2 تَارِيحِ 20 - أَتَّوْرَتْ دَ أَنَّبَاوَا

يٜىٰهُواْشَڢَتْ يَثِ مُواْوَبَاوَا دَ أَمُّواْنَاوَا دَ عٜىٰدُواْمَاوَا دَيَاڧِ

¹ بَايَنْ وَنَّنْ سَيْ مُواْوَبَاوَا دَ أَمُّواْنَاوَا دَ وَطَنْسُ دَغَ ثِكِنْ مٜىٰيُنِيَاوَا سُكَذُواْ دُواْمِنْ سُيِ يَاڧِ دَ يٜىٰهُواْشَڢَتْ؞

² سَيْ وَطَنْسُ مُتَنٜىٰ سُكَذُواْ سُكَثٜىٰ مَسَ ‏«‏غَا دُبَّنْ سُواْجُواْجِ دَغَ عٜىٰدُوامْ عَڧٜىٰتَرٜىٰنْ تٜىٰكُنْ غِشِرِ سُنَ ذُوَا دُواْمِنْ سُڢَاطَ مَكَ دَ يَاڧِ؞ يَنْذُ سُنْ كَيْ هَظَظُوانْ تَمَرْ، وَتُواْ عٜىٰنْ‌غٜىٰدِ؞»‏

³ يٜىٰهُواْشَڢَتْ يَجِڟُواْرُواْ، يَنٜىٰمِ نُڢِنْ يَهْوٜىٰهْ، يَكُمَ عُمَرْتَ عَيِ شٜىٰلَ ثٜىٰوَ كُواْوَ يَيِ أَظُمِ أَدُكَنْ ڧَسَرْ يَهُودَ؞

⁴ سَيْ مُتَنٜىٰ دَغَ دُكَنْ غَرُضُوً يَهُودَ سُكَ تَتَّارُ أَ عُرُوشَلِيمَ دُواْمِنْ سُنٜىٰمِ نُڢِنْ يَهْوٜىٰهْ سُيِ ضُواْڧُوانْ تَيْمَكُواْ دَغَ وُرِنْسَ؞

⁵ يٜىٰهُواْشَڢَتْ يَتَاشِ ڟَيٜىٰ أَغَبَنْ تَارُوانْ جَمَعَرْ يَهُودَ دَ نَ عُرُوشَلِيمَ أَ غِدَنْ يَهْوٜىٰهْ، أَغَبَنْ سَابُوانْ ڢِيلِ؞

⁶ سَيْ يَتَادَ مُرْيَ ثِكِنْ أَدُّعَ يَثٜىٰ، ‏«‏يَا يَهْوٜىٰهْ اللَّهْ نَكَاكَنِّنْمُ، بَ كَيْنٜىٰ اللَّهْ نَسَمَ بَ؟ بَ كَيْ كَكٜىٰ مُلْكِ عَكَنْ دُكَنْ مُلْكُواْكِنْ أَلْعُمَّنْ دُونِيَا بَ؟ إِيكُواْ دَ ڧَرْڢِے سُنَ أَ حَنُّنْكَ، كُمَ بَاوَنْدَ يَ إِسَ يَڢُسْكَنْثٜىٰكَ؞

⁷ يَا اللَّهْ نْمُ، بَكَيْنٜىٰ كَكُواْرِ مَذَوْنَنْ ڧَسَرْ نَنْ أَعِدُوانْ مُتَنٜىٰنْكَ إِسْرَٰٓءِيلَ بَ؟ بَكَيْ كُمَ كَبَا ذُرِيَرْ أَبُواْكِنْكَ إِبْرَٰهِيمْ غَادُوانْ ڧَسَرْ حَرْ أَبَدَابَ؟

⁸ سُكَ ذَوْنَ عَڧَسَرْ، كُمَ عَثِكِنْتَ سُكَ غِنَا مَكَ وُرِے مَيْ ڟَرْكِے دُواْمِنْ أَغِرْمَمَ سُونَنْكَ؞

⁹ سُكَ غَسْكَتَ ثٜىٰوَ ‏‹‏مَيْ يِوُوَ وَتَ مَسِيڢَ تَذُواْ مَنَ، كُواْ يَاڧِ، كُواْ حُكُنْثِ، كُواْ بَلَعِ، كُواْ يُنْوَ؞ عِدَنْ وَنَّنْ يَڢَرُ، ذَامُ ذُواْ غَبَنْكَ أَوَنَّنْ غِدَا عِنْدَ عَكٜىٰ غِرْمَمَ سُونَنْكَ، مُيِ كُوكَا ذُوَا غَرٜىٰكَ عَكَنْ وَهَلَرْمُ، كَيْ كُوَ ذَاكَجِے كَأَمْسَ مَنَ؞›‏

¹⁰ ‏«‏يَنْذُ، غَ أَبِنْدَ سُواْجُواْجِنْ أَمُّوانْ دَ نَ مُواْوَبْ دَ نَ عٜىٰدُوامْ سُكٜىٰيِ؞ سُونٜىٰ وَطَنْدَ كَحَنَ یَیَنْ إِسْرَٰٓءِيلَ سُكَيْمُسُ يَاڧِ سَعَدَّ سُكَ ڢِتُواْ دَغَ ڧَسَرْ مَصَرْ؞ دُواْمِنْ حَكَ، سُكَ ذَاغَيَ تَغٜىٰڢٜىٰ، بَسُ هَلَكَاسُبَ؞

¹¹ تُواْ، دُوبِے يَدَّ سُكٜىٰسُواْ سُسَاكَ مَنَ!‏ سُو سُكٜىٰسُواْ سُكُواْرٜىٰمُ دَغَ ڧَسَرْدَ كَبَامُ غَادُواْ؞

¹² يَا اللَّهْ نْمُ، بَذَاكَ حُكُنْتَسُبَ؟ غَمَا بَامُ دَ ڧَرْڢِنْ دَ ذَامُيِ يَاڧِ دَ يَوَنْ سُواْجُواْجِنَّنْ وَطَنْدَ سُكٜىٰ ذُوَا مَنَ دَ يَاڧِ؞ بَمُسَنْ أَبِنْدَ ذَامُيِبَ، دُواْمِنْ حَكَ أَغَرٜىٰكَ مُكٜىٰ ظُبَ عِدُواْ دُواْمِنْ نٜىٰمَنْ تَيْمَكُواْ؞»‏

¹³ دُكَنْ مُتَنٜىٰنْ يَهُودَ سُنَ ڟَيٜىٰ أَغَبَنْ يَهْوٜىٰهْ تَرٜىٰدَ ڧأَنَانً يَارَنْسُ دَ مَاتَنْسُ دَ كُمَ یَیَنْسُ؞

¹⁴ سَعَنً رُوحٌ يَهْوٜىٰهْ يَذُواْ بِسَنْ وَنِ مُتُمْ عَثِكِنْ وَطَنْدَ سُكٜىٰ أَڟَيٜىٰ أَغَبَنْ تَارُوانْ جَمَعَ؞ سُونَنْ مُتُمِنْ يَهَظِيٜىٰلْ نٜىٰ طَنْ زَكَرِيَّا، جِيكَنْ بٜىٰنَيَ، طَنْ يٜىٰيِيٜىٰلْ، طَنْ مَتَّنِيَ دَغَ غِدَنْ أَسَڢْ نَظُرِيَرْ لَوِ؞

¹⁵ سَيْ يَهَظِيٜىٰلْ يَثٜىٰ، ‏«‏كُسَوْرَرَ دُكَنْكُ دَ دُكَنْ مُتَنٜىٰنْ يَهُودَ دَ مَذَوْنَنْ عُرُوشَلِيمَ دَ سَرْكِے يٜىٰهُواْشَڢَتْ؞ غَا أَبِنْدَ يَهْوٜىٰهْ يَڢَطَا مُكُ، ‏‹‏كَدَ كُجِڟُواْرُواْ، كُواْ كُڢِدَّ ذُوثِيَا دُواْمِنْ يَوَنْ سُواْجُواْجِنَّنْ دَ كُكٜىٰ غَنِ؞ غَمَا يَاڧِنْ بَنَكُ بَنٜىٰ، نَ يَهْوٜىٰهْ نٜىٰ؞

¹⁶ غُواْبٜىٰ كُغَنْ‌غَرَ كُيِ يَاڧِ دَسُو؞ ذَاسُ ٻُلُّواْ تَ مَشِغِنْ ظِظْ؞ ذَاكُ سَامٜىٰسُ تَڧَرْشٜىٰنْ ݣُورِنْدَ يَبِے ذُوَا دَاجِنْ يٜىٰرُيٜىٰلْ؞

¹⁷ عَمَّا بَكُونٜىٰ ذَاكُيِ يَاڧِنْ بَ؞ كُو دَيْ كُيِ شِرِنْ يَاڧِنْ كَوَيْ، كُكَڢَ كَنْكُ، كُڟَيَ ثِكْ، كُغَ يَدَّ يَهْوٜىٰهْ ذَيْ يِنَصَرَا دُواْمِنْكُ؞ يَا كُو مُتَنٜىٰنْ يَهُودَ دَ عُرُوشَلِيمَ، كَدَ كُجِڟُواْرُواْ كُواْ كُڢِدَّ ذُوثِيَا، غَمَا يَهْوٜىٰهْ يَنَ تَرٜىٰدَكُو؞ غُواْبٜىٰ كُڢِتَ كُيِ يَاڧِ دَسُو!‏›‏ »‏

¹⁸ سَيْ سَرْكِے يٜىٰهُواْشَڢَتْ يَرُسُنَ دَ ڢُسْكَرْسَ حَرْ ڧَسَا؞ حَكَ مَا دُكَنْ مُتَنٜىٰنْ يَهُودَ دَ مَذَوْنَنْ عُرُوشَلِيمَ سُكَيِ؞ سُكَيِ وَ يَهْوٜىٰهْ سُجَّدَ؞

¹⁹ لَوِيَاوَا دَغَ دَنْ‌غِنْ كُواْهَتْ دَ نَ ڧَارُونَ، سُكَتَاشِ أَڟَيٜىٰ دُواْمِنْ سُيَبِے يَهْوٜىٰهْ اللَّهْ نَ إِسْرَٰٓءِيلَ دَ بَبَّرْ مُرْيَ؞

²⁰ سُواْجُواْجِنْ يَهُودَ سُكَتَاشِ دَ سَسَّڢٜىٰ سُكَ تَڢِے دَاجِنْ تٜىٰكُواْوَ؞ يَايِنْ دَسُكٜىٰ ڢِتَ سَيْ سَرْكِے يٜىٰهُواْشَڢَتْ يَڟَيَ يَثٜىٰ مُسُ ‏«‏كُسَوْرَرَتَ، يَا كُو مُتَنٜىٰنْ يَهُودَ دَ مَذَوْنَنْ عُرُوشَلِيمَ؞ كُغَسْكَتَادَ يَهْوٜىٰهْ اللَّهْ نْكُ، ذَاكُثِ نَصَرَا؞ كُغَسْكَتَادَ أَنَّبَاوَنْسَ، ذَاكُثِ نَصَرَا؞»‏

²¹ سَعَدَّ يَيِ شَوَرَا دَ جَمَعَ، سَيْ يَذَاٻِ مُتَنٜىٰنْ دَ ذَاسُ وُثٜىٰ غَبَنْ سُواْجُواْجِ سُتَادَ وَاڧَرْ يَبُواْ غَ يَهْوٜىٰهْ، سُيَبٜىٰشِ سَبُواْدَ دَرَجَرْ ڟَرْكِنْسَ، سُنَ ثٜىٰوَ ‏«‏كُيِ غُواْدِيَ غَ يَهْوٜىٰهْ، غَمَا ڧَوْنَرْسَ مَرَرْ ثَنْجَاوَا تَهَرْ أَبَدَا ثٜىٰ!‏»‏

²² سَعَدَّ سُكَ ڢَارَ رٜىٰرَ وَاڧُواْڧِنْ يَبُواْ، سَيْ يَهْوٜىٰهْ يَسَا وَ سُواْجُواْجِنْ أَمُّوانْ دَ نَ مُواْوَبْ دَ نَ بَبَّنْ تُدُنْ سٜىٰيِرْ یَنْ ݣُونْتُوانْ ٻَوْنَ، سَيْ سُواْجُواْجِنْ سُكَ ضِكِثِے سُكَ ڢَارَ ڢَطَ دَ جُونَنْسُ؞

²³ سُواْجُواْجِنْ مُواْوَبْ دَ نَ أَمُّوانْ سُكَ حَطُ، سُكَ تَاسَرْ وَ مَذَوْنَنْ بَبَّنْ تُدُنْ سٜىٰيِرْ دُواْمِنْ سُهَلَكَاسُ، سُشَرٜىٰسُ طُنْ‌غُمْ؞ بَايَنْدَ سُكَ ڧَارٜىٰ دَ مَذَوْنَنْ سٜىٰيِرْ، سَيْ سُواْجُواْجِنْ أَمُّوانْ دَ نَ مُواْوَبْ سُكَ جُويَا سُنَ ڢَطَ دَ جُونَنْسُ؞

²⁴ لُواْكَثِنْ دَ سُواْجُواْجِنْ يَهُودَ سُكَ إِسُواْ تُدُ عِنْدَ سُنَ عِيَ غَنِنْ دَاجِ وُرِنْ دَ دُبَّنْ سُواْجُواْجِنَّنْ سُكٜىٰ، سَيْ سُكَغَ غَوَوَّكِنْ مُتَنٜىٰ ݣُونْثٜىٰ بِرْجِكْ!‏ بَابُوَنْدَ يَڟِيرَا دَغَ ثِكِنْ أَبُواْكَنْ غَابَنْ؞

²⁵ دَ سَرْكِے يٜىٰهُواْشَڢَتْ دَ سُواْجُواْجِنْسَ سُكَ إِسَ وُرِنْ دُواْمِنْ سُݣُوشِ كَايَنْ أَبُواْكَنْ غَابَنْسُ، سُكَ سَامِ كَايَ دَيَوَ؞ أَݣَويْ دَبُّواْبِے دَ كَايَ نَأَدُواْ مَاسُ دَرَجَ؞ كَايَنْ كُوَ سُكَيِيَوَ سُواْسَيْ حَرْ سَيْ دَ يَطَوْكٜىٰسُ ݣُونَ عُكُ كَاڢِنْ سُكَ ݣُوشٜىٰ دُكَ؞

²⁶ أَ رَانَ تَهُطُ سُواْجُواْجِنْ يَهُودَ سُكَ تَارُ أَ ݣُورِنْ بٜىٰرَكَ، سُكَ يَبِے يَهْوٜىٰهْ؞ سَبُواْدَ حَكَ عَكٜىٰ كِرَنْ وُرِنْ ݣُورِنْ بٜىٰرَكَ، وَتُواْ ݣُورِنْ أَلْبَرْكَ، هَرْوَيَوْ؞

²⁷ سَيْ دُكَنْ مُتَنٜىٰنْ يَهُودَ دَ نَ عُرُوشَلِيمَ سُكَ كُواْمَ غِدَا؞ سَرْكِے يٜىٰهُواْشَڢَتْ يَوُثٜىٰ غَبَنْسُ سُنَ كُواْمَاوَا ثِكِنْ عُرُوشَلِيمَ دَ ڢَضٍ ثِكِ غَمَا يَهْوٜىٰهْ يَابَاسُ نَصَرَا عَكَنْ أَبُواْكَنْ غَابَنْسُ؞

²⁸ سُكَ شِغُواْ عُرُوشَلِيمَ سُكَ تَڢِے غِدَنْ يَهْوٜىٰهْ سُنَ كَطٜىٰ كَطٜىٰنْ غَرَايَ دَ مُواْلُواْ، سُنَ كُمَ بُوسَ كَكَكِ؞

²⁹ يَايِنْ دَ دُكَنْ سَوْرَنْ أَلْعُمَّنْ دَسُكٜىٰ كٜىٰوَيٜىٰ دَسُو سُكَجِ لَابَرِنْ أَبِنْدَ يَهْوٜىٰهْ يَيِ وَ أَبُواْكَنْ غَابَنْ إِسْرَٰٓءِيلَاوَا، سَيْ ڟُواْرُوانْ اللَّهْ يَكَامَسُ؞

³⁰ سَبُواْدَ حَكَ مُلْكٍ يٜىٰهُواْشَڢَتْ يَكَسَنْثٜىٰ دَ سَلَمَ بَابُ يَاڧِ؞ غَمَا اللَّهْ يَبَاشِ ذَمَنْ لَاڢِيَ دَ ڧَسَاشٜىٰنْ دَسُكٜىٰ كٜىٰوَيٜىٰ دَشِ؞

ڧَرْشٜىٰنْ مُلْكٍ يٜىٰهُواْشَڢَتْ

³¹ يٜىٰهُواْشَڢَتْ يَيِ مُلْكٍ يَهُودَ؞ يَنَ دَ شٜىٰكَرَا تَلَاتِنْ دَ بِيَرْ سَعَدَّ يَڢَارَ مُلْكِ؞ يَيِ مُلْكِ أَ عُرُوشَلِيمَ شٜىٰكَرَا عَشِرِنْ دَ بِيَرْ؞ سُونَنْ مَامَرْسَ أَظُبَ یَرْ شِلْهِ؞

³² يَيِ تَڢِيَ أَ حَنْيَ مَيْݣَوْ كَمَرْ بَابَنْسَ أَسَ، بَيْ كَوْثٜىٰبَ؞ يَيِ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ؞

³³ دُكْدَهَكَ وُرَارٜىٰنْ سُجَّدَ دَ بَسُ دَاثٜىٰبَ، بَيْ رُشٜىٰسُبَ، كُمَ مُتَنٜىٰنْ يَهُودَ بَسُ كُمَ كَڢَ ظُكَاتَنْسُ غَ اللَّهْ نَكَاكَنِّنْسُبَ؞

³⁴ سَوْرَنْ أَيُّكَنْ يٜىٰهُواْشَڢَتْ دَغَ ڢَرْكُواْ حَرْ ڧَرْشٜىٰ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ يٜىٰهُو طَنْ هَنَنِ؞ سُنَ كُمَ أَرُبُوثٜىٰ ثِكِنْ لِتَّڢِنْ تَارِيحِنْ سَرَاكُنَنْ إِسْرَٰٓءِيلَ؞

³⁵ بَايَنْ وَنَّنْ سَيْ سَرْكِے يٜىٰهُواْشَڢَتْ نَ يَهُودَ يَيِ أَبُواْكَنْتَكَ دَ سَرْكِے أَهَظِيَ نَ إِسْرَٰٓءِيلَ؞ تَهَكَ يَعَيْكَتَ مُغُنْتَا؞

³⁶ يَهَطَ حَنُّ دَ أَهَظِيَ سُكَ غِنَا جِضَاغٜىٰنْ ضُوَ دُواْمِنْ ذُوَا تَرْشِشْ؞ عَتَشَرْ جِضْغِ تَ عٜىٰظِيُوانْ‌غٜىٰبٜىٰرْ سُكَ غِنَا جِضَاغٜىٰنْ ضُوً؞

³⁷ سَيْ عٜىٰلِيٜىٰظٜىٰرْ طَنْ دُواْدَوَهُ دَغَ مَرٜىٰشَ يَڟَاوَتَاوَ يٜىٰهُواْشَڢَتْ يَثٜىٰ ‏«‏دَيَكٜىٰ كَيِ أَبُواْكَنْتَكَ دَ أَهَظِيَ، يَهْوٜىٰهْ ذَيْ رُشٜىٰ دُكَنْ أَبِنْدَ كَغِنَ؞»‏ سَبُواْدَ حَكَ جِضَاغٜىٰنْ ضُوً سُكَ ڢَرْڢَشٜىٰ بَسُ عِيَ تَڢِيَبَ كُمَ؞