2 تَارِيحِ 7 - أَتَّوْرَتْ دَ أَنَّبَاوَا

أَنْ كٜىٰٻٜىٰ هَيْكَلِ

¹ سَعَدَّ سُلَيْمَٰنُ يَغَمَ يِنْ أَدُّعَ، وُتَا تَڢِتُواْ دَغَ سَمَ تَثِنْيٜىٰ هَدَايَ تَڧُواْنَاوَا دَ سَوْرَنْ هَدَايُنْ، كُمَ حَصْكٜىٰنْ طَوْكَكَرْ يَهْوٜىٰهْ يَا ثِكَ غِدَنْ؞

² ڢِرِسْتُواْثِے بَسُ عِيَ شِغَ غِدَنْ يَهْوٜىٰهْ بَ، غَمَا حَصْكٜىٰنْ طَوْكَكَرْ يَهْوٜىٰهْ يَا ثِكَ غِدَنْ؞

³ سَعَدَّ دُكَنْ إِسْرَٰٓءِيلَاوَا سُكَغَ سَوْكُواْوَرْ وُتَادَ طَوْكَكَرْ يَهْوٜىٰهْ عَكَنْ غِدَنْسَ، سَيْ سُكَ رُسُنَ دَ ڢُسْكُواْكِنْسُ حَرْ ڧَسَا، سُنَ يَبُوانْ يَهْوٜىٰهْ سُنَ ثٜىٰوَ ‏«‏يَهْوٜىٰهْ مَيْ أَلْحٜىٰرِ نٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ؞»‏

⁴ سَعَنً سَرْكِے دَ دُكَنْ مُتَنٜىٰ سُكَ مِيڧَ هَدَايُ أَغَبَنْ يَهْوٜىٰهْ؞

⁵ سَرْكِے سُلَيْمَٰنُ يَمِيڧَ هَدَايَرْ بِجِمَيْ دُبُو عَشِرِنْ دَ بِيُ دَ أَوَكِ دُبُو طَرِے دَ عَشِرِنْ؞ تَهَكَ سَرْكِے دَ دُكَنْ مُتَنٜىٰ سُكَ كٜىٰٻٜىٰ غِدَنْ اللَّهْ؞

⁶ ڢِرِسْتُواْثِے سُكَ ڟَيَ أَوُرَارٜىٰنْ دَ عَكَ ڟَارَا مُسُ؞ لَوِيَاوَا سُو مَا سُكَ ڟَيَ وُرَارٜىٰنْسُ سُنَ رِڧٜىٰ دَ كَايَنْ كَطٜىٰ كَطٜىٰ دَ نَبُوشٜىٰ بُوشٜىٰ وَطَنْدَ سَرْكِے دَاوُدَ يَيِ دُواْمِنْ أَدِنْ‌غَ يِنْ وَاڧُواْڧِنْ غُواْدِيَ غَ يَهْوٜىٰهْ، أَنَ ثٜىٰوَ ‏«‏ڧَوْنَرْ يَهْوٜىٰهْ مَرَرْ ثَنْجَاوَا تَهَرْ أَبَدَا ثٜىٰ!‏»‏ سُكَيِ وَاڧُواْڧِنْ يَبُوانْ يَهْوٜىٰهْ تَرٜىٰدَ وَطَنَّنْ كَايَنْ كَطٜىٰ كَطٜىٰ بِسَغَ يَدَّ دَاوُدَ يَعُمَرْثٜىٰسُ؞ أَغٜىٰڢٜىٰنْ دَيَكٜىٰ ڢُسْكَنْتَرْ لَوِيَاوَا، ڢِرِسْتُواْثِے سُكَ ڟَيَ سُكَ بُوسَ كَكَكِ، سَعَدَّ دُكَنْ إِسْرَٰٓءِيلَاوَا سُنَ ڟَيٜىٰ؞

⁷ سَيْ سُلَيْمَٰنُ يَكٜىٰٻٜىٰ ڟَكِيَرْ ڢِيلِ نَغَبَنْ غِدَنْ يَهْوٜىٰهْ؞ أَوُرِنْ يَمِيڧَ هَدَايُنْ ڧُواْنَاوَا دَ كِڟٜىٰنْ هَدَايَ تَڠَرَنْ زُمُنْثِ؞ يَيِ حَكَ سَبُواْدَ بَغَدٜىٰنْ ڧَرْڢٜىٰنْ تَغُلَّرْ دَ يَيِ يَكَاسَ، بَيْ عِيَ طَوْكَرْ هَدَايُنْ ڧُواْنَاوَا دَ نَهَڟِ دَ نَكِڟٜىٰنْ دَبُّواْبِے بَ؞

⁸ سُلَيْمَٰنُ يَسَا عَكَيِ ݣُونَ بَݣَويْ أَنَ يِنْ بِكٍ؞ دُكَنْ مُتَنٜىٰنْ إِسْرَٰٓءِيلَ سُكَ تَارُ، تَارُواْ مَيْغِرْمَ نٜىٰ ڨُورَيْ؞ مُتَنٜىٰ سُكَذُواْ دَغَ نٜىٰسَ، تُنْدَغَ مَشِغِنْ يَنْكِنْ هَمَتْ عَ أَرٜىٰوَثِنْ ڧَسَرْ ذُوَا ݣُورِنْ إِيَاكَرْ ڧَسَرْ مَصَرْ عَكُدُ؞

⁹ أَ رَانَ تَتَݣُوسْ سُكَيِ مُهِمِّنْ تَارُواْ، غَمَا سُنْ رِغَا سُنْيِ ݣُونَ بَݣَويْ سُنَيِنْ حِدِمَرْ كٜىٰٻٜىٰوَرْ بَغَدٜىٰنْ؞ سُكَ كُمَ ڧَارَ وَنِ ݣُونَ بَݣَويْ سُنَيِنْ بِكِ؞

¹⁰ أَ رَانَ تَعَشِرِنْ دَ عُكُ غَ وَتَنْ بَݣَويْ، سُلَيْمَٰنُ يَسَلَّمِ جَمَعَ سُكُواْمَ غِدَاجٜىٰنْسُ؞ جَمَعَ سُكَ تَڢِے دَ ڢَضٍ ثِكِ دَ مُرْنَ أَ ذُوثِيَارْسُ سَبُواْدَ أَلْحٜىٰرِنْ دَ يَهْوٜىٰهْ يَنُونَاوَ دَاوُدَ دَ سُلَيْمَٰنُ دَ كُمَ مُتَنٜىٰنْسَ إِسْرَٰٓءِيلَ؞

يَهْوٜىٰهْ يَسَاكٜىٰ بَيَّنَ غَ سُلَيْمَٰنُ

¹¹ سُلَيْمَٰنُ كُوَ يَغَمَ غِنِنْ غِدَنْ يَهْوٜىٰهْ دَ غِدَنْ سَرْكِے؞ عَثِكِنْ دُكَنْ أَبُبُوَنْ دَ سُلَيْمَٰنُ يَيِ نِيَّرْ يِ أَ غِدَنْ يَهْوٜىٰهْ دَ غِدَنْسَ نَسَرْكِے يَيِسُ دَ نَصَرَا؞

¹² سَيْ يَهْوٜىٰهْ يَسَاكٜىٰ بَيَّنَ غَ سُلَيْمَٰنُ دَ دَرٜىٰ يَثٜىٰمَسَ، ‏«‏نَاجِ أَدُّعَرْكَ، كُمَ نَاذَاٻِ وُرِنَّنْ دُواْمِنْ كَيْنَ، يَكَسَنْثٜىٰ وُرِنْ يِمِنِ هَدَايُ؞

¹³ ‏«‏دُكْ سَعَدَّ نَكُلّٜىٰ سَرَرِنْ سَمَ يَدَّ بَذَاعَيِ ضُوً سَمَبَ، كُواْ نَعُمَرْثِ ڢَارِ سُثِ أَمْڢَانِنْ ڧَسَرْ، كُواْ نَعَيْكَ دَ بَلَعِ عَكَنْ مُتَنٜىٰنَ،

¹⁴ عِدَنْ مُتَنٜىٰنَ وَطَنْدَ عَكٜىٰ كِرَنْسُ دَ سُونَنَ سُنْ ڧَسْڧَنْتَرْ دَكَنْسُ، سُنْيِ أَدُّعَ، سُنْ نٜىٰمِ ڢُسْكَتَ، سُنْ جُويُواْ سُنْ بَرْ مُوغَيٜىٰنْ أَيُّكَنْسُ، ذَنْجِے دَغَ سَمَ؞ ذَنْ غَاڢَرْتَ ذُنُوبِنْسُ، إِنْكُمَ وَرْكَرْدَ ڧَسَرْسُ؞

¹⁵ ذَنْ كُوَ سَا عِدَنُونَ نَأَلْحٜىٰرِ عَكَنْ وُرِنَّنْ، إِنْكُمَ كَسَ كُنّٜىٰنَ غَ دُكَنْ أَدُّعُواْعِنْ دَ ذَاعَيِ أَوَنَّنْ وُرِے؞

¹⁶ غَمَا نَارِغَا نَا ذَاٻِ وَنَّنْ غِدَا نَا كُمَ كٜىٰٻٜىٰشِ دُواْمِنْ أَغِرْمَمَ سُونَنَ أَوُرِنْ حَرْ أَبَدَا؞ عِدَنُونَ دَ ذُوثِيَاتَ كُلُّمْ ذَاسُ كَسَنْثٜىٰ أَوُرِنْ؞

¹⁷ ‏«‏عَمَّا كَيْ، عِدَنْ كَيِ تَڢِيَ تَرٜىٰدَنِ كَمَرْ يَدَّ بَابَنْكَ دَاوُدَ يَيِ، كَكُمَيِ دُكَنْ أَبِنْدَ نَعُمَرْثٜىٰكَ، كَكِيَايٜىٰ دُواْكُواْكِنَ دَ ڧَٰعِدُواْدِنَ،

¹⁸ تُواْ، ذَنْ كَڢَ ذُرِيَرْكَ تَدِنْ‌غَ كَسَنْثٜىٰوَ عَكَنْ كُجٜىٰرَرْ مُلْكِ، بِسَغَ يَرْجٜىٰجٜىٰنِيَرْدَ نَيِ دَ بَابَنْكَ؞ غَمَا نَا ثٜىٰمَسَ، ‏‹‏بَذَاعَ رَسَ مُتُمْ دَغَ ذُرِيَرْكَ دَ ذَيْ يِمُلْكٍ إِسْرَٰٓءِيلَ بَ؞›‏

¹⁹ ‏«‏عَمَّا عِدَنْ كُنْ جُويَا بَايَ كُنْڧِ بِنْ ڧَٰعِدُواْدِنَ دَ عُمَرْنَيْنَ وَطَنْدَ نَشِمْڢِطَا مُكُ، كُكَ كُمَ شِغَ كُنَ سُجَّدَ غَ وَطَنْسُ أَلُّواْلِ،

²⁰ ذَنْ تُمْٻُكٜىٰكُ جَمَعَتَ إِسْرَٰٓءِيلَ دَغَ ڧَسَرْدَ نَبَاكُ؞ وَنَّنْ غِدَنْدَ نَكٜىٰٻٜىٰ دُواْمِنْ أَغِرْمَمَ سُونَنَ كُوَ ذَنْ كَوَرْ دَشِ دَغَ غَبَنَ، إِنْكُمَ سَا يَذَمَ أَبِنْ مِصَالِ دَ أَبِنْ غُواْرِ أَ ڢُسْكَرْ دُكَنْ ڧَبِيلُ؞

²¹ كُواْدَيَكٜىٰ وَنَّنْ غِدَا يَذَمَ أَبِنْ أَ ذُواْ أَغَنِ يَنْذُ، نَنْ غَبَ دُكَنْ وَنْدَ يَوُثٜىٰ يَغَنِ ذَيْ رَسَ أَبِنْ ڢَطَا؞ ذَيْ يِڟَكِ يَنَ ثٜىٰوَ ‏‹‏مٜىٰيَسَا يَهْوٜىٰهْ يَيِ حَكَ دَ غِدَنَّنْ دَ ڧَسَرْ نَنْ؟›‏

²² مُتَنٜىٰ ذَاسُ أَمْسَ مُسُ سُثٜىٰ، ‏‹‏أَيْ، سَبُواْدَ سُنْڧِے يَهْوٜىٰهْ اللَّهْ نْسُ وَنْدَ يَڢِتَرْ دَسُو دَغَ ڧَسَرْ مَصَرْ نٜىٰ؞ سُكَ جُويَا سُكَبِے وَطَنْسُ أَلُّواْلِ سُنَيِ مُسُ سُجَّدَ؞ شِيَسَا يَهْوٜىٰهْ يَكَٰوُاْ وَنَّنْ مَسِيڢَ عَكَنْسُ؞›‏ »‏