2 تَارِيحِ 34 - أَتَّوْرَتْ دَ أَنَّبَاوَا

سَرْكِے يُواْسِيَا نَ يَهُودَ

¹ يُواْسِيَا يَنَدَ شٜىٰكَرَا تَݣُوسْ سَعَدَّ يَذَمَ سَرْكِے، يَكُوَ يِمُلْكِ شٜىٰكَرَا تَلَاتِنْ دَ طَيَ أَ عُرُوشَلِيمَ؞

² يَيِ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ؞ يَيِ تَڢِيَ أَ حَنْيَرْ كَكَنْسَ دَاوُدَ، بَيْ جُويَا حَنُّنْ هَغُ كُواْ دَامَبَ؞

يُواْسِيَا يَرُشٜىٰ وُرِنْ سُجَّدَرْ غُمَكَ

³ أَ شٜىٰكَرَا تَتَݣُوسْ تَمُلْكِنْسَ، أَ لُواْكَثِنْ يَنَ يَرُواْ، يُواْسِيَا يَڢَارَ سُجَّدَ غَ اللَّهْ نَكَكَنْسَ دَاوُدَ؞ أَ شٜىٰكَرَرْسَ تَغُواْمَشَا بِيُ، سَيْ يَڢَارَ رُرُّشٜىٰ وُرَارٜىٰنْ سُجَّدَ دَ بَسُ دَاثٜىٰبَ أَ يَهُودَ دَ عُرُوشَلِيمَ دَ غُمَكَنْ أَشٜىٰرَ دَ صِڢُّواْڢِنْ أَلُّواْلِ نَ إِتَاثٜىٰنْ دَ عَكَ سَسَّڧَ دَ صِڢُّواْڢِنْ ظُبِے؞

⁴ يَسَا مُتَنٜىٰ سُكَ رُشٜىٰ بَغَدَنْ يِنْ سُجَّدَ غَ غُمَكَنْ بَعَلْ؞ يَكُمَ رُشٜىٰ بَغَدٜىٰنْ ڧُواْنَ تُرَارٜىٰنْ هَدَايُ دَسُكٜىٰ عَبِسَنْسُ؞ يَڢَرْڢَشٜىٰ غُمَكَنْ أَشٜىٰرَ دَ صِڢُّواْڢِنْ أَلُّواْلِنْ إِتَاثٜىٰنْ دَ عَكَ سَسَّڧَ دَ صِڢُّواْڢِنْ ظُبِے؞ سَيْ يَنِڧَسُ دُكَ سُكَ ذَمَ ڧُورَا؞ سَعَنً يَوَاڟَرْدَ ڧُورَرْسُ أَوُرِنْ كَبَرِنْ مُتَنٜىٰنْ دَ سُكَ مِيڧَ هَدَايُ أَغَرٜىٰسُ؞

⁵ يَڧُواْنٜىٰ ڧَسُسُوَنْ ڢِرِسْتُواْثِے نَغُمَكَنْ عَكَنْ بَغَدَنْسُ؞ تَيِنْ حَكَ يَڟَبْتَثٜىٰ يَهُودَ دَ عُرُوشَلِيمَ؞

⁶ يَيِ حَكَ عَكُواْوَنٜىٰ غَرِ تَيَنْكِنْ ذُرِيَرْ مَنَسّٜىٰ دَ ذُرِيَرْ إِڢْرَيِمْ دَ ذُرِيَرْ سِمٜىٰيُوانْ، حَرْ ذُوَا يَنْكِنْ ذُرِيَرْ نَڢْتَلِ؞

⁷ يَرُرُّشٜىٰ بَغَدَنْ سُجَّدَ، يَنِڧَ غُمَكَنْ أَشٜىٰرَ دَ سَوْرَنْ غُمَكَنْ أَلُّواْلِنْ سُكَ ذَمَ ڧُورَا؞ يَكُمَ رُشٜىٰ دُكَنْ بَغَدَنْ ڧُواْنَ تُرَارٜىٰ أَدُكَنْ إِسْرَٰٓءِيلَ؞ بَايَنْ حَكَ يَكُواْمَ عُرُوشَلِيمَ؞

أَنْ سَامِ لِتَّڢِنْ كُواْيَرْوَرْ مُوسَٰى

⁸ عَثِكِنْ شٜىٰكَرَا تَغُواْمَشَا تَݣُوسْ تَمُلْكٍ يُواْسِيَا، بَايَنْدَ يَڟَبْتَثٜىٰ ڧَسَرْدَ كُمَ غِدَنْ يَهْوٜىٰهْ، سَيْ يَعَيْكِ مُتَنٜىٰ عُكُ دُواْمِنْ سُڠَرَ غِدَنْ يَهْوٜىٰهْ اللَّهْ نْسَ؞ سُونَيٜىٰنْسُ سُونٜىٰ، شَڢَنْ طَنْ أَظَلِيَ دَ ڠُومْنَنْ عُرُوشَلِيمَ مَيْ سُونَ مَعَسٜىٰيَ دَ مَرُبُوثِ يُواْوَ طَنْ يُواْوَهَظْ؞

⁹ مُتَنٜىٰنَّنْ عُكُ سُكَ تَڢِے وُرِنْ هِلْكِيَ بَبَّنْ ڢِرِسْتِ، سُكَ بَاشِ كُطِنْ دَ عَكَ كَٰوُاْ عَثِكِنْ غِدَنْ يَهْوٜىٰهْ، وَنْدَ لَوِيَاوَا مَاسُ غَادِنْ ڧُواْڢَرْ غِدَنْ يَهْوٜىٰهْ سُكَ تَتَّارَ دَغَ مُتَنٜىٰنْ ذُرِيَرْ مَنَسّٜىٰ دَ نَ إِڢْرَيِمْ دَ نَضَغُواْوَرْ جَمَعَرْ إِسْرَٰٓءِيلَ دَ نَدُكَنْ ذُرِيَرْ يَهُودَ دَ تَ بِلِيَامِنُ دَ مَذَوْنَنْ عُرُوشَلِيمَ؞

¹⁰ سَيْ سُكَ بَادَ كُطِنْ غَ مُتَنٜىٰنْ دَ عَكَبَاسُ عَيْكِنْ لُورَ دَ ڠَرٜىٰ ڠَرٜىٰنْ غِدَنْ يَهْوٜىٰهْ؞ سَيْ سُكَبِيَ مَاسُ عَيْكِنْ ڠَرَنْ غِدَنْ يَهْوٜىٰهْ، دُواْمِنْ أَ مَيْدَ غِدَنْ كَمَرْ يَدَّ يَكٜىٰ أَدَا؞

¹¹ سُكَ كُمَ بَادَ كُطِ غَ كَاڢِنْتُواْثِ دَ مَاسُ غِنِ سُسَيِ دُووَڟُنْ دَ عَكَ سَسَّڧَ دَ كَتَكَنْ بِمْ دُواْمِنْ أَڠَرَ غِنٜىٰ غِنٜىٰنْ دَ سَرَاكُنَنْ يَهُودَ سُنْ بَرِ سُكَ لَلَثٜىٰ؞

¹² مَاسُ عَيْكِنْ سُنْيِ عَيْكِنْ ثِكِنْ أَمِنْثِ سُواْسَيْ؞ عَكَ نَطَ لَوِيَاوَا سُكَ ذَمَ مَاسُ لُورَ دَ عَيْكِنْ؞ لَوِيَاوَنْ سُونٜىٰ، يَهَتْ دَ عُواْبَدِيَ دَغَ دَنْ‌غِنْ مٜىٰرَرِ دَ زَكَرِيَّا دَ مٜىٰشُلَّمْ دَغَ دَنْ‌غِنْ كُواْهَتْ؞ وَطَنَّنْ لَوِيَاوَا دُكَنْسُ مَاسُ عِيَ وَاڧُواْڧِ دَ كَطٜىٰ كَطٜىٰ نٜىٰ سُواْسَيْ؞

¹³ سُونٜىٰ كُمَ مَاسُ لُورَ دَ مَاسُ عَيْكِنْ طَوْكَرْ كَايَ؞ سُونٜىٰ كُمَ سُكٜىٰ نُونَاوَ كُواْوَنٜىٰ مُتُمْ إِرِنْ عَيْكِنْ دَ ذَيْ يِ؞ وَطَنْسُ لَوِيَاوَا كُمَ سَكَتَارُواْرِ نٜىٰ، وَطَنْسُ شُوغَبَنِّ نٜىٰ، وَطَنْسُ كُمَ مَاسُ غَادِنْ ڧُواْڢُواْڢِ نٜىٰ؞

¹⁴ سَعَدَّ عَكٜىٰ ڢِتُواْوَ دَ كُطِنْ دَغَ طَاكِنْ أَجِيَرْ غِدَنْ يَهْوٜىٰهْ، سَيْ هِلْكِيَ بَبَّنْ ڢِرِسْتِ يَسَامِ لِتَّڢِنْ كُواْيَرْوَرْ يَهْوٜىٰهْ، وَنْدَ عَكَ بَايَرْ تَبَاكِنْ مُوسَٰى؞

¹⁵ سَيْ هِلْكِيَ يَثٜىٰ وَ شَڢَنْ مَرُبُوثِنْ سَرْكِے ‏«‏نَا سَامِ لِتَّڢِنْ كُواْيَرْوَرْ مُوسَٰى عَثِكِنْ غِدَنْ يَهْوٜىٰهْ!‏»‏ سَيْ هِلْكِيَ يَبَا شَڢَنْ نَطَطّٜىٰنْ لِتَّڢِنْ؞

¹⁶ شَڢَنْ كُوَ يَكَيْ وَ سَرْكِے لِتَّڢِنْ، يَكُمَ ثٜىٰ مَسَ ‏«‏مُو دَتَّاوَنْكَ مُنْ ثِكَ دُكَنْ أَبِنْدَ كَاعُمَرْثٜىٰمُ مُيِ؞

¹⁷ مُنْ ڢِتَرْدَ كُطِنْ دَ عَكَ سَامُ أَ غِدَنْ يَهْوٜىٰهْ، مُكَ مِيڧَا وَمَاسُ لُورَ دَ عَيْكِنْ دَ كُمَ مَاسُ يِنْ عَيْكِنْ؞»‏

¹⁸ سَعَنً شَڢَنْ مَرُبُوثِ يَثٜىٰ وَسَرْكِے ‏«‏هِلْكِيَ بَبَّنْ ڢِرِسْتِ يَبَانِ لِتَّڢِ؞»‏ سَيْ يَكَرَنْتَ وَسَرْكِے؞

¹⁹ سَعَدَّ سَرْكِے يَجِ أَبِنْدَ عَكَ رُبُوتَ عَثِكِنْ لِتَّڢِنْ، سَيْ يَيَيَّاغٜىٰ رِيغُنَنْسَ دُواْمِنْ بَڧِنْ ثِكِ؞

²⁰ سَعَنً يَكِرَا هِلْكِيَ دَ أَهِكَمْ طَنْ شَڢَنْ دَ أَبْدُوانْ طَنْ مِيكَ دَ شَڢَنْ مَرُبُوثِنْ سَرْكِے دَ أَسَيَ مَيْ حِدِمَرْ سَرْكِے؞ يَثٜىٰ مُسُ،

²¹ ‏«‏كُتَڢِے كُنٜىٰمِ نُڢِنْ يَهْوٜىٰهْ، كُيِ تَمْبَيَ دُواْمِنَ دَ كُمَ دُواْمِنْ سَوْرَنْ مُتَنٜىٰنْ دَ سُكَ رَغُ عَ إِسْرَٰٓءِيلَ دَ يَهُودَ غَمٜىٰدَ أَبِنْدَ عَكَ رُبُوتَ ثِكِنْ لِتَّڢِنْ؞ ڢُشِنْ يَهْوٜىٰهْ عَكَنْمُ ذَيْ يِذَاڢِ سُواْسَيْ، غَمَا كَاكَنِّنْمُ بَسُ كِيَايٜىٰ مَغَنَرْ يَهْوٜىٰهْ بَ؞ بَسُ عَيْكَتَ بِسَغَ دُكَنْ أَبِنْدَ عَكَ رُبُوتَ عَثِكِنْ لِتَّڢِنَّنْبَ؞»‏

أَنْ نٜىٰمِ شَوَرَرْ أَنَّبِيَ هُلْدَ

²² هِلْكِيَ دَ وَطَنْدَ سَرْكِے يَعَيْكَ سُكَ تَڢِے سُيِ مَغَنَ دَ أَنَّبِيَ هُلْدَ؞ عِتَ ثٜىٰ مَاتَرْ شَلُّمْ طَنْ تُواْخَتْ جِيكَنْ هَسْرَ؞ شَلُّمْ نٜىٰ يَنَ لُورَ دَ رِيغُنَنْ عَيْكِ ثِكِنْ غِدَنْ يَهْوٜىٰهْ؞ هُلْدَ تَنَ ذَمَ ثِكِنْ عُرُوشَلِيمَ أَ سَابُوَرْ عُنْ‌غُوَ؞ سَيْ سُكَ بَيَّنَ مَتَ أَبِنْدَ يَڢَرُ؞

²³ سَعَنً تَثٜىٰمُسُ سُغَيَ وَوَنْدَ يَعَيْكٜىٰسُ أَبِنْدَ اللَّهْ نَ إِسْرَٰٓءِيلَ يَڢَطَا؞

²⁴ ‏«‏إِنْجِ يَهْوٜىٰهْ، ‏‹‏ذَنْ كَٰوُاْ مَسِيڢَ عَكَنْ وَنَّنْ بِرْنِ دَ مَذَوْنَنْسَ؞ دُكَنْ لَعَنَرْ دَ عَكَ رُبُوتَ أَ لِتَّڢِنْ دَ كُكَ كَرَنْتَ أَغَبَنْ سَرْكِنْ يَهُودَ ذَاتَ ثِكَ عَكَنْكُ؞

²⁵ غَمَا مُتَنٜىٰنْ يَهُودَ سُنْڧِينِ سُكَ كُواْمَ غَ ڧُواْنَ وَ وَطَنْسُ أَلُّواْلِ تُرَارٜىٰ؞ سُنْ سَا نَيِ ڢُشِے سَبُواْدَ سُنْيِ سُجَّدَ غَ دُكَنْ أَيُّكَنْ حَنُّوَنْسُ؞ ڢُشِنَ ذَيْ تَاشِ عَكَنْسُ، كُمَ بَابُ أَبِنْدَ ذَيْ ݣُونْتَرْ دَشِ؞›‏

²⁶ عَمَّا غَ سَرْكِنْ يَهُودَ وَنْدَ يَعَيْكٜىٰكُ كُنٜىٰمِ نُڢِنْ يَهْوٜىٰهْ ذَاكُ غَيَ مَسَ ثٜىٰوَ ‏‹‏إِنْجِ يَهْوٜىٰهْ اللَّهْ نَ إِسْرَٰٓءِيلَ،

²⁷ ‏«‏نَا لُورَ يَدَّ كَكٜىٰ دَ ذُوثِيَا مَيْ تُوبَ، كَكُمَ ڧَسْڧَنْتَرْ دَكَنْكَ أَغَبَنَ سَعَدَّ كَجِ أَبِنْدَ نَڢَطَا غَمٜىٰدَ بِرْنِنَّنْ دَ مَذَوْنَنْتَ؞ سَبُواْدَ ذُوثِيَارْكَ تَدَامُ، حَرْ كَيَيَّاغٜىٰ رِيغُنَنْكَ دُواْمِنْ كَنُونَ تُوبَرْكَ، كَكُمَيِ كُوكَا أَغَبَنَ، نِے مَا نَجِكَ؞

²⁸ سَبُواْدَ حَكَ ذَنْسَا كَمُتُ كَبِے كَاكَنِّنْكَ ثِكِنْ سَلَمَ؞ عِدَنُونْكَ بَذَاسُ غَا مَسِيڢَرْ دَ ذَنْ كَٰوُاْوَ بِرْنِنَّنْ دَ مَذَوْنَنْسَبَ؞»‏ ›‏ »‏ سُكَ كُواْمَاوَا سَرْكِے دَ وَنَّنْ سَڧُواْ؞

يُواْسِيَا يَيِ يَرْجٜىٰجٜىٰنِيَ دَ يَهْوٜىٰهْ

²⁹ سَرْكِے يُواْسِيَا يَجِ سَڧُواْ دَغَ وُرِنْ هُلْدَ، سَيْ يَعَيْكَ عَكَ تَتَّارَ دُكَنْ دَتَّاوَنْ يَهُودَ دَ نَ عُرُوشَلِيمَ؞

³⁰ سَيْ يَهَوْرَ ذُوَا غِدَنْ يَهْوٜىٰهْ، تَرٜىٰدَ دُكَنْ مُتَنٜىٰنْ يَهُودَ دَ مَذَوْنَنْ عُرُوشَلِيمَ، تَرٜىٰدَ لَوِيَاوَا دَ ڢِرِسْتُواْثِے دَ دُكَنْ مُتَنٜىٰ مَنْيَ دَ ڧَنَانَا؞ يَكَرَنْتَ عَكُنّٜىٰنْسُ دُكَنْ أَبِنْدَ عَكَ رُبُوتَ عَثِكِنْ لِتَّڢِنْ يَرْجٜىٰجٜىٰنِيَ وَنْدَ عَكَ سَامُ عَثِكِنْ غِدَنْ يَهْوٜىٰهْ؞

³¹ سَيْ سَرْكِے يَڟَيَ أَوُرِنْ ڟَيَاوَرْسَ، يَسَابُنْتَ يَرْجٜىٰجٜىٰنِيَ أَغَبَنْ يَهْوٜىٰهْ ثٜىٰوَ يَيَرْدَ ذَيْبِے يَهْوٜىٰهْ، يَكِيَايٜىٰ عُمَرْنَنْسَ دَ ڧَٰعِدُواْدِنْسَ دَ دُواْكُواْكِنْسَ دَ دُكَنْ ذُوثِيَارْسَ دَ دُكَنْ رَنْسَ؞ ذَيْ كُمَيِ بِيَيَّ دَ دُكَنْ كَلْمُواْمِنْ يَرْجٜىٰجٜىٰنِيَرْ دَسُكٜىٰ أَرُبُوثٜىٰ عَثِكِنْ لِتَّڢِنْ؞

³² يَكُمَسَا كُواْوَ أَ عُرُوشَلِيمَ دَ يَنْكِنْ بِلِيَامِنُ سُيِ وَنَّنْ يَرْجٜىٰجٜىٰنِيَرْ؞ سَيْ مَذَوْنَنْ عُرُوشَلِيمَ سُكَ سَابُنْتَا يَرْجٜىٰجٜىٰنِيَرْ اللَّهْ، اللَّهْ نَكَاكَنِّنْسُ؞

³³ يُواْسِيَا كُوَ يَكَوَرْدَ دُكَنْ أَبُبُوَنْ بَنْ ڨَمَ دَغَ دُكَنْ ڧَسَرْ إِسْرَٰٓءِيلَ؞ يَكُمَ عُمَرْثِ دُكَنْ وَطَنْدَ سُكٜىٰ ثِكِنْ إِسْرَٰٓءِيلَ سُبَوْتَاوَ يَهْوٜىٰهْ اللَّهْ نْسُ؞ دُكَنْ ݣُونَكِنْ رَايُوَرْسَ، مُتَنٜىٰ بَسُ جُويَا وَ يَهْوٜىٰهْ اللَّهْ نَكَاكَنِّنْسُ بَايَبَ؞