2 تَارِيحِ 18 - أَتَّوْرَتْ دَ أَنَّبَاوَا

أَنَّبِے مِكَيَ يَغَرْغَطِ أَهَبْ

¹ سَرْكِے يٜىٰهُواْشَڢَتْ نَ يَهُودَ كُوَ يَنَدَ دُوكِيَ سُواْسَيْ، أَنَ كُمَ غِرْمَمَ شِ دَيَوَ؞ يَكُمَ طَوْرَ أَبُواْكَنْتَكَ دَ سَرْكِے أَهَبْ نَ إِسْرَٰٓءِيلَ تَوُرِنْ سَا طَنْسَ يَ عَوْرِ یَرْ أَهَبْ؞

² بَايَنْ یَنْ شٜىٰكَرُ، سَيْ يٜىٰهُواْشَڢَتْ يَغَنْ‌غَرَ ذُوَا سَمَرِيَ عَ إِسْرَٰٓءِيلَ دُواْمِنْ يَظِيَرْثِ سَرْكِے أَهَبْ؞ سَيْ أَهَبْ يَيِ بِكِ يَيَيَّنْكَ تُمَكِ دَ بِجِمَيْ دَيَوَ دُواْمِنْ يَغِرْمَمَ يٜىٰهُواْشَڢَتْ دَ مُتَنٜىٰنْسَ؞ سَيْ أَهَبْ يَلَلَّشِ يٜىٰهُواْشَڢَتْ يَهَطَكَيْ دَشِ دُواْمِنْ سُكَيْوَ رَمُواتْ غِلٜىٰيَدْ يَاڧِ؞

³ سَيْ سَرْكِے أَهَبْ نَ إِسْرَٰٓءِيلَ يَثٜىٰ وَ سَرْكِے يٜىٰهُواْشَڢَتْ نَ يَهُودَ ‏«‏كُواْ ذَاكَ تَڢِے تَرٜىٰدَنِ مُيَاڧِ رَمُواتْ غِلٜىٰيَدْ؟»‏ سَيْ يٜىٰهُواْشَڢَتْ يَأَمْسَ ‏«‏إِنَ أَشِرْيٜىٰ مُتَڢِے؞ أَيْ، سُواْجُواْجِنَ، سُواْجُواْجِنْكَ نٜىٰ؞ ذَامُ تَڢِے يَاڧِ تَرٜىٰدَكَيْ؞»‏

⁴ عَمَّا يٜىٰهُواْشَڢَتْ يَكُمَ ثٜىٰ وَسَرْكِنْ إِسْرَٰٓءِيلَ ‏«‏مُنٜىٰمِ نُڢِنْ يَهْوٜىٰهْ تُكُنَ؞»‏

⁵ سَيْ سَرْكِے أَهَبْ نَ إِسْرَٰٓءِيلَ يَتَتَّارَ أَنَّبَاوَا مُتُمْ طَرِے حُطُ يَتَمْبَيٜىٰسُ يَثٜىٰ ‏«‏مُتَڢِے مُڢَاطَوَ رَمُواتْ غِلٜىٰيَدْ دَ يَاڧِ، كُواْ مُبَرِ؟»‏ سَيْ سُكَ أَمْسَ دُكَنْسُ سُكَثٜىٰ ‏«‏رَنْكَيَدَطٜىٰ، سَرْكِے!‏ كَتَڢِے، غَمَا اللَّهْ ذَيْبَادَسُو أَ حَنُّنْكَ!‏»‏

⁶ عَمَّا سَرْكِے يٜىٰهُواْشَڢَتْ يَسَاكٜىٰ ثٜىٰوَ ‏«‏بَابُوَنِ أَنَّبِنْ يَهْوٜىٰهْ وَنْدَ ذَامُ سَاكٜىٰ تَمْبَيَرْسَ؟»‏

⁷ سَرْكِے أَهَبْ نَ إِسْرَٰٓءِيلَ يَأَمْسَ يَثٜىٰ ‏«‏أَݣَويْ وَنْدَ ذَامُ عِيَ نٜىٰمَنْ نُڢِنْ يَهْوٜىٰهْ دَغَ غَرٜىٰشِ، سُونَنْسَ مِكَيَ طَنْ إِمْلَ؞ عَمَّا ڢَا نَڧِ جِنِنْسَ دُواْمِنْ بَايَ أَنَّبْثِ مَيْݣَوْ عَكَيْنَ، سَيْدَيْ مَسِيڢَ؞»‏ يٜىٰهُواْشَڢَتْ يَثٜىٰ ‏«‏أَعَ، سَرْكِے، كَدَ كَيِ مَغَنَ حَكَ!‏»‏

⁸ سَيْ سَرْكِے أَهَبْ نَ إِسْرَٰٓءِيلَ يَكِرَا وَنِ دَغَ ثِكِنْ دَتَّاوَنْسَ يَثٜىٰ ‏«‏كَيِمَظَا كَكَٰوُاْ مِكَيَ طَنْ إِمْلَ أَنَنْ؞»‏

⁹ سَيْ سَرْكِے أَهَبْ نَ إِسْرَٰٓءِيلَ دَ سَرْكِے يٜىٰهُواْشَڢَتْ نَ يَهُودَ سُكَسَا رِيغُنَنْسُ نَسَرَاكُنَ، سُكَ ذَوْنَ عَكَنْ كُجٜىٰرُنْ مُلْكِ كُسَدَ وُرِنْ بُغُنْ حَڟِ نَبَاكِنْ ڧُواْڢَرْ بِرْنِنْ سَمَرِيَ؞ دُكَنْ أَنَّبَاوَنْ ڧَسَرْ سُكَيِ تَأَنَّبْثِ أَغَبَنْسُ؞

¹⁰ طَيَ دَغَ ثِكِنْسُ، وَتُواْ صَدِڧِيَ طَنْ كٜىٰنَعَنَ، يَيِ ڧَهُواْنِنْ بَڧِنْ ڧَرْڢٜىٰ، يَثٜىٰ ‏«‏إِنْجِ يَهْوٜىٰهْ، ‏‹‏دَ وَطَنَّنْ ڧَهُواْنِ ذَاكَ تُورَ سُرِيَاوَا حَرْ سُهَلَّكَ؞›‏ »‏

¹¹ دُكَنْ أَنَّبَاوَنْ سُكَيِ تَأَنَّبْثِ إِرِ طَيَ سُنَ ثٜىٰوَ ‏«‏غَسْكِيَانٜىٰ كَهَوْرَ ذُوَا رَمُواتْ غِلٜىٰيَدْ كَيِ نَصَرَا!‏ يَهْوٜىٰهْ ذَيْ بَاشٜىٰسُ أَ حَنُّنْكَ؞»‏

¹² طَنْ عَيْكَ وَنْدَ يَتَڢِے كِرَنْ مِكَيَ يَثٜىٰمَسَ ‏«‏دُكَنْ سَوْرَنْ أَنَّبَاوَا سُنْيِ وَسَرْكِے أَنَّبْثِنْ نَصَرَا؞ سَيْ كَيْ مَا كَيِ حَكَ، كَيِ مَغَنَرْ دَ ذَاتَ غَمْشِ سَرْكِے؞»‏

¹³ عَمَّا مِكَيَ يَأَمْسَ يَثٜىٰ ‏«‏نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، ذَنْ ڢَطِ أَبِنْدَ اللَّهْ يَثٜىٰ إِنْ ڢَطَا كَطَيْ؞»‏

¹⁴ سَعَدَّ يَذُواْ غَبَنْ سَرْكِے أَهَبْ، سَيْ سَرْكِے يَثٜىٰمَسَ ‏«‏مِكَيَ، مُتَڢِے مُڢَاطَوَ رَمُواتْ غِلٜىٰيَدْ دَ يَاڧِ، كُواْ إِنْبَرِ؟»‏ مِكَيَ يَأَمْسَ يَثٜىٰ ‏«‏غَسْكِيَ نٜىٰ، ڢَاطَ مُسُ دَ يَاڧِ، أَيْ ذَاكَثِ نَصَرَا، ذَاعَ بَاشٜىٰسُ أَ حَنُّنْكَ؞»‏

¹⁵ عَمَّا سَرْكِے يَثٜىٰ مَسَ ‏«‏حَبَ!‏ حَرْ يَوْشٜىٰ ذَنْ عُمَرْثٜىٰكَ كَدَ كَڢَطَا مِنِ كُواْمٜىٰ، سَيْ غَسْكِيَ دَ سُونَنْ يَهْوٜىٰهْ؞»‏

¹⁶ سَيْ مِكَيَ يَأَمْسَ ‏«‏نَغَ دُكَنْ إِسْرَٰٓءِيلَ أَوَرْوَڟٜىٰ عَكَنْ تُدَّيْ كَمَرْ تُمَكِنْ دَ بَاسُدَ مَكِيَايِ؞ سَيْ يَهْوٜىٰهْ يَثٜىٰ، ‏‹‏وَطَنَّنْ بَاسُدَ شُوغَبَا، بَرِ كُواْوَ يَكُواْمَ غِدَنْسَ لَاڢِيَ؞›‏ »‏

¹⁷ سَيْ سَرْكِنْ إِسْرَٰٓءِيلَ يَثٜىٰ وَ يٜىٰهُواْشَڢَتْ ‏«‏غَاشِ، بَنْ ڢَطَا مَكَبَ؟ وَنَّنْ بَذَيْ يِ أَنَّبْثِ مَيْݣَوْ عَكَيْنَبَ، سَيْدَيْ مَسِيڢَ!‏»‏

¹⁸ مِكَيَ يَثٜىٰ ‏«‏يَنْذُ، جِ مَغَنَرْ يَهْوٜىٰهْ؞ نَغَ يَهْوٜىٰهْ يَنَ ظَوْنٜىٰ عَكَنْ كُجٜىٰرَرْ مُلْكِنْسَ دَ دُكَنْ تَارُوانْ حَلِتُّنْ سَمَ سُنَ ڟَيٜىٰ أَ حَنُّنْ دَامَنْسَ دَ نَهَغُنْسَ؞

¹⁹ سَيْ يَهْوٜىٰهْ يَثٜىٰ، ‏‹‏وَنٜىٰنٜىٰ ذَيْ تَڢِے يَلَلَّشِ أَهَبْ يَهَوْرَ يِنْ يَاڧِ دُواْمِنْ يَمُتُ عَبِرْنِنْ رَمُواتْ غِلٜىٰيَدْ؟›‏ ‏«‏عَكَيِ تَكَٰوُاْ شَوَرَا إِرِ إِرِ؞

²⁰ عَڧَرْشٜىٰ سَيْ وَنِ رُوحُ يَڢِتُواْ يَڟَيَ أَغَبَنْ يَهْوٜىٰهْ يَثٜىٰ ‏‹‏ذَنْ لَلَّشٜىٰشِ؞›‏ ‏«‏يَهْوٜىٰهْ يَأَمْسَ مَسَ يَثٜىٰ، ‏‹‏تَيَيَا ذَاكَ عِيَ؟›‏

²¹ ‏«‏رُوحٌ يَثٜىٰ مَسَ، ‏‹‏ذَنْ تَڢِے إِنْ ذَمَ رُوحٌ ڧَضْيَا عَبَاكِنْ دُكَنْ أَنَّبَاوَنْسَ؞›‏ ‏«‏يَهْوٜىٰهْ يَا ثٜىٰ، ‏‹‏تُواْ، ذَاكَ لَلَّشٜىٰشِ، كَتَڢِے كَيِ حَكَنَنْ؞›‏ »‏

²² مِكَيَ يَثٜىٰ ‏«‏دُواْمِنْ حَكَ يَهْوٜىٰهْ يَسَا وَ أَنَّبَاوَنْكَ رُوحٌ ڧَضْيَا عَبَاكِنْسُ دُواْمِنْ يَهْوٜىٰهْ يَا رِغَا يَا ڢَطَا شِرِنْسَ نَمَسِيڢَ دُواْمِنْكَ؞»‏

²³ سَيْ صَدِڧِيَ طَنْ كٜىٰنَعَنَ يَتَاشِ يَمَرِ مِكَيَ عَكُمَتُ يَثٜىٰ ‏«‏تَوَثٜىٰ حَنْيَ رُوحٌ يَهْوٜىٰهْ يَبِے سَعَدَّ يَبَرْ نِے دُواْمِنْ يَيِ مَغَنَ دَكَيْ؟»‏

²⁴ مِكَيَ يَأَمْسَ يَثٜىٰ ‏«‏ذَاكَ سَنِ أَ رَانَرْ دَ ذَاكَ غُدُ كَٻُيَ عَثِكِ ثِكِنْ طَاكِ؞»‏

²⁵ سَعَنً سَرْكِے أَهَبْ يَعُمَرْتَ عَكَامَ مِكَيَ عَكَيْشِ وُرِنْ أَمُوانْ شُوغَبَنْ بِرْنِنْ دَ كُمَ وُرِنْ يُواْوَشْ طَنْ سَرْكِے؞

²⁶ أَ ڢَطَا مُسُ ثٜىٰوَ سُسَا مِكَيَ عَكُرْكُكُ سُدِنْ‌غَ بَاشِ ضُوَ ظَلَّ دَ طَنْ غُرَاسَ حَرْ سَيْ يَدَاوُاْ لَاڢِيَ دَغَ يَاڧِنْ؞

²⁷ سَيْ مِكَيَ يَثٜىٰ ‏«‏عِدَنْ حَرْ كَدَاوُاْ لَاڢِيَ، تُواْ، بَ يَهْوٜىٰهْ نٜىٰ يَيِ مَغَنَ تَوُرِينَبَ كٜىٰنَنْ؞»‏ سَيْ يَڧَارَ دَ ثٜىٰوَ ‏«‏يَا كُو مُتَنٜىٰ، إِنَ سُواْ كُلُورَ دَ مَغَنَاتَ!‏»‏

أَنْكَشٜىٰ أَهَبْ أَ رَمُواتْ غِلٜىٰيَدْ

²⁸ سَيْ سَرْكِے أَهَبْ نَ إِسْرَٰٓءِيلَ دَ سَرْكِے يٜىٰهُواْشَڢَتْ نَ يَهُودَ سُكَ تَڢِے رَمُواتْ غِلٜىٰيَدْ؞

²⁹ سَيْ سَرْكِے أَهَبْ يَثٜىٰوَ يٜىٰهُواْشَڢَتْ ‏«‏ذَنْ ثَنْجَ كَمَنِّنَ إِنْ شِغَ ڢِيلِنْ يَاڧِ، عَمَّا كَيْ كَسَا رِيغُنَنْكَ نَسَرْكِے؞»‏ سَعَنً سَرْكِے أَهَبْ نَ إِسْرَٰٓءِيلَ يَثَنْجَ كَمَنِّنْسَ يَشِغَ ثِكِنْ يَاڧِنْ؞

³⁰ دَا مَا سَرْكِنْ سُورِيَ يَبَادَ دُواْكَا غَ شُوغَبَنِّنْ سُواْجُواْجِنْسَ مَاسُ هَوَنْ كٜىٰكُنَنْ دُواْكِ ثٜىٰوَ كَدَ سُيِ يَاڧِ دَ كُواْوَ، كُواْ شِ بَبَّنٜىٰ كُواْ ڧَرَمِ، سَيْدَيْ سَرْكِنْ إِسْرَٰٓءِيلَ كَطَيْ؞

³¹ سَعَدَّ شُوغَبَنِّنْ سُواْجُواْجِنْ كٜىٰكُنَنْ دُواْكِ سُكَ جُويَا سُكَ حَنْ‌غِ يٜىٰهُواْشَڢَتْ دَ رِيغُنَنْسَ نَسَرْكِے، سَيْ سُكَ طَوْكَ أَهَبْ نٜىٰ؞ سُكَ جُويَا ذَاسُ ڢَاطَ مَسَ دَ يَاڧِ، سَيْ يَيِ إِيهُ يَغُدُ، يَهْوٜىٰهْ كُوَ يَتَيْمَكٜىٰشِ؞ اللَّهْ يَجَنْيٜىٰسُ دَغَ غَرٜىٰشِ؞

³² دَ شُوغَبَنِّنَّنْ سُكَ غَانٜىٰ بَشِينٜىٰ سَرْكِنْ إِسْرَٰٓءِيلَ بَ، سَيْ سُكَ دَيْنَ بِنْسَ؞

³³ عَمَّا وَنِ سُواْجَنْ سُورِيَ يَهَرْبَ كِبِيَرْسَ أَ حَكَ كَوَيْ، سَيْ كِبِيَرْ تَشِغَ جِكِنْ سَرْكِے أَهَبْ نَ إِسْرَٰٓءِيلَ دَيْدَيْ عِنْدَ سَاشٜىٰ بِيُ نَرِغَرْ ڧَرْڢٜىٰنْسَ سُكَ حَطُ؞ سَيْيَثٜىٰ وَمَيْ تُوڧِنْ كٜىٰكٜىٰنْ دُواْكِنْسَ ‏«‏كَجُويَا كٜىٰكٜىٰنْ كَڢِتَرْ دَنِے دَغَ وُرِنْ يَاڧِنْ، غَمَا أَنْيِمِنِ رَوْنِ؞»‏

³⁴ دُكَنْ رَانَرْ نَنْ يَاڧِنْ يَيِ ذَاڢِ سُواْسَيْ، سَرْكِنْ إِسْرَٰٓءِيلَ كُمَ يَجِنْ‌غِنَ جِكِنْسَ عَثِكِنْ كٜىٰكٜىٰنْ دُواْكِنْسَ يَنَ ڢُسْكَنْتَرْ سُورِيَاوَنْ؞ دَ ڢَاطُوَرْ رَانَ سَيْ يَمُتُ؞