2 تَارِيحِ 23 - أَتَّوْرَتْ دَ أَنَّبَاوَاأَنْيِ وَ أَتَلِيَ تَاوَيٜىٰ ﴿ 2 سَرْ 11.4-16 ﴾ 1 أَ شٜىٰكَرَا تَبَݣَويْ سَيْ يٜىٰهُواْيِدَ يَيِ ڧَرْڢِنْ ذُوثِيَا يَطَوْرَا يَرْجٜىٰجٜىٰنِيَ تَرٜىٰدَ شُوغَبَنِّ بِيَرْ نَسُواْجُواْجِ، وَطَنْدَ سُكٜىٰ شُوغَبَنْثِنْ ڧُنْغِيُواْيِنْ سُواْجُواْجِ طَرِے طَرِے؞ غَا سُونَيٜىٰنْسُ، أَظَرِيَ طَنْ يٜىٰرُواْهَمْ دَ إِسْمَٰعِيلُ طَنْ يٜىٰهُواْهَنَنْ دَ أَظَرِيَ طَنْ عُواْبٜىٰدْ دَ مَعَسٜىٰيَ طَنْ أَدَيَ دَ عٜىٰلِشَڢَتْ طَنْ ظِكِرِ؞ 2 سُكَ ڢِتَ أَ عَسِرْثٜىٰ سُكَبِے كُواْعِنَ عَڧَسَرْ يَهُودَ سُكَ تَتَّارَ لَوِيَاوَا دَغَ دُكَنْ غَرُضُوً ڧَسَرْ، حَطٜىٰ دَ شُوغَبَنِّنْ غِدَاجٜىٰنْ كَاكَنِّ، سُتَارُ أَ عُرُوشَلِيمَ؞ 3 سَيْ دُكَنْسُ سُكَ تَارُ أَ غِدَنْ اللَّهْ سُكَيِ يَرْجٜىٰجٜىٰنِيَ دَ سَرْكِنْ؞ سَعَنً يٜىٰهُواْيِدَ ڢِرِسْتِ يَثٜىٰ «غَا طَنْ سَرْكِے! بَرِ يَذَمَ سَرْكِے كَمَرْ يَدَّ يَهْوٜىٰهْ يَڢَطَا ثٜىٰوَ یَیَنْ دَاوُدَ نٜىٰ كَطَيْ ذَاسُيِ مُلْكِنْمُ؞ 4 غَا أَبِنْدَ ذَاكُيِ؞ سَعَدَّ ڢِرِسْتُواْثِے دَ لَوِيَاوَا سُكَذُواْ عَيْكِ أَ رَانَرْ هُوتُ تَمَكُواْ، طَيَ ثِكِنْ عُكُ دَغَ ثِكِنْكُ ذَاسُيِ غَادِنْ ڧُواْڢُواْڢِنْ غِدَنْ يَهْوٜىٰهْ؞ 5 طَيَ ثِكِنْ عُكُ دَغَ ثِكِنْكُ كُمَ ذَاسُ تَڢِے غِدَنْ سَرْكِے، سَوْرَنْ طَيَ ثِكِنْ عُكُنْ ذَاسُ ڟَيَ تَڧُواْڢَرْ تُوشٜىٰ؞ دُكَنْ سَوْرَنْ مُتَنٜىٰنْ ذَاسُ تَارُ أَ ڢِيلِنْ غِدَنْ يَهْوٜىٰهْ؞ 6 كَدَ كُبَرْ وَنِ يَشِغَ غِدَنْ يَهْوٜىٰهْ، سَيْدَيْ شِ ڢِرِسْتِنٜىٰ كُواْ طَيَ دَغَ ثِكِنْ لَوِيَاوَا مَاسُ حِدِمَ أَ غِدَنْ يَهْوٜىٰهْ؞ ذَاسُ عِيَ شِغَ دُواْمِنْ أَنْرِغَا أَنْڟَرْكَكٜىٰسُ؞ عَمَّا سَوْرَنْ مُتَنٜىٰ دُكَ ذَاسُبِے أَبِنْدَ ڧَٰعِدَرْ يَهْوٜىٰهْ تَعُمَرْتَ؞ 7 لَوِيَاوَا ذَاسُ كٜىٰوَيٜىٰ سَرْكِنْ، كُواْوَنّٜىٰنْسُ ذَيْ رِڧٜىٰ تَكُواْبِے أَ حَنُّنْسَ؞ ذَاسُ كَسَنْثٜىٰ كُسَدَ سَرْكِے إِنْ ذَيْ شِغَ كُواْ ڢِتَ؞ دُكْ وَنْدَ يَذُواْ دُواْمِنْ يَشِغَ غِدَنْ، سَيْ عَكَشٜىٰشِ؞» 8 لَوِيَاوَا دَ دُكَنْ مُتَنٜىٰنْ يَهُودَ سُكَيِ دُكْ أَبِنْدَ يٜىٰهُواْيِدَ ڢِرِسْتِ يَعُمَرْتَ؞ شُوغَبَنِّنْ سُكَ رِڧٜىٰ وَطَنْدَ ذَاسُ تَاشِ عَيْكِ دَ وَطَنْدَ سُكَذُواْ كَامَ عَيْكِ نَ رَانَرْ هُوتُ تَمَكُواْ، غَمَا يٜىٰهُواْيِدَ ڢِرِسْتِ بَيْ بَرْ وَنِ يَكُواْمَ غِدَابَ؞ 9 يٜىٰهُواْيِدَ يَبَا دُكَنْ شُوغَبَنِّ مَاسُ دَ غَرْكُوُاْيِنْ دَ سَرْكِے دَاوُدَ يَيِ أَمْڢَانِ دَسُو، وَطَنْدَ كُمَ عَكَ أَجِيٜىٰ أَ غِدَنْ اللَّهْ؞ 10 سَيْ يَكَكَّڢَ مُتَنٜىٰ دُكَ كٜىٰوَيٜىٰ دَ سَرْكِے، كُواْوَنّٜىٰنْسُ دَ كَايَنْ يَاڧِ أَ حَنُّنْسَ، دُواْمِنْ سُيِ غَادِنْ سَرْكِنْ؞ سُنْيِ لَيِ كٜىٰوَيٜىٰ دَ غِدَنْ، لَيِ كُوَ يَمِيڧٜىٰ دَغَ غٜىٰڢٜىٰنْ كُدُ حَرْ ذُوَا غٜىٰڢٜىٰنْ أَرٜىٰوَ نَغِدَنْ؞ سُنْ كُمَيِ لَيِ كٜىٰوَيٜىٰ دَ بَغَدٜىٰنْ؞ 11 سَعَنً يٜىٰهُواْيِدَ يَڢِتَرْدَ يُواْوَشْ، طَنْ سَرْكِے، يَسَا مَسَ هُولَرْ مُلْكِ؞ سَيْ يَمِيڧَ مَسَ تَكَرْدَرْ يَرْجٜىٰجٜىٰنِيَرْ، عَكَ سَنَرْ دَشِ سَرْكِے؞ سَيْ يٜىٰهُواْيِدَ تَرٜىٰدَ یَیَنْسَ مَظَا سُكَ نَطَشِ سَرْكِے، سَيْ مُتَنٜىٰ سُكَ طَغَ مُرْيَ سُكَثٜىٰ «رَنْكَيَدَطٜىٰ، يَا سَرْكِے!» أَنْ كَشٜىٰ أَتَلِيَ 12 دَ أَتَلِيَ تَجِ سُورُوتُ يَدَّ مُتَنٜىٰ سُكٜىٰ غُجٜىٰ غُجٜىٰ سُنَ كِرَرِ دَ يَبُوانْ سَرْكِنْ، سَيْ تَتَڢِے غِدَنْ يَهْوٜىٰهْ وُرِنْ مُتَنٜىٰنْ؞ 13 دَتَدُوبَ سَيْ تَغَ سَابُوانْ سَرْكِے أَڟَيٜىٰ عِنْدَ سَرْكِے يَكَنْ ڟَيَ كُسَدَ غِنْشِڧِنْ غِدَنْ تَڧُواْڢَرْ شِغَ؞ سَوْرَنْ شُوغَبَنِّ دَ مَاسُ بُوشٜىٰ بُوشٜىٰنْ كَكَكِ سُنْ كٜىٰوَيٜىٰشِ، مُتَنٜىٰ دَغَ كُواْعِنَ عَڧَسَرْ سُنَ مُرْنَ سُنَ بُوسَ كَكَكِ؞ مَوَاڧَ دَ كَايَنْ كَطٜىٰ كَطٜىٰنْسُ سُنَ جَغُواْرَنْ بِكٍ؞ سَعَدَّ أَتَلِيَ تَغَ حَكَ، سَيْ تَيَيَّاغٜىٰ رِيغُنَنْتَ تَيِ إِيهُ تَنَ ثٜىٰوَ «أَنْثِ أَمَانَتَ! أَنْثِ أَمَانَتَ!» 14 سَيْ يٜىٰهُواْيِدَ ڢِرِسْتِ يَعُمَرْثِ شُوغَبَنِّنْ دَسُكٜىٰ لُورَ دَ ڧُنْغِيُواْيِنْ سُواْجُواْجِ طَرِے ثٜىٰوَ سُڢِتَرْدَ أَتَلِيَ دَغَ ثِكِنْ غِدَنْ يَهْوٜىٰهْ؞ سُبِيدَ عِتَ ڟَكَانِنْ لَيِنْ سُواْجُواْجِ، كُمَ دُكْ وَنْدَ يَكٜىٰسُواْ يَتَيْمَكٜىٰتَ عَكَشٜىٰشِ؞ يٜىٰهُواْيِدَ بَيْسُواْ عَكَشٜىٰتَ عَثِكِنْ غِدَنْ يَهْوٜىٰهْ بَ؞ 15 دُواْمِنْ حَكَ عَكَ ثَڢْكٜىٰتَ عَكَ ڢِتَرْدَ عِتَ ذُوَا ڧُواْڢَرْ دَ دَوَكِ سُكٜىٰ شِغَ ڢِيلِنْ غِدَنْ سَرْكِے، عَكَ كَشٜىٰتَ أَوُرِنْ؞ يٜىٰهُواْيِدَ يَكَٰوُاْ ڠَرٜىٰ ڠَرٜىٰنْ أَدِّينِ ﴿ 2 سَرْ 11.17-20 ﴾ 16 سَيْ يٜىٰهُواْيِدَ يَيِ يَرْجٜىٰجٜىٰنِيَ ثٜىٰوَ دَشِے دَ دُكَنْ مُتَنٜىٰ دَ كُمَ سَرْكِے ذَاسُ كَسَنْثٜىٰ مُتَنٜىٰنْ يَهْوٜىٰهْ دَ غَسْكٜىٰ؞ 17 سَعَنً مُتَنٜىٰنْ ڧَسَرْ سُكَ تَڢِے غِدَنْ بَعَلْ، سُكَ رُشٜىٰشِ؞ سُكَ كُمَ رُشٜىٰ بَغَدٜىٰنْسَ دَ غُمَكَنْسَ، سُكَ كُمَ كَشٜىٰ مَتَّنْ، ڢِرِسْتِ نَ بَعَلْ، أَغَبَنْ بَغَدٜىٰنْ؞ 18 يٜىٰهُواْيِدَ يَسَا لَوِيَاوَنْ دَسُكٜىٰ ڢِرِسْتُواْثِے عَيْكِنْ لُورَ دَ غِدَنْ يَهْوٜىٰهْ؞ سُونٜىٰ سَرْكِے دَاوُدَ يَشِرْيَ سُمِيڧَ هَدَايُ نَڧُواْنَاوَا غَ يَهْوٜىٰهْ، كَمَرْ يَدَّ عَكَ ڟَارَا أَ كُواْيَرْوَرْ مُوسَٰى؞ ذَاسُ كُمَيِ وَاڧُواْڧِ دَ ڢَضٍ ثِكِ كَمَرْ يَدَّ دَاوُدَ يَعُمَرْتَ؞ 19 يَكُمَسَا مَاسُ غَادِ عَڧُواْڢُواْڢِنْ شِغَ غِدَنْ يَهْوٜىٰهْ، سُدِنْغَ كُواْرَ مُتَنٜىٰ مَاسُ ڧَظَنْتَا؞ 20 يٜىٰهُواْيِدَ يَسَا شُوغَبَنِّنْ ڧُنْغِيَرْ سُواْجُواْجِ طَرِے دَ مَنْيَنْ مُتَنٜىٰ دَ شُوغَبَنِّنْ غَرِنْ دَ دُكَنْ سَوْرَنْ مُتَنٜىٰنْ ڧَسَرْ، سُكَيِ رَكِيَرْ سَرْكِے دَغَ غِدَنْ يَهْوٜىٰهْ؞ سُكَبِے تَڧُواْڢَرْ غِدَنْ يَهْوٜىٰهْ وَدَّ تَكٜىٰ أَوُرِے مَڢِے ڟَيِ سُكَ شِغَ غِدَنْ سَرْكِے، سُكَ كُمَسَا سَرْكِے يَذَوْنَ عَكَنْ كُجٜىٰرَرْ مُلْكِ؞ 21 سَبُواْدَ حَكَ دُكَنْ مُتَنٜىٰنْ ڧَسَرْ سُكَيِ مُرْنَ؞ بِرْنِنْ عُرُوشَلِيمَ كُمَ تَسَامِ ذَمَنْ لَاڢِيَ غَمَا أَنْكَشٜىٰ أَتَلِيَ دَ تَكُواْبِے؞ |
Hausa Common Language Ajami Bible © The Bible Society of Nigeria, 2020
Bible Society of Nigeria