2 تَارِيحِ 2 - أَتَّوْرَتْ دَ أَنَّبَاوَا

سُلَيْمَٰنُ يَيِ شِرِنْ غِنِنْ هَيْكَلِ

¹ سُلَيْمَٰنُ كُوَ يَيِ نِيَّ يَغِنَ غِدَا دُواْمِنْ أَغِرْمَمَ سُونَنْ يَهْوٜىٰهْ، يَكُمَ غِنَاوَا كَنْسَ غِدَنْ سَرْكِے؞

² يَذَاٻِ مُتَنٜىٰ دُبُو سَبَعِنْ مَاسُ ݣُوشٜىٰ كَايَ دَ دُبُو تَمَٰنِنْ مَاسُ سَسَّڧَ دُوَڟُو دَغَ تُدَّيْ دَ مُتَنٜىٰ دُبُو عُكُ دَ طَرِے شِدَ كُمَ سُلُورَ دَ مَعَيْكَتَنْ؞

³ سَيْ سُلَيْمَٰنُ يَعَيْكَ دَ سَڧُواْ ذُوَاغَ سَرْكِے حِرَمْ نَيَنْكِنْ تَيَ يَثٜىٰ، ‏«‏نَا سَنِ أَدَا كَا عَيْكَ وَبَابَنَ دَاوُدَ عِتَتُوَنْ سٜىٰدَ دُواْمِنْ يَغِنَ غِدَنْ سَرْكِے دُواْمِنْ يَذَوْنَ عَثِكِ؞ يَنْذُ، نِے مَا، إِنَ سُواْ كَيِمِنِ حَكَ؞

⁴ غَاشِ، إِنَ سُواْ إِنْ غِنَا غِدَا دُواْمِنْ أَغِرْمَمَ سُونَنْ يَهْوٜىٰهْ اللَّهْ نَا؞ ذَنْ كٜىٰٻٜىٰ غِدَنْ دُواْمِنْ عَڧُواْنَ تُرَارٜىٰ أَغَبَنْسَ، دُواْمِنْ كُمَ عَ أَجِيٜىٰ غُرَاسَرْ دَ عَكَ كٜىٰٻٜىٰ كُلُّمْ، دُواْمِنْ كُمَ أَ مِيڧَ هَدَايُ نَڧُواْنَاوَا كُواْوَثٜىٰ سَاڢِيَ دَ يَمَّ دَ نَرَانَكُنْ هُوتُ تَمَكُواْ دَ نَبُكُكُوَنْ سَابُوانْ وَتَ دَ نَسَوْرَنْ بُكُكُوَنْ دَ يَهْوٜىٰهْ اللَّهْ نْمُ يَعُمَرْتَ؞ وَنَّنْ ڧَٰعِدَ ثٜىٰ تَدِنْدِنْدِنْ دُواْمِنْ جَمَعَرْ إِسْرَٰٓءِيلَ؞

⁵ ‏«‏غِدَنْ دَ ذَنْ غِنَا مَيْغِرْمَ نٜىٰ، غَمَا اللَّهْ نْمُ مَيْغِرْمَ نٜىٰ ڢِيٜىٰدَ سَوْرَنْ أَلُّواْلِ؞

⁶ عَمَّا كُمَ وَ يَ إِسَ يَغِنَ مَسَ غِدَا؟ أَيْ، سَمَ دَ سَمَنْ سَمَّيْ، بَسُ إِشٜىٰشِيبَ!‏ وَنٜىٰنٜىٰنِے حَرْ دَ ذَنْعِيَ غِنَا مَسَ غِدَا؟ أَعَ، سَيْدَيْ كُواْ إِنْ غِنَا غِدَنْ دَ ذَاعَ ڧُواْنَ تُرَارٜىٰ أَغَبَنْسَ؞

⁷ ‏«‏دُواْمِنْ حَكَ، بَرِ كَعَيْكَ مِنِ دَ مُتُمْ وَنْدَ يَ عِيَ عَيْكِ دَ ظِينَارِيَ دَ أَظُرْڢَا دَ ڧَرْڢٜىٰنْ تَغُلَّ دَ بَڧِنْ ڧَرْڢٜىٰ دَ كُمَ ظَرٜىٰنْ سَاڧَ مَيْ كَلَرْ جَرْ غَرُورَا دَ مَيْ كَلَرْ جَا دَ مَيْ كَلَرْ ضُوً بُلَ، وَنْدَ يَكُمَ عِيَ ذَانِ ذَانِ عَكَنْ كَتَكُواْ دَ ڧَرْڢٜىٰ؞ إِنَ سُواْ يَكَسَنْثٜىٰ دَ مُتَنٜىٰنَ مَاسُ عِيَوَرْ عَيْكِنْ حَنُّ أَ يَهُودَ دَ عُرُوشَلِيمَ، وَتُواْ سُو وَطَنْدَ بَابَنَ دَاوُدَ يَذَاٻَا مِنِ؞

⁸ ‏«‏كَكُمَ عَيْكُواْ مِنِ دَ كَتَكَيْ دَغَ عِتَتُوَنْ سٜىٰدَ دَ نَڢِرْ دَ نَأَلْغُمْ دَغَ لٜىٰبَنُوانْ، غَمَا نَا سَنْ ثٜىٰوَ مَعَيْكَتَنْكَ سُنْ عِيَ يَنْكَ كَتَكُواْ أَوُرِنْ؞ إِنَ سُواْ مَعَيْكَتَنَ سُهَطَ حَنُّ دَ نَاكَ،

⁹ دُواْمِنْ دُكَنْسُ سُشِرْيَ مِنِ كَتَكَيْ دَيَوَ، غَمَا غِدَنْ دَ نَكٜىٰسُواْ إِنْ غِنَا ذَيْ يِغِرْمَ سُواْسَيْ، مَيْ بَنْ مَامَاكِ كُمَ؞

¹⁰ ذَنْ بِيَ مَعَيْكَتَنْكَ مَاسُ يَنْكَ كَتَكَيْ أَلْبَشِ نَتُوانْ دُبُو بِيُ نَأَلْكَمَ دَ تُوانْ دُبُو بِيُ نَهَڟِنْ بَلٜىٰ دَ لِتَ دُبُو طَرِے حُطُ نَضُوً إِنَبِے دَ دُبُو طَرِے حُطُ نَمَنْ ظَيْتُنْ؞»‏

¹¹ سَيْ سَرْكِے حِرَمْ نَ تَيَ يَعَيْكَ وَ سُلَيْمَٰنُ دَ أَمْسَ أَوَسِيڧَ، يَثٜىٰ، ‏«‏سَبُواْدَ يَهْوٜىٰهْ يَنَ ڧَوْنَرْ مُتَنٜىٰنْسَ، يَنَطَكَ سَرْكِنْسُ؞

¹² أَلْبَرْكَ تَا تَبَّتَا غَ يَهْوٜىٰهْ اللَّهْ نَ إِسْرَٰٓءِيلَ وَنْدَ يَيِ سَمَ دَ دُونِيَا!‏ يَكُمَ بَا دَاوُدَ طَا مَيْ حِكِمَ، مَيْ حَنْكَلِ، مَيْ غَانٜىٰوَ، وَنْدَ ذَيْ غِنَاوَا يَهْوٜىٰهْ غِدَا، يَكُمَ غِنَاوَا كَنْسَ غِدَنْ سَرْكِے؞

¹³ ‏«‏ذَنْ عَيْكَ مَكَ دَ هُرَمْ، مُتُمِنْدَ يَ عِيَيِنْ عَيْكِنْ حَنُّ سُواْسَيْ؞

¹⁴ مَامَرْسَ دَغَ ذُرِيَرْ دَنْ ثٜىٰ، عَمَّا بَابَنْسَ مُتُمِنْ تَيَ نٜىٰ؞ يَ عِيَ عَيْكِ سُواْسَيْ دَ ظِينَارِيَ دَ أَظُرْڢَا دَ ڧَرْڢٜىٰنْ تَغُلَّ دَ بَڧِنْ ڧَرْڢٜىٰ دَ دُوَڟُو دَ كَتَكَيْ؞ يَكُمَ عِيَ عَيْكِ دَ ظَرٜىٰنْ سَاڧَ مَيْ كَلَرْ جَرْ غَرُورَا دَ مَيْ كَلَرْ ضُوً بُلَ دَ مَيْ كَلَرْ جَا دَ كُمَ لِيلِنْ مَيْݣَوْ؞ يَ عِيَ كُواْوَنٜىٰ إِرِنْ عَيْكِنْ ذَانِ ذَانِ، كُمَ كُواْوَنٜىٰ إِرِنْ دَبَرَرْ ذَانِنْ دَ ذَاكَ بَاشِ، ذَيْ عِيَيِ؞ ذَيْ يِ عَيْكِ تَرٜىٰدَ مُتَنٜىٰنْكَ مَاسُ عِيَوَرْ عَيْكِنْ حَنُّ دَ وَطَنْدَ سُكَيِ عَيْكِ دُواْمِنْ بَابَنْكَ مَيْغِرْمَ دَاوُدَ؞

¹⁵ ‏«‏تُواْ، يَنْذُ، يَا مَيْغِرْمَ، سَيْ كَعَيْكَ دَ أَلْكَمَ دَ حَڟِنْ بَلٜىٰ دَ مَيْ دَ ضُوً إِنَبِنَّنْ يَدَّ كَيِ أَلْڧَوَرِ؞

¹⁶ مُو كُوَ ذَامُ يَنْكَ دُكَنْ كَتَكَيْ دَغَ لٜىٰبَنُوانْ وَطَنْدَ كَكٜىٰ بُڧَاتَ؞ ذَامُ غَنْ‌غَرُواْ دَسُو ذُوَا بَاكِنْ تٜىٰكُ؞ ذَامُ طَطَّوْرٜىٰسُ سُبِے ضُوً تٜىٰكُ ذُوَا يُواْڢَّ، دُواْمِنْ كَݣُوشٜىٰسُ ذُوَا عُرُوشَلِيمَ؞»‏

¹⁷ سُلَيْمَٰنُ يَڧِرْغَ دُكَنْ مُتَنٜىٰنْ دَ بَا يَهُودَاوَا بَعَ إِسْرَٰٓءِيلَ، كَمَرْ يَدَّ بَابَنْسَ دَاوُدَ يَيِ؞ يَسَامِ يَوَنْسُ دُبُو طَرِے دَ دُبُو حَمْسِنْ دَ عُكُ دَ طَرِے شِدَ؞

¹⁸ سَيْ يَسَا دُبُو سَبَعِنْ ثِكِنْسُ سُكَ ذَمَ مَاسُ ݣُوشٜىٰ كَايَ، دُبُو تَمَٰنِنْ كُمَ مَاسُ سَسَّڧَ دُوَڟُو عَتُدَّيْ، سَعَنً دُبُو عُكُ دَ طَرِے شِدَ سُذَمَ مَاسُ لُورَ دَ سَوْرَنْ مَعَيْكَتَنْ؞