2 تَارِيحِ 27 - أَتَّوْرَتْ دَ أَنَّبَاوَا

سَرْكِے يُواْتَمْ نَ يَهُودَ

¹ يُواْتَمْ يَنَدَ شٜىٰكَرَا عَشِرِنْ دَ بِيَرْ سَعَدَّ يَذَمَ سَرْكِے؞ يَيِ مُلْكِ شٜىٰكَرَا غُواْمَشَا شِدَ أَ عُرُوشَلِيمَ؞ سُونَنْ مَامَرْسَ يٜىٰرُشَ، یَرْ ظَدُواكْ نٜىٰ؞

² يُواْتَمْ يَعَيْكَتَ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ، كَمَرْ يَدَّ بَابَنْسَ عُزِّيَ يَيِ؞ يُواْتَمْ كُوَ بَيْ شِغَ ثِكِنْ هَيْكَلِ دُواْمِنْ يَڧُواْنَ تُرَارٜىٰ كَمَرْ بَابَنْسَبَ؞ عَمَّا مُتَنٜىٰ سُكَ ثِيغَبَدَ مُوغَيٜىٰنْ أَيُّكَنْسُ؞

³ شِينٜىٰ يَغِنَ ڧُواْڢَرْ غِدَنْ يَهْوٜىٰهْ وَدَّ تَكٜىٰ أَوُرِے مَڢِے ڟَيِ، يَكُمَيِ غِنٜىٰ غِنٜىٰ مَاسُيَوَ عَكَنْ كَتَنْ‌غَرْ دَ تَبِے تَتُدُنْ عُواْڢٜىٰلْ؞

⁴ بَنْدَ حَكَمَا يَغِنَ غَرُرُوَ عَيَنْكِنْ تُدَّيْ نَ يَهُودَ، يَغِغِّنَ كَتَنْ‌غَ دَ غِنٜىٰ غِنٜىٰ مَاسُ ڟَيِ أَوُرَارٜىٰنْ دَسُكٜىٰ عَكُرْمِ؞

⁵ يَيِ يَاڧِ دَ أَمُّواْنَاوَا يَثِ نَصَرَا؞ أَ شٜىٰكَرَرْ نَنْ يَسَا أَمُّواْنَاوَا سُبِيَ هَرَاجِ نَأَظُرْڢَا، كِلُواْ دُبُو عُكُ دَ طَرِے حُطُ دَ نَأَلْكَمَ تُوانْ دُبُو طَيَ دَ نَهَڟِنْ بَلٜىٰ تُوانْ دُبُو طَيَ؞ حَكَ أَمُّواْنَاوَا سُكَيِ تَبِيَ أَ شٜىٰكَرَا تَبِيُ دَ تَ عُكُ؞

⁶ يُواْتَمْ يَيِ تَڧَارَ ڧَرْڢِے سَبُواْدَ يَنَ تَڢِيَ دَݣَوْ أَعِدُوانْ يَهْوٜىٰهْ اللَّهْ نْسَ؞

⁷ سَوْرَنْ أَيُّكَنْ يُواْتَمْ دَ يَڧُواْڧِنْسَ دَ يَدَّ يَيِ مُلْكِنْسَ سُنَ أَرُبُوثٜىٰ عَثِكِنْ لِتَّڢِنْ تَارِيحِنْ إِسْرَٰٓءِيلَ دَ يَهُودَ؞

⁸ يُواْتَمْ يَنَدَ شٜىٰكَرَا عَشِرِنْ دَ بِيَرْ سَعَدَّ يَذَمَ سَرْكِے، يَيِ مُلْكِ شٜىٰكَرَا غُواْمَشَا شِدَ أَ عُرُوشَلِيمَ؞

⁹ يَكُواْمَ غَ كَاكَنِّنْسَ، عَكَ بِنّٜىٰشِ عَبِرْنِنْ دَاوُدَ وَتُواْ، عُرُوشَلِيمَ؞ سَيْ أَهَظْ طَنْسَ يَغَاجٜىٰشِ يَذَمَ سَرْكِے؞