2 كُواْرِنْتِيَاوَا 12 - أَتَّوْرَتْ دَ أَنَّبَاوَا

أَبُبُوَنْدَ عِيسَىٰ يَبَيَّنَ وَ بُلُسْ ثِكِنْ رُعُيَ

¹ كُواْدَيَكٜىٰ بَذَاتَ أَمْڢَانَ كُواْمٜىٰبَ، دُواْلٜىٰنٜىٰ إِنْيِ تَاڧَمَ؞ عَيَنْظُ، ذَنْ ثِيغَبَدَ ذَنْثٜىٰ عَكَنْ أَبُبُوَنْ دَ عُبَنْ‌غِجِ عِيسَىٰ أَلْمَسِيحُ يَبَيَّنَ مِنِ كَمَرْ أَمَڢَرْكِ دَ كُمَ ثِكِنْ رُعُيَ؞

² نَسَنْ وَنِ مُتُمْ وَنْدَ يَوْ شٜىٰكَرَا غُواْمَشَا حُطُ كٜىٰنَنْ، عَكَ طَوْكٜىٰشِ ذُوَا سَمَ تَعُكُ بِسَغَ إِيكُوانْ أَلْمَسِيحُ، كُواْ يَنَ ثِكِنْ جِكِے نٜىٰ، كُواْ بَثِكِنْ جِكِبَ، بَنْسَنِبَ، اللَّهْ كَطَيْ يَسَنِ؞

³ نَكُمَ سَنْ مُتُمِنَّنْ، أَنْطَوْكٜىٰشِ ذُوَا سَمَ نَعُكُ، كُواْ يَنَ ثِكِنْ جِكِے نٜىٰ، كُواْ بَثِكِنْ جِكِبَ، بَنْسَنِبَ، اللَّهْ نٜىٰ كَطَيْ يَسَنِ؞

⁴ عَثَنْ يَجِ وَطَنْسُ أَلْعَمُرَنْ دَ بَذَاعَ عِيَ ڢَطَا بَ، إِرِنْ وَطَنْدَ طَنْ أَدَمْ بَذَيْ عِيَيِنْ مَغَنَ عَكَيْبَ؞

⁵ ذَنْيِ تَاڧَمَ عَكَنْ مُتُمِنَّنْ، عَمَّا بَذَنْيِ تَاڧَمَ دَكَيْنَ بَ، سَيْدَيْ عَكَنْ أَبُبُوَنْ دَ سُكَ نُونَ كَاسَوَتَ؞

⁶ دَانَا سُواْ يِنْتَاڧَمَ، بَذَنْ ذَمَ وَاوَابَ، دُوانْ ذَنْ ڢَطِ غَسْكِيَ نٜىٰ؞ عَمَّا بَذَنْيِ تَاڧَمَ بَ، دُواْمِنْ بَانَسُواْ وَنِ يَطَوْكٜىٰنِ ڢِيٜىٰدَ يَدَّ يَكٜىٰ غَنِينَ دَ يَدَّ يَتَٻَجِ دَغَ غَرٜىٰنِ؞

⁷ دُواْمِنْ كَدَ إِنْكُمَيِ تَاڧَمَ دَ وَطَنَّنْ رُعُيَ مَڢِے بَنْ مَامَاكِ، سَيْ أَنْعَيْكُواْ مِنِ وَتَ ثُوتَرْ دَ تَذَمَ مِنِ ڧَيَ أَجِكِے؞ وَنَّنْ يَذَمَ طَنْ عَيْكَ نٜىٰ وَنْدَ شَيْطَنْ يَعَيْكُواْ دُواْمِنْ يَدِنْ‌غَ بَانِ وَهَلَ يَكُمَ هَنَنِ طَغَ كَيْ؞

⁸ سَوْ عُكُ نَا ضُواْڧِ عُبَنْ‌غِجِ دُواْمِنْ إِنْ رَبُ دَ وَنَّنْ أَبُ،

⁹ عَمَّا يَثٜىٰ مِنِ ‏«‏أَلْحٜىٰرِنَ يَ إِشٜىٰكَ، دُواْمِنْ تَوَجٜىٰنْ كَاسَوَرْكَ عَكٜىٰ غَنِنْ ثِكَكّٜىٰنْ إِيكُواْنَ؞»‏ سَبُواْدَ حَكَ دَ مُرْنَ ذَنْ ڧَارَ تَاڧَمَ دَ كَاسَوَرْ نَنْ تَاوَ دُواْمِنْ إِيكُوانْ أَلْمَسِيحُ يَذَوْنَ تَرٜىٰدَنِ؞

¹⁰ سَبُواْدَ حَكَ نَغَمْسُ دَ رَشِنْ ڧَرْڢِينَ دَ ثِنْمُتُنْثِنْ دَ عَكٜىٰيِمِنِ دَ شَنْ وَهَلَ دَ ڟَنَنِ دَ مَسِيڢُ سَبُواْدَ أَلْمَسِيحُ؞ غَمَا سَعَدَّ إِنَدَ رَشِنْ ڧَرْڢِے، أَ لُواْكَثِنْ نٜىٰ نَكٜىٰ دَ ڧَرْڢِے؞

دَامُوَرْ بُلُسْ غَمٜىٰدَ مَاسُبِے أَ كُواْرِنْتِ

¹¹ نَيِ وَوَنْثِ كَمْ، عَمَّا كُو كُكَ سَانِ؞ كُو نٜىٰ كُوَ يَا كَمَاتَ كُيَبٜىٰنِ؞ كُواْدَيَكٜىٰ نِے بَكُواْمٜىٰبَنٜىٰ، بَيْ ذَمَ ثٜىٰوَ ‏«‏مَنْيَنْ مَنْذَنِّےنْ»‏ نَنْ نَاكُ سُنْ ڢِينِبَ؞

¹² اللَّهْ يَيِ عَلَمُ دَ أَيُّكَنْ بَنْ مَامَاكِ تَوُرِينَ عَثِكِنْكُ دَ نَيِ عَيْكِنَ ثِكِنْ حَڧُرِ؞ وَطَنَّنْ أَلْعَمُرَنْ بَنْ مَامَاكِ سُنْ شَيْدَ ثٜىٰوَ نِے مَنْذُواْ نٜىٰ نَغَسْكِيَ؞

¹³ تَوَثٜىٰ حَنْيَ ثٜىٰ نَنُونَ ثٜىٰوَ بَكُذَمَ دَيْدَيْ دَ وَطَنْسُ جَمَعَرْ مَاسُبِے بَ؟ كُواْ كُوَ دُواْمِنْ نَهَنَكُ كُتَيْمَكٜىٰنِ دَ كُطِ؟ تُواْ، كُيَاڢٜىٰمِنِ وَنَّنْ لَيْڢِے!‏

¹⁴ إِنَ أَشِرْيٜىٰ إِنْ ظِيَرْثٜىٰكُ سَوْ نَعُكُ يَنْذُ؞ بَذَنْسَا مُكُ وَنِ كَايَبَ، دُواْمِنْ كُو نَكٜىٰسُواْ، بَكُطِنْكُبَ؞ غَمَا بَيْ كَمَاتَ يَارَا سُطَوْكِ نَوْيِنْ إِيَايٜىٰنْسُبَ، سَيْدَيْ إِيَايٜىٰ سُطَوْكِ نَوْيِنْ يَارَانْسُ؞

¹⁵ ذَنْجِے دَاطِے إِنْكَشٜىٰ دُكْ أَبِنْدَ نَكٜىٰ دَشِ، حَرْ دَكَيْنَ مَا، دُوانْ إِنْتَيْمَكٜىٰكُ؞ عِدَنْ نَڧَارَ ڧَوْنَرْكُ، أَشٜىٰ، ذَاكُ ضَغٜىٰ ڧَوْنَرْ دَ كُكٜىٰيِ مِنِ كٜىٰنَنْ؟

¹⁶ ذَاكُيَرْدَ دَنِے ثٜىٰوَ بَنْذَمَ مُكُ وَنِ كَايَبَ؞ عَمَّا وَنِ ذَيْثٜىٰ نَيِمُكُ وَيُواْنٜىٰ، نَرِنْجَيٜىٰكُ دَڧَضْيَا؞

¹⁷ نَثُوثٜىٰكُ نٜىٰ تَوُرِنْ وَنِ دَغَ ثِكِنْ وَطَنْدَ نَ عَيْكُواْ غَرٜىٰكُ؟

¹⁸ نَضُواْڧِ تِيتُسْ يَجٜىٰ، نَكُمَ عَيْكُواْ دَ وَنِ طَنْعُوَ مَيْبِے تَرٜىٰدَشِ؞ ذَاكُثٜىٰ تِيتُسْ يَثُوثٜىٰكُ نٜىٰ؟ أَشٜىٰ، نِدَشِے بَمَنُڢَ طَيَ تَكٜىٰ بِدَمُبَ؟ بَكُمَ حَنْيَ طَيَ مُكٜىٰبِبَ؟

¹⁹ أَشٜىٰ، تُنْدَا كُنْيِ ڟَمَّنِ ثٜىٰوَ مُنَ ڧُواْڧَرِنْ كَارٜىٰ كَنْمُ نٜىٰ أَغَرٜىٰكُ؞ اللَّهْ نٜىٰ شَيْدَرْمُ، مُنَ ڢَطِنْ غَسْكِيَ ثِكِنْ أَلْمَسِيحُ؞ كُمَ كُواْ مٜىٰنٜىٰنٜىٰ مُكَيِ، يَا كُو وَطَنْدَ نَكٜىٰ ڧَوْنَ، مُنْيِ نٜىٰ دُواْمِنْ كُغِنُ؞

²⁰ غَمَا إِنَ جِنْ ڟُواْرُواْ، لُواْكَثِنْدَ نَذُواْ، وَتَڧِيلَ بَذَنْ سَامٜىٰكُ عَيَدَّ نَكٜىٰسُواْبَ، كُوكُمَ كُسَامٜىٰنِ بَعَيَدَّ كُكٜىٰسُواْبَ؞ إِنَجِنْ ڟُواْرُواْ ذَنْتَرَرْ دَ ڢَطَ دَ كِيشِ دَ ذَاڢِنْ رَيْ دَ سُوانْكَيْ دَ ٻَاتَ سُنَ دَ غُلْمَ دَ طَغَ كَيْ دَ كُمَ تَاشِنْ حَنْكَلِ؞

²¹ إِنَجِنْ ڟُواْرُواْ ثٜىٰوَ عِدَنْ نَسَاكٜىٰ كَيْوَ وُرِنْكُ، اللَّهْ نَا ذَيْسَا إِنْشَا كُنْيَا أَغَبَنْكُ؞ إِنَڟُواْرُواْ كَدَ إِنْيِ بَڧِنْ ثِكِ سَبُواْدَ مُتَنٜىٰ دَيَوَ دَسُكٜىٰ تَيِنْ ذُنُوبِ أَدَا، وَطَنْدَ بَسُتُوبَ دَغَ عَيْكِنْ لَلَتَبَ دَ إِسْكَنْثِ دَ حَلِنْ نٜىٰمَنْ جِنْ دَاطِے نَرَشِنْ كُنْيَا؞