2 تَارِيحِ 19 - أَتَّوْرَتْ دَ أَنَّبَاوَا

أَنَّبِے يٜىٰهُو يَڟَاوَتَاوَ يٜىٰهُواْشَڢَتْ

¹ سَيْ سَرْكِے يٜىٰهُواْشَڢَتْ نَ يَهُودَ يَكُواْمَ غِدَنْسَ أَ عُرُوشَلِيمَ لَاڢِيَ؞

² سَيْ يٜىٰهُو مَيْ غَنِ، طَنْ هَنَنِ، يَڢِتَ دُواْمِنْ يَتَرْيٜىٰشِ، يَكُمَثٜىٰ وَ سَرْكِے يٜىٰهُواْشَڢَتْ، ‏«‏دَيْدَيْ نٜىٰ كَتَيْمَكِ مُوغَيٜىٰ، كَكُمَيِ أَبُواْكَنْتَكَ دَ وَطَنْدَ سُكٜىٰ ڧِنْ يَهْوٜىٰهْ؟ دَيَكٜىٰ كَيِ حَكَ، ڢُشِنْ يَهْوٜىٰهْ يَنَ عَكَنْكَ؞

³ دُكْدَهَكَ، أَنْسَامِ وَنِ أَبُ مَيْݣَوْ عَثِكِنْكَ، سَبُواْدَ كَا هَلَّكَ غُمَكَنْ أَشٜىٰرَ دَغَ كُواْعِنَ عَڧَسَرْ، كُمَ كَا سَا ذُوثِيَارْكَ غَ نٜىٰمَنْ اللَّهْ؞»‏

يٜىٰهُواْشَڢَتْ يَكَٰوُاْ ڠَرٜىٰ ڠَرٜىٰ

⁴ يٜىٰهُواْشَڢَتْ يَذَوْنَ أَ عُرُوشَلِيمَ؞ عَمَّا يَدِنْ‌غَ ڢِتُواْوَ ذُوَا وُرِنْ جَمَعَرْسَ، تُنْدَغَ غَرِنْ بٜىٰيٜىٰرْشٜىٰبَ حَرْ ذُوَا يَنْكِنْ تُدَّنْ إِڢْرَيِمْ، دُواْمِنْ يَكُواْمَرْ دَسُو غَ يَهْوٜىٰهْ اللَّهْ نَكَاكَنِّنْسُ؞

⁵ يَكُمَ نَنَّطَ مَاسُ شَرِيعَ أَدُكَنْ ڧَسَرْ عَكُواْوَنٜىٰ بِرْنِ مَيْ كَتَنْ‌غَ نَ يَهُودَ؞

⁶ يٜىٰهُواْشَڢَتْ يَثٜىٰ وَمَاسُ شَرِيعَ ‏«‏كُلُورَ سُواْسَيْ دَ أَبِنْدَ ذَاكُيِ؞ غَمَا شَرِيعَرْ دَ كُكٜىٰيِ بَتَمُتُمْ بَثٜىٰ، عَمَّا تَ يَهْوٜىٰهْ ثٜىٰ؞ يَنَ تَرٜىٰدَكُو سَعَدَّ كُكٜىٰ يَنْكَ شَرِيعَ؞

⁷ بَرِ ڢَا ڟُواْرُوانْ يَهْوٜىٰهْ يَكَسَنْثٜىٰ دَكُو؞ كُيِ لُورَ سُواْسَيْ ثِكِنْ شَرِيعَرْكُ، غَمَا أَوُرِنْ يَهْوٜىٰهْ اللَّهْ نْمُ بَابُ رَشِنْ غَسْكِيَ، كُواْ نُونَ بَمْبَنْثِ، كُواْ ثِنْهَنْثِ؞»‏

⁸ عَبِرْنِنْ عُرُوشَلِيمَ كُوَ، يٜىٰهُواْشَڢَتْ يَنَطَ وَطَنْسُ لَوِيَاوَا دَ ڢِرِسْتُواْثِے دَ شُوغَبَنِّنْ ذُرِيَرْ إِسْرَٰٓءِيلَ، سُذَمَ مَاسُ شَرِيعَ بِسَغَ كُواْيَرْوَرْ يَهْوٜىٰهْ، سُكُمَ ذَمَ مَاسُ شِرْيَ ڟَكَانِنْ مُتَنٜىٰ؞ أَ عُرُوشَلِيمَ نٜىٰ ذَاسُ ذَوْنَ؞

⁹ يَ عُمَرْثٜىٰسُ يَثٜىٰ، ‏«‏كُيِ عَيْكِنْكُ دَ أَمِنْثِ دَ ڟُواْرُوانْ يَهْوٜىٰهْ دَ دُكَنْ ذُوثِيَارْكُ؞

¹⁰ مُتَنٜىٰنْ يَهُودَ ذَاسُ كَٰوُاْ مُكُ دَامُوَ إِرِ إِرِ دَغَ جَمَعَرْكُ وَطَنْدَ سُكٜىٰ ذَمَ أَوَطَنْسُ بِرَنٜىٰنْ ڧَسَرْ؞ مَيْ يِوُوَ دَامُوَرْ غَمٜىٰدَ ذَنْثٜىٰنْ ظُبْدَ جِنِ نٜىٰ، كُواْ كَرْيَ كُواْيَرْوَرْ مُوسَٰى، كُواْ عُمَرْنَيْ، كُواْ ڧَٰعِدُواْدِ، كُواْ دُواْكُواْكِ؞ دُكْ سَعَدَّ سُكَ كَٰوُاْ دَامُوَرْ، كُجَا مُسُ كُنّٜىٰ كَدَ سُجَٰوُاْ وَكَنْسُ لَيْڢِے أَغَبَنْ يَهْوٜىٰهْ؞ عِدَنْ بَهَكَبَ، ڢُشِنْ يَهْوٜىٰهْ ذَيْذُواْ عَكَنْكُ دَ یَنْعُوَنْكُ؞ عِدَنْ كُنْيِ بِيَيَّ دَ وَنَّنْ، بَذَاكُ جَٰوُاْ وَكَنْكُ لَيْڢِے بَ؞

¹¹ ‏«‏غَاشِ، أَمَرِيَ بَبَّنْ ڢِرِسْتِنٜىٰ ذَيْ شُوغَبَنْثٜىٰكُ عَكَنْ دُكْ أَبِنْدَ يَشَاڢِ ذَنْثٜىٰنْ يَهْوٜىٰهْ؞ ظٜىٰبَدِيَ طَنْ إِسْمَٰعِيلُ، شُوغَبَنْ غِدَنْ يَهُودَ نٜىٰ ذَيْ شُوغَبَنْثٜىٰكُ عَكَنْ دُكْ أَبِنْدَ يَشَاڢِ ذَنْثٜىٰنْ مُلْكِ؞ لَوِيَاوَا ذَاسُ ذَمَ مَاسُ تَيْمَكُوانْكُ نَمُسَمَّنْ؞ كُيِ ڧَرْڢِنْ حَلِ ثِكِنْ حِدِمَرْكُ؞ بَرِ يَهْوٜىٰهْ يَكَسَنْثٜىٰ تَرٜىٰدَ وَطَنْدَ سُكٜىٰ عَيْكَتَ أَبِنْدَ يَكٜىٰ دَيْدَيْ؞»‏