2 تَارِيحِ 14 - أَتَّوْرَتْ دَ أَنَّبَاوَا

مُلْكٍ سَرْكِے أَسَ نَ يَهُودَ

¹ أَبِيَ يَكُواْمَ غَ كَاكَنِّنْسَ عَكَ بِنّٜىٰشِ عَبِرْنِنْ دَاوُدَ، وَتُواْ عُرُوشَلِيمَ؞ سَيْ طَنْسَ أَسَ يَغَاجٜىٰشِ يَذَمَ سَرْكِے؞ ڧَسَرْ كُوَ تَسَامِ لَاڢِيَ حَرْ شٜىٰكَرَا غُواْمَ؞

² أَسَ كُوَ يَعَيْكَتَ أَبِنْدَ يَكٜىٰ دَيْدَيْ أَعِدُوانْ يَهْوٜىٰهْ اللَّهْ نْسَ؞

³ يَكَوَرْدَ بَغَدٜىٰنْ أَلُّواْلِنْ ڧَبِيلُ دَ وُرَارٜىٰنْ يِنْ سُجَّدَ دَ بَسُ دَاثٜىٰبَ؞ يَرُشٜىٰ دُووَڟُنْ سُجَّدَ، يَكُمَ سَسَّارٜىٰ غُمَكَنْ أَشٜىٰرَ؞

⁴ أَسَ يَعُمَرْثِ مُتَنٜىٰنْ يَنْكِنْ يَهُودَ سُنٜىٰمِ يَهْوٜىٰهْ اللَّهْ نَكَاكَنِّنْسُ، سُكُمَيِ بِيَيَّ غَ كُواْيَرْوَرْسَ دَ عُمَرْنَنْسَ؞

⁵ يَكُمَ كَوَرْدَ دُكَنْ وُرَارٜىٰنْ يِنْ سُجَّدَ دَ بَسُ دَاثٜىٰبَ دَ بَغَدٜىٰنْ ڧُواْنَ تُرَارٜىٰ دَغَ دُكَنْ بِرَنٜىٰ مَاسُ كَتَنْ‌غَ نَيَنْكِنْ يَهُودَ؞ أَ زَامَانِنْ مُلْكٍ أَسَ أَنْسَامِ ذَمَنْ لَاڢِيَ؞

⁶ يَڠَغْڠَرَ بِرَنٜىٰ مَاسُ كَتَنْ‌غَ أَ يَهُودَ، غَمَا ڧَسَرْ تَنَ ذَمَنْ لَاڢِيَ؞ بَابُ يَڧُواْڧِ أَ لُواْكَثِنْ، غَمَا يَهْوٜىٰهْ يَابَا شِ ذَمَنْ سَلَمَ؞

⁷ سَيْ أَسَ يَثٜىٰ وَمُتَنٜىٰنْ يَهُودَ ‏«‏بَرِ مُڧَارَ غِنَا بِرَنٜىٰنَّنْ مُكٜىٰوَيٜىٰسُ دَ كَتَنْ‌غَ دَ طَكُنَ مَاسُ ڟَيِ دَ ڧُواْڢُواْڢِنْ دَ ذَاعَ كُلّٜىٰ دَ ڧَرْڢٜىٰ؞ وَنَّنْ ڧَسَرْ تَامُثٜىٰ حَرْ يَنْذُ، غَمَا مُنْ نٜىٰمِ يَهْوٜىٰهْ اللَّهْ نْمُ؞ مُنْ بِيشِ، يَكُوَ بَامُ سَلَمَ تَكُواْوَثٜىٰ ڢُسْكَ؞»‏ سُكَيِ تَغِنِ، سُكَ كُوَ يَلْوَتَ؞

⁸ سَرْكِے أَسَ يَنَدَ سُواْجُواْجِ دُبُو طَرِے عُكُ مَاسُ عِيَ يَاڧِ دَغَ ذُرِيَرْ يَهُودَ، كُواْوَنّٜىٰنْسُ يَنَ رِڧٜىٰدَ بَبَّرْ غَرْكُوَ دَ مَاشِ؞ كُمَ يَنَدَ سُواْجُواْجِ دُبُو طَرِے بِيُ دَ دُبُو تَمَٰنِنْ مَاسُ عِيَ يَاڧِ دَغَ ذُرِيَرْ بِلِيَامِنُ، كُواْوَنّٜىٰنْسُ يَنَ رِڧٜىٰ دَ ڧَرَمَرْ غَرْكُوَ دَ بَكَ؞

⁹ ظٜىٰرَ مُتُمِنْ إِتِيُواْڢِيَ يَكَٰوُاْ يَاڧِ دَ سُواْجُواْجِ مِلِيَنْ طَيَ دَ كٜىٰكُنَنْ دُواْكِ طَرِے عُكُ؞ يَذُواْ حَرْ مَرٜىٰشَ دُواْمِنْ يَيِيَاڧِ دَسُو؞

¹⁰ سَبُواْدَ حَكَ، أَسَ يَڢِتُواْ يَغَمُ دَشِ أَ ݣُورِنْ ظٜىٰڢَتَ كُسَدَ مَرٜىٰشَ عِنْدَ سُكَيِ شِرِنْ يَاڧِ دَجُونَ؞

¹¹ سَيْ أَسَ يَيِ كُوكَا غَ يَهْوٜىٰهْ اللَّهْ نْسَ، يَثٜىٰ ‏«‏يَا يَهْوٜىٰهْ، بَابُ مَيْ تَيْمَكُواْ كَمَرْكَ، وَنْدَ ذَيْ تَيْمَكِ مَرَرْ ڧَرْڢِے عَكَنْ مَاسُ ڧَرْڢِے؞ كَتَيْمَكٜىٰمُ، يَا يَهْوٜىٰهْ اللَّهْ نْمُ، غَمَا مُنَ دُواْغَضَ أَغَرٜىٰكَ!‏ يَا يَهْوٜىٰهْ، عَثِكِنْ سُونَنْكَ مُكَ ذُواْ دُواْمِنْ مُڢُسْكَنْثِ ضُنْدُنَارْ دُبَّنْ سُواْجُواْجِنَّنْ؞ يَا يَهْوٜىٰهْ، كَيْنٜىٰ اللَّهْ نْمُ!‏ كَدَ كَبَرْ وَنِ مُتُمْ يَشَا ڧَرْڢِنْكَ؞»‏

¹² يَهْوٜىٰهْ كُوَ يَهَلَّكَ سُواْجُواْجِنْ إِتِيُواْڢِيَ أَغَبَنْ سَرْكِے أَسَ دَ سُواْجُواْجِنْسَ؞ سَيْ سُواْجُواْجِنْ إِتِيُواْڢِيَ سُكَ غُدُ،

¹³ سَيْ أَسَ دَ سُواْجُواْجِنْسَ سُكَبِيسُ حَرْ غٜىٰرَرْ؞ عَكَيِ تَكَكَّشٜىٰ سُواْجُواْجِنْ إِتِيُواْڢِيَ حَرْ بَسُ عِيَ حَطُوَ سُثِيغَبَدَ يَاڧِبَ، غَمَا يَهْوٜىٰهْ نٜىٰ دَ سُواْجُواْجِنْسَ سُكَ هَلَكَاسُ؞ سُواْجُواْجِنْ يَهُودَ سُكَ ڨُوثٜىٰ كَايَ مَيْ يَوَ دَغَ حَنُّنْ سُواْجُواْجِنْ إِتِيُواْڢِيَ؞

¹⁴ سَيْ سُكَ تَڢِے غَرُضُوً دَسُكٜىٰ كٜىٰوَيٜىٰ دَ غٜىٰرَرْ، سُكَ كُمَ عِيَ هَلَكَاسُ، غَمَا يَهْوٜىٰهْ يَا رِغَا يَا سَا ڟُواْرُواْ يَكَامَ مُتَنٜىٰنْ؞ سُواْجُواْجِنْ يَهُودَ سُكَ ݣُوشِ دُكْ أَبِنْدَ سُكٜىٰسُواْ دَغَ غَرُضُوً، سُكَ كُوَ سَامِ كَايَ دَيَوَ؞

¹⁵ سُكَ رُرُّشٜىٰ تٜىٰنْتُنَنْ مَاسُ كِيوُانْ دَبُّواْبِے، سُكَ ڨُوثٜىٰ شَانُنْسُ دَ تُمَكِنْسُ دَ رَاڧُمَنْسُ مَاسُيَوَنْ غَسْكٜىٰ؞ سَعَنً سُكَ كُواْمَ عُرُوشَلِيمَ؞