2 تَارِيحِ 9 - أَتَّوْرَتْ دَ أَنَّبَاوَازِيَارَرْ سَرَوْنِيَرْ شٜىٰبَ ﴿ 1 سَرْ 10.1-13 ﴾ 1 عَڧَسَرْ شٜىٰبَ أَݣَويْ وَتَ سَرَوْنِيَ وَدَّ تَيِتَجِ لَابَرِنْ بَبَّنْ سُونَنْ دَ سُلَيْمَٰنُ يَيِ؞ سَيْ تَذُواْ دُواْمِنْ تَڠُودَاشِ دَ تَمْبَيُواْيِ مَاسُ وُيَ؞ تَا إِسُواْ عُرُوشَلِيمَ تَرٜىٰدَ یَنْ رَكِيَ دَيَوَ دَ رَاڧُمَ طَوْكٜىٰ دَ كَايَنْ يَجِ دَ ظِينَارِيَ مَيْ يَوَنْ غَسْكٜىٰ دَ دُوَڟُو مَاسُ دَرَجَ؞ سَعَدَّ سُكَ سَدُ دَ سُلَيْمَٰنُ، سَيْ تَبُوطٜىٰمَسَ ذُوثِيَارْتَ، تَيِمَسَ تَمْبَيُواْيِ غَمٜىٰدَ دُكَنْ أَبُبُوَنْ دَتَكٜىٰ تُنَانِ عَكَيْ؞ 2 سُلَيْمَٰنُ كُوَ يَأَمْسَ مَتَ دُكَنْ تَمْبَيُواْيِنْتَ، بَابُ أَبِنْدَ يَغَغَرٜىٰشِ يَبَيَّنَ مَتَ؞ 3 سَرَوْنِيَرْ شٜىٰبَ تَجِ حِكِمَرْ سُلَيْمَٰنُ، تَكُمَغَا غِدَنْ سَرْكِنْدَ يَغِنَ؞ 4 تَا كُمَغَا إِرِنْ عَبِنْثِنْ دَيَكٜىٰ عَتٜىٰبُرِنْسَ دَ يَدَّ دَتَّاوَنْسَ سُكٜىٰ ذَمَ دَ يَدَّ عَكٜىٰيِنْ حِدِمَ دَ مَاسُ مِيڧَ مَسَ أَبِنْ شَا دَ إِرِنْ رِيغُنَنْ مَاسُ حِدِمَرْسَ دَ هَدَايُنْ دَيَكٜىٰ مِيڧَاوَ أَ غِدَنْ يَهْوٜىٰهْ؞ سَيْ تَرِڧٜىٰ بَاكِ دَ مَامَاكِ؞ 5 بَايَنْ غَنِنْ وَطَنَّنْ أَبُبُوَ، سَيْتَثٜىٰ وَ سُلَيْمَٰنُ «لَابَرِنْدَ نَجِ عَڧَسَاتَ غَمٜىٰدَ أَيُّكَنْكَ دَ حِكِمَرْكَ غَسْكِيَ نٜىٰ! 6 عَمَّا بَنْ غَسْكَتَ لَابَرِنْسُ بَ، سَيْ دَ نَذُواْ نَغَنِ دَ عِدَنُونَ؞ أَشٜىٰ! كُواْ رَبِے مَا بَعَڢَطَا مِنِ بَ! لَلَّيْ حِكِمَرْكَ دَ أَرْزِڧِنْكَ سُنْڢِے أَبِنْدَ نَجِ؞ 7 لَلَّيْ مُتَنٜىٰنْكَ دَ مَاسُ يِمَكَ حِدِمَ سُنْيِ سَعَ، غَمَا تَدَلِيلِنْ عَيْكِنْسُ أَنَنْ كُلُّمْ سُنَ جِنْ حِكِمَرْكَ! 8 أَلْبَرْكَ تَا تَبَّتَا غَ يَهْوٜىٰهْ اللَّهْ نْكَ، وَنْدَ يَجِ دَاطِنْكَ حَرْ يَسَاكَ عَكُجٜىٰرَرْ مُلْكٍ إِسْرَٰٓءِيلَ دُواْمِنْ كَيِ مُلْكِ أَ سُونَنْسَ! سَبُواْدَ اللَّهْ نْكَ يَنَ ڧَوْنَرْ إِسْرَٰٓءِيلَ، كُمَ يَنَ سُواْ يَكَڢَسُ حَرْ أَبَدَانٜىٰ، شِے يَسَا يَنَطَكَ سَرْكِے دُواْمِنْ كَيِ شَرِيعَ ثِكِنْ غَسْكِيَ دَ أَدَلْثِے؞» 9 سَعَنً سَرَوْنِيَ تَبَا سُلَيْمَٰنُ ݣَوْتَرْ ظِينَارِيَ كِلُواْ دُبُو حُطُ دَ دُوَڟُو مَاسُ دَرَجَ دَ كُمَ كَايَنْ يَجِ مَاسُيَوَ؞ بَعَتَٻَ غَنِنْ إِرِنْ كَايَنْ يَجِ كَمَرْ وَنْدَ سَرَوْنِيَرْ شٜىٰبَ تَكَٰوُاْوَ سَرْكِے سُلَيْمَٰنُ بَ؞ 10 مَاسُ تُوڧِنْ جِضَاغٜىٰنْ ضُوً حِرَمْ كُوَ تَرٜىٰدَ مَعَيْكَتَنْ سُلَيْمَٰنُ سُكَ كَٰوُاْ ظِينَارِيَ مَڢِے ݣَوْ دَغَ عُواْڢِرْ؞ سُكَ كُمَ كَٰوُاْ كَتَكَنْ إِتَاثٜىٰنْ أَلْغُمْ دَيَوَ دَ دُوَڟُو مَاسُ دَرَجَ؞ 11 سَرْكِے يَيِ أَمْڢَانِ دَ كَتَكَنْ أَلْغُمْ دُواْمِنْ يَيِ وَ غِدَنْ يَهْوٜىٰهْ دَ غِدَنْ سَرْكِے مَتَاكَلَ، يَكُمَيِ مُواْلَيٜىٰ دَ غَرَايُ دُواْمِنْ مَوَاڧَ؞ بَعَتَٻَ سَامُنْ إِرِنْ وَنَّنْ كَتَكُوانْ أَلْمُغْ بَ، بَعَتَٻَ غَنِنْسُ كُمَ بَ هَرْوَيَوْ؞ 12 سَرْكِے سُلَيْمَٰنُ شِے مَا يَبَا سَرَوْنِيَرْ ڧَسَرْ شٜىٰبَ دُكْ أَبِنْدَ تَغَ تَنَ سُواْ؞ يَبَا تَأَبِنْدَ يَڢِ وَنْدَ تَكَٰوُاْ مَسَ؞ سَيْ تَكُواْمَ ڧَسَرْتَ دَ یَنْ رَكِيَرْتَ؞ أَرْزِڧِنْ سَرْكِے سُلَيْمَٰنُ ﴿ 1 سَرْ 10.14-25 ﴾ 13 كُواْوَثٜىٰ شٜىٰكَرَا سَرْكِے سُلَيْمَٰنُ يَكَنْ كَرْٻِ ظِينَارِيَ وَجٜىٰنْ كِلُواْ دُبُو عَشِرِنْ دَ عُكُ، 14 بَنْدَ هَرَاجِنْ دَ یَنْ كَاسُوَ سُكٜىٰبِيَ دَ رِيبَرْ كَاسُوَنْثِ دَ هَرَاجِنْ دَ سَرَاكُنَنْ أَرَبِيَ سُكٜىٰبِيَ تَرٜىٰدَ ڠُومْنُواْنِنْ يَنْكُنَنْ إِسْرَٰٓءِيلَ؞ 15 سُلَيْمَٰنُ يَيِ مَنْيَنْ غَرْكُوَ طَرِے بِيُ، كُواْوَنّٜىٰنْسُ أَنْيِ دَ ظِينَارِيَ وَدَّ تَكَيْ وَجٜىٰنْ كِلُواْ بَݣَويْ؞ 16 يَكُمَيِ ڧأَنَانً غَرْكُوَ طَرِے عُكُ، كُواْوَنّٜىٰنْسُ أَنْيِ دَ ظِينَارِيَ وَدَّ تَكَيْ وَجٜىٰنْ كِلُواْ بِيُ؞ سَرْكِے كُوَ يَ أَجِيٜىٰ وَطَنَّنْ غَرْكُوَ أَ غِدَنْ كُرْمِنْ لٜىٰبَنُوانْ وَنْدَ يَغِنَ؞ 17 سَرْكِے يَكُمَيِ بَبَّرْ كُجٜىٰرَرْ مُلْكِ دَ هَڧُواْرِنْ غِيوَ، عَكَ شَاڢٜىٰتَ دَ ظِينَارِيَ ظَلَّ؞ 18 كُجٜىٰرَرْ مُلْكٍ يَنَدَ مَتَاكَيْ شِدَ دَ وُرِنْ سَا ڧَڢَا نَظِينَارِيَ، وَنْدَ عَكَ حَطَ دَ كُجٜىٰرَرْ؞ عَكُواْوَنٜىٰ غٜىٰڢٜىٰنْ كُجٜىٰرَرْ أَݣَويْ وَجٜىٰنْ سَا حَنُّ مَيْ صِڢَّرْ ذَاكِ وَنْدَ يَكٜىٰ أَڟَيٜىٰ؞ 19 سُلَيْمَٰنُ يَيِ صِڢَّرْ ذَاكِ غُواْمَشَا بِيُ؞ عَكَسَا صِڢَّرْ ذَاكِ غُدَا أَڟَيٜىٰ عَكُواْوَنّٜىٰ غٜىٰڢٜىٰ نَمَتَكَنَّنْ شِدَ؞ بَابُ ڧَسَرْدَ عَكَ تَٻَيِنْ إِرِنْ وَنَّنْ كُجٜىٰرَرْ مُلْكِ؞ 20 دُكَنْ ݣُوڢْ نَ سَرْكِے سُلَيْمَٰنُ أَنْيِسُ دَ ظِينَارِيَ؞ حَكَ مَا دُكَنْ كَايَنْ عَيْكِ نَثِكِنْ غِدَنْ كُرْمِنْ لٜىٰبَنُوانْ، أَنْيِسُ دَ ظِينَارِيَ ظَلَّ؞ بَعَيِسُ دَ أَظُرْڢَابَ، غَمَا أَ زَامَانِنْ سُلَيْمَٰنُ أَظُرْڢَا بَ شِ دَ دَرَجَ سُواْسَيْ؞ 21 سَرْكِے يَنَدَ جِضَاغٜىٰنْ ضُوَ مَاسُبِنْ تٜىٰكُ سُنَ كَاسُوَنْثِ تَرٜىٰدَ جِضَاغٜىٰنْ ضُوَ نَ سَرْكِے حِرَمْ؞ كُواْوَثٜىٰ شٜىٰكَرَا عُكُ، جِضَاغٜىٰنْ سُكَنْ دَاوُاْ دَ ظِينَارِيَ دَ أَظُرْڢَا دَ هَڧُواْرِنْ غِيوَ دَ بِرَيْ مَنْيَ دَ ڧَنَانَا؞ 22 سَرْكِے سُلَيْمَٰنُ كُوَ يَڢِ دُكَنْ سَوْرَنْ سَرَاكُنَنْ دُونِيَا دُوكِيَ دَ حِكِمَ؞ 23 دُكَنْ سَرَاكُنَنْ دُونِيَا سُكَيِ تَ زِيَارَرْ سَرْكِے سُلَيْمَٰنُ دُواْمِنْ سُجِ حِكِمَرْ دَ اللَّهْ يَبَا شِ؞ 24 كُواْوَنّٜىٰنْسُ يَكَٰوُاْ ݣَوْتَنْسَ نَأَظُرْڢَا دَ ظِينَارِيَ دَ رِيغُنَ دَ كَايَنْ يَاڧِ دَ كَايَنْ يَجِ دَ دَوَكِ دَ جَاكُنَنْ دُواْكِ؞ وَنَّنْ يَثِيغَبَ كُواْوَثٜىٰ شٜىٰكَرَا؞ 25 سُلَيْمَٰنُ يَنَدَ رُمْڢُنَ دُبُو حُطُ دُواْمِنْ دَوَكِنْسَ دَ كٜىٰكُنَنْ دُواْكِنْ يَاڧِنْسَ؞ يَنَ كُمَ دَ دَوَكِ دُبُو غُواْمَشَا بِيُ وَطَنْدَ يَأَجِيٜىٰ عَثِكِنْ غَرُضُوً كٜىٰكُنَنْ يَاڧِ، وَطَنْسُ كُمَ أَ عُرُوشَلِيمَ تَرٜىٰدَ سَرْكِے؞ 26 سُلَيْمَٰنُ يَيِ مُلْكٍ دُكَنْ سَرَاكُنَنْ يَنْكِنْدَ يَمِيڧٜىٰ دَغَ كُواْغِنْ يُڢِرٜىٰتِسْ ذُوَا ڧَسَرْ ڢِلِسْتِيَ، حَرْ ذُوَا إِيَاكَرْ ڧَسَرْ مَصَرْ؞ 27 سَرْكِے يَسَا أَظُرْڢَا تَذَمَ أَبِنْ بَنْظَ كَمَرْ دُوَڟُو ثِكِنْ عُرُوشَلِيمَ، يَكُمَسَا إِتَاثٜىٰنْ سٜىٰدَ سُيِيَوَ كَمَرْ عِتَتُوَنْ ٻَوْرٜىٰ عَيَنْكِنْ ڧأَنَانً تُدَّيْ نَ يَهُودَ؞ 28 سُلَيْمَٰنُ يَسَيُواْ دَوَكِ دَغَ ڧَسَرْ مَصَرْ دَ سَوْرَنْ ڧَسَاشٜىٰنْ دُونِيَا؞ مُتُوَرْ سُلَيْمَٰنُ ﴿ 1 سَرْ 11.41-43 ﴾ 29 سَوْرَنْ أَيُّكَنْ سُلَيْمَٰنُ دَغَ ڢَرْكُواْ ذُوَا ڧَرْشٜىٰ سُنَ أَرُبُوثٜىٰ عَثِكِنْ تَارِيحِنْ أَنَّبِے نَتَنْ دَ أَنَّبْثِنْ أَهِيَ مُتُمِنْ شِلُواْ، دَ رُعُيَرْ إِدُّواْ مَيْ غَنِ، وَنْدَ يَيِ غَمٜىٰدَ مُلْكٍ سَرْكِے يٜىٰرُواْبُواْوَمْ طَنْ نٜىٰبَتْ نَ إِسْرَٰٓءِيلَ؞ 30 دَغَ عُرُوشَلِيمَ سُلَيْمَٰنُ يَيِ مُلْكِ عَكَنْ دُكَنْ إِسْرَٰٓءِيلَ شٜىٰكَرَا أَرْبَعِنْ؞ 31 يَكُواْمَ غَ كَاكَنِّنْسَ، عَكَ بِنّٜىٰشِ عَبِرْنِنْ دَاوُدَ، وَتُواْ عُرُوشَلِيمَ؞ سَيْ رٜىٰهُواْبُواْوَمْ طَنْسَ يَغَاجٜىٰشِ يَذَمَ سَرْكِے؞ |
Hausa Common Language Ajami Bible © The Bible Society of Nigeria, 2020
Bible Society of Nigeria