2 تَارِيحِ 26 - أَتَّوْرَتْ دَ أَنَّبَاوَا

سَرْكِے عُزِّيَ نَ يَهُودَ

¹ سَيْ دُكَنْ مُتَنٜىٰنْ يَهُودَ سُكَ طَوْكِ عُزِّيَ مَيْ شٜىٰكَرَا غُواْمَشَا شِدَ، سُكَ نَطَشِ سَرْكِے دُواْمِنْ يَغَاجِ بَابَنْسَ أَمَظِيَ؞

² عُزِّيَ يَسَاكٜىٰ غِنَا غَرِنْ عٜىٰلَتْ، يَمَيْدَشِ غَ ڧَسَرْ يَهُودَ بَايَنْ مُتُوَرْ أَمَظِيَ؞

³ عُزِّيَ يَنَدَ شٜىٰكَرَا غُواْمَشَا شِدَ لُواْكَثِنْدَ يَذَمَ سَرْكِے، يَكُوَ يِشٜىٰكَرَا حَمْسِنْ دَ بِيُ يَنَ مُلْكِ أَ عُرُوشَلِيمَ؞ سُونَنْ مَامَرْسَ يٜىٰكُواْلِيَ نٜىٰ، عِتَ دَغَ عُرُوشَلِيمَ؞

⁴ عُزِّيَ يَيِ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ كَمَرْ بَابَنْسَ أَمَظِيَ؞

⁵ يَبَادَ كَنْسَ غَ نٜىٰمَنْ اللَّهْ عَثِكِنْ زَامَانِنْ أَنَّبِے زَكَرِيَّا، وَنْدَ يَكُواْيَ مَسَ حَنْيَرْ ڟُواْرُوانْ اللَّهْ؞ مُدِّنْ سَرْكِے يَنَ بِنْ يَهْوٜىٰهْ، يَهْوٜىٰهْ يَا سَا يَيَلْوَتَ؞

⁶ يَتَڢِے يَيِ يَاڧِ دَ ڢِلِسْتِيَاوَا يَرُرُّشٜىٰ كَتَنْ‌غَرْ بِرَنٜىٰنْ غَتْ دَ تَ يَبْنٜىٰ دَ تَ أَشْدُوادْ؞ يَغِغِّنَ غَرُرُوَ عَثِكِنْ يَنْكِنْ أَشْدُوادْ دَ وَطَنْسُ وُرَارٜىٰ أَ ڢِلِسْتِيَاوَا؞

⁷ اللَّهْ كُوَ يَتَيْمَكِ عُزِّيَ يَثِ نَصَرَا عَكَنْ ڢِلِسْتِيَاوَا دَ لَرَبَاوَا وَطَنْدَ سُكٜىٰ ذَمَ أَ غُرْبَعَلْ دَ كُمَ مٜىٰيُنِيَاوَا؞

⁸ أَمُّواْنَاوَا سُكَبِيَ هَرَاجِنْسُ غَ عُزِّيَ؞ سُونَنْ عُزِّيَ يَكَيْ حَرْ كَنْ إِيَاكَرْ ڧَسَرْ مَصَرْ، غَمَا يَيِ ڧَرْڢِے سُواْسَيْ؞

⁹ بَنْدَ حَكَمَا، عُزِّيَ يَيِ غِنٜىٰ غِنٜىٰ مَاسُ ڟَيِ أَ عُرُوشَلِيمَ، عَڧُواْڢَرْ ݣُونَ دَ ڧُواْڢَرْ ݣُورِ دَ دَيْدَيْ عِنْدَ كَتَنْ‌غَرْ تَيِ ݣُونَ، يَكُمَ ڧَارَ مُسُ ڧَرْڢِے؞

¹⁰ يَكُمَيِ غِنٜىٰ غِنٜىٰ مَاسُ ڟَيِ أَدَاجِ، يَحَڧَ رِجِيُواْيِ مَاسُيَوَ، سَبُواْدَ يَنَدَ شَانُو سُواْسَيْ عَثِكِنْ يَنْكِنْ ڧأَنَانً تُدَّيْ دَ ثِكِنْ ڢِيلَيٜىٰ؞ يَنَ دَ مَنُواْمَ دَ مَاسُ لُورَ دَ غُواْنَكِنْ إِنَبِنْسَ نَكَنْ تُدَّيْ دَ نَڢِيلَيٜىٰنْ غُواْنَكِ مَاسُ بَادَ أَمْڢَانِ ڨُورَيْ، غَمَا شِے مَيْ سُواْ يِنْ نُواْمَ نٜىٰ سُواْسَيْ؞

¹¹ عُزِّيَ يَنَدَ ڧُنْ‌غِيُواْيِنْ سُواْجُواْجِ مَاسُ عِيَ يَاڧِ، سُنَانَنْ ڧُنْ‌غِيَ ڧُنْ‌غِيَ؞ أَنْڟَارَسُ كَمَرْ يَدَّ يٜىٰيِيٜىٰلْ مَرُبُوثِنْ سَرْكِے دَ مَعَسٜىٰيَ شُوغَبَنْ سُواْجُواْجِ سُكَ لِسَّڢْتَاسُ؞ سُنْيِ وَنَّنْ عَڧَرْڧَشِنْ جَغُواْرَنْثِنْ هَنَنِيَ بَبَّنْ سُواْجَنْ سَرْكِے؞

¹² يَوَنْ مَاسُ عِيَ يَاڧِ بِسَغَ غِدَاجٜىٰنْ كَاكَنِّنْسُ، مُتُمْ دُبُو بِيُ دَ طَرِے شِدَ نٜىٰ؞

¹³ عَڧَرْڧَشِنْ إِيكُوانْ وَطَنَّنْ أَݣَويْ سُواْجُواْجِ دُبُو طَرِے عُكُ دَ بَݣَويْ دَ طَرِے بِيَرْ، وَطَنْدَ سُكَ عِيَ يَاڧِ سُواْسَيْ، دُواْمِنْ سُتَيْمَكِ سَرْكِے عَكَنْ أَبُواْكَنْ غَابَنْسَ؞

¹⁴ عُزِّيَ يَشِرْيَ وَ سُواْجُواْجِنْسَ غَرْكُوَ دَ مَاشِ دَ هُولَرْ ݣُونُواْ دَ رِغَرْ ڧَرْڢٜىٰ مَيْ سُلْكٜىٰ دَ بَكَ دَ كِبِيُواْيِ دَ دُووَڟُنْ مَجَجَّوَ دَيَوَ؞

¹⁵ عَثِكِنْ عُرُوشَلِيمَ كُوَ يَيِ نَعُرُواْرِ، وَطَنْدَ ڠُونَيٜىٰنْ مُتَنٜىٰنٜىٰ سُكَ ڧِرْڧِرُواْ؞ أَنْ سَا نَعُرُواْرِ عَكَنْ غِنٜىٰ غِنٜىٰ مَاسُ ڟَيِ دَ كَنْ ݣُونَرْ كَتَنْ‌غَ دُواْمِنْ أَ هَرْبَ كِبِيُواْيِ دَ مَنْيَنْ دُوَڟُو؞ تَهَكَ سُونَنْسَ يَبَظُو كُواْعِنَ، غَمَا يَيِ تَسَامُنْ تَيْمَكُواْ مَيْ يَوَ، حَرْ يَذَمَ مَيْ ڧَرْڢِے سُواْسَيْ؞

أَنْ حُكُنْتَ عُزِّيَ سَبُواْدَ غِرْمَنْ كَيْ

¹⁶ عَمَّا سَعَدَّ عُزِّيَ يَغَ يَيِ ڧَرْڢِے سُواْسَيْ، سَيْ يَڢَارَ يِنْ غِرْمَنْ كَيْ، وَنْدَ يَجَٰوُاْ مَسَ هَلَّكَ؞ غَمَا يَيِ رَشِنْ أَمِنْثِ أَغَبَنْ يَهْوٜىٰهْ اللَّهْ نْسَ، حَرْ يَشِغَ هَيْكَلِنْ يَهْوٜىٰهْ دُواْمِنْ يَڧُواْنَ تُرَارٜىٰ عَكَنْ بَغَدٜىٰ دَ كَنْسَ؞

¹⁷ سَيْ أَظَرِيَ بَبَّنْ ڢِرِسْتِ تَرٜىٰدَ ڢِرِسْتُواْثِے تَمَٰنِنْ نَ يَهْوٜىٰهْ مَاسُ ڧَرْڢِنْ ذُوثِيَا سُكَبِے عُزِّيَ ثِكِنْ هَيْكَلِنْ؞

¹⁸ سُكَ ڢُسْكَنْثٜىٰ شِ سُنَ ثٜىٰ مَسَ ‏«‏بَ دَيْدَيْ بَنٜىٰ، عُزِّيَ، كَڧُواْنَ تُرَارٜىٰ غَ يَهْوٜىٰهْ؞ وَنَّنْ عَيْكِنْ ڢِرِسْتِنٜىٰ نَظُرِيَرْ هَٰرُونَ، وَطَنْدَ عَكَ كٜىٰٻٜىٰ مُسَمَّنْ دُواْمِنْ وَنَّنْ عَيْكِنْ ڧُواْنَ تُرَارٜىٰ؞ كَڢِتَ دَغَ وُرِے مَيْ ڟَرْكِنَّنْ، غَمَا كَايِ رَشِنْ أَمِنْثِ؞ وَنَّنْ بَذَيْ كَٰوُاْ مَكَ طَوْكَكَ دَغَ وُرِنْ يَهْوٜىٰهْ اللَّهْ بَ؞»‏

¹⁹ سَيْ عُزِّيَ يَيِ ڢُشِے؞ يَنَ كُوَ ڟَيٜىٰ كُسَدَ بَغَدٜىٰنْ ڧُواْنَ تُرَارٜىٰ ثِكِنْ غِدَنْ يَهْوٜىٰهْ، يَنَ رِڧٜىٰ دَ ݣُونُواْ نَڧُواْنَ تُرَارٜىٰ أَ حَنُّنْسَ؞ سَعَدَّ يَكٜىٰ ڢُشِنْ، سَيْ ثُوتَرْ ڢَتَ تَٻُلُّواْ مَسَ أَغُواْشِ أَعِدُوانْ ڢِرِسْتُواْثِنْ أَ غِدَنْ يَهْوٜىٰهْ أَغَبَنْ بَغَدٜىٰنْ ڧُواْنَ تُرَارٜىٰ؞

²⁰ سَيْ أَظَرِيَ بَبَّنْ ڢِرِسْتِ دَ دُكَنْ ڢِرِسْتُواْثِنْ سُكَ دُوبٜىٰشِ، سَيْغَا ثُوتَرْ ڢَتَرْ جِكِے أَغُواْشِنْسَ!‏ سَيْ سُكَ تُورَ شِ يَڢِتَ دَ سَوْرِ، شِے مَا دَ كَنْسَ يَيِ تَسَوْرِ يَڢِتَ وَجٜىٰ سَبُواْدَ يَهْوٜىٰهْ يَا بُغُواْشِ؞

²¹ سَرْكِے عُزِّيَ يَكَسَنْثٜىٰ مَيْ ثُوتَرْ ڢَتَرْ جِكِے حَرْ مُتُوَرْسَ؞ عَكَ كُوَ وَارٜىٰشِ، أَنْرَبَ شِ دَ غِدَنْ يَهْوٜىٰهْ غَمَا شِے مَيْ ثُوتَرْ ڢَتَرْ جِكِے نٜىٰ؞ يُواْتَمْ طَنْسَ يَلُورَ دَ غِدَنْ سَرْكِے، يَنَ كُمَ مُلْكٍ مُتَنٜىٰنْ ڧَسَرْ؞

²² سَوْرَنْ أَيُّكَنْ سَرْكِے عُزِّيَ دَغَ ڢَرْكُواْ حَرْ ذُوَا ڧَرْشٜىٰ، أَنَّبِے عِشَايَ طَنْ أَمُواظْ يَرُبُوتَ؞

²³ عُزِّيَ يَكُواْمَ غَ كَاكَنِّنْسَ، عَكَ بِنّٜىٰشِ كُسَدَ وُرِنْ بِنّٜىٰ سَرَاكُنَ؞ عَمَّا بَعَبِنّٜىٰشِ عَثِكِنْسُبَ غَمَا مُتَنٜىٰ سُنَ ثٜىٰوَ ‏«‏شِے مَيْ ثُوتَرْ ڢَتَرْ جِكِنٜىٰ؞»‏ سَيْ طَنْسَ يُواْتَمْ يَغَاجٜىٰشِ يَذَمَ سَرْكِے؞