2 تَارِيحِ 4 - أَتَّوْرَتْ دَ أَنَّبَاوَا

كَايَ دُواْمِنْ هَيْكَلِ

¹ سَرْكِے سُلَيْمَٰنُ يَيِ بَغَدٜىٰ نَڧَرْڢٜىٰنْ تَغُلَّ، وَنْدَ ڟَوُانْسَ يَكَيْ ڧَڢَا تَلَاتِنْ، ڢَاطِنْسَ كُمَ ڧَڢَا تَلَاتِنْ، ڟَيِنْسَ كُمَ ڧَڢَا غُواْمَشَا بِيَرْ؞

² يَيِ وَنِ ڧَتُوانْ ݣُونُواْ دُواْمِنْ أَجِيٜىٰ ضُوَ نَڧَرْڢٜىٰنْ تَغُلَّ نَظُبِے، وَنْدَ عَكٜىٰ كِرَنْسَ تٜىٰكُ؞ ظُرْڢِنْسَ ڧَڢَا بَݣَويْ دَ رَبِے، ڢَاطِنْسَ ڧَڢَا غُواْمَشَا بِيَرْ؞ دَ إِغِيَ مَيْ ڧَڢَا أَرْبَعِنْ دَ بِيَرْ ذَاعَ عِيَ كٜىٰوَيٜىٰ بَاكِنْ ݣُونُوانْ؞

³ عَكٜىٰوَيٜىٰنْ بَاكِنْ ڧَتُوانْ ݣُونُوانْ أَݣَويْ لَيِ بِيُ نَصِڢُّواْڢِنْ غُواْرَنْ ڧَرْڢٜىٰنْ تَغُلَّ، أَݣَويْ غُواْرَ شِدَ ثِكِنْ كُواْوَنٜىٰ ڧَڢَا؞ أَنْ نَرْكٜىٰ ڧَرْڢٜىٰنْ تَغُلَّ، أَنْيِ ظُبِے نَصِڢُّواْڢِنْ غُواْرَنْ حَطٜىٰ دَ ڧَتُوانْ ݣُونُوانْ؞

⁴ أَنْ سَا ڧَتُوانْ ݣُونُواْنَّنْ عَكَنْ صِڢُّواْڢِنْ بِجِمَنْ ڧَرْڢٜىٰ غُواْمَشَا بِيُ؞ ڢُسْكُواْكِنْ بِجِمَنْ سُنَ ڢُسْكَنْتَرْ وَجٜىٰ؞ صِڢُّواْڢِنْ بِجِمَيْ عُكُ سُنَ ڢُسْكَنْتَرْ غَبَسْ، عُكُ سُنَ ڢُسْكَنْتَرْ يَمَّ، عُكُ سُنَ ڢُسْكَنْتَرْ كُدُ، عُكُ كُمَ سُنَ ڢُسْكَنْتَرْ أَرٜىٰوَ؞

⁵ غٜىٰڢٜىٰنْ ڧَتُوانْ ݣُونُوانْ، كَوْرِنْسَ إِنْثِ عُكُنٜىٰ، كُمَ ݣُونُوانْ يَنَ عِيَ طَوْكَرْ لِتَ دُبُو سِتِّنْ نَضُوَ؞ بَاكِنْ ڧَتُوانْ ݣُونُوانْ كَمَرْ نَݣُوڢْ نٜىٰ كُواْ ڢُلَوَرْ دَ تَبُوطُ؞

⁶ يَيِ مَنْيَنْ ݣُونُواْنِ غُواْمَ دُواْمِنْ وَنْكِ، يَسَا بِيَرْ أَغٜىٰڢٜىٰنْ كُدُ، بِيَرْ كُمَ أَغٜىٰڢٜىٰنْ أَرٜىٰوَ؞ عَكَنْ وَنْكٜىٰ كَايَنْ هَدَايُ نَڧُواْنَاوَا عَثِكِنْ ݣُونُواْنِنْ؞ عَمَّا ڧَتُوانْ ݣُونُوانْ دَ عَكٜىٰ كِرَا تٜىٰكُ، ڢِرِسْتُواْثِے نٜىٰ سُكٜىٰ أَمْڢَانِ دَشِ دُواْمِنْ وَنْكَ؞

⁷ سَيْ يَيِ سَنْدُنَ غُواْمَ نَظِينَارِيَ نَرِڧٜىٰ ڢِتِلُ بِسَغَ يَدَّ عَكَ ڟَارَا؞ يَكُمَسَاسُ ثِكِنْ هَيْكَلِ، أَغٜىٰڢٜىٰنْ كُدُ يَسَا بِيَرْ، أَغٜىٰڢٜىٰنْ أَرٜىٰوَ يَسَا بِيَرْ؞

⁸ يَكُمَيِ تٜىٰبُرْ غُدَا غُواْمَ يَسَا عَثِكِنْ هَيْكَلِنْ؞ يَسَا بِيَرْ أَغٜىٰڢٜىٰنْ كُدُ، بِيَرْ كُمَ أَغٜىٰڢٜىٰنْ أَرٜىٰوَ؞ يَكُمَيِ مَنْيَنْ ݣُونُواْنِ طَرِے نَظِينَارِيَ؞

⁹ يَيِ ڢِيلِ دُواْمِنْ ڢِرِسْتُواْثِے دَ وَنِ بَبَّنْ ڢِيلِ دَ كُمَ ڧُواْڢُواْڢِنْ شِغَ ڢِيلِنْ؞ يَكُمَ شَاڢٜىٰ ڧُواْڢُواْڢِنْ دَ ڧَرْڢٜىٰنْ تَغُلَّ؞

¹⁰ سَيْ يَأَجِيٜىٰ ڧَتُوانْ ݣُونُواْنَّنْ وَنْدَ عَكٜىٰ كِرَنْسَ تٜىٰكُ عَݣُونَرْ كُدُ مَسُواْ غَبَسْ نَغِدَنْ؞

¹¹ هُرَمْ يَيِ تُݣُونٜىٰ دَ شٜىٰبُرُواْرِ دَ مَنْيَنْ ݣُونُواْنِ؞ حَكَ نَنْ هُرَمْ يَغَمَ دُكَنْ عَيْكِنْ دَ سَرْكِے سُلَيْمَٰنُ يَسَا يَيِ عَثِكِنْ غِدَنْ اللَّهْ؞

¹² غَا أَبُبُوَنْ دَ يَيِ، غِنْشِڧَيْ بِيُ، دَ مَنْيَنْ كَوُنَنْ دَ سُكَ بُوطُ كَمَرْ ݣُونُواْ عَكَنْ غِنْشِڧَنْ، دَ لَيِ بِيُ نَأَدُوانْ رَاغَرْ سَرْڧَ أَجِكِنْ مَنْيَنْ كَوُنَنْ غِنْشِڧَنْ،

¹³ دَ ذَانِ ذَانِنْ صِڢُّواْڢِنْ یَیَنْ رُمَّنْ طَرِے حُطُ، كُواْوَنٜىٰ لَيِ يَنَدَ غُدَا طَرِے، لَيِ بِيُ عَكَنْ كُواْوَنٜىٰ كَنْ غِنْشِڧِ،

¹⁴ دَ أَمَلَنْكٜىٰ، كُواْوَنٜىٰ أَمَلَنْكٜىٰ يَنَ طَوْكٜىٰ دَ بَبَّنْ ݣُونُوانْسَ،

¹⁵ دَ ڧَتُوانْ ݣُونُواْ دُواْمِنْ أَجِيٜىٰ ضُوَ وَنْدَ عَكٜىٰ كِرَنْسَ تٜىٰكُ دَ صِڢُّواْڢِنْ بِجِمَيْ غُواْمَشَا بِيُ مَاسُ رِڧٜىٰ ڧَتُوانْ ݣُونُواْ،

¹⁶ دَ تُݣُونٜىٰ دَ شٜىٰبُرُواْرِ دَ ثُواْكُلَ مَاسُ يَڟُ نَعَيْكِنْ نَامَ؞ دُكَنْ كَايَنْدَ هُرَمْ أَبِے يَيِ وَ سُلَيْمَٰنُ دُواْمِنْ هَيْكَلِنْ يَهْوٜىٰهْ يَا يِ أَمْڢَانِ دَ ڧَرْڢٜىٰنْ تَغُلَّرْ دَ عَكَ غُواْغٜىٰ؞

¹⁷ أَ ڢِيلَيٜىٰنْ دَسُكٜىٰ كُسَدَ كُواْغِنْ يُواْدَنْ، ڟَكَانِنْ سُكُّواتْ دَ ظَرٜىٰتَنْ، سَرْكِے يَسَا أَ ظُبَ ڧَرْڢٜىٰنْ دَ عَكَ نَرْكٜىٰ ثِكِنْ رَامُكَنْ دَ عَكَ شِرْيَ عَڧَسَا دُواْمِنْ عَڧٜىٰرَ كَايَنْ؞

¹⁸ سُلَيْمَٰنُ يَيِ كَايَ مَاسُيَوَ يَدَّ مَا بَعَ عِيَ سَنِنْ يَوَنْ نَوْيِنْ تَغُلَّرْ بَ؞

¹⁹ سُلَيْمَٰنُ يَكُمَيِ دُكَنْ كَايَنْ دَ عَكَسَا أَ غِدَنْ اللَّهْ وَتُواْ، بَغَدٜىٰنْ ظِينَارِيَ، دَ تٜىٰبُرِنْ أَجِيَرْ غُرَاسَرْ دَ عَكَ كٜىٰٻٜىٰ،

²⁰ دَ سَنْدُنَنْ مَاسُ رِڧٜىٰ ڢِتِلُ دَ ڢِتِلُنْ ظِينَارِيَ ظَلَّ دُواْمِنْ حَصْكَكَاوَرْ وُرِے مَڢِے ڟَرْكِے بِسَغَ ڟَارِنْسَ،

²¹ دَ أَدُوانْ ذَانِ ذَانِنْ ڢُلَوَ نَظِينَارِيَ دَ ڢِتِلُ دَ أَبُبُوَنْ طِبَنْ غَرْوَشِنْ وُتَا وَطَنْدَ عَكَيِسُ دَ ظِينَارِيَ ظَلَّ،

²² دَ أَبُبُوَنْ كَشٜىٰ ڢِتِلُ دَ مَنْيَنْ ݣُونُواْنِ دَ تَاسُواْشِ دَ ݣُونُواْنِنْ رِڧٜىٰ تُرَارٜىٰ وَطَنْدَ عَكَيِ دَ ظِينَارِيَ ظَلَّ دَ ڧُواْڢُواْڢِ نَغِدَنْ يَهْوٜىٰهْ دَ ڧُواْڢُواْڢِنْ وُرِے مَڢِے ڟَرْكِے دَ نَبَبَّنْ طَاكِنْ غِدَنْ يَهْوٜىٰهْ، وَطَنْدَ عَكَ شَاڢٜىٰسُ دُكَ دَ ظِينَارِيَ؞