2 كُواْرِنْتِيَاوَا 1 - أَتَّوْرَتْ دَ أَنَّبَاوَا

غَيْسُوَا

¹ دَغَ بُلُسْ وَنْدَ يَذَمَ مَنْذُوانْ أَلْمَسِيحُ عِيسَىٰ بِسَغَ نُڢِنْ اللَّهْ دَ كُمَ طَنْعُوَنْمُ تِمُواْتِ، ذُوَاغَ جَمَعَرْ مَاسُبِنْ اللَّهْ أَ كُواْرِنْتِ، تَرٜىٰدَ دُكَنْ ڟَرْكَكَا أَدُكْ ڢَاطِنْ ڧَسَرْ عَكَيَ؞

² أَلْحٜىٰرِ دَ سَلَمَ دَغَ اللَّهْ عُبَنْمُ دَ عُبَنْ‌غِجِ عِيسَىٰ أَلْمَسِيحُ سُكَسَنْثٜىٰ تَرٜىٰدَكُو؞

اللَّهْ مَيْ تَعَظِيَّ نٜىٰ

³ أَلْبَرْكَ تَا تَبَّتَا غَ اللَّهْ عُبَا، شِ دَيَكٜىٰ عُبَنْ عُبَنْ‌غِجِنْمُ عِيسَىٰ أَلْمَسِيحُ، عُبَا مَيْ يَوَنْ تَوْسَيِ، اللَّهْ وَنْدَ يَكٜىٰيِ مَنَ كُواْوَثٜىٰ إِرِنْ تَعَظِيَّ!‏

⁴ اللَّهْ يَنَيِ مَنَ تَعَظِيَّ عَثِكِنْ دُكَنْ وَهَلَرْمُ، دُوانْ مُو مَا مُيِ وَ وَطَنْسُ تَعَظِيَّ عَثِكِنْ كُواْوَنٜىٰ إِرِنْ وَهَلَرْسُ دَ وَنَّنْ تَعَظِيَّرْ دَ مُكَ سَامُ دَغَ وُرِنْ اللَّهْ؞

⁵ كَمَرْ يَدَّ مُكٜىٰ شَنْ وُيَ يَدَّ أَلْمَسِيحُ دَ كَنْسَ يَشَا، حَكَكُمَ تَوُرِنْ أَلْمَسِيحُ ذَامُ سَامِ بَبَّرْ تَعَظِيَّرْ نَنْ تَ اللَّهْ؞

⁶ كُواْ مُنَ شَنْ وَهَلَ، أَيْ، مُنَ شَنْتَ نٜىٰ دُواْمِنْ تَذَمَ أَبِنْ تَعَظِيَّ أَغَرٜىٰكُ تَكُمَ ڧَرْڢَڢَ رَايُوَرْكُ تَ رُوحَنِيَ؞ عِدَنْ كُمَ تَعَظِيَّ عَكٜىٰمَنَ نٜىٰ، تُواْ، كُو مَا كُنْ سَامِ تَعَظِيَّ كٜىٰنَنْ يَدَّ ذَاكُ سَامِ ڧَرْڢِنْ يِنْ حَڧُرِ عَكَنْ وَنَّنْ وَهَلَرْ دَ مُو مَا مُكٜىٰ شَا؞

⁷ بَا مَا شَكَّرْكُ كُواْ كَطَنْ، دُواْمِنْ مُنْ سَنِ ثٜىٰوَ كَمَرْ يَدَّ كُكٜىٰ شَنْ وَهَلَ إِرِنْ تَامُ، حَكَ كُو مَا ذَاكُ سَامِ إِرِنْ تَعَظِيَّرْ دَ عَكٜىٰيِ مَنَ؞

⁸ یَنْعُوَ، بَامَ سُواْ كُكَسَنْثٜىٰ دَ رَشِنْ سَنِ غَمٜىٰدَ إِرِنْ وَهَلَرْ دَ مُكَ شَا عَڧَسَرْ أَسِيَ، وَنَّنْ وَهَلَرْ تَايِيَوَ سُواْسَيْ حَرْ بَمُسَنْ ذَامُ رَايُبَ؞

⁹ حَرْ مَا مُكَجِ كَمَرْ حُكُنْثِنْ مُتُوَ عَكَيِ مَنَ؞ عَمَّا وَنَّنْ يَڢَرُ نٜىٰ دُواْمِنْ كَدَ مُدُواْغَرَ غَ ڧُواْڧَرِنْ كَنْمُ، سَيْدَيْ مُدُواْغَرَ غَ اللَّهْ، وَنْدَ يَكٜىٰ تَادَ وَطَنْدَ سُكَ مُتُ؞

¹⁰ اللَّهْ يَڢِتَرْ دَمُو دَغَ وَنَّنْ مُوغُوَرْ مُتُوَ، مُنْ كُمَ تَبَّتَا ذَيْثٜىٰثٜىٰمُ؞ أَغَرٜىٰشِنٜىٰ مُكٜىٰ دُواْغَضَ دُواْمِنْ يَسَاكٜىٰ ثٜىٰتُوانْمُ؞

¹¹ كُتَيْمَكٜىٰمُ دَ أَدُّعَ؞ تَهَكَنٜىٰ مُتَنٜىٰ دَيَوَ ذَاسُغُواْدٜىٰ وَ اللَّهْ سَبُواْدَمُو، سَبُواْدَ أَلْبَرْكُنْ دَ ذَامُ سَامُ تَوُرِنْ أَمْسَ أَدُّعُواْعِ مَاسُيَوَ؞

بُلُسْ يَثَنْجَ شِرِنْ دَ يَيِ نَظِيَارَ

¹² أَبِنْ دَ يَكٜىٰسَا مُتَاڧَمَ شِينٜىٰ تُنَانِنْ ذُوثِيَارْمُ تَنَ شَيْدَ مَنَ ثٜىٰوَ مُنْيِ ذَمَ مَيْ ڟَرْكِے عَدُونِيَا دَ ذُوثِيَا طَيَ، مُسَمَّنْ ثِكِنْ ذَمَنْ دَ مُكَيِ دَكُو؞ ذَنْ ڢَطَا ثٜىٰوَ مُنْيِ حَكَ ثِكِنْ غَسْكِيَ إِرِنْ تَحَلِنْ اللَّهْ، تَوُرِنْ أَلْحٜىٰرِنْ اللَّهْ نٜىٰ، بَتَوُرِنْ حِكِمَرْ وَنَّنْ دُونِيَا بَ؞

^13-14 مُنَ رُبُوتَ مُكُ أَبِنْدَ ذَاكُ كَرَنْتَ كُغَانٜىٰنٜىٰ كَوَيْ؞ عَمَّا كُواْدَيَكٜىٰ كُنْ سَامِ غَانٜىٰوَ كَطَنْ يَنْذُ، إِنَ ڢَاتَا ذَاكُ سَامِ غَانٜىٰوَرْ كُواْمٜىٰ دَكُواْمٜىٰ، دُواْمِنْ رَانَرْ دَ عُبَنْ‌غِجِنْمُ عِيسَىٰ ذَيْ دَاوُاْ، كُيِ تَاڧَمَ دَمُو، كَمَرْ يَدَّ مُو مَا ذَامُيِ تَاڧَمَ دَكُو؞

¹⁵ دَ وَنَّنْ أَمِنْثٜىٰوَ ڢَا، إِنَدَ نُڢِ إِنْذُواْ وُرِنْكُ دَ ڢَارِ، دُواْمِنْ كُسَامِ أَلْبَرْكَ سَوْ بِيُ؞

¹⁶ نَا شِرْيَ إِنْظِيَرْثٜىٰكُ عِدَنْ ذَنْ تَڢِے مَكِدُواْنِيَ، إِنْسَاكٜىٰ بِنْ وُرِنْكُ كُمَ عِدَنْ إِنَدَاوُاْوَ، دُواْمِنْ إِنْسَامِ تَيْمَكُوانْكُ دُواْمِنْ تَڢِيَاتَ ذُوَا يَهُودِيَ؞

¹⁷ كُنَ غَنِ ثٜىٰوَ نَايِ وَنَّنْ شِرِ بَدَسَنِنْ أَبِنْدَ نَكٜىٰيِبَنٜىٰ؟ كُواْ كُوَ، كُنَ غَنِ نَايِ شِرِنَّنْ دَ حَلِنْ مُتُنْتَكَ نٜىٰ، دُواْمِنْ إِنْثٜىٰ ‏«‏عِ،»‏ إِنْكُواْمَ إِنْثٜىٰ ‏«‏أَعَ»‏؟

¹⁸ كَمَرْ يَدَّ بَاشَكَّ اللَّهْ مَيْ أَمِنْثِ نٜىٰ، حَكَمَا مَغَنَرْ دَ مُكَيِ مُكُ بَتَ ‏«‏عِ»‏ دَ ‏«‏أَعَ»‏ بَثٜىٰ؞

¹⁹ دُواْمِنْ طَنْ اللَّهْ عِيسَىٰ أَلْمَسِيحُ، وَنْدَ نِے دَ سِيلَ دَ تِمُواْتِ مُكَيِ مُكُ وَعَظِنْسَ، أَيْ، بَوَنِ مَيْ ‏«‏عِ»‏ دَ ‏«‏أَعَ»‏ بَنٜىٰ، عَمَّا عَثِكِنْسَ ‏«‏عِ»‏ نٜىٰ كُلُّمْ؞

²⁰ غَمَا تَوُرِنْسَ نٜىٰ اللَّهْ يَثِكَ دُكَنْ أَلْكَوَرَنْ دَ يَيِ؞ شِيَسَا تَوُرِنْ عِيسَىٰ أَلْمَسِيحُ مُكٜىٰثٜىٰوَ ‏«‏أَمِينْ»‏ دُواْمِنْ طَوْكَكَرْ اللَّهْ؞

²¹ يَنْذُ ڢَا اللَّهْ نٜىٰ يَكٜىٰ تَبَّتَرْ مَنَ دَمُو دَكُو غَبَاطَيَ، سَامُنْ رَيْ عَثِكِنْ أَلْمَسِيحُ، شِينٜىٰ كُمَ يَكٜىٰٻٜىٰمُ،

²² يَسَا مَنَ عَلَمَرْ شَيْدَرْسَ تَنُونَ ثٜىٰوَ مُو نَاسَنٜىٰ، يَكُمَ بَامُ ݣَوْتَرْ رُوحُنْسَ أَ ذُوثِيَارْمُ دُواْمِنْ يَتَبَّتَا مَنَ دَ أَبِنْدَ ذَيْ يِ نَنْ غَبَ؞

²³ اللَّهْ نٜىٰ شَيْدَتَ، عِدَنْ ڧَضْيَا نٜىٰ نَكٜىٰيِ دَ نَثٜىٰ دَلِيلِنْ دَ بَنْ كُواْمَ كُواْرِنْتِ بَ شِينٜىٰ دُواْمِنْ كَدَ إِنْڧَارَ مُكُ وَهَلَ؞

²⁴ بَوَيْ مُنَسُواْ مُنُونَ مُكُ إِيكُواْ عَكَنْ بَنْ‌غَسْكِيَرْكُ بَنٜىٰ، أَعَ، مُنَ عَيْكِنٜىٰ تَرٜىٰ، دُواْمِنْ كُيِ ڢَضٍ ثِكِ، سَبُواْدَ كُنَ ڟَيٜىٰ دَ ڧَرْڢِے ثِكِنْ بَنْ‌غَسْكِيَرْكُ؞