2 كُواْرِنْتِيَاوَا 10 - أَتَّوْرَتْ دَ أَنَّبَاوَا

بُلُسْ يَكَارٜىٰ كَنْسَ غَمٜىٰدَ عَيْكِنْسَ

¹ نِے بُلُسْ دَكَيْنَ، إِنَ ضُواْڧُوانْكُ، نِے دَ عَكٜىٰ ثٜىٰ دَنِے ‏«‏مَيْ سَوْڧِنْ كَيْ»‏ عِدَنْ إِنَ تَرٜىٰدَكُو، عَمَّا ‏«‏مَيْ مَڟَاوَا»‏ إِنْ بَانَ تَرٜىٰدَكُو؞ بِسَغَ تَوَلِعُ دَ سَوْڧِنْ كَيْ نَ أَلْمَسِيحُ،

² إِنَ ضُواْڧُوانْكُ، كَدَ كُتِلَسْتَنِ إِنْ مَاڟَ مُكُ سَعَدَّ نَذُواْ، دُواْمِنْ نَسَنْ ذَنْعِيَ مَڟَا وَ وَطَنْدَ سُكٜىٰثٜىٰوَ وَيْ أَبِنْدَ مُكٜىٰيِ، شَعَنِنْ دُونِيَا نٜىٰ؞

³ كُواْدَيَكٜىٰ مُنَ ذَمَ عَدُونِيَا، يَاڧِنْ دَمُكٜىٰيِبَ إِرِنْ نَدُونِيَا نٜىٰبَ؞

⁴ غَمَا كَايَنْمُ نَيَاڧِ بَ نَدُونِيَا بَنٜىٰ، عَمَّا نَ إِيكُوانْ اللَّهْ نٜىٰ؞ تَوُرِنْسُ مُنَ رُشٜىٰ وُرَارٜىٰ مَاسُ ڧَرْڢِے نَتُنَانِنْ ذُوثِيَارْ ڧَضْيَا؞

⁵ مُنَ كَوَرْدَ كُواْوَثٜىٰ مُهَوَرَ، مُنَ رُشٜىٰ كُواْوَنٜىٰ أَبِنْدَ ذَيْ حَنَ سَنِنْ اللَّهْ، مُنَ كُمَ كُواْمُواْ دَ كُواْوَنٜىٰ تُنَانِ ذُوَاغَ بَوْتَادَ بِيَيَّ غَ أَلْمَسِيحُ؞

⁶ أَ شِرْيٜىٰ مُكٜىٰ مُحُكُنْتَ كُواْوَنٜىٰ إِرِنْ رَشِنْ بِيَيَّ، سَعَدَّ بِيَيَّرْكُ غَ أَلْمَسِيحُ تَثِكَ؞

⁷ كُدُوبِے أَبِنْدَ يَكٜىٰ عَبَيَّنٜىٰ مَنَ!‏ عِدَنْ وَنِ يَثٜىٰ شِے نَ أَلْمَسِيحُ نٜىٰ، بَرِ وَنَّنْ مُتُمْ يَسَاكٜىٰ تُنَانِ، ذَيْ غَانٜىٰ ثٜىٰوَ مُو مَا نَ أَلْمَسِيحُ نٜىٰ؞

⁸ كُواْ دَ إِنَ تَاڧَمَ عَكَنْ إِيكُواْنَّنْ نَامُ دَ عُبَنْ‌غِجِ يَبَامُ دُواْمِنْ أَغِنَكُ، بَ دُواْمِنْ أَرُشٜىٰكُبَ، بَانِ دَ أَبِنْ جِنْ كُنْيَا عَثِكِ؞

⁹ بَانَسُواْ كُيِ ڟَمَّنِ ڟُواْرُواْ نَكٜىٰسُواْ إِنْبَاكُ عَثِكِنْ وَسِيڧُونَ؞

¹⁰ أَنَ ثٜىٰوَ ‏«‏وَسِيڧُنْ بُلُسْ مَاسُ ڟَنَنِ دَ ڧَرْڢِينٜىٰ، عَمَّا عِدَنْ يأَنَانً تَرٜىٰدَمُو دَ كَنْسَ، شِے بَمَيْ مَغَنَ مَيْ ڧَرْڢِيبَنٜىٰ، كُمَ مَغَنَرْسَ بَكُواْمٜىٰبَنٜىٰ؞»‏

¹¹ دُواْلٜىٰ إِرِنْ مُتَنٜىٰنَّنْ سُغَانٜىٰ ثٜىٰوَ بَابُوَنِ بَمْبَنْثِ ڟَكَانِنْ أَبِنْدَ مُكَ رُبُوتَ عَثِكِنْ وَسِيڧُنْمُ إِنْ بَامَنَنْ دَ كُمَ أَبِنْدَ ذَامُيِ إِنْ مُنَ تَرٜىٰدَكُو؞

¹² وَنٜىٰ مُو!‏ أَيْ، بَمُ إِسَ مُڠُودَ، كُواْ مُطَوْكِ كَنْمُ كَمَرْ مُتَنٜىٰنْ دَسُكٜىٰ غَنِ سُنْڢِے كُواْوَبَ؞ سُو وَطَنَّنْ مُتَنٜىٰ مَاسُ عَوْنَ كَنْسُ دَ جُونَ، سُنَ كُمَ نٜىٰمَنْ بَمْبَنْثِ ڟَكَانِنْسُ دَ جُونَ، سُو وَوَيٜىٰنٜىٰ!‏

¹³ عَمَّا دَيْ بَذَامُيِ تَاڧَمَ ڢِيٜىٰدَ يَدَّ يَا كَمَاتَبَ، سَيْدَيْ مُڟَيَ عَكَنْ إِيَاكَرْ دَ اللَّهْ يَيَنْكٜىٰ مَنَ، وَدَّ تَهَطَ حَرْ دَكُو؞

¹⁴ أَيْ، كُو مَا كُنَ ثِكِنْ إِيَاكَرْ دَ اللَّهْ يَبَانِ، سَبُواْدَ حَكَ بَنْ وُثٜىٰ غُواْنَ دَ إِرِبَ سَعَدَّ نَتَڢِے حَرْ وُرِنْكُ دُواْمِنْ وَعَظِنْ لَابَرِ مَيْ دَاطِے نَ أَلْمَسِيحُ؞

¹⁵ تَاڧَمَرْمُ بَڢِيٜىٰ دَ يَدَّ يَا كَمَاتَ تَكٜىٰبَ، بَتَكُمَ شَاڢِ عَيْكِنْ وَطَنْسُبَ؞ عَمَّا مُنَسَا ذُوثِيَا ثٜىٰوَ بَنْ‌غَسْكِيَرْكُ ذَاتَ دِنْ‌غَ ڧَارُوَ، تَهَكَ كُمَ ڢِيلِنْ عَيْكِنْمُ عَثِكِنْكُ يَدِنْ‌غَ ڧَارُوَ سُواْسَيْ،

¹⁶ حَرْ مَا ذَامُيِ وَعَظِنْ لَابَرِ مَيْ دَاطِے أَوَطَنْسُ ڧَسَاشٜىٰ غَبَ دَكُو، بَاتَرٜىٰدَ نٜىٰمَنْ سُنَ أَ عَيْكِنْ دَ وَنِ يَارِغَا يَيِ أَ ڢِيلِنْ دَ عَكَ سَاشِيبَ؞

¹⁷ عَمَّا كَمَرْ يَدَّ رُبُوتَثِّيَرْ مَغَنَرْ اللَّهْ تَثٜىٰ ‏«‏دُكْ وَنْدَ ذَيْ يِتَاڧَمَ، يَيِ تَاڧَمَ دَ عُبَنْ‌غِجِ؞»‏

¹⁸ أَيْ، بَاوَنْدَ يَكٜىٰ يَبُوانْ كَنْسَ نٜىٰ عَكٜىٰ يَرْدَ دَشِيبَ، سَيْدَيْ مُتُمِنْ دَ عُبَنْ‌غِجِ يَكٜىٰ يَبُوانْسَ؞