2 تَارِيحِ 16 - أَتَّوْرَتْ دَ أَنَّبَاوَاشٜىٰكَرُنْ ڧَرْشٜىٰ نَ مُلْكٍ أَسَ ﴿ 1 سَرْ 15.17-22 ﴾ 1 عَثِكِنْ شٜىٰكَرَا تَتَلَتِنْ دَ شِدَ تَمُلْكٍ سَرْكِے أَسَ نَ يَهُودَ، سَيْ سَرْكِے بَعَشَ نَ إِسْرَٰٓءِيلَ يَكَيْ وَ يَهُودَ يَاڧِ، يَڠَغْڠَرَ كَتَنْغَ أَ رَمَ دُواْمِنْ يَحَنَ كُواْوَ ڢِتَ دَ شِغَ يَنْكِنْ سَرْكِے أَسَ نَ يَهُودَ؞ 2 سَيْ أَسَ يَطَوْكِ أَظُرْڢَا دَ ظِينَارِيَ دَغَ طَكُنَنْ أَجِيَ نَغِدَنْ يَهْوٜىٰهْ دَ نَغِدَنْ سَرْكِے، يَكُمَ عَيْكَ وَ سَرْكِے بٜىٰنْهَدَدْ نَ سُورِيَ وَنْدَ يَكٜىٰ مُلْكِ أَ دِمَشْڧُ؞ 3 يَثٜىٰ «بَرِ مُيِ يَرْجٜىٰجٜىٰنِيَ دَكَيْ كَمَرْ يَدَّ بَابَنْكَ دَ بَابَنَ سُكَيِ أَدَا؞ غَا ݣَوْتَرْ أَظُرْڢَا دَ ظِينَارِيَ نَعَيْكُواْ مَكَ؞ سَيْ كَوَرْوَارٜىٰ يَرْجٜىٰجٜىٰنِيَرْكَ دَ سَرْكِے بَعَشَ نَ إِسْرَٰٓءِيلَ دُواْمِنْ يَجَنْيٜىٰ دَغَ ڧَسَاتَ؞» 4 سَرْكِے بٜىٰنْهَدَدْ كُوَ يَيَرْدَ دَ مَغَنَرْ أَسَ، يَعَيْكَ دَ سُواْجُواْجِنْسَ تَرٜىٰدَ شُوغَبَنِّنْسُ سُكَيْ يَاڧِ عَكَنْ ڧَسَرْ إِسْرَٰٓءِيلَ؞ سُكَ ڨُوثٜىٰ غَرُضُوً إِيُوانْ دَ دَنْ دَ أَبٜىٰلْ بٜىٰتْ مَعَكَ دَ دُكَنْ غَرُضُوً أَجِيَ نَيَنْكِنْ نَڢْتَلِ؞ 5 سَعَدَّ بَعَشَ يَجِ أَبِنْدَ يَكٜىٰ ڢَرُوَ، سَيْ يَدَيْنَ غِنَا كَتَنْغَرْ رَمَ، يَبَرْ عَيْكِنْ دَ يَكٜىٰيِ؞ 6 سَعَنً سَرْكِے أَسَ يَتَتَّارَ دُكَنْ مُتَنٜىٰ دَغَ يَهُودَ، يَسَاسُ سُݣُوشِ دُووَڟُنْ دَ كَتَكَنْ دَ بَعَشَ يَيِ أَمْڢَانِ دَسُو يَغِنَ كَتَنْغَرْ رَمَ؞ أَسَ يَيِ أَمْڢَانِ دَ دُووَڟُنْ يَڠَغْڠَرَ كَتَنْغَرْ غَرُضُوً غٜىٰبَ دَ نَ مِظْڢَ؞ سَڧُوانْ أَنَّبِے هَنَنِ 7 أَ لُواْكَثِنَّنْ، هَنَنِ مَيْ غَنِ يَذُواْ وُرِنْ سَرْكِے أَسَ نَ يَهُودَ، يَثٜىٰ مَسَ «تُنْدَيَكٜىٰ كَا دُواْغَضَ عَكَنْ سَرْكِنْ سُورِيَ مَيْمَكُوانْ كَدُواْغَرَ عَكَنْ يَهْوٜىٰهْ اللَّهْ نْكَ، تُواْ، سُواْجُواْجِنْ سُورِيَ سُنْ كُٻُتَ دَغَ حَنُّنْكَ؞ 8 أَيْ، سُواْجُواْجِنْ إِتِيُواْڢِيَ دَ نَ لِبِيَ مَاسُيَوَنْ غَسْكٜىٰنٜىٰ؞ سُنَدَ كٜىٰكُنَنْ دُواْكِ نَيَاڧِ دَ مَاسُ هَوَنْ دَوَكِ دَيَوَ؞ عَمَّا دُكْ دَ يَوَنْسُ، سَبُواْدَ كَدُواْغَرَ غَ يَهْوٜىٰهْ، سَيْ يَبَاشٜىٰسُ أَهَنُّنْكَ؞ 9 غَمَا إِدَانُنْ يَهْوٜىٰهْ سُنَ كَيْ دَ كَٰوُاْوَ كُواْعِنَ عَدُونِيَا دُواْمِنْ يَڧَرْڢَڢَ وَطَنْدَ سُكَ دُواْغَضَ غَرٜىٰشِ دَ ذُوثِيَا طَيَ؞ كَيِ وَوَنْثِ؞ سَبُواْدَ حَكَ دَغَ يَوْ ذَاكَ دِنْغَ يَاڧِ كُلُّمْ؞» 10 وَنَّنْ أَنَّبْثِ يَسَا أَسَ يَيِ ڢُشِے يَعُمَرْتَ أَ سَا هَنَنِ مَيْ غَنِ ثِكِنْ كُرْكُكُ؞ تُنْدَغَ وَنَّنْ لُواْكَثِ نٜىٰ أَسَ يَڢَارَ ڠُودَاوَا وَطَنْسُ مُتَنٜىٰ عَذَابَ؞ ڧَرْشٜىٰنْ مُلْكٍ أَسَ ﴿ 1 سَرْ 15.23-24 ﴾ 11 أَيُّكَنْ أَسَ تُنْدَغَ ڢَرْكُواْ حَرْ ڧَرْشٜىٰنْ مُلْكِنْسَ سُنَ أَرُبُوثٜىٰ عَثِكِنْ لِتَّڢِنْ سَرَاكُنَنْ يَهُودَ دَ نَ إِسْرَٰٓءِيلَ؞ 12 عَثِكِنْ شٜىٰكَرَا تَتَلَتِنْ دَ تَرَ تَمُلْكِنْسَ، أَسَ يَكَمُ دَ ثِيوُانْ ڧَڢَا؞ عَمَّا دُكْدَهَكَ بَيْ نٜىٰمِ تَيْمَكُواْ دَغَ وُرِنْ يَهْوٜىٰهْ بَ، أَمَيْمَكُوانْ حَكَ يَنٜىٰمِ تَيْمَكُواْ دَغَ مَاسُ مَاغَنِ؞ 13 أَسَ يَمُتُ أَ شٜىٰكَرَا تَأَرْبَعِنْ دَ طَيَ تَمُلْكِنْسَ، يَكُواْمَ غَ كَاكَنِّنْسَ؞ 14 عَكَ بِنّٜىٰشِ ثِكِنْ كَبَرِنْدَ يَحَڧَ دَ كَنْسَ عَبِرْنِنْ دَاوُدَ، وَتُواْ عُرُوشَلِيمَ؞ عَكَ ݣُونْتَرْ دَشِ عَكَنْ وَنِ أَبِنْ ݣُونْثِيَرْدَ عَكَ ثِكَ دَ تُرَارٜىٰ دَ كَايَنْ ڧَنْشِ، سُكَ هُورَ بَبَّرْ وُتَا دُواْمِنْ سُغِرْمَمَشِ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria