِّيَرْ مَغَنَرْ اللَّهْ تَڢَطَا؞

² أَ ذُوَانَ نَبِيُ وُرِنْكُ نَغَرْغَطِے وَطَنْدَ سُكَيِ ذُنُوبِ دَ سَوْرَنْ مُتَنٜىٰ دُكَ سُدَيْنَ يِنْ ذُنُوبِ؞ يَنْذُ دَ بَانَ نَنْ تَرٜىٰدَكُو، إِنَ مَيْمَيْتَ إِرِنْ غَرْغَطِنَّنْ دُواْمِنْ عِدَنْ نَا ذُواْ بَاوَنْدَ ذَيْ كُٻُثٜىٰ وَهُواْرُواْنَّنْ؞

³ إِنْ دَيْ كُنَ سُواْ كُسَامِ تَبَّثِ ثٜىٰوَ أَلْمَسِيحُ يَنَ مَغَنَ تَوُرِينَ، تُواْ، غَا تَبَّثِنْ، أَلْمَسِيحُ بَيْ رَسَ ڧَرْڢِے عَثِكِنْكُبَ، أَمَيْمَكُوانْ حَكَ يَانُونَ إِيكُوانْسَ عَثِكِنْكُ؞

⁴ كُواْدَيَكٜىٰ أَنْ‌غِثِّيٜىٰشِ تَوُرِنْ رَشِنْ ڧَرْڢِے نٜىٰ، دُكْدَهَكَ يَنَدَ رَيْ تَوُرِنْ إِيكُوانْ اللَّهْ؞ كُواْدَيَكٜىٰ مُو مَرَسَ ڧَرْڢِے نٜىٰ عَثِكِنْسَ، دُكْدَهَكَ مُنَدَ رَيْ تَرٜىٰ دَشِ تَوُرِنْ إِيكُوانْ اللَّهْ دُواْمِنْ عَيْكِنْ دَمُكٜىٰيِ عَثِكِنْكُ؞

⁵ كُڠُودَ كَنْكُ دُواْمِنْ كُسَنِ كُواْ كُنَ بِنْ عِيسَىٰ أَلْمَسِيحُ ثِكِنْ أَمِنْثِ؞ كُدِنْ‌غَ عَوْنَ كَنْكُ؞ أَشٜىٰ، بَكُسَنِ ثٜىٰوَ أَلْمَسِيحُ يَنَ عَثِكِنْكُ بَ؟ إِنْ بَكُسَنِبَ، تُواْ، يَذَمَ كُنْڢَاطِ أَوَنَّنْ ڠُوجِ؞

⁶ إِنَڢَاتَا ذَاكُ تَرَرْ ثٜىٰوَ مُو بَمُ كَاسَبَ؞

⁷ عَمَّا مُنَ أَدُّعَ غَ اللَّهْ ثٜىٰوَ كَدَ كُيِ أَبِنْدَ بَدَيْدَيْبَ؞ بَا سَبُواْدَ مُنَ ڧُواْڧَرِ مُمَيْدَ كَنْمُ كَمَرْ مُو نٜىٰ مُنْيِ نَصَرَبَ، عَمَّا دُواْمِنْ كُو كُيِ أَبِنْدَ يَكٜىٰ دَيْدَيْ، كُواْدَيَكٜىٰ مَيْيِوُوَ مُتَنٜىٰ ذَاسُ غَنِ كَمَرْ مُنْ كَاسَ نٜىٰ؞

⁸ غَمَا ذَامُبِے بَايَنْ غَسْكِيَ، بَذَامُ عِيَيِنْ أَبِنْدَ يَكٜىٰ غَابَادَ عِتَبَ؞

⁹ مُرْنَ مُكٜىٰيِ إِنْ بَامُدَ ڧَرْڢِے، عَمَّا كُو كُوَ كُنَدَ ڧَرْڢِے؞ كُمَ مُنَ أَدُّعَ كُذَمَ ثِكَكُّ؞

¹⁰ شِيَسَا نَا رُبُوتَ مُكُ وَنَّنْ تُنْ بَانَنَنْ تَرٜىٰدَكُو، دُواْمِنْ عِدَنْ نَذُواْ، كَدَ يَذَمَ مِنِ دُواْلٜىٰ إِنْيِ مُكُ ڟَنَنِ غَمٜىٰدَ يِنْ أَمْڢَانِ دَ إِيكُواْنَّنْ دَ عُبَنْ‌غِجِ يَبَانِ، إِيكُوانْ غِنَاوَا، بَا نَرُشٜىٰوَابَ؞

مَغَنَرْ ڧَرْشٜىٰ

¹¹ عَڧَرْشٜىٰ دَيْ، یَنْعُوَنَ، سَيْ وَتَرَانَ؞ كُيِ ڧُواْڧَرِنْ ذَمَ ثِكَكُّ، كُجِ ضُواْڧُواْنَ، كُيَرْدَ دَ جُونَ كُيِ ذَمَنْ لَاڢِيَ دَ جُونَ؞ تَهَكَ اللَّهْ مَيْ ڧَوْنَ دَ سَلَمَ ذَيْ كَسَنْثٜىٰ تَرٜىٰدَكُو؞

¹² كُغَيْ دَ جُونَ دَ سُمْبَرْ ڧَوْنَ مَيْ ڟَرْكِے؞

¹³ دُكَنْ ڟَرْكَكَا سُنَ غَيْشٜىٰكُ؞

¹⁴ أَلْحٜىٰرِنْ عُبَنْ‌غِجِنْمُ عِيسَىٰ أَلْمَسِيحُ دَ ڧَوْنَرْ اللَّهْ دَ زُمُنْتَرْ رُوحُ مَيْ ڟَرْكِے، سُكَسَنْثٜىٰ تَرٜىٰدَكُو دُكَ؞ أَمِينْ؞