2 تَارِيحِ 24 - أَتَّوْرَتْ دَ أَنَّبَاوَا

يُواْوَشْ يَڠَغْڠَرَ هَيْكَلِ

¹ يُواْوَشْ يَنَدَ شٜىٰكَرَا بَݣَويْ سَعَدَّ يَذَمَ سَرْكِے؞ يَيِ مُلْكِ أَ عُرُوشَلِيمَ شٜىٰكَرَا أَرْبَعِنْ؞ سُونَنْ مَامَرْسَ ظِبِيَ نٜىٰ دَغَ بٜىٰيٜىٰرْشٜىٰبَ؞

² يُواْوَشْ يَيِ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ دُكَنْ ݣُونَكِنْ دَ يٜىٰهُواْيِدَ يَكٜىٰدَ رَيْ؞

³ يٜىٰهُواْيِدَ يَ عَوْرُواْ وَ يُواْوَشْ مَاتَا بِيُ؞ سُكَ حَيْڢِ مَسَ یَیَ مَظَا دَ مَاتَا؞

⁴ بَايَنْ وَنَّنْ، سَيْ يُواْوَشْ يَيِ نِيَّ أَ رَنْسَ يَڠَرَ غِدَنْ يَهْوٜىٰهْ؞

⁵ يَتَتَّارَ ڢِرِسْتُواْثِے دَ لَوِيَاوَا دُكَ يَثٜىٰ مُسُ ‏«‏كُتَڢِے ثِكِنْ غَرُضُوً يَهُودَ، كُتَارَ كُطَطٜىٰ نَشٜىٰكَرَا شٜىٰكَرَا دَغَ دُكَنْ إِسْرَٰٓءِيلَاوَا، دُواْمِنْ كُڠَرَ غِدَنْ اللَّهْ نْكُ؞ كُيِ سَوْرِ!‏»‏ عَمَّا لَوِيَاوَنْ سُكَڧِ يِنْ سَوْرِ؞

⁶ سَيْ سَرْكِے يُواْوَشْ يَكِرَا يٜىٰهُواْيِدَ بَبَّنْ ڢِرِسْتِ يَثٜىٰ مَسَ ‏«‏دُوانْمٜىٰ بَكَسَا لَوِيَاوَا سُتَڢِے عُرُوشَلِيمَ دَ غَرُضُوً يَهُودَ دُواْمِنْ سُكَرْٻِ هَرَاجِبَ؟ غَاشِ، أَ دَا مُوسَٰى بَاوَنْ يَهْوٜىٰهْ يَا عُمَرْتَ وَنَّنْ، كُمَ تَارُوانْ جَمَعَرْمُ سُكَ يَرْدَ عَتَتَّارَ كُطِنْ دُواْمِنْ أَڠَرَ تٜىٰنْتِنْ شَيْدَرْ يَرْجٜىٰجٜىٰنِيَ؞»‏

⁷ غَمَا أَ شٜىٰكَرُنْ بَايَ، یَیَ مَظَا نَمُوغُوَرْ مَاتَرْ نَنْ أَتَلِيَ سُنْ ڢَشٜىٰ غِدَنْ يَهْوٜىٰهْ سُنْ شِغَ، سُكَ ݣُوشِ كَايَنْ دَ عَكَ كٜىٰٻٜىٰ نَغِدَنْ، سُكَيِ أَمْڢَانِ دَسُو أَغِدَنْ غُنْكِ بَعَلْ؞

⁸ سَيْ سَرْكِے يُواْوَشْ يَعُمَرْتَ عَيِ وَنِ عَݣُوتِ دُواْمِنْ عَتَارَ كُطِ؞ أَنْيِ عَݣُوتِنْ عَكَ كُمَ أَجِيٜىٰ أَوَجٜىٰ عَبَاكِنْ ڧُواْڢَرْ شِغَ غِدَنْ يَهْوٜىٰهْ؞

⁹ سَيْ عَكَيِ شٜىٰلَ كُواْعِنَ أَ يَهُودَ دَ عُرُوشَلِيمَ ثٜىٰوَ مُتَنٜىٰ سُكَٰوُاْ وَ يَهْوٜىٰهْ كُطِنْ هَرَاجِنْ دَ مُوسَٰى بَاوَنْ اللَّهْ يَعُمَرْتَ یَیَنْ إِسْرَٰٓءِيلَ سُكَٰوُاْ لُواْكَثِنْ دَسُكٜىٰ أَدَاجِ؞

¹⁰ دُكَنْ دَتَّاوَا دَ مُتَنٜىٰنْ سُكَيِ مُرْنَ سُكَ كَٰوُاْ كُطِ سُكَ ظُبَ أَعَݣُوتِنْ حَرْ يَثِكَ؞

¹¹ دُكْ لُواْكَثِنْ دَ عَݣُوتِنْ يَثِكَ، سَيْ لَوِيَاوَا سُكَنْ طَوْكَ عَݣُوتِنْ ذُوَا وُرِنْ شُوغَبَنْدَ سَرْكِے يَنَطَ يَلُورَ دَشِ؞ سَعَدَّ سُكَغَ يَثِكَ، سَيْ مَرُبُوثِنْ سَرْكِے دَ وَكِيلِنْ بَبَّنْ ڢِرِسْتِ سُݣُوشِ كُطِنْ سُدَاوُاْ دَ عَݣُوتِنْ وُرِنْ ذَمَنْسَ؞ تَوُرِنْ يِنْ حَكَ كُلُّمْ سُكَ تَارَ كُطِ دَيَوَ؞

¹² سَرْكِے يُواْوَشْ دَ يٜىٰهُواْيِدَ سُكَ بَا مَاسُ لُورَ دَ عَيْكِ أَ غِدَنْ يَهْوٜىٰهْ كُطِنْ؞ سَيْ سُكَ طَوْكِ مَاسُ عَيْكِنْ غِنِ دَ كَاڢِنْتُواْثِ دُواْمِنْ سُڠَرَ غِدَنْ يَهْوٜىٰهْ؞ سُكَ كُمَ طَوْكِ مَاسُ عَيْكِنْ بَڧِنْ ڧَرْڢٜىٰ دَ نَڧَرْڢٜىٰنْ تَغُلَّ دُواْمِنْ سُڠَرَ غِدَنْ يَهْوٜىٰهْ؞

¹³ مَاسُ لُورَ دَ عَيْكِنْ ڠَرَنْ غِدَنْ يَهْوٜىٰهْ سُكَيِ عَيْكِنْسُ دَ ڨُوذُواْ سُواْسَيْ، عَيْكِنْ كُوَ يَثِيغَبَدَ ݣَوْ؞ سُكَ ڠَرَ غِدَنْ يَهْوٜىٰهْ يَكُواْمَ كَمَرْ دَا سُكَ كُمَ ڧَارَ ڧَرْڢِنْسَ؞

¹⁴ سَعَدَّ سُكَ غَمَ ڠَرٜىٰ ڠَرٜىٰنْ دُكَ، سَيْ سُكَ مَيْدَ سَوْرَنْ كُطِنْ وُرِنْ سَرْكِے دَ يٜىٰهُواْيِدَ؞ دَ وَنَّنْ كُطِنْ عَكَيِ كَايَ دُواْمِنْ غِدَنْ يَهْوٜىٰهْ، وَتُواْ كَايَنْ عَيْكِ، كَايَ دُواْمِنْ مِيڧَ هَدَايُ دَ ثُواْكُلَ دَ ݣُونُواْنِنْ ظِينَارِيَ دَ نَأَظُرْڢَا؞ عَكَيِ تَمِيڧَ هَدَايُ نَڧُواْنَاوَا عَثِكِنْ غِدَنْ يَهْوٜىٰهْ بَابُ ڢَاسَوَ دُكَنْ ݣُونَكِنْ يٜىٰهُواْيِدَ ڢِرِسْتِ؞

أَنْ سَاكٜىٰ مَتَاكَنْ ڠَرٜىٰ ڠَرٜىٰنْ يٜىٰهُواْيِدَ

¹⁵ يٜىٰهُواْيِدَ كُوَ يَڟُوڢَ ڨُورَيْ؞ يَمُتُ يَنَدَ شٜىٰكَرَا طَرِے دَ تَلَاتِنْ؞

¹⁶ عَكَ بِنّٜىٰشِ عَبِرْنِنْ دَاوُدَ عِنْدَ عَكٜىٰ بِنّٜىٰ سَرَاكُنَ، غَمَا يَيِ عَيْكِ مَيْݣَوْ دُواْمِنْ مُتَنٜىٰنْ إِسْرَٰٓءِيلَ كُمَ دُواْمِنْ اللَّهْ دَ غِدَنْسَ؞

¹⁷ عَمَّا بَايَنْ مُتُوَرْ يٜىٰهُواْيِدَ، سَيْ دَتَّاوَنْ يَهُودَ سُكَ تَڢِے غَبَنْ سَرْكِے يُواْوَشْ، سُكَ رُسُنَ دَ ڢُسْكَرْسُ حَرْ ڧَسَا، سُكَ لَلَّشٜىٰشِ دُواْمِنْ يَيِ أَبِنْدَ سُكٜىٰسُواْ؞ سَرْكِے كُوَ يَبِے شَوَرَرْسُ؞

¹⁸ سَيْ سُكَ بَرْ سُجَّدَ أَ غِدَنْ يَهْوٜىٰهْ اللَّهْ نَكَاكَنِّنْسُ؞ سَعَنً سُكَ كُواْمَ سُنَ بَوْتَاوَ غُمَكَنْ أَشٜىٰرَ دَ سَوْرَنْ غُمَكَ؞ ڢُشِنْ اللَّهْ كُوَ يَڢَاطُواْ عَكَنْ مُتَنٜىٰنْ يَهُودَ دَ عُرُوشَلِيمَ سَبُواْدَ وَنَّنْ لَيْڢِنْسُ؞

¹⁹ كُواْدَيَكٜىٰ يَهْوٜىٰهْ يَا عَيْكَ مُسُ دَ أَنَّبَاوَا سُجَا مُسُ كُنّٜىٰ، دُكْدَهَكَ مُتَنٜىٰنْ سُكَڧِيجِ؞

²⁰ سَيْ رُوحٌ اللَّهْ يَايِ إِيكُواْ عَكَنْ زَكَرِيَّا طَنْ يٜىٰهُواْيِدَ ڢِرِسْتِ؞ يَڟَيَ أَغَبَنْ جَمَعَ يَثٜىٰ مُسُ ‏«‏اللَّهْ يَثٜىٰ، ‏‹‏دُوانْمٜىٰ كُكٜىٰ ڧِنْ بِيَيَّ دَ عُمَرْنَنْ يَهْوٜىٰهْ؟ تُواْ، بَذَاكُ عِيَ يَلْوَتَبَ؞ سَبُواْدَ كُنْ رَبُ دَ بِنْ يَهْوٜىٰهْ، شِے مَا يَرَبُ دَكُو؞›‏ »‏

²¹ سَيْ سَرْكِے يُواْوَشْ يَهَطَ بَاكِ دَ دَتَّاوَنْسَ سُكَشٜىٰ زَكَرِيَّا؞ سَرْكِے يَعُمَرْتَ عَكَ جٜىٰجّٜىٰڢٜىٰشِ دَ دُوَڟُو أَ ڢِيلِنْ غِدَنْ يَهْوٜىٰهْ؞

²² سَرْكِے يُواْوَشْ كُوَ بَيْتُنَ دَ أَلْحٜىٰرِنْ دَ يٜىٰهُواْيِدَ بَابَنْ زَكَرِيَّا يَيِمَسَبَ، عَمَّا يَكَشٜىٰ طَنْسَ زَكَرِيَّا؞ دَ زَكَرِيَّا يَنَ بَاكِنْ مُتُوَ، يَثٜىٰ ‏«‏بَرِ يَهْوٜىٰهْ يَدُوبِے أَبِنْدَ كُكٜىٰيِ يَكُمَ سَاكَ!‏»‏

ڧَرْشٜىٰنْ مُلْكٍ يُواْوَشْ

²³ أَنَانً عَڧَرْشٜىٰنْ شٜىٰكَرَرْ، سَيْ سُواْجُواْجِنْ سُورِيَ سُكَ كَٰوُاْ وَ يُواْوَشْ يَاڧِ؞ دَ سُكَذُواْ يَهُودَ دَ عُرُوشَلِيمَ، سُكَ كَشٜىٰ دُكَنْ دَتَّاوَنْ، سُكَ ݣُوشِ كَايَنْ مُتَنٜىٰ دَيَوَ سُكَ عَيْكَ وَ سَرْكِنْسُ أَ دِمَشْڧُ؞

²⁴ كُواْدَيَكٜىٰ سُواْجُواْجِنْ سُورِيَ بَسُ ذُواْ دَيَوَ بَ، دُكْدَهَكَ يَهْوٜىٰهْ يَسَا سُكَثِ نَصَرَا عَكَنْ سُواْجُواْجِنْ يَهُودَ مَاسُيَوَنْ غَسْكٜىٰ، غَمَا مُتَنٜىٰنْ يَهُودَ سُنْ رَبُ دَ يَهْوٜىٰهْ اللَّهْ نَكَاكَنِّنْسُ؞ تَهَكَ عَكَ حُكُنْتَ يُواْوَشْ؞

²⁵ سَعَدَّ سُرِيَاوَا سُكَ جَنْيٜىٰ، سُنْ بَرْ يُواْوَشْ دَ رَوْنِ مَيْ ڟَنَنِ سُواْسَيْ؞ سَيْ وَطَنْسُ دَتَّاوَنْسَ سُكَ حَطَ بَاكِ سُكَ كَشٜىٰشِ عَكَنْ غَدُوانْسَ، دُواْمِنْ سُرَامَ مُتُوَرْ زَكَرِيَّا طَنْ يٜىٰهُواْيِدَ ڢِرِسْتِ؞ يَمُتُ، عَكَ بِنّٜىٰشِ عَبِرْنِنْ دَاوُدَ، عَمَّا بَعَبِنّٜىٰشِ عِنْدَ عَكٜىٰ بِنّٜىٰ سَرَاكُنَبَ؞

²⁶ وَطَنْدَ سُكَ حَطَ بَاكِ سُكَ كَشٜىٰشِ سُونٜىٰ، ظَبَدْ طَنْ وَتَ مَثٜىٰ دَغَ أَمُّوانْ، سُونَنْتَ شِمٜىٰيَتْ، تَرٜىٰدَ يٜىٰهُواْظَبَدْ طَنْ وَتَ مَثٜىٰ دَغَ مُواْوَبْ، سُونَنْتَ شِمْرِتْ؞

²⁷ لَابَرِنْ یَیَ مَظَا نَ يُواْوَشْ دَ أَنَّبْثِنْ دَ عَكَيِ عَكَنْسَ دَ لَابَرِنْ عَيْكِنْ ڠَرَنْ غِدَنْ يَهْوٜىٰهْ وَنْدَ يَيِ، سُنَ أَرُبُوثٜىٰ عَثِكِنْ ڢَسَّرَرْ لِتَّڢِنْ تَارِيحِنْ سَرَاكُنَ؞ سَيْ أَمَظِيَ طَنْسَ يَغَاجٜىٰشِ يَذَمَ سَرْكِے؞