2 تَارِيحِ 32 - أَتَّوْرَتْ دَ أَنَّبَاوَا

سٜىٰنَّكٜىٰرِبْ يَڟُواْرَتَرْ دَ يَهُودَ

¹ بَايَنْ أَيُّكَنَّنْ مَاسُ أَمِنْثِ وَطَنْدَ سَرْكِے هٜىٰزٜىٰكِيَ يَيِ، سَيْ سَرْكِے سٜىٰنَّكٜىٰرِبْ نَ أَسُّرِيَ يَكَيْ وَ يَهُودَ يَاڧِ؞ شِ دَ سُواْجُواْجِنْسَ سُكَ كٜىٰوَيٜىٰ بِرَنٜىٰ مَاسُ كَتَنْ‌غَ دُواْمِنْ يَاڧِ، يَنَ تُنَانِ ذَيْثِسُ دَ يَاڧِ، يَڨُوثٜىٰسُ سُذَمَ نَاسَ؞

² سَعَدَّ هٜىٰزٜىٰكِيَ يَغَ سٜىٰنَّكٜىٰرِبْ يَذُواْ دُواْمِنْ يَڢَاطَوَ عُرُوشَلِيمَ دَ يَاڧِ،

³ سَيْ هٜىٰزٜىٰكِيَ يَيِ مَغَنَ دَ دَتَّاوَنْسَ دَ مَنْيَنْ سُواْجُواْجِنْسَ؞ سُكَ يَنْكٜىٰ شَوَرَا ذَاسُ تُواْشٜىٰ مَٻُٻُّغَرْ ضُوً دَسُكٜىٰ عَبَايَنْ بِرْنِنْ؞ سُكَ كُوَ تَيْمَكِ سَرْكِنْ؞

⁴ مُتَنٜىٰ دَيَوَ سُكَ تَارُ سُكَ تُواْتُّواْشٜىٰ دُكَنْ مَٻُٻُّغَرْ ضُوَ دَ رَاڢُڢُّكَنْ دَسُكٜىٰ غُدُ عَثِكِنْ ڢِيلَيٜىٰ؞ سُكَثٜىٰ ‏«‏دُوانْمٜىٰ ذَامُ بَرْ سَرْكِنْ أَسُّرِيَ يَذُواْ يَسَامِ ضُوَ مَيْ يَوَ أَنَنْ؟»‏

⁵ سَرْكِے هٜىٰزٜىٰكِيَ يَيِ ذُوثِيَا يَڠَغْڠَرَ كَتَنْ‌غَ أَوُرَارٜىٰنْ دَ عَكَ رُشٜىٰ؞ يَغِنَ طَكُنَ مَاسُ ڟَيِ عَكَنْتَ؞ يَكُمَ غِنَا وَتَ كَتَنْ‌غَ كٜىٰوَيٜىٰ دَ تَڢَارِنْ؞ سَيْ يَڠَغْڠَرَ وُرَارٜىٰنْ ڟَرُواْ وَطَنْدَ عَكَ ثِكَ دَ ڧَسَا أَوَجٜىٰنْ غَبَسْ دَ عُرُوشَلِيمَ؞ يَكُمَيِ كَايَنْ يَاڧِ دَ غَرْكُوُاْيِ مَاسُيَوَ؞

⁶ سَيْ يَنَطَ شُوغَبَنِّنْ سُواْجُواْجِ عَكَنْ مُتَنٜىٰ، يَتَتَّرَاسُ أَغَبَنْسَ أَ ڢِيلِنْ دَيَكٜىٰ عَتَڧُواْڢَرْ بِرْنِ، يَيِ مُسُ مَغَنَرْ ڧَرْڢَڢَاوَا يَثٜىٰ،

⁷ ‏«‏كُڧَرْڢَڢَ!‏ كُيِ ڧَرْڢِنْ حَلِ!‏ كَدَ كُجِڟُواْرُوانْ سَرْكِنْ أَسُّرِيَ كُواْ بَبَّرْ ڧُنْ‌غِيَرْ سُواْجُواْجِنْسَ، غَمَا إِيكُوانْ دَيَكٜىٰ تَرٜىٰدَمُو يَڢِ وَنْدَ يَكٜىٰ تَرٜىٰ دَشِ؞

⁸ كُواْ دَ يَنَدَ سُواْجُواْجِ مَاسُيَوَ، سُنَدَ إِيكُواْ نَجِكِے نٜىٰ كَوَيْ، عَمَّا مُو مُنَدَ يَهْوٜىٰهْ اللَّهْ نْمُ مَيْ تَيْمَكُوانْمُ، شِينٜىٰ ذَيْ يِيَاڧِ دُواْمِنْمُ!‏»‏ مُتَنٜىٰ سُكَ سَامِ ڧَرْڢَڢَاوَا سُواْسَيْ دَ وَنَّنْ مَغَنَ تَسَرْكِے هٜىٰزٜىٰكِيَ نَ يَهُودَ؞

⁹ بَايَنْ وَنَّنْ سَيْ سَرْكِے سٜىٰنَّكٜىٰرِبْ نَ أَسُّرِيَ يَعَيْكَ دَ یَنْ عَيْكَ ذُوَا عُرُوشَلِيمَ؞ أَ لُواْكَثِنَّنْ، شِ دَ دُكَنْ سُواْجُواْجِنْسَ سُنَ كٜىٰوَيٜىٰ دَ بِرْنِنْ لَكِشْ دُواْمِنْ يَاڧِ؞ يَعَيْكَ وَ سَرْكِے هٜىٰزٜىٰكِيَ دَ مُتَنٜىٰنْ يَهُودَ دَ سَڧُواْ ثٜىٰوَ

¹⁰ ‏«‏غَا أَبِنْدَ سَرْكِے سٜىٰنَّكٜىٰرِبْ نَ أَسُّرِيَ يَثٜىٰ، ‏‹‏عَكَنْ مٜىٰ كُكٜىٰ دُواْغَضَ دَ حَرْ كُكٜىٰ ڟَمَّنِ ذَاكُ ڟِيرَا دَغَ بِرْنِنْكُ عُرُوشَلِيمَ وَدَّ نَكٜىٰوَيٜىٰتَ دُواْمِنْ يَاڧِ؟

¹¹ أَيْ، رُوطِنْكُنٜىٰ هٜىٰزٜىٰكِيَ يَكٜىٰيِ، دُواْمِنْ يَڨَلٜىٰكُ كُمُتُ دَ يُنْوَ دَ ڧِشِنْ ضُوَ؞ شِيَسَا يَثٜىٰ مُكُ يَهْوٜىٰهْ اللَّهْ نْكُ ذَيْثٜىٰثٜىٰكُ دَغَ حَنُّنْ سَرْكِنْ أَسُّرِيَ؞

¹² بَ هٜىٰزٜىٰكِيَ نٜىٰ يَرُرُّشٜىٰ وُرَارٜىٰنْ سُجَّدَرْ يَهْوٜىٰهْ عَكَنْ تُدَّيْ تَرٜىٰدَ بَغَدٜىٰنْسُ بَ؟ سَعَنً يَعُمَرْثِ دُكَنْ مُتَنٜىٰنْ يَهُودَ دَ نَ عُرُوشَلِيمَ سُيِ سُجَّدَ سُكُمَ ڧُواْنَ تُرَارٜىٰ عَبَغَدٜىٰ طَيَ تَكْ؟

¹³ ‏«‏ ‏‹‏بَكُسَنْ أَبِنْدَ نِے دَ كَاكَنِّنَ مُكَيِ وَدُكَنْ ڧَبِيلُنْ سَوْرَنْ ڧَسَاشٜىٰبَ؟ أَݣَويْ وَتَ ڧَسَرْدَ أَلُّواْلِنْتَ سُنْ عِيَ ثٜىٰتُوانْ ڧَسَرْدَغَ هَنُّونَ؟

¹⁴ أَيْ، كَاكَنِّنَ سُكَ هَلَّكَرْ دَ ڧَسَاشٜىٰ دَيَوَ؞ أَݣَويْ طَيَ دَغَ ثِكِنْ أَلُّواْلِنْسُ وَنْدَ يَ عِيَ ثٜىٰتُوانْ جَمَعَرْسَ دَغَ هَنُّونَ؟ تَيَيَا ذَاكُثٜىٰ نَاكُ اللَّهْ ذَيْثٜىٰثٜىٰكُ دَغَ هَنُّونَ؟

¹⁵ يَنْذُ ڢَا، كَدَ كُبَرْ هٜىٰزٜىٰكِيَ يَرُوطٜىٰكُ، كُواْ يَٻَادَكُو، كَدَ كُغَسْكَتَشِ؞ غَمَا بَابُوَنِ اللَّهْ نَوَتَ أَلْعُمَّ كُواْ ڧَسَا وَنْدَ يَتَٻَ ثٜىٰتُوانْ مُتَنٜىٰنْسَ دَغَ حَنُّنْ كَاكَنِّنَ؞ تَيَيَا اللَّهْ نْكُ ذَيْ عِيَ ثٜىٰتُوانْكُ دَغَ هَنُّونَ؟›‏ »‏

¹⁶ یَنْ عَيْكَنْ سَرْكِے سٜىٰنَّكٜىٰرِبْ سُكَيِ وَطَنْسُ مُوغَيٜىٰنْ مَغَنْ‌غَنُ نَسَاٻُواْ غَ عُبَنْ‌غِجِ يَهْوٜىٰهْ دَ بَاوَنْسَ هٜىٰزٜىٰكِيَ؞

¹⁷ سٜىٰنَّكٜىٰرِبْ يَكُمَ رُبُوتَ وَطَنْسُ وَسِيڧُ يَنَ ذَاغِنْ يَهْوٜىٰهْ اللَّهْ نَ إِسْرَٰٓءِيلَ؞ يَثٜىٰ أَوَسِيڧُنْ ‏«‏كَمَرْ يَدَّ أَلُّواْلِنْ ڧَبِيلُنْ وَطَنْسُ ڧَسَاشٜىٰ بَسُ ثٜىٰثِ جَمَعَرْسُ دَغَ هَنُّونَ بَ، حَكَمَا اللَّهْ‌نْ هٜىٰزٜىٰكِيَ بَذَيْ عِيَ ثٜىٰتُوانْ جَمَعَرْسَ دَغَ هَنُّونَبَ؞»‏

¹⁸ یَنْ عَيْكَنْ سُكَيِ مَغَنَ دَ بَبَّرْ مُرْيَ دَ إِبْرَانِيَنْثِ دُواْمِنْ سُڟُواْرَتَرْ دَ مُتَنٜىٰنْ دَسُكٜىٰ لٜىٰڧَوَ عَكَتَنْ‌غَرْ بِرْنِنْ، عَكُمَسَا سُڢِرْغِتَ؞ سُنْيِ حَكَ دُواْمِنْ سُڨُوثٜىٰ بِرْنِنْ أَ سَوْڧَڧٜىٰ دَ يَاڧِ؞

¹⁹ سُكَيِ تَمَغَنَ عَكَنْ اللَّهْ نَ عُرُوشَلِيمَ، كَمَرْ يأَنَانً دَيْدَيْ دَ غُمَكَنْ أَلُّواْلِنْ وَطَنْسُ ڧَبِيلُنْ دُونِيَا، وَتُواْ عَيْكِنْ حَنُّوَنْ مُتَنٜىٰ؞

يَهْوٜىٰهْ يَثٜىٰثِ هٜىٰزٜىٰكِيَ دَغَ حَنُّنْ سٜىٰنَّكٜىٰرِبْ

²⁰ سَيْ سَرْكِے هٜىٰزٜىٰكِيَ دَ أَنَّبِے عِشَايَ طَنْ أَمُواظْ سُكَيِ أَدُّعَ غَ اللَّهْ سَبُواْدَ وَطَنَّنْ مَغَنْ‌غَنُ، سُكَيِ كُوكَا ذُوَا سَمَ دُواْمِنْ يَتَيْمَكٜىٰسُ؞

²¹ يَهْوٜىٰهْ كُوَ يَعَيْكَ دَ مَلاَىِٕكَ يَكَكَّشٜىٰ سُواْجُواْجِ مَاسُ عِيَ يَاڧِ نَ أَسُّرِيَ دَ مَنْيَنْ سُواْجُواْجِنْسُ دَ شُوغَبَنِّنْ سُواْجُواْجِنْسُ عَثِكِنْ سَنْسَنِنْ يَاڧِنْسُ؞ سَبُواْدَ حَكَ سٜىٰنَّكٜىٰرِبْ يَكُواْمَ ڧَسَرْسَ ثِكِنْ ڧَسْڧَنْثِ؞ وَتَرَانَ سَعَدَّ يَنَ سُجَّدَ أَطَاكِنْ اللَّهْ‌نْسَ، سَيْ وَطَنْسُ یَیَنْسَ مَظَا سُكَ كَشٜىٰشِ دَ تَكُواْبِے؞

²² تَهَكَ يَهْوٜىٰهْ يَثٜىٰثِ هٜىٰزٜىٰكِيَ دَ سَوْرَنْ مَذَوْنَنْ عُرُوشَلِيمَ دَغَ حَنُّنْ سَرْكِے سٜىٰنَّكٜىٰرِبْ نَ أَسُّرِيَ دَ كُمَ سَوْرَنْ أَبُواْكَنْ غَابَنْسُ؞ يَبَاسُ ذَمَنْ لَاڢِيَ دَ دُكَنْ ڧَسَاشٜىٰنْ دَسُكٜىٰ كٜىٰوَيٜىٰ دَسُو؞

²³ مُتَنٜىٰ دَيَوَ سُكَ كَٰوُاْوَ يَهْوٜىٰهْ ݣَوْتَيْ أَ عُرُوشَلِيمَ، سُكَ كُمَ كَٰوُاْ ݣَوْتَيْ نَكَايَ مَاسُ دَرَجَ غَ هٜىٰزٜىٰكِيَ؞ تُنْدَغَ لُواْكَثِنْ، هٜىٰزٜىٰكِيَ يَسَامِ غِرْمَ أَعِدُوانْ دُكَنْ أَلْعُمَّنْ دُونِيَا؞

ثِيوُانْ هٜىٰزٜىٰكِيَ دَ غِرْمَنْ كَنْسَ

²⁴ عَݣُونَكِنْنَنْ كُوَ هٜىٰزٜىٰكِيَ يَكَمُ دَ رَشِنْ لَاڢِيَ حَرْ يَكُسَ مُتُوَ؞ سَيْ يَيِ أَدُّعَ غَ يَهْوٜىٰهْ، يَهْوٜىٰهْ كُوَ يَأَمْسَ مَسَ يَبَا شِ وَتَ عَلَمَرْ وَرْكٜىٰوَ؞

²⁵ عَمَّا سَبُواْدَ يَوَنْ غِرْمَنْ كَنْسَ، هٜىٰزٜىٰكِيَ بَيْيِ غُواْدِيَ عَكَنْ أَلْحٜىٰرِنْ دَ عَكَيِ مَسَبَ؞ سَبُواْدَ حَكَ يَهْوٜىٰهْ يَيِ ڢُشِے دَشِ دَ مُتَنٜىٰنْ يَهُودَ دَ عُرُوشَلِيمَ؞

²⁶ سَعَنً هٜىٰزٜىٰكِيَ يَتُوبَ دَغَ غِرْمَنْ كَنْسَ، حَكَمَا مَذَوْنَنْ عُرُوشَلِيمَ؞ سَبُواْدَ حَكَ يَهْوٜىٰهْ بَيْ حُكُنْتَسُ سَعَدَّ هٜىٰزٜىٰكِيَ يَكٜىٰدَ رَيْبَ؞

²⁷ هٜىٰزٜىٰكِيَ يَنَدَ دُوكِيَ سُواْسَيْ، كُواْوَ كُمَ يَنَ غِرْمَمَشِ؞ يَغِنَ طَكُنَ دُواْمِنْ أَجِيَرْ ظِينَارِيَ دَ أَظُرْڢَا دَ دُوَڟُو مَاسُ دَرَجَ دَ كَايَنْ يَجِ دَ غَرْكُوَ دَ وَطَنْسُ أَبُبُوَ إِرِ إِرِ مَاسُ دَرَجَ؞

²⁸ بَنْدَ حَكَ يَغِنَ طَكُنَ دُواْمِنْ أَجِيَرْ غِرْبِنْ حَڟِ دَ ضُوً إِنَبِے دَ مَنْ ظَيْتُنْ؞ يَكُمَ غِنَا رُمْڢُنَ دُواْمِنْ شَانُو إِرِ إِرِ دَ غَرْكُنَنْ تُمَكِ دَ أَوَكِ؞

²⁹ يَكُمَ غِغِّنَ غَرُرُوَ مَاسُيَوَ، يَنَ كُمَ دَ غَرْكُنَنْ تُمَكِ دَ نَشَانُو عَيَلْوَثٜىٰ غَمَا اللَّهْ يَبَا شِ أَرْزِڧِ سُواْسَيْ؞

³⁰ وَنَّنْ هٜىٰزٜىٰكِيَ نٜىٰ يَتُواْشٜىٰ حَنْيَرْ ضُوً دَيَكٜىٰ غَنْ‌غَرَوَ دَغَ رَاڢِنْ غِهُوانْ، يَجُويٜىٰ ضُوً دُواْمِنْ يَغَنْ‌غَرَ ذُوَا يَمَّثِنْ بِرْنِنْ دَاوُدَ؞ هٜىٰزٜىٰكِيَ كُوَ يَيَلْوَتَ سُواْسَيْ ثِكِنْ دُكَنْ أَبِنْدَ يَيِ؞

³¹ عَمَّا لُواْكَثِنْ دَ یَنْ عَيْكَ دَغَ سَرْكِنْ بَابِيلَ سُكَ كَٰوُاْ زِيَارَ عَڧَسَرْ دُواْمِنْ سُبِنْثِكَ عَيْكِنْ بَنْ مَامَاكِنْ دَيَڢَرُ عَڧَسَرْ، سَيْ اللَّهْ يَڨَلٜىٰشِ كُرُمْ دُواْمِنْ يَڠُودَاشِ، يَسَنْ دُكَنْ أَبِنْدَ يَكٜىٰ أَ ذُوثِيَارْسَ؞

مُتُوَرْ هٜىٰزٜىٰكِيَ

³² سَوْرَنْ أَيُّكَنْ هٜىٰزٜىٰكِيَ دَ أَبُبُوَ مَاسُ ݣَوْ وَطَنْدَ يَيِ، سُنَ أَرُبُوثٜىٰ عَثِكِنْ رُعُيَ تَ أَنَّبِے عِشَايَ طَنْ أَمُواظْ، دَ كُمَ عَثِكِنْ لِتَّڢِنْ سَرَاكُنَنْ يَهُودَ دَ نَ إِسْرَٰٓءِيلَ؞

³³ هٜىٰزٜىٰكِيَ يَكُواْمَ غَ كَاكَنِّنْسَ، عَكَ بِنّٜىٰشِ أَ سَاشٜىٰ نَهَوَ ذُوَا وُرِنْ كَبَرِ نَیَیَنْ دَاوُدَ مَظَا؞ مَذَوْنَنْ عُرُوشَلِيمَ دَ دُكَنْ يَهُودَ سُكَ غِرْمَمَ شِ لُواْكَثِنْ مُتُوَرْسَ؞ سَيْ طَنْسَ مَنَسّٜىٰ يَغَاجٜىٰشِ يَذَمَ سَرْكِے؞