2 تَارِيحِ 36 - أَتَّوْرَتْ دَ أَنَّبَاوَاسَرْكِے يٜىٰهُواْوَهَظْ نَ يَهُودَ ﴿ 2 سَرْ 23.30-35 ﴾ 1 مُتَنٜىٰنْ يَهُودَ سُكَ طَوْكِ يٜىٰهُواْوَهَظْ طَنْ سَرْكِے يُواْسِيَا، سُكَ نَطَشِ سَرْكِے دُواْمِنْ يَغَاجِ بَابَنْسَ أَ عُرُوشَلِيمَ؞ 2 يٜىٰهُواْوَهَظْ يَنَدَ شٜىٰكَرَا عَشِرِنْ دَ عُكُ سَعَدَّ يَڢَارَ مُلْكِ؞ يَكُمَيِ مُلْكِ وَتَنِّ عُكُ أَ عُرُوشَلِيمَ؞ 3 سَرْكِے نٜىٰكُواْ نَ مَصَرْ يَسَوْكَرْ دَشِ، يَكُمَسَا ڧَسَرْ يَهُودَ تَبِيَ هَرَاجِ نَأَظُرْڢَا كِلُواْ دُبُو عُكُ دَ طَرِے حُطُ دَ ظِينَارِيَ كِلُواْ تَلَاتِنْ دَ حُطُ؞ 4 سَرْكِنْ مَصَرْ يَنَطَ عٜىٰلِيَكِمْ، طَنْعُوَنْ يٜىٰهُواْوَهَظْ، سَرْكِنْ عُرُوشَلِيمَ دَ يَهُودَ؞ يَسَا مَسَ سَابُوانْ سُنَ يٜىٰهُواْيَكِمْ؞ سَعَنً يَطَوْكِ يٜىٰهُواْوَهَظْ ذُوَا مَصَرْ؞ سَرْكِے يٜىٰهُواْيَكِمْ نَ يَهُودَ ﴿ 2 سَرْ 23.36—24.7 ﴾ 5 يٜىٰهُواْيَكِمْ يَنَدَ شٜىٰكَرَا عَشِرِنْ دَ بِيَرْ سَعَدَّ يَڢَارَ مُلْكِ؞ يَيِ مُلْكِ أَ عُرُوشَلِيمَ شٜىٰكَرَا غُواْمَشَا طَيَ؞ عَمَّا يَعَيْكَتَ مُغُنْتَا أَعِدُوانْ يَهْوٜىٰهْ اللَّهْ نْسَ؞ 6 سَعَنً سَرْكِے نٜىٰبُكَدْنٜىٰزَّرْ نَ بَابِيلَ يَڢَاطَوَ يَهُودَ دَ يَاڧِ، يَطَوْرَا شِ دَ سَرْڧُواْڧِنْ تَغُلَّ دُواْمِنْ يَكَيْ شِ بَابِيلَ؞ 7 نٜىٰبُكَدْنٜىٰزَّرْ يَا كُمَ ݣُوشٜىٰ وَطَنْسُ كَايَنْ غِدَنْ يَهْوٜىٰهْ يَسَاسُ أَغِدَنْ سَرْكِنْ بَابِيلَ؞ 8 سَوْرَنْ أَيُّكَنْ يٜىٰهُواْيَكِمْ دَ أَبُبُوَنْ بَنْ ڨَمَ وَطَنْدَ يَيِ دَ لَيْڢِنْدَ أَنْسَامٜىٰشِ دَشِ، سُنَ أَرُبُوثٜىٰ عَثِكِنْ لِتَّڢِنْ سَرَاكُنَنْ إِسْرَٰٓءِيلَ دَ يَهُودَ؞ سَيْ طَنْسَ يٜىٰهُواْيَكِنْ يَغَاجٜىٰشِ يَذَمَ سَرْكِے؞ سَرْكِے يٜىٰهُواْيَكِنْ نَ يَهُودَ ﴿ 2 سَرْ 24.8-17 ﴾ 9 يٜىٰهُواْيَكِنْ يَنَدَ شٜىٰكَرَا تَݣُوسْ سَعَدَّ يَڢَارَ مُلْكِ، يَيِ مُلْكِ وَتَا عُكُ دَ ݣُونَ تَݣُوسْ أَ عُرُوشَلِيمَ؞ شِمَا يَعَيْكَتَ مُغُنْتَا سُواْسَيْ أَعِدُوانْ يَهْوٜىٰهْ؞ 10 دَ شٜىٰكَرَا تَسَاكٜىٰ كٜىٰوَيُواْوَ، سَيْ سَرْكِے نٜىٰبُكَدْنٜىٰزَّرْ يَعَيْكَ عَكَ كَٰوُاْ شِ عَ بَابِيلَ تَرٜىٰدَ كَايَيَّكِ مَاسُ دَرَجَ نَغِدَنْ يَهْوٜىٰهْ؞ سَيْ يَنَطَ صَدِڧِيَ طَنْعُوَنْ يٜىٰهُواْيَكِنْ سَرْكِنْ يَهُودَ دَ عُرُوشَلِيمَ؞ سَرْكِے صَدِڧِيَ نَ يَهُودَ ﴿ 2 سَرْ 24.18-20 ؛ إِرْمِ 52.1-3 ﴾ 11 صَدِڧِيَ يَنَدَ شٜىٰكَرَا عَشِرِنْ دَ طَيَ سَعَدَّ يَڢَارَ مُلْكِ، يَيِ مُلْكِ أَ عُرُوشَلِيمَ شٜىٰكَرَا غُواْمَشَا طَيَ؞ 12 يَعَيْكَتَ مُغُنْتَا أَعِدُوانْ يَهْوٜىٰهْ اللَّهْ نْسَ، يَڧِ يَڧَسْڧَنْتَرْ دَكَنْسَ أَغَبَنْ أَنَّبِے إِرْمِيَ وَنْدَ يَكٜىٰ ڢَطَا مَسَ أَبِنْدَ يَهْوٜىٰهْ يَثٜىٰ؞ 13 صَدِڧِيَ يَيِ وَ سَرْكِے نٜىٰبُكَدْنٜىٰزَّرْ تَاوَيٜىٰ، وَنْدَ يَتِلَسْتَ شِ يَرَنْڟٜىٰ دَ سُونَنْ اللَّهْ ذَيْ يِمَسَ أَمِنْثِ؞ عَمَّا صَدِڧِيَ يَيِ تَوْرِنْ كَيْ دَ تَوْرِنْ ذُوثِيَا، يَڧِ يَتُوبَ يَجُويَ غَ يَهْوٜىٰهْ اللَّهْ نَ إِسْرَٰٓءِيلَ؞ 14 بَنْدَ حَكَمَا، دُكَنْ مَنْيَنْ ڢِرِسْتُواْثِے دَ جَمَعَ، سُو مَا بَسُيِ أَمِنْثِبَ كُواْ كَطَنْ؞ سُنْيِ تَبِنْ أَبُبُوَنْ بَنْ ڨَمَ نَأَلْعُمَّيْ، سُنَ ڧَظَنْتَرْدَ غِدَنْ يَهْوٜىٰهْ وَنْدَ يَكٜىٰٻٜىٰ أَ عُرُوشَلِيمَ؞ ڢَاطُوَرْ عُرُوشَلِيمَ ﴿ 2 سَرْ 25.1-21 ؛ إِرْمِ 52.3-11 ﴾ 15 يَهْوٜىٰهْ، اللَّهْ نَكَاكَنِّنْسُ، يَيِ تَعَيْكَ مُسُ دَ سَڧُوانْسَ تَوُرِنْ أَنَّبَاوَنْسَ، غَمَا يَنَ تَوْسَيِنْ مُتَنٜىٰنْسَ دَ كُمَ وُرِنْ ذَمَنْسَ؞ 16 عَمَّا سُكَيِتَيِ وَمُتَنٜىٰنْ دَ اللَّهْ يَكٜىٰ عَيْكَاوَا بَعَ؞ سُنْيِ بَنْظَ دَ مَغَنَرْ يَهْوٜىٰهْ، سُنَ دَارِيَارْ أَنَّبَاوَنْسَ، حَرْ سَيْ دَ ڢُشِنْ يَهْوٜىٰهْ يَيِ ڟَنَنِ يَدَّ بَايَ عِيَ جَنْيٜىٰوَ؞ 17 سَبُواْدَ حَكَ يَهْوٜىٰهْ يَسَا سَرْكِنْ بَابِيلَ يَكَٰوُاْ مُسُ يَاڧِ؞ سَرْكِے يَكَكَّشٜىٰ سَمَارِنْ يَهُودَ دَ تَكُواْبِے حَرْ ثِكِنْ غِدَنْ يَهْوٜىٰهْ مَيْ ڟَرْكِے؞ بَيْ جِ تَوْسَيِنْ كُواْوَ بَ، بَبَّ دَ ڧَرَمِ، سَوْرَيِ كُواْ بُدُرْوَ، مَيْ لَاڢِيَ كُواْ مَرَرْ لَاڢِيَ؞ دُكَنْسُ اللَّهْ يَبَاشٜىٰسُ أَ حَنُّنْ سَرْكِنْ بَابِيلَ مُتُمِنْ كَلْدِيَ؞ 18 سَرْكِنْ بَابِيلَ يَݣُوشِ كَايَنْ غِدَنْ يَهْوٜىٰهْ، بَبَّ دَ ڧَرَمِ دَ كَايَ مَاسُ دَرَجَ نَغِدَنْ يَهْوٜىٰهْ دَ نَغِدَنْ سَرْكِے دَ نَدَتَّوَنْ سَرْكِے، يَتَڢِے دَسُو بَابِيلَ؞ 19 سُواْجُواْجِنْسَ سُكَ ڧُواْنٜىٰ غِدَنْ اللَّهْ، سُكَ رُشٜىٰ كَتَنْغَرْ بِرْنِنْ عُرُوشَلِيمَ، سُكَ ڧُواْنٜىٰ دُكَنْ غِدَاجٜىٰنْ سَرْكِے دَ كُواْوَنٜىٰ أَبُ مَيْ دَرَجَ وَنْدَ يَكٜىٰ عَثِكِ؞ 20 سَرْكِے يَݣُوشِ دُكْ وَطَنْدَ بَعَكَشٜىٰ عَيَاڧِنْ بَ ذُوَا بَابِيلَ؞ سُكَ ذَمَ بَايِنْسَ دَ نَیَیَنْسَ، حَرْ ذُوَا كَڢَاوَرْ مُلْكٍ ڢَٰشِيَ؞ 21 وَنَّنْ كُوَ يَثِكَ مَغَنَرْ دَ يَهْوٜىٰهْ يَيِ تَبَاكِنْ أَنَّبِے إِرْمِيَ؞ ڧَسَرْ كُوَ تَسَامِ ظَرَڢِ دُواْمِنْ شٜىٰكَرُنْ هُوتَوَا، وَتُواْ لُواْكَثِنْ دَ ذَاعَ دَيْنَ عَيْكِ دَ عِتَ، غَمَا تَا ذَوْنَ أَ رُشٜىٰ حَرْ شٜىٰكَرَا سَبَعِنْ سُكَ ثِكَ دَيْدَيْ يَدَّ أَنَّبِنْ يَڢَطَا؞ أَنُمَرْتَ يَهُودَاوَا سُكُواْمَ ﴿ عُزَيْرُ 1.1-4 ﴾ 22 أَ شٜىٰكَرَا تَڢَرْكُواْ تَمُلْكٍ سَرْكِے سَيِرُسْ نَ ڢَٰشِيَ، سَيْ يَهْوٜىٰهْ يَمُواْڟَ ذُوثِيَارْ سَرْكِے سَيِرُسْ يَعُمَرْتَ عَيِ شٜىٰلَرْ سَڧُواْ عَثِكِنْ دُكَنْ مُلْكِنْسَ؞ وَنَّنْ يَڢَرُ نٜىٰ دُواْمِنْ عَثِكَ مَغَنَرْ يَهْوٜىٰهْ تَبَاكِنْ أَنَّبِے إِرْمِيَ؞ أَنْ كُمَ رُبُوتَ سَڧُوانْ ثٜىٰوَ 23 «غَا عُمَرْنِنْ سَرْكِے سَيِرُسْ نَ ڢَٰشِيَ؞ يَهْوٜىٰهْ اللَّهْ نَسَمَ يَبَا نِے مُلْكٍ دُكَنْ مُلْكُواْكِنْ دُونِيَا؞ يَكُمَسَا نِے إِنْ غِنَا مَسَ غِدَا أَ عُرُوشَلِيمَ عَڧَسَرْ يَهُودَ؞ بَرِ دُكْ وَنْدَ يَكٜىٰ نَمُتَنٜىٰنْ يَهْوٜىٰهْ عَثِكِنْكُ يَكُواْمَ؞ يَهْوٜىٰهْ اللَّهْ نْسَ يَكَسَنْثٜىٰ تَرٜىٰ دَشِ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria