2 تَارِيحِ 22 - أَتَّوْرَتْ دَ أَنَّبَاوَا

سَرْكِے أَهَظِيَ نَ يَهُودَ

¹ سَيْ مَذَوْنَنْ عُرُوشَلِيمَ سُكَ نَطَ أَهَظِيَ، أَوْتَنْ سَرْكِے يٜىٰهُواْرَمْ، يَغَاجٜىٰشِ يَذَمَ سَرْكِنْ يَهُودَ؞ غَمَا ڧُنْ‌غِيَرْ مُتَنٜىٰنْ دَ سُكَذُواْ دَ لَرَبَاوَا سُنْ كَٰوُاْ هَرِ أَ سَنْسَنِنْ يَاڧِنْ إِسْرَٰٓءِيلَ، سُكَ كَكَّشٜىٰ دُكَنْ سَوْرَنْ یَنْعُوَنْ أَهَظِيَ؞ تَهَكَ سَرْكِے أَهَظِيَ يَڢَارَ مُلْكِ أَ يَهُودَ؞

² أَهَظِيَ يَنَدَ شٜىٰكَرَا أَرْبَعِنْ دَ بِيُ سَعَدَّ يَڢَارَ مُلْكِ؞ يَيِ مُلْكِ شٜىٰكَرَا طَيَ أَ عُرُوشَلِيمَ؞ سُونَنْ مَامَرْسَ أَتَلِيَ جِيكَرْ سَرْكِے عُوامْرِ؞

³ شِمَا يَبِے حَنْيَرْ غِدَنْ أَهَبْ، سَبُواْدَ مَامَرْسَ تَيِ تَبَاشِ شَوَرَا يَدَّ ذَيْ عَيْكَتَ مُغُنْتَا؞

⁴ يَعَيْكَتَ مُغُنْتَا أَعِدُوانْ يَهْوٜىٰهْ كَمَرْ غِدَنْ أَهَبْ، غَمَا بَايَنْ مُتُوَرْ بَابَنْسَ، سُنْيِ تَبَاشِ شَوَرْوَرِنْ دَ سُكَ كَيْ شِ غَ لَلَثٜىٰوَ؞

⁵ يَبِے شَوَرَرْسُ، يَهَطَكَيْ دَ سَرْكِے يُواْرَمْ نَ إِسْرَٰٓءِيلَ، طَنْ أَهَبْ، سُكَ تَڢِے سُيِ يَاڧِ دَ سَرْكِے هَظَيٜىٰلْ نَ سُورِيَ أَ رَمُواتْ غِلٜىٰيَدْ؞ سُرِيَاوَا سُكَيِ وَ يُواْرَمْ رَوْنِ عَيَاڧِنْ؞

⁶ يَغُدُ ذُوَا يٜىٰظِرٜىٰيٜىٰلْ دُواْمِنْ جِنْيَرْ رَوْنُكَنْ دَ عَكَيِ مَسَ أَ رَمُواتْ غِلٜىٰيَدْ، سَعَدَّ يَكٜىٰ يَاڧِ دَ سَرْكِے هَظَيٜىٰلْ نَ سُورِيَ؞ سَيْ أَهَظِيَ طَنْ سَرْكِے يٜىٰهُواْرَمْ نَ يَهُودَ يَغَنْ‌غَرَ دُواْمِنْ يَظِيَرْثِ يُواْرَمْ طَنْ أَهَبْ أَ يٜىٰظِرٜىٰيٜىٰلْ، سَبُواْدَ بَاشِ دَ لَاڢِيَ؞

⁷ عَمَّا اللَّهْ يَشِرْيَ زِيَارَرْ تَذَمَ دَلِيلِنْ ڢَاطُوَرْ أَهَظِيَ؞ لُواْكَثِنْ دَ أَهَظِيَ يَكٜىٰ تَرٜىٰدَ يُواْرَمْ، سَيْ سُكَ ڢِتَ تَرٜىٰ دُواْمِنْ سُسَدُ دَ يٜىٰهُو طَنْ نِمْشِ؞ يٜىٰهُو نٜىٰ يَهْوٜىٰهْ يَكٜىٰٻٜىٰ دُواْمِنْ يَهَلَّكَ دُكَنْ غِدَنْ أَهَبْ؞

⁸ سَعَدَّ يٜىٰهُو يَكٜىٰ ثِكَ حُكُنْثِنْ يَهْوٜىٰهْ عَكَنْ غِدَنْ أَهَبْ، سَيْ يَسَدُ دَ شُوغَبَنِّنْ يَهُودَ، تَرٜىٰدَ یَیَنْ یَنْعُوَنْ أَهَظِيَ، وَطَنْدَ سُكٜىٰ مَسَ حِدِمَ؞ سَيْ يٜىٰهُو يَكَكَّشٜىٰسُ دُكَ؞

⁹ عَكَ بَظُو أَنَ نٜىٰمَنْ أَهَظِيَ، عَكَ كُوَ كَامَ شِ يَنَ ٻُواْيٜىٰ أَ سَمَرِيَ، عَكَ كَٰوُاْ شِ وُرِنْ يٜىٰهُو عَكَ كَشٜىٰشِ؞ عَمَّا عَكَ بِنّٜىٰشِ، غَمَا سُنْ ثٜىٰ ‏«‏شِ جِيكَنْ يٜىٰهُواْشَڢَتْ نٜىٰ، سَرْكِنْدَ يَبَوْتَاوَ يَهْوٜىٰهْ دَ دُكَنْ ذُوثِيَارْسَ؞»‏ بَعَكُوَ ضَغٜىٰ وَنِ دَغَ عِيَلِنْ أَهَظِيَ دَ ذَيْ يِمُلْكٍ ڧَسَرْ بَ؞

أَتَلِيَ تَا ڨُوثٜىٰ مُلْكِ

¹⁰ دَ أَتَلِيَ مَامَرْ سَرْكِے أَهَظِيَ تَغَ طَنْتَ يَمُتُ، سَيْ تَتَاشِ تَكَكَّشٜىٰ دُكَنْ یَیَنْ غِدَنْ مُلْكٍ يَهُودَ؞

¹¹ عَمَّا يٜىٰهُواْشٜىٰبَ یَرْعُوَرْ أَهَظِيَ تَسَاثِ يُواْوَشْ طَنْ أَهَظِيَ دَغَ سَوْرَنْ یَیَنْ سَرْكِنْ دَ عَكٜىٰسُواْ عَكَشٜىٰ، تَٻُواْيٜىٰشِ عَثِكِنْ وَنِ طَاكِ أَ هَيْكَلِ، تَسَا وَتَ تَلُورَ دَشِ؞ تَهَكَنٜىٰ يٜىٰهُواْشٜىٰبَ، یَرْ سَرْكِے يٜىٰهُواْرَمْ كُمَ مَاتَرْ يٜىٰهُواْيِدَ ڢِرِسْتِ، تَثٜىٰثِ يُواْوَشْ دَغَ مُتُوَ تَهَنُّنْ أَتَلِيَ، حَرْ أَتَلِيَ بَتَ عِيَ كَشٜىٰشِيبَ؞

¹² يُواْوَشْ يَيِ شٜىٰكَرَا شِدَ يَنَ عَٻُواْيٜىٰ أَ غِدَنْ اللَّهْ، يَايِنْ دَ أَتَلِيَ تَكٜىٰ مُلْكٍ ڧَسَرْ أَمَڟَيِنْ سَرَوْنِيَ؞