2 تَارِيحِ 3 - أَتَّوْرَتْ دَ أَنَّبَاوَا

أَنْ ڢَرَ عَيْكِنْ غِنَ هَيْكَلِ

¹ سَيْ سُلَيْمَٰنُ يَڢَارَ غِنِنْ غِدَنْ يَهْوٜىٰهْ عَكَنْ بَبَّنْ تُدُنْ مُواْرِيَ؞ وَنَّنْ وُرِنْ نٜىٰ يَهْوٜىٰهْ يَتَٻَ بَيَّنَ كَنْسَ غَ دَاوُدَ بَابَنْ سُلَيْمَٰنُ؞ سُلَيْمَٰنُ يَيِ غِنِنْ أَوُرِنْ، عِنْدَ دَاوُدَ يَذَاٻَا، أَدَيْدَيْ وُرِنْ بُغُنْ حَڟِ نَ أَرَوْنَ مُتُمِنْ يٜىٰبُسْ؞

² سُلَيْمَٰنُ يَڢَارَ غِنِنْ أَ رَانَ تَبِيُ غَ وَتَ نَبِيُ عَثِكِنْ شٜىٰكَرَا تَهُطُ تَمُلْكِنْسَ؞

³ غَا يَدَّ سُلَيْمَٰنُ يَشِرْيَ غِنِنْ غِدَنْ اللَّهْ؞ ڟَوُانْ تُوشٜىٰنْ غِدَنْ، ڧَڢَا ثَسَعِنْ، ڢَاطِنْسَ كُمَ ڧَڢَا تَلَاتِنْ نٜىٰ، بِسَغَ حَنْيَرْ عَوْنَ تَدَا؞

⁴ ذَوْرٜىٰنْ دَيَكٜىٰ أَغَبَنْ غِدَنْ، ڢَاطِنْسَ دَيْدَيْ يَكٜىٰدَ ڢَاطِنْ غِدَنْ، وَتُواْ ڧَڢَا تَلَاتِنْ، ڟَيِنْسَ كُمَ ڧَڢَا طَرِے دَ تَمَٰنِنْ؞ عَكَ شَاڢٜىٰ ثِكِنْ طَاكِنْ ذَوْرٜىٰنْ دَ ظِينَارِيَ ظَلَّ؞

⁵ يَرُڢٜىٰ بَنْ‌غُوانْ بَبَّنْ طَاكِنْ دَ كَتَكَنْ إِتَاثٜىٰنْ ڢِرْ، يَكُمَ شَاڢٜىٰسُ دَ ظِينَارِيَ ظَلَّ؞ عَكَنْ ظِينَارِيَ يَظَانَ صِڢُّواْڢِنْ إِتَاثٜىٰنْ دَبِينُواْ دَ صِڢُّواْڢِنْ سَرْڧُواْڧِ؞

⁶ يَيِ وَ غِدَنْ أَدُواْ دَ دُوَڟُو مَاسُ دَرَجَ دَ كُمَ ظِينَارِيَرْ دَ عَكَ كَٰوُاْ دَغَ ڧَسَرْ ڢَرْوَايِمْ؞

⁷ يَيِ أَمْڢَانِ دَ ظِينَارِيَ يَشَاڢَ وَبَنْ‌غُوانْ غِدَنْ دُكَ دَ بِمْ نَسِلِنْ دَ ڢِرَمْ نَڧُواْڢُواْڢِ دَ كُمَ ڧُواْڢُواْڢِنْ غِدَنْ؞ أَجِكِنْ بَنْ‌غُوانْ، مَاسُ عَيْكِنْ غِنِنْ سُنْيِ ذَانِ ذَانِنْ حَلِتُّو مَاسُ ڢِكَڢِكَيْ عَكَيْ؞

⁸ طَاكِ نَثِكِ، وَنْدَ عَكٜىٰثٜىٰ دَشِ وُرِے مَڢِے ڟَرْكِے، ڟَوُانْ طَاكِنْ دَيْدَيْنٜىٰ دَ ڢَاطِنْ غِدَنْ، وَتُواْ ڧَڢَا تَلَاتِنْ، ڢَاطِنْسَ كُمَ ڧَڢَا تَلَاتِنْ؞ عَكَ شَاڢٜىٰ بَنْ‌غُواْ نَثِكِنْ وُرِے مَڢِے ڟَرْكِے دَ ظِينَارِيَ ظَلَّ وَدَّ تَكَيْ تُوانْ عَشِرِنْ دَبِيُ؞

⁹ سَعَنً عَكَيِ ڧُسُواْشِنْ دَ ظِينَارِيَ، نَوْيِنْ ڧُسُواْشِنْ غِرَمْ طَرِے بِيَرْ دَ سَبَعِنْ نٜىٰ؞ يَكُمَ شَاڢٜىٰ بَنْ‌غُوانْ طَكُنَنْ سَمَ دَ ظِينَارِيَ؞

¹⁰ سُلَيْمَٰنُ يَيِ صِڢُّواْڢِ بِيُ نَحَلِتُّو مَاسُ ڢِكَڢِكَيْ دَغَ إِتَاثٜىٰ، يَكُمَ شَاڢٜىٰسُ دَ ظِينَارِيَ يَ أَجِيٜىٰسُ أَ وُرِے مَڢِے ڟَرْكِے؞

¹¹ ڟَوُانْ ڢِكَڢِكَنْ حَلِتُّو بِيُنَّنْ، عِدَنْ أَنْمِيڧٜىٰسُ، يَكَيْ ڧَڢَا تَلَاتِنْ؞ ڢِڢِّكٜىٰ طَيَ نَكُواْوَثٜىٰ حَلِتَّ ڧَڢَا بَݣَويْ دَ رَبِے نٜىٰ، كُمَ ڢِڢِّكٜىٰ طَيَ نَكُواْوَثٜىٰ حَلِتَّ يَتَٻَ بَنْ‌غُواْ طَيَ نَغِدَنْ؞ طَيَنْ ڢِڢِّكٜىٰ كُمَ ڧَڢَا بَݣَويْ دَ رَبِے نٜىٰ، كُمَ يَتَٻَ ڢِڢِّكٜىٰنْ طَيَ نَحَلِتَّ مَيْ ڢِكَڢِكَيْ؞

¹² طَيَنْ حَلِتَّ مَيْ ڢِكَڢِكَيْ طِنْ، شِے مَا ڢِڢِّكٜىٰنْسَ غُدَا يَتَٻَ بَنْ‌غُواْ، طَيَنْ كُمَ يَتَٻَ طَيَنْ ڢِڢِّكٜىٰنْ حَلِتَّ مَيْ ڢِكَڢِكَيْ؞ ڢِڢِّكٜىٰنْ شِے مَا كَڢَ بَݣَويْ دَ رَبِے نٜىٰ؞

¹³ ڟَوُانْ ڢِكَڢِكَنْ حَلِتُّنَّنْ بِيُ إِنْ أَنْمِيڧٜىٰسُ، ذَاسُ كَيْ ڧَڢَا تَلَاتِنْ دَيْدَيْ؞ حَلِتُّو مَاسُ ڢِكَڢِكَيْ كُوَ سُنْ ڟَيَ عَڧَڢَاڢُنْسُ سُنَ ڢُسْكَنْتَرْ بَبَّنْ طَاكِنْ؞

¹⁴ سُلَيْمَٰنُ يَيِ لَبُلٜىٰ دُواْمِنْ وُرِے مَڢِے ڟَرْكِے دَ ظَرٜىٰنْ سَاڧَ مَيْ كَلَرْ ضُوً بُلَ دَ مَيْ كَلَرْ جَا دَ مَيْ كَلَرْ جَرْ غَرُورَا دَ ظَرٜىٰنْ لِيلِنْ مَيْݣَوْ؞ عَكَ كُمَيِ وَلَبُلٜىٰنْ أَدُواْ نَظَانٜىٰ ذَانِنْ حَلِتُّنْ مَاسُ ڢِكَڢِكَيْ؞

غِنْشِڧَيْ بِيُ نَڧَرْڢٜىٰنْ تَغُلَّ

¹⁵ سُلَيْمَٰنُ يَيِ غِنْشِڧَيْ بِيُ نَڧَرْڢٜىٰنْ تَغُلَّ أَغَبَنْ غِدَنْ يَهْوٜىٰهْ، كُواْوَنّٜىٰنْسُ ڟَيِنْسَ ڧَڢَا عَشِرِنْ دَ بَݣَويْ نٜىٰ؞ كُواْوَنٜىٰ غِنْشِڧِ يَنَدَ كَيْ وَنْدَ ڟَوُانْسَ ڧَڢَا بَݣَويْ دَ رَبِے نٜىٰ؞

¹⁶ يَيِ وَكُواْوَنٜىٰ كَنْ غِنْشِڧِ أَدُواْ نَظَانٜىٰ ذَانِنْ رَاغَرْ سَرْڧَ وَنْدَ يَكٜىٰوَيٜىٰ كَوُنَنْ غِنْشِڧَيْ طِنْ؞ يَكُمَيِ صِڢُّواْڢِنْ یَیَنْ رُمَّنْ غُدَا طَرِے أَ مَنّٜىٰ عَكَنْ سَرْڧُواْڧِنْ؞

¹⁷ سَيْ يَكَڢَ غِنْشِڧَنْ أَغَبَنْ هَيْكَلِ؞ غِنْشِڧِنْ دَيَكٜىٰ عَكُدُ يَكِرَا شِ يَكِنْ؞ غِنْشِڧِنْ دَيَكٜىٰ عَ أَرٜىٰوَ يَكِرَا شِ بُواْوَظْ؞