2 تَارِيحِ 29 - أَتَّوْرَتْ دَ أَنَّبَاوَاسَرْكِے هٜىٰزٜىٰكِيَ نَ يَهُودَ ﴿ 2 سَرْ 18.1-3 ﴾ 1 هٜىٰزٜىٰكِيَ يَنَدَ شٜىٰكَرَا عَشِرِنْ دَ بِيَرْ سَعَدَّ يَذَمَ سَرْكِے؞ يَيِ مُلْكِ شٜىٰكَرَا عَشِرِنْ دَ تَرَ أَ عُرُوشَلِيمَ؞ سُونَنْ مَامَرْسَ أَبِيَ نٜىٰ، یَرْ زَكَرِيَّا؞ 2 يَيِ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ كَمَرْ يَدَّ كَكَنْسَ دَاوُدَ يَيِ؞ هٜىٰزٜىٰكِيَ يَسَاكٜىٰ بُوطٜىٰ هَيْكَلِ 3 أَ شٜىٰكَرَا تَڢَرْكُواْ تَمُلْكِنْسَ، أَوَتَ نَڢَرْكُواْ، هٜىٰزٜىٰكِيَ يَا بُوطٜىٰ ڧُواْڢُواْڢِنْ غِدَنْ يَهْوٜىٰهْ يَڠَغْڠَرَسُ؞ 4 يَكِرَا ڢِرِسْتُواْثِے دَ لَوِيَاوَا سُسَدُ دَشِ أَ ڢِيلِ عَثِكِنْ غِدَنْ يَهْوٜىٰهْ وَنْدَ يَكٜىٰ وَجٜىٰنْ غَبَسْ؞ 5 سَيْ يَثٜىٰ مُسُ «كُسَوْرَرَتَ، يَا كُو لَوِيَاوَا! يَنْذُ سَيْ كُكٜىٰٻٜىٰ كَنْكُ دَ ڟَرْكِے، كُكُمَ ڟَرْكَكٜىٰ غِدَنْ يَهْوٜىٰهْ اللَّهْ نَكَاكَنِّنْكُ؞ كُكَوَرْدَ دُكَنْ أَبِنْ ڨَمَ دَغَ ثِكِنْ وُرِے مَيْ ڟَرْكِے؞ 6 غَمَا كَاكَنِّنْمُ سُنْيِ رَشِنْ أَمِنْثِ، سُنْ عَيْكَتَ مُغُنْتَا أَعِدُوانْ يَهْوٜىٰهْ اللَّهْ نْمُ؞ سُكَ ڧِ يَهْوٜىٰهْ، سُكَ جُويَا وَ غِدَنْ يَهْوٜىٰهْ بَايَ؞ 7 كَاكَنِّنْمُ سُنْ رُڢٜىٰ ڧُواْڢُواْڢِنْ غِدَنْ يَهْوٜىٰهْ، سُكَ كَشٜىٰ ڢِتِلُ؞ سُكَ دَيْنَ ڧُواْنَ تُرَارٜىٰ كُواْ مِيڧَ هَدَايُ نَڧُواْنَاوَا عَثِكِنْ غِدَنْ اللَّهْ نَ إِسْرَٰٓءِيلَ؞ 8 دُواْمِنْ حَكَنٜىٰ يَهْوٜىٰهْ يَيِ ڢُشِے دَ يَهُودَ دَ عُرُوشَلِيمَ؞ يَسَا سُذَمَ أَبِنْ ڟُواْرُواْ دَ أَبِنْ بَنْ مَامَاكِ دَ أَبِنْ جَنْ ڟَكِ، يَدَّ كُكٜىٰ غَنِ دَ عِدَنُونْكُ؞ 9 سَبُواْدَ وَنَّنْ أَنْكَكَّشٜىٰ إِيَايٜىٰنْمُ عَيَاڧِ، كُمَ یَیَنْمُ مَظَا دَ مَاتَا، تَرٜىٰدَ مَاتَنْمُ أَنْ كَيْسُ بَوْتَا؞ 10 يَوْ إِنَدَ نِيَّ إِنْيِ يَرْجٜىٰجٜىٰنِيَ دَ يَهْوٜىٰهْ اللَّهْ نَ إِسْرَٰٓءِيلَ، دُواْمِنْ ذَاڢِنْ ڢُشِنْسَ عَكَنْمُ يَݣُونْتَ؞ 11 یَیَنَ، كَدَ كُيِ وَسَ دَ وَنَّنْ ذَنْثٜىٰنْ؞ غَمَا يَهْوٜىٰهْ يَاذَاٻٜىٰكُ كُڟَيَ أَغَبَنْسَ، كُيِ مَسَ حِدِمَ، كُڧُواْنَ مَسَ تُرَارٜىٰ؞» 12 سَيْ وَطَنَّنْ لَوِيَاوَا سُكَ ڢَارَ عَيْكِ نَنْ دَنَنْ، دَغَ دَنْغِنْ كُواْهَتْ، مَهَتْ طَنْ أَمَسَيْ دَ يُواْوٜىٰلْ طَنْ أَظَرِيَ؞ دَغَ دَنْغِنْ مٜىٰرَرِ، كِشْ طَنْ أَبْدِ دَ أَظَرِيَ طَنْ يٜىٰهَلّٜىٰلٜىٰلْ؞ دَغَ دَنْغِنْ غٜىٰرْشُوانْ، يُواْوَ طَنْ ظِمَّ دَ عَيْدَنْ طَنْ يُواْوَ؞ 13 دَغَ دَنْغِنْ عٜىٰلِظَڢَنْ، شِمْرِ دَ يٜىٰيِيٜىٰلْ؞ دَغَ دَنْغِنْ أَسَڢْ، زَكَرِيَّا دَ مَتَّنِيَ؞ 14 دَغَ دَنْغِنْ هٜىٰمَنْ، يٜىٰهِيٜىٰلْ دَ شِمٜىٰيِ؞ دَغَ دَنْغِنْ يٜىٰدُتُنْ، شٜىٰمَيَ دَ عُظِّيٜىٰلْ؞ 15 وَطَنَّنْ مُتَنٜىٰ سُكَ تَتَّارَ یَنْعُوَنْسُ لَوِيَاوَا سُكَ ڟَرْكَكٜىٰ كَنْسُ، بِسَغَ عُمَرْنِنْ سَرْكِے، بِسَغَ مَغَنَرْ يَهْوٜىٰهْ، دُواْمِنْ سُڟَبْتَثٜىٰ غِدَنْ يَهْوٜىٰهْ؞ 16 ڢِرِسْتُواْثِے كُوَ سُكَ شِغَ ثَنْ ثِكِنْ غِدَنْ يَهْوٜىٰهْ دُواْمِنْ سُڟَبْتَثٜىٰشِ؞ سُكَ كُمَ ݣُوشِ دُكَنْ أَبِنْ ڨَمَرْ دَسُكَ سَامُ عَثِكِنْ هَيْكَلِنْ يَهْوٜىٰهْ سُكَ ظُبَشِ أَ ڢِيلِنْ غَبَنْ غِدَنْ يَهْوٜىٰهْ؞ لَوِيَاوَنْ سُكَ ݣُوشٜىٰ، سُكَ ظُبَرْ أَ ݣُورِنْ كِدْرُوانْ؞ 17 أَ رَانَ تَڢَرْكُواْ أَوَتَنْ طَيَ، سُكَ ڢَارَ عَيْكِنْ ڟَرْكَكٜىٰوَرْ غِدَنْ يَهْوٜىٰهْ، سَعَنً أَ رَانَ تَتَݣُوسْ سُكَ كَيْ ڢِيلِنْ غَبَنْ غِدَنْ؞ سُكَ ڧَارَ وَطَنْسُ ݣُونَكِے تَݣُوسْ سُنَ ڟَرْكَكٜىٰوَرْ غِدَنْ يَهْوٜىٰهْ؞ وَنَّنْ يَسَا سُكَ كَمَّلَ أَ رَانَ تَغُواْمَشَا شِدَ غَ وَتَنْ طَيَ؞ 18 ڢِرِسْتُواْثِنْ سُكَ تَڢِے وُرِنْ سَرْكِے هٜىٰزٜىٰكِيَ أَغِدَنْ سَرْكِے؞ سَيْ سُكَثٜىٰ مَسَ «مُنْ ڟَبْتَثٜىٰ دُكَنْ غِدَنْ يَهْوٜىٰهْ دَ بَغَدٜىٰنْ هَدَايَ تَڧُواْنَاوَا، تَرٜىٰدَ دُكَنْ كَايَنْ عَيْكِنْسَ دَ تٜىٰبُرِنْ غُرَاسَرْ دَ عَكَ كٜىٰٻٜىٰ، تَرٜىٰدَ كَايَنْ عَيْكِنْسَ؞ 19 دُكَنْ كَايَنْ دَ سَرْكِے أَهَظْ يَلَلَتَرْ أَ زَامَانِنْسَ، سَعَدَّ يَكٜىٰ رَايُوَرْ رَشِنْ أَمِنْثِنْسَ، مُنْ شِرْيَسُ، مُنْ كُمَ ڟَرْكَكٜىٰسُ؞ يَنْذُ سُنَانَنْ أَغَبَنْ بَغَدٜىٰنْ يَهْوٜىٰهْ؞» هٜىٰزٜىٰكِيَ يَكُواْمَرْ دَ سُجَّدَ أَ هَيْكَلِ 20 سَعَنً دَ سَسَّڢٜىٰ سَرْكِے هٜىٰزٜىٰكِيَ يَتَاشِ يَتَتَّارَ دَتَّاوَنْ بِرْنِنْ، يَهَوْرَ ذُوَا غِدَنْ يَهْوٜىٰهْ؞ 21 سُكَ كَٰوُاْ بِجِمَيْ بَݣَويْ دَ رَغُنَ بَݣَويْ دَ یَنْ رَغُنَ بَݣَويْ دَ بُنْسُرَيْ بَݣَويْ؞ دُكَنْ دَبُّواْبِنَّنْ أَنْمِيڧَسُ هَدَايَ تَوَنْكٜىٰ ذُنُوبِنْ مُلْكِ دَ نَمُتَنٜىٰنْ ڧَسَرْ يَهُودَ دَ كُمَ ڟَبْتَثٜىٰوَرْ وُرِے مَيْ ڟَرْكِے؞ سَرْكِے هٜىٰزٜىٰكِيَ يَعُمَرْثِ ڢِرِسْتُواْثِے، وَتُواْ ذُرِيَرْ هَٰرُونَ، سُمِيڧَ هَدَايَ عَكَنْ بَغَدٜىٰنْ يَهْوٜىٰهْ؞ 22 سَيْ سُكَ يَنْكَ بِجِمَنْ، ڢِرِسْتُواْثِے كُوَ سُكَ كَرْٻِ جِنِنْ، سُكَ يَيَّڢَا عَكَنْ بَغَدٜىٰنْ؞ سُكَ كُمَ يَنْكَ رَغُنَ سُكَ يَيَّڢَا جِنِنْ عَبَغَدٜىٰنْ؞ سَعَنً سُكَ يَنْكَ یَنْ رَغُنَ سُكَ يَيَّڢَا جِنِنْ عَبَغَدٜىٰنْ؞ 23 عَكَ كَٰوُاْ بُنْسُرَيْ نَهَدَايَ تَوَنْكٜىٰ ذُنُوبِ أَغَبَنْ سَرْكِے دَ تَارُوانْ جَمَعَ، سُكَسَا مُسُ حَنُّ عَكَيْ؞ 24 سَيْ ڢِرِسْتُواْثِنْ سُكَ يَنْكَ بُنْسُرَنْ، سُكَ مِيڧَسُ هَدَايَ تَوَنْكٜىٰ ذُنُوبِ، سُكَ يَيَّڢَا جِنِنْسُ عَكَنْ بَغَدٜىٰنْ، دُواْمِنْ طَوْكَرْ أَلْحَكِنْ ذُنُبَنْ إِسْرَٰٓءِيلَ؞ سَرْكِے يَبَادَ عُمَرْنِ مُسَمَّنْ ثٜىٰوَ أَمِيڧَ هَدَايَ تَڧُواْنَاوَا دَ تَوَنْكٜىٰ ذُنُوبِ دُواْمِنْ دُكَنْ إِسْرَٰٓءِيلَ؞ 25 سَرْكِے هٜىٰزٜىٰكِيَ يَسَا لَوِيَاوَا أَوُرَارٜىٰنْسُ أَ غِدَنْ يَهْوٜىٰهْ، مَاسُ كُغٜىٰ دَ مُواْلَيٜىٰ دَ غَرَايَ؞ يَكُوَيِ بِيَيَّ دَ دُكْ أَبِنْدَ يَهْوٜىٰهْ يَعُمَرْتَ تَبَاكِنْ دَاوُدَ دَ غَدْ مَيْ غَنِ نَسَرْكِے دَ أَنَّبِے نَتَنْ؞ 26 سَيْ لَوِيَاوَا سُكَ ڟَيَ كٜىٰوَيٜىٰ دَ غِدَنْ يَهْوٜىٰهْ دَ كَايَنْ كَطٜىٰ كَطٜىٰ دَ نَبُوشٜىٰ بُوشٜىٰ نَ دَاوُدَ، ڢِرِسْتُواْثِے كُمَ سُنَ رِڧٜىٰ دَ كَكَكِنْسُ؞ 27 سَيْ هٜىٰزٜىٰكِيَ يَعُمَرْتَ أَ مِيڧَ هَدَايَ تَڧُواْنَاوَا عَكَنْ بَغَدٜىٰ؞ سَعَدَّ عَكَ ڢَارَ مِيڧَ هَدَايَ تَڧُواْنَاوَا، سَيْ عَكَ ڢَارَ رٜىٰرَ وَاڧُواْڧِنْ يَبُواْ غَ يَهْوٜىٰهْ، عَكَ بُوسَ كَكَكِ، تَرٜىٰدَ سَوْرَنْ كَايَنْ بُوشٜىٰ بُوشٜىٰ دَ كَطٜىٰ كَطٜىٰ نَ سَرْكِے دَاوُدَ نَ إِسْرَٰٓءِيلَ؞ 28 دُكَنْ تَارُوانْ جَمَعَ سُكَيِ سُجَّدَ غَ يَهْوٜىٰهْ، مَوَاڧَ سُنَ تَرٜىٰرَ وَاڧُواْڧِ، مَاسُ كَكَكِ كُمَ سُكَيِ تَبُوسَ؞ عَكَيِ تَيِنْ حَكَ حَرْ لُواْكَثِنْ دَ عَكَ غَمَ مِيڧَ هَدَايَ تَڧُواْنَاوَا؞ 29 سَعَنً سَرْكِے دَ دُكَنْ وَطَنْدَ سُكٜىٰ تَرٜىٰ دَشِ سُكَ رُسُنَ دَ ڢُسْكَرْسُ حَرْ ڧَسَا سُكَيِ سُجَّدَ؞ 30 سَيْ سَرْكِے هٜىٰزٜىٰكِيَ دَ دَتَّاوَنْسَ سُكَ عُمَرْثِ لَوِيَاوَا سُيِ تَيَبُوانْ يَهْوٜىٰهْ دَ كَلْمُواْمِنْ دَاوُدَ دَ نَ أَسَڢْ مَيْ غَنِ؞ دَ مُرْنَ سُكَيِ وَاڧُواْڧِنْ يَبُواْ، سُكَ رُسُنَ ڧَسَا سُكَيِ وَ يَهْوٜىٰهْ سُجَّدَ؞ 31 هٜىٰزٜىٰكِيَ كُوَ يَثٜىٰ «تُواْ دَيَكٜىٰ كُو مُتَنٜىٰنْ يَهُودَ كُنْ كٜىٰٻٜىٰ كَنْكُ غَ يَهْوٜىٰهْ، سَيْ كُمَڟُواْ كُسَ كُكَٰوُاْ هَدَايُ دَ ݣَوْتَيْ نَنُونَ غُواْدِيَ أَ غِدَنْ يَهْوٜىٰهْ؞» تَرُوانْ جَمَعَرْ كُوَ سُكَ كَٰوُاْ هَدَايُ دَ ݣَوْتَيْ نَنُونَ غُواْدِيَ؞ وَطَنْدَ ظُكَاتَنْسُ سُكَيِ نِيَّ سُكَ كَٰوُاْ هَدَايُ نَڧُواْنَاوَا؞ 32 يَوَنْ هَدَايُنْ دَ تَارُوانْ جَمَعَ سُكَ كَٰوُاْ سُونٜىٰ، بِجِمَيْ سَبَعِنْ دَ رَغُنَ طَرِے طَيَ دَ یَنْ رَغُنَ طَرِے بِيُ نٜىٰ؞ أَنْ مِيڧَ دَبُّواْبِنَّنْ دُكَ دُواْمِنْ هَدَايَ تَڧُواْنَاوَا غَ يَهْوٜىٰهْ؞ 33 هَدَايُنْ دَ عَكَ كٜىٰٻٜىٰ دُواْمِنْ مِيڧَاوَا سُونٜىٰ، بِجِمَيْ طَرِے شِدَ دَ أَوَكِ دَ تُمَكِ دُبُو عُكُنٜىٰ؞ 34 عَمَّا ڢِرِسْتُواْثِنْ بَسُيِيَوَبَ، سُنْ كَاسَ دُواْمِنْ عَيْكِنْ ڢِطَ دُكَنْ دَبُّواْبِنْ هَدَايُ نَڧُواْنَاوَا؞ سَيْ یَنْعُوَنْسُ لَوِيَاوَا سُكَ تَيْمَكٜىٰسُ حَرْ سُكَ غَمَ عَيْكِنْ، سَوْرَنْ ڢِرِسْتُواْثِے كُمَ سُكَ كَمَّلَ ڟَرْكَكٜىٰ كَنْسُ؞ لَوِيَاوَا سُنْ عِيَ تَيْمَكٜىٰسُ عَيْكِنْ غَمَا سُنْڢِے ڢِرِسْتُواْثِنْ وَجٜىٰنْ تَبَّتَرْ دَ ڟَرْكَكٜىٰوَرْ كَنْسُ؞ 35 بَنْ دَ هَدَايُ نَڧُواْنَاوَا مَاسُيَوَ، أَݣَويْ هَدَايُنْسُ نَشَا دَ كِڟٜىٰنْ هَدَايُ نَڠَرَنْ زُمُنْثِ؞ تَهَكَ عَكَ سَاكٜىٰ كَڢَ حِدِمَ أَ غِدَنْ يَهْوٜىٰهْ؞ 36 هٜىٰزٜىٰكِيَ دَ دُكَنْ جَمَعَ سُكَيِ مُرْنَ سُواْسَيْ، سَبُواْدَ أَبِنْدَ اللَّهْ يَيِ دُواْمِنْ مُتَنٜىٰنْسَ؞ غَمَا أَنْغَمَ عَيْكِنْ سَابُنْتَا حِدِمَرْ سُجَّدَ دَ سَوْرِ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria