2 تَارِيحِ 35 - أَتَّوْرَتْ دَ أَنَّبَاوَا

يُواْسِيَا يَيِ بِكٍ ڧٜىٰتَرٜىٰوَ

¹ سَرْكِے يُواْسِيَا يَيِ بِكٍ ڧٜىٰتَرٜىٰوَ غَ يَهْوٜىٰهْ أَ عُرُوشَلِيمَ؞ أَ رَانَ تَغُواْمَشَا حُطُ غَ وَتَ نَڢَرْكُواْ، عَكَ يَنْكَ طَنْ ضَغُواْ نَبِكٍ ڧٜىٰتَرٜىٰوَ؞

² يُواْسِيَا يَسَا ڢِرِسْتُواْثِے سُيِ عَيْكِنْسُ، يَكُمَ ڧَرْڢَڢَاسُ سُيِ حِدِمَ أَ غِدَنْ يَهْوٜىٰهْ دَݣَوْ؞

³ يَ عُمَرْثِ لَوِيَاوَا وَطَنْدَ سُونٜىٰ سُكٜىٰ كُواْيَ وَ دُكَنْ إِسْرَٰٓءِيلَ، كُمَ وَطَنْدَ عَكَ كٜىٰٻٜىٰ دُواْمِنْ حِدِمَرْ يَهْوٜىٰهْ ثٜىٰوَ ‏«‏كُسَا عَݣُوتِنْ يَرْجٜىٰجٜىٰنِيَ مَيْ ڟَرْكِے عَثِكِنْ غِدَنْ يَهْوٜىٰهْ، وَنْدَ سُلَيْمَٰنُ طَنْ دَاوُدَ سَرْكِنْ إِسْرَٰٓءِيلَ يَغِنَ؞ بَذَاكُ دِنْ‌غَ طَوْكَرْسَ كُواْعِنَ عَكَڢَطَابَ؞ ذَاكُ مِيڧَ كَنْكُ غَ حِدِمَرْ يَهْوٜىٰهْ اللَّهْ نْكُ دَ مُتَنٜىٰنْسَ إِسْرَٰٓءِيلَ؞

⁴ ذَاكُ رَرَّبَ كَنْكُ بِسَغَ غِدَاجٜىٰنْ كَاكَنِّنْكُ ڧُنْ‌غِيَ ڧُنْ‌غِيَ دَيْدَيْ يَدَّ عَكَ رُبُوتَ بِسَغَ عُمَرْنِنْ سَرْكِے دَاوُدَ دَ طَنْسَ سُلَيْمَٰنُ؞

⁵ كُڟَيَ أَ وُرِے مَيْ ڟَرْكِے، بِسَغَ ڧُنْ‌غِيُواْيِنْ غِدَاجٜىٰنْ كَاكَنِّنْ یَنْعُوَنْكُ، وَطَنْدَ سُو بَڢِرِسْتُواْثِے بَنٜىٰ؞ بَرِ كُواْوَنٜىٰ سَاشٜىٰ نَغِدَنْ كَاكَنِّ يَسَامِ تَيْمَكُواْ دَغَ وَتَ ڧُنْ‌غِيَ تَ لَوِيَاوَا؞

⁶ ذَاكُ كُمَ يَنْكَ طَنْ ضَغُوانْ بِكٍ ڧٜىٰتَرٜىٰوَ، كُكٜىٰٻٜىٰ كَنْكُ دَ ڟَرْكِے، بِسَغَ مَغَنَرْ يَهْوٜىٰهْ تَبَاكِنْ مُوسَٰى؞»‏

⁷ سَيْ يُواْسِيَا يَبَادَ تَيْمَكُوانْ یَنْ رَغُنَ دَ یَنْ أَوَكِ دُبُو تَلَاتِنْ، دُواْمِنْ عَيَنْكَ سَبُواْدَ هَدَايُنْ بِكٍ ڧٜىٰتَرٜىٰوَ؞ يَكُمَ بَادَ بِجِمَيْ دُبُو عُكُ؞ دُكَنْ دَبُّواْبِنَّنْ دَغَ غَرْكٜىٰنْ سَرْكِے نٜىٰ؞

⁸ دَ يَرْدَرْ رَيْ دَتَّاوَنْسَ سُكَ بَادَ تَيْمَكُواْ غَ جَمَعَرْ دَ ڢِرِسْتُواْثِے دَ لَوِيَاوَا؞ هِلْكِيَ دَ زَكَرِيَّا دَ يٜىٰهِيٜىٰلْ مَاسُ لُورَ دَ غِدَنْ اللَّهْ سُكَ بَا ڢِرِسْتُواْثِے یَنْ رَغُنَ دُبُو بِيُ دَ طَرِے شِدَ دُواْمِنْ هَدَايُنْ بِكٍ ڧٜىٰتَرٜىٰوَ دَ بِجِمَيْ طَرِے عُكُ؞

⁹ وَطَنْسُ شُوغَبَنِّنْ لَوِيَاوَا سُكَ بَا لَوِيَاوَا یَنْ رَغُنَ دُبُو بِيَرْ دُواْمِنْ هَدَايُنْ بِكٍ ڧٜىٰتَرٜىٰوَ دَ بِجِمَيْ طَرِے بِيَرْ؞ سُونَيٜىٰنْ شُوغَبَنِّنْ سُونٜىٰ كُواْنَنِيَ دَ یَنْعُوَنْسَ شٜىٰمَيَ دَ نٜىٰتَنٜىٰلْ دَ هَشَبِيَ دَ يٜىٰيِيٜىٰلْ دَ يُواْظَبَدْ؞

¹⁰ سَعَدَّ عَكَ شِرْيَ كُواْمٜىٰ دُواْمِنْ بِكٍ ڧٜىٰتَرٜىٰوَرْ، سَيْ ڢِرِسْتُواْثِے سُكَ ڟَيَ أَوُرَارٜىٰنْسُ، لَوِيَاوَا كُمَ سُكَ ڟَيَ بِسَغَ ڧُنْ‌غِيُواْيِنْسُ يَدَّ سَرْكِے يَعُمَرْتَ؞

¹¹ سَيْ عَكَ يَنْكَ یَنْ رَغُنَنْ بِكٍ ڧٜىٰتَرٜىٰوَ؞ سَعَنً ڢِرِسْتُواْثِنْ سُكَ كَرْٻِ جِنِنْ سُكَ يَيَّڢَا عَكَنْ بَغَدٜىٰنْ؞ لَوِيَاوَا كُمَ سُكَيِ تَڢِطَنْ دَبُّواْبِنْ؞

¹² سُكَ كٜىٰٻٜىٰ هَدَايُ نَڧُواْنَاوَا دُواْمِنْ سُرَرَّبَ وَمُتَنٜىٰ بِسَ ڧُنْ‌غِيُواْيِنْ غِدَاجٜىٰنْ كَاكَنِّنْسُ، دُواْمِنْ سُمِيڧَ غَ يَهْوٜىٰهْ، كَمَرْ يَدَّ عَكَ رُبُوتَ عَثِكِنْ لِتَّڢِنْ مُوسَٰى؞ حَكَ نَنْ كُوَ سُكَيِ دَ بِجِمَيْ؞

¹³ لَوِيَاوَنْ سُكَ غَسَ یَنْ رَغُنَنْ بِكٍ ڧٜىٰتَرٜىٰوَ دَ وُتَا بِسَغَ ڧَٰعِدَ؞ سُكَ دَڢَ هَدَايُ مَاسُ ڟَرْكِے عَثِكِنْ تُݣُونٜىٰ دَ مَنْيَنْ تُݣُونٜىٰ دَ ݣُونُواْنِ؞ نَنْ دَ نَنْ كُوَ سُكَ كَيْ وَدُكَنْ مُتَنٜىٰ دُواْمِنْ سُثِ؞

¹⁴ بَايَنْ وَنَّنْ دُكَ، سَيْ لَوِيَاوَا سُكَ شِرْيَ وَكَنْسُ دَ ڢِرِسْتُواْثِے عَبِنْثِ، سَبُواْدَ ڢِرِسْتُواْثِے، وَتُواْ یَیَنْ هَٰرُونَ، سُنَ تَ عَيْكِ دَغَ سَڢٜىٰ حَرْ دَرٜىٰ، سُنَ مِيڧَ هَدَايُ نَڧُواْنَاوَا دَ سَاشٜىٰ نَكِڟٜىٰنْ دَبُّواْبِے؞

¹⁵ مَوَاڧَ دَغَ دَنْ‌غِنْ أَسَڢْ سُنَانَنْ عِنْدَ عَكَسَاسُ بِسَغَ عُمَرْنِنْ دَاوُدَ؞ سُونَيٜىٰنْسُ سُونٜىٰ أَسَڢْ دَ هٜىٰمَنْ دَ يٜىٰدُتُنْ مَيْ غَنِ نَسَرْكِے؞ مَاسُ غَادِنْ ڧُواْڢُواْڢِنْ غِدَنْ عُبَنْ‌غِجِ عَكُواْوَثٜىٰ ڧُواْڢَ بَسُ بَرْ وُرَارٜىٰنْ عَيْكِنْسُ بَ، سَبُواْدَ یَنْعُوَنْسُ لَوِيَاوَا سُنْ شِرْيَ مُسُ عَبِنْثِنْ بِكٍ ڧٜىٰتَرٜىٰوَ؞

¹⁶ حَكَ ڢَا عَكَ شِرْيَ دُكَنْ حِدِمَرْ يَهْوٜىٰهْ أَ رَانَرْ نَنْ دُواْمِنْ سُكِيَايٜىٰ بِكٍ ڧٜىٰتَرٜىٰوَ، دُواْمِنْ كُمَ سُمِيڧَ هَدَايُ عَبَغَدٜىٰنْ يَهْوٜىٰهْ، كَمَرْ يَدَّ سَرْكِے يُواْسِيَا يَعُمَرْتَ؞

¹⁷ دُكَنْ إِسْرَٰٓءِيلَاوَنْ دَسُكٜىٰ أَوُرِنْ سُنْيِ وَنَّنْ بِكٍ ڧٜىٰتَرٜىٰوَ أَ لُواْكَثِنْ، تَرٜىٰدَ بِكٍ غُرَاسَرْ مَرَرْ يِسْتِ حَرْ ݣُونَ بَݣَويْ؞

¹⁸ تُنْ زَامَانِنْ أَنَّبِے سَمَٰعِيلَ، بَعَتَٻَ يِنِرِنْ بِكٍ ڧٜىٰتَرٜىٰوَرْ نَنْبَ؞ بَابُ سَرْكِنْ إِسْرَٰٓءِيلَ وَنْدَ يَتَٻَ بِكٍ ڧٜىٰتَرٜىٰوَ كَمَرْ يَدَّ يُواْسِيَا يَيِ دَ ڢِرِسْتُواْثِے دَ لَوِيَاوَا دَ دُكَنْ مَذَوْنَنْ عُرُوشَلِيمَ دَ مُتَنٜىٰ دَغَ دُكَنْ يَهُودَ دَ إِسْرَٰٓءِيلَ؞

¹⁹ أَ شٜىٰكَرَا تَغُواْمَشَا تَݣُوسْ تَمُلْكٍ يُواْسِيَا نٜىٰ عَكَيِ بِكٍ ڧٜىٰتَرٜىٰوَ؞

مُتُوَرْ يُواْسِيَا

²⁰ بَايَنْ وَنَّنْ دُكَ، سَعَدَّ يُواْسِيَا يَكَمَّلَ وَطَنَّنْ ڠَرٜىٰ ڠَرٜىٰ نَغِدَنْ يَهْوٜىٰهْ، سَيْ سَرْكِے نٜىٰكُواْ نَ مَصَرْ يَهَوْرَ دَ سُواْجُواْجِنْسَ دَغَ مَصَرْ دُواْمِنْ سُكَيْ يَاڧِ أَ كَرْكٜىٰمِشْ عَبَاكِنْ كُواْغِنْ يُڢِرٜىٰتِسْ؞ سَيْ يُواْسِيَا يَڢِتَ دُواْمِنْ يَيِ يَاڧِ دَشِ؞

²¹ عَمَّا سَرْكِے نٜىٰكُواْ يَتُورَ یَنْ عَيْكَ دَ سَڧُواْ وُرِنْ يُواْسِيَا ثٜىٰوَ ‏«‏مٜىٰكَكٜىٰ نٜىٰمَ أَوُرِينَ، يَا سَرْكِنْ يَهُودَ؟ أَيْ، بَنْ ذُواْ إِنْيِ يَاڧِ دَكَيْ أَوَنَّنْ لُواْكَثِبَ؞ عَمَّا إِنَ كَيْ يَاڧِ غَ ڧَسَرْدَ تَكٜىٰ غَابَادَنِنٜىٰ؞ اللَّهْ كُمَ يَعُمَرْثٜىٰنِ إِنْيِ سَوْرِ؞ كَدَ كَيِ غَابَادَ اللَّهْ وَنْدَ يَكٜىٰ تَرٜىٰدَنِ، دُواْمِنْ كَدَ يَهَلَكَاكَ؞»‏

²² عَمَّا دُكْدَهَكَ يُواْسِيَا يَڧِ يَسَوْرَرِ أَبِنْدَ اللَّهْ يَڢَطَا تَبَاكِنْ سَرْكِے نٜىٰكُواْ؞ مَيْمَكُوانْ حَكَ سَيْ يَكَيْ سُواْجُواْجِنْسَ يَاڧِ أَ ڢِيلِنْ مٜىٰغِدُّواْ؞ يَثِرٜىٰ رِغَرْ سَرْكِے يَأَجِيٜىٰ دُواْمِنْ عَثَنْجَ كَمَنِّنْسَ دُواْمِنْ كَدَ أَبُواْكَنْ غَابَا سُغَانٜىٰ شِ، سَيْ يَشِغَ يَاڧِنْ؞

²³ أَنَ ثِكِنْ يَاڧِ سَيْ كِبِيَرْ سُواْجَنْ مَصَرْ تَهَرْبِے سَرْكِے يُواْسِيَا؞ سَيْيَثٜىٰ وَمَاسُ يِمَسَ حِدِمَ ‏«‏كُڢِتَرْ دَنِے دَغَ نَنْ، غَمَا أَنْيِ مِنِ رَوْنِ سُواْسَيْ!‏»‏

²⁴ سَيْ مَاسُ يِمَسَ حِدِمَ سُكَ ڢِتَرْ دَشِ دَغَ ثِكِنْ كٜىٰكٜىٰنْ دُواْكِنْسَ، عَكَسَا شِ أَوَنِ كٜىٰكٜىٰنْ دُواْكِ؞ سَعَنً عَكَ دَاوُاْ دَشِ عُرُوشَلِيمَ عِنْدَ يَمُتُ؞ عَكَ كُمَ بِنّٜىٰشِ أَوُرِنْ بِنّٜىٰوَرْ سَرَاكُنَ؞ دُكَنْ مُتَنٜىٰنْ يَهُودَ دَ نَ عُرُوشَلِيمَ سُكَيِ مَكُواْكِ دُواْمِنْ يُواْسِيَا؞

²⁵ أَنَّبِے إِرْمِيَ يَيِ وَاڧَرْ مَكُواْكِ دُواْمِنْ يُواْسِيَا، وَدَّ هَرْوَيَوْ مَوَاڧَ مَظَا دَ مَاتَا سُنَ رٜىٰرَاوَ غَمٜىٰدَ مُتُوَرْسَ؞ وَنَّنْ وَاڧَرْ تَذَمَ أَلْعَادَا ثٜىٰ غَ مَوَاڧَ عَ إِسْرَٰٓءِيلَ، تَنَ أَرُبُوثٜىٰ عَثِكِنْ لِتَّڢِنْ مَكُواْكِ؞

²⁶ سَوْرَنْ أَيُّكَنْ يُواْسِيَا دَ أَيُّكَنْ أَمِنْثِنْ دَ يَيِ بِسَغَ أَبِنْدَ عَكَ رُبُوتَ عَثِكِنْ كُواْيَرْوَرْ يَهْوٜىٰهْ،

²⁷ وَتُواْ، أَيُّكَنْسَ دَغَ ڢَرْكُواْ ذُوَا ڧَرْشٜىٰ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ دَ نَ يَهُودَ؞