2 تَارِيحِ 5 - أَتَّوْرَتْ دَ أَنَّبَاوَا

¹ تَهَكَ كُوَ سُلَيْمَٰنُ يَغَمَ دُكَنْ عَيْكِنْ غِدَنْ يَهْوٜىٰهْ؞ سَيْ يَشِغَرْدَ دُكَنْ كَايَنْ دَ بَابَنْسَ دَاوُدَ يَكٜىٰٻٜىٰوَ يَهْوٜىٰهْ؞ يَكَٰوُاْ ظِينَارِيَ دَ أَظُرْڢَا دَ دُكَنْ كَايَنْ عَيْكِ يَأَجِيٜىٰ أَطَكُنَنْ أَجِيَ نَغِدَنْ اللَّهْ؞

أَنْ كَٰوُاْ عَݣُوتِنْ يَرْجٜىٰجٜىٰنِيَ ثِكِنْ غِدَنْ يَهْوٜىٰهْ

² سَيْ سُلَيْمَٰنُ يَسَا دُكَنْ دَتَّاوَنْ إِسْرَٰٓءِيلَ دَ شُوغَبَنِّنْ كُواْوَثٜىٰ ذُرِيَ دَ شُوغَبَنِّنْ غِدَاجٜىٰنْ كَاكَنِّنْ جَمَعَرْ إِسْرَٰٓءِيلَ سُتَتَّارُ أَوُرِنْسَ أَ عُرُوشَلِيمَ، دُواْمِنْ سُكَٰوُاْ عَݣُوتِنْ يَرْجٜىٰجٜىٰنِيَرْ يَهْوٜىٰهْ دَغَ بِرْنِنْ دَاوُدَ، وَتُواْ سِهِيُواْنَ؞

³ سَيْ دُكَنْ مُتَنٜىٰنْ إِسْرَٰٓءِيلَ سُكَ تَارُ وُرِنْ سَرْكِے سُلَيْمَٰنُ أَ لُواْكَثِنْ بِكٍ بُكُّواْكِ أَوَتَ نَبَݣَويْ؞

⁴ سَعَدَّ دُكَنْ دَتَّاوَنْ إِسْرَٰٓءِيلَ سُكَ إِسُواْ، سَيْ لَوِيَاوَا سُكَ طَوْكِ عَݣُوتِنْ يَرْجٜىٰجٜىٰنِيَ،

⁵ سُكَ كَٰوُاْ شِ غِدَنْ يَهْوٜىٰهْ؞ ڢِرِسْتُواْثِے دَ لَوِيَاوَا سُكَ كُمَ طَوْكِ تٜىٰنْتِنْ سَدُوَ دَ ݣُونُواْنِنْ دَ عَكَ كٜىٰٻٜىٰ وَطَنْدَ سُكٜىٰ عَثِكِنْ تٜىٰنْتِنْ، سُكَ كَٰوُاْ أَ غِدَنْ يَهْوٜىٰهْ؞

⁶ سَرْكِے سُلَيْمَٰنُ دَ دُكَنْ جَمَعَرْ إِسْرَٰٓءِيلَ، وَطَنْدَ سُكَ تَارُ أَغَرٜىٰشِ أَغَبَنْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ، سُكَيِ تَمِيڧَ هَدَايُنْ تُمَكِ دَ بِجِمَيْ مَاسُيَوَ، يَدَّ بَعَ عِيَ ڧِرْغَسُ كُواْ عَيِ مِصَالِنْسُبَ؞

⁷ سَيْ ڢِرِسْتُواْثِنْ سُكَ كَيْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ ذُوَا ثِكِ ثِكِنْ غِدَنْ؞ سُكَ كُوَ سَا شِ أَوُرِنْ ذَمَنْسَ ثِكِنْ وُرِے مَڢِے ڟَرْكِے، عَڧَرْڧَشِنْ ڢِكَڢِكَنْ حَلِتُّنَّنْ غُدَا بِيُ؞

⁸ بُوطَطُّنْ ڢِكَڢِكَنْ حَلِتُّنْ سُكَ رُڢٜىٰ وُرِنْ دَ عَكَ أَجِيٜىٰ عَݣُوتِنْ تَرٜىٰدَ سَنْدُنَنْ دَ عَكٜىٰ طَوْكَرْسَ؞

⁹ سَنْدُنَنْ سُنْيِ دُواْغُواْ يَدَّ عِدَنْ أَنْڟَيَ أَغَبَنْ وُرِے مَڢِے ڟَرْكِے ذَاعَ عِيَ غَنِنْ بَاكِنْسُ دَغَ وُرِے مَيْ ڟَرْكِے، عَمَّا بَذَاعَ عِيَ غَنِ دَغَ وَجٜىٰبَ؞ سَنْدُنَنْ سُنَانَنْ هَرْوَيَوْ؞

¹⁰ بَا وَنِ أَبُ عَثِكِنْ عَݣُوتِنْ، سَيْدَيْ أَلُّنَ بِيُ نَدُوڟٜىٰ وَطَنْدَ مُوسَٰى يَسَا عَثِكِنْ عَݣُوتِنْ عَبَبَّنْ تُدُنْ هُواْرٜىٰبْ، عِنْدَ يَهْوٜىٰهْ يَيِ يَرْجٜىٰجٜىٰنِيَ دَ جَمَعَرْ إِسْرَٰٓءِيلَ، سَعَدَّ سُكَ ڢِتُواْ دَغَ ڧَسَرْ مَصَرْ؞

بَيَّنَرْ طَوْكَكَرْ يَهْوٜىٰهْ

¹¹ سَيْ ڢِرِسْتُواْثِنْ سُكَ ڢِتَ دَغَ وُرِے مَيْ ڟَرْكِے؞ دُكَنْ ڢِرِسْتُواْثِنْ دَ سُكَ تَارُ كُوَ سُنْ رِغَا سُنْ ڟَرْكَكٜىٰ كَنْسُ، سُكَ كُمَ ڢِتَ بَاتَرٜىٰدَ سُكَ كُلَ دَ بَمْبَنْثِنْ ڧُنْ‌غِيَبَ؞

¹² سَعَنً دُكَنْ لَوِيَاوَنْ دَسُكٜىٰ مَوَاڧَ، وَتُواْ أَسَڢْ دَ هٜىٰمَنْ دَ يٜىٰدُتُنْ دَ یَیَنْسُ مَظَا دَ مَاتَا، تَرٜىٰدَ یَنْعُوَنْسُ سُكَسَا رِيغُنَنْ دَ عَكَيِ دَ لِيلِنْ مَيْݣَوْ؞ سُكَ ڟَيَ أَغَبَشِنْ بَغَدٜىٰنْ سُنَ تَبُغَ كُغٜىٰ، سُنَ كَطَ مُواْلُواْ دَ غَرَايَ؞ أَݣَويْ كُمَ ڢِرِسْتُواْثِے طَرِے دَ عَشِرِنْ مَاسُ بُوسَ كَكَكِ؞

¹³ مَاسُ بُوسَ كَكَكِ دَ مَوَاڧَ سُكَ طَغَ مُرْيَ بَاكِ طَيَ سُنَ يَبُواْ دَ غُواْدِيَ غَ يَهْوٜىٰهْ؞ سُكَ رٜىٰرَ وَاڧَا يَايِنْ دَ سَوْرَنْسُ سُنَ بُوسَ ڧَهُواْ، سُنَ بُغَ كُغٜىٰ، سُنَ كُمَ كَطَ سَوْرَنْ كَايَنْ كَطٜىٰ كَطٜىٰ؞ سُكَ يَبِے يَهْوٜىٰهْ دَ وَاڧَرْ نَنْ مَيْ ثٜىٰوَ ‏«‏غَمَا مَيْ أَلْحٜىٰرِنٜىٰ شِے، ڧَوْنَرْسَ مَرَرْ ثَنْجَاوَا تَهَرْ أَبَدَاثٜىٰ؞»‏ سَيْ وَنِ غِرْغِجٜىٰ يَرُڢٜىٰ غِدَنْ يَهْوٜىٰهْ،

¹⁴ حَرْ ڢِرِسْتُواْثِے بَسُ إِيَثِيغَبَ دَ حِدِمَ بَسَبُواْدَ غِرْغِجٜىٰنْ، غَمَا حَصْكٜىٰنْ طَوْكَكَرْ يَهْوٜىٰهْ يَا ثِكَ غِدَنْ اللَّهْ؞