2 كُواْرِنْتِيَاوَا 11 - أَتَّوْرَتْ دَ أَنَّبَاوَابُلُسْ دَ مَنْذَنِّےنْ ڧَضْيَا 1 إِنَ ڢَاتَا ذَاكُيِ حَڧُرِ دَنِے كُواْ إِنَ طَنْ وَوَنْثِ؞ سَيْكُدَيْ يِحَڧُرِ دَنِے! 2 إِنَ كِيشِ سَبُواْدَكُو دَ كِيشِ إِرِنَّڧَوْنَرْ دَ اللَّهْ يَكٜىٰيِ عَكَنْكُ؞ نَشِرْيَ عَوْرٜىٰنْكُ دَ أَلْمَسِيحُ، إِنَ كُمَ سُواْ كُذَوْنَ دَ ڟَرْكِے، دُواْمِنْ إِنْمِيڧَكُ غَرٜىٰشِ كَمَرْ يَدَّ عَكٜىٰمِيڧَ أَمَرْيَ مَيْ ڟَرْكِے غَ وَنْدَ شِينٜىٰ كَطَيْ مِجِنْتَ؞ 3 عَمَّا إِنَ ڟُواْرُواْ كَدَ يَذَمَ أَبِنْدَ يَڢَرُ دَ هَوَّآءُ، يَڢَرُ دَكُو؞ مَثِيجِ يَرُوطٜىٰتَ دَ وَيُوانْسَ حَرْ تَيِ ذُنُوبِ؞ حَكَ كُو مَا، تُنَانِنْكُ ذَيْ عِيَ ذَمَ مَرَرْ كِرْكِ، تَهَكَ، بَذَاكُ كَسَنْثٜىٰ دَ ثِكَكّٜىٰنْ بَادَكَيْ دَ كُمَ أَمِنْثِ ثِكِنْ أَلْمَسِيحُ بَ؞ 4 غَمَا كُنَدَ سَوْڧِنْ يَرْدَ دَ وَطَنْدَ سُكٜىٰ ذُوَا وُرِنْكُ؞ كُنْ يَرْدَ دَ كُواْيَرْوَرْسُ عَكَنْ عِيسَىٰ، كُواْدَيَكٜىٰ تَيِ دَبَمْ دَ وَدَّ مُكَيِ وَعَظِنْتَ؞ كُنْ يَرْدَ دَ إِرِنْ رُوحٌ دَ سُكَ ڢَطَا مُكُ، كُواْدَيَكٜىٰ وَنَّنْ رُوحُ بَ رُوحُ مَيْ ڟَرْكِے وَنْدَ كُكَ كَرْٻَ بَنٜىٰ؞ كُنْ كُمَ يَرْدَ دَ إِرِنْ لَابَرِ مَيْ دَاطِے نَاسُ، كُواْدَيَكٜىٰ يَيِ دَبَمْ دَ وَنْدَ مُكَ كَٰوُاْ مُكُ؞ 5 بَنْيِ ڟَمَّنِ وَطَنَّنْ دَ كُكٜىٰثٜىٰ دَسُو «مَنْيَنْ مَنْذَنِّے» سُنْڢِے نِے دَ وَنِ أَبُبَ؞ 6 مَيْ يِوُوَ بَعَكُواْيَرْ دَنِے أَ مَغَنَ بَ، عَمَّا إِنَدَ سَنِ؞ مُنْ نُونَ مُكُ وَنَّنْ عَتَكُواْوَثٜىٰ حَنْيَ؞ 7 نَيِ مُكُ وَعَظِنْ لَابَرِ مَيْ دَاطِنَّنْ نَ اللَّهْ عَݣَوْتَا؞ نَطَوْكِ مَڟَيِ مَرَرْ غِرْمَ، دُوانْ أَطَغَكُ ذُوَا بَبَّنْ مَڟَيِ؞ نَيِ لَيْڢِے كٜىٰنَنْ؟ 8 يَذَمَ كَمَرْ نَيِ وَ وَطَنْسُ جَمَعَرْ مَاسُبِے ڨُوثٜىٰ دُواْمِنْ إِنْيِ مُكُ حِدِمَ؞ 9 لُواْكَثِنْ دَ نَكٜىٰ تَرٜىٰدَكُو، إِنَدَ بُڧَاتَرْ كُطِ، دُكْدَهَكَ بَنْ دَامٜىٰكُبَ؞ یَنْعُوَ مَاسُبِے وَطَنْدَ سُكَذُواْ دَغَ مَكِدُواْنِيَ نٜىٰ سُكَ كَٰوُاْ مِنِ دُكْ أَبِنْدَ نَكٜىٰ بُڧَاتَ؞ بَنْ طُواْرَ مُكُ نَوْيِ أَ لُواْكَثِنْ بَ، كُمَ ذَنْ ثِيغَبَدَ يِنْهَكَ؞ 10 بِسَغَ غَسْكِيَرْ أَلْمَسِيحُ دَتَكٜىٰ عَثِكِنَ، نَثٜىٰ بَاوَنْدَ يَ إِسَ أَدُكْ ڢَاطِنْ ڧَسَرْ عَكَيَ يَثٜىٰ إِنْبَرْ يِنْ تَاڧَمَ؞ 11 مٜىٰيَسَا إِنَ ڢَطِنْ حَكَ؟ دُواْمِنْ بَانَ ڧَوْنَرْكُ نٜىٰ؟ أَيْ، اللَّهْ يَسَنْ إِنَ ڧَوْنَرْكُ! 12 ذَنْ ثِيغَبَدَ مَتَاكِنَّنْ نَوَ نَڧِنْ يَرْدَ دَ تَيْمَكُوانْ كُطِ دَغَ غَرٜىٰكُ، دُواْمِنْ إِنْحَنَ وَطَنَّنْ «مَنْيَنْ مَنْذَنِّےنْ» وَنِ دَلِيلِنْ تَاڧَمَ ثٜىٰوَ أَيْ، سُنَ عَيْكِ دَيْدَيْ دَمُو؞ 13 إِرِنْ مُتَنٜىٰنَّنْ بَ مَنْذَنِّےنْ غَسْكِيَ بَنٜىٰ، عَمَّا مَاسُ عَيْكِنْ ڧَضْيَانٜىٰ؞ سُنَ مَيْدَ كَنْسُ كَمَرْ مَنْذَنِّےنْ أَلْمَسِيحُ؞ 14 بَ أَبِنْ مَامَاكِ بَنٜىٰ، دُواْمِنْ كُواْ شَيْطَنْ مَا دَ كَنْسَ يَكَنْ مَيْدَ كَنْسَ كَمَرْ مَلاَىِٕكَنْ حَصْكٜىٰ؞ 15 سَبُواْدَ حَكَبَ أَبِنْ مَامَاكِ بَنٜىٰ عِدَنْ مَاسُ يِمَسَ حِدِمَ سُنْ مَيْدَ كَنْسُ كَمَرْ مَاسُ حِدِمَرْ أَدَلْثِے؞ عَڧَرْشٜىٰ ذَاسُ سَامِ لَادَنْ دَ يَيِ دَيْدَيْ دَ عَيْكِنْسُ؞ وَهَلَرْ دَ بُلُسْ يَشَا ثِكِنْ عَيْكِنْسَ 16 إِنَ سَاكٜىٰ ثٜىٰوَ كَدَ وَنِ يَيِ ڟَمَّنِ نِے وَاوَا نٜىٰ؞ عَمَّا عِدَنْ كُنَ ڟَمَّنِ حَكَنٜىٰ، تُواْ، كُيَرْدَ دَنِے كَمَرْ وَاوَا، دُواْمِنْ نِے مَا إِنْ طَنْ سَامِ أَبِنْ تَاڧَمَ؞ 17 إِرِنْ تَاڧَمَرْ نَنْ دَ نَكٜىٰيِ، بَ بِسَغَ عُمَرْنِنْ عُبَنْغِجِ نَكٜىٰ ڢَطِ حَكَبَ؞ أَعَ، أَوَنَّنْ ذَنْثٜىٰ، إِنَ دَيْ تَاڧَمَ كَمَرْ وَاوَا نٜىٰ؞ 18 دَيَكٜىٰ أَݣَويْ وَطَنْسُ مَاسُ تَاڧَمَ كَمَرْ يَدَّ مُتَنٜىٰنْ دُونِيَا سُكٜىٰيِ، بَرِ نِے مَا إِنْيِ حَكَ؞ 19 كُو كَمْ كُنَدَ وَيُواْ سُواْسَيْ، حَرْ تَرٜىٰدَ مُرْنَ كُنَ جِمْرٜىٰ وَ وَوَيٜىٰ! 20 غَمَا إِنْ وَنِ يَسَاكُ بَوْتَا، كُكَنْ جِمْرٜىٰ مَسَ، كُواْ يَيِ مُكُ ڨُوثٜىٰ، كُواْ يَمُواْرٜىٰكُ، كُواْ يَنُونَ مُكُ إِسَ، كُواْ كُوَ يَمَرٜىٰكُ أَ ڢُسْكَ؞ 21 نِے كَمْ، إِنَ جِنْ كُنْيَا إِنْثٜىٰ سَبُواْدَ رَشِنْ ڧَرْڢِنْمُ بَمُيِ وَطَنَّنْ أَبُبُوَنْبَ! عَمَّا عِدَنْ وَنِ يَيِ ڧَرْڢِنْ حَلِ يَيِ تَاڧَمَ عَكَنْ وَنِ أَبُ نٜىٰ، نِے مَا ذَنْيِ ڧَرْڢِنْ حَلِ إِنْيِ حَكَ؞ أَ نَنْ دَيْ إِنَ مَغَنَ نٜىٰ كَمَرْ وَاوَا! 22 عِدَنْ سُو إِبْرَانِيَاوَا نٜىٰ، نِمَا حَكَ؞ عِدَنْ سُو إِسْرَٰٓءِيلَاوَا نٜىٰ، نِمَا حَكَ؞ إِنْ سُو ذُرِيَرْ إِبْرَٰهِيمْ نٜىٰ، نِمَا حَكَ؞ 23 عِدَنْ سُو مَاسُ حِدِمَرْ أَلْمَسِيحُ نٜىٰ، نِے نَا ڢِسُ! إِنَ مَغَنَ كَمَرْ نَهَوْكَثٜىٰنٜىٰ ڢَا! أَيْ، نَا ڢِسُ ڧُواْڧَرِ ڨُورَيْ دَ غَسْكٜىٰ، غَ شَنْ طَوْرِ؞ نَشَا دُوكَ دَيَوَ، نَكُمَ شَا شِغَ حَڟَرِنْ مُتُوَ سَوْ دَيَوَ؞ 24 سَوْ بِيَرْ يَهُودَاوَا سُكَيِ مِنِ بُلَلَ تَلَاتِنْ دَ تَرَ؞ 25 سَوْ عُكُ حُكُمَرْ رُواْمَاوَا سُكَيِ مِنِ بُلَلَ؞ أَنْ كُمَ تَٻَ جٜىٰجّٜىٰڢٜىٰنِ دَ دُوَڟُو سَوْ طَيَ؞ سَوْ عُكُ جِضَاغٜىٰنْ ضُوَ سُنْ ڢَرْڢَشٜىٰ إِنَ ثِكِ؞ نَكُمَ تَٻَ ݣُونَ حَرْ نَا يِنِ عَثِكِنْ تٜىٰكُ، كَاڢِنْ عَكَذُواْ عَكَ ثِرٜىٰنِ؞ 26 عَثِكِنْ تَڢِيٜىٰ تَڢِيٜىٰنَ نَغَمُ دَ حَڟَرِ عَكُواْغُنَ، نَكُمَ غَمُ دَ حَڟَرِ أَ حَنُّنْ یَنْ ڢَشِ؞ نَشَا شِغَ حَڟَرِ دَغَ حَنُّنْ یَنْعُوَنَ يَهُودَاوَا، نَكُمَ شَا شِغَ حَڟَرِ أَ حَنُّنْ وَطَنْدَ بَا يَهُودَاوَا بَ؞ نَشَا شِغَ حَڟَرِ عَبِرَنٜىٰ، نَشَا شِغَ حَڟَرِ أَدَاجِ، نَشَا شِغَ حَڟَرِ عَتٜىٰكُ، نَكُمَ شَا شِغَ حَڟَرِ أَ حَنُّنْ یَنْعُوَنْ ڧَضْيَا؞ 27 نَشَا ڢَامَ، نَشَا وَهَلَ، نَشَا رَشِنْ بَرْثِ، نَشَا يُنْوَ دَ ڧِشِنْ ضُوَ؞ سَوْ دَيَوَ نَرَسَ عَبِنْثِ، نَشَا سَنْيِ، نَكُمَ رَسَ رِغَرْدَ ذَنْسَا؞ 28 بَنْ دَ وَطَنْسُ أَبُبُوَ دَبَمْ دَبَمْ كُمَ، كُواْوَثٜىٰ رَانَ إِنَدَ نَوْيِنْ كُلَ دَ دُكَنْ جَمَعَرْ مَاسُبِے؞ 29 عِدَنْ وَنِ يَرَسَ ڧَرْڢِے، نَكَنْجِ كَمَرْ نِنٜىٰ نَرَسَ، عِدَنْ كُمَ أَنْسَا وَنِ يَڢَاطَ ثِكِنْ ذُنُوبِ، أَبِنْ يَكَنْ سَانِ إِنْجِ ڢُشِے سُواْسَيْ؞ 30 إِنْ مَا يَذَمَ لَلَّيْنٜىٰ إِنْيِ تَاڧَمَ، تُواْ، سَيْ إِنْيِ تَاڧَمَ دَ أَبُبُوَنْ دَ سُكَ نُونَ كَاسَوَتَ؞ 31 اللَّهْ يَسَنْ بَا ڧَضْيَا نَكٜىٰيِبَ، شِ دَيَكٜىٰ اللَّهْ، كُمَ عُبَنْ عُبَنْغِجِ عِيسَىٰ أَلْمَسِيحُ؞ بَرِ أَلْبَرْكَ تَتَبَّتَا أَغَرٜىٰشِ حَرْ أَبَدَا! 32 لُواْكَثِنْ دَ نَكٜىٰ دِمَشْڧُ، ڠُومْنَنْ دَيَكٜىٰ ڧَرْڧَشِنْ سَرْكِے أَرٜىٰتَسْ يَڟَرٜىٰ ڧُواْڢُواْڢِنْ بِرْنِنْ دِمَشْڧُ دُواْمِنْ يَكَامَ نِے؞ 33 عَمَّا أَبُواْكَيْنَ سُكَ سَوْكُواْ دَنِے عَثِكِنْ ݣُونْدُواْ دَغَ كَتَنْغَرْ بِرْنِنْ، نَكُٻُثٜىٰ مَسَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria