2 تَارِيحِ 12 - أَتَّوْرَتْ دَ أَنَّبَاوَا

سَرْكِنْ مَصَرْ يَكَٰوُاْ يَاڧِ أَ يَهُودَ

¹ سَعَدَّ رٜىٰهُواْبُواْوَمْ يَغَ مُلْكِنْسَ يَكَڢُ، يَكُمَ ڧَارَ ڧَرْڢِے أَمُلْكِنْسَ، سَيْ شِ دَ دُكَنْ مُتَنٜىٰنْ إِسْرَٰٓءِيلَ تَرٜىٰ دَشِ سُكَ دَيْنَ بِنْ كُواْيَرْوَرْ يَهْوٜىٰهْ؞

² سَبُواْدَ رَشِنْ أَمِنْثِنْسُ غَ يَهْوٜىٰهْ، أَ شٜىٰكَرَا تَبِيَرْ تَمُلْكٍ رٜىٰهُواْبُواْوَمْ، سَيْ سَرْكِے شِشَكْ نَ مَصَرْ يَكَٰوُاْ يَاڧِ أَ عُرُوشَلِيمَ؞

³ شِشَكْ يَذُواْ دَ كٜىٰكُنَنْ دُواْكِ دُبُو طَيَ دَ طَرِے بِيُ دَ مَاسُ هَوَنْ دُواْكِ دُبُو سِتِّنْ، تَرٜىٰدَ سُواْجُواْجِنْ دَ بَعَ عِيَ ڧِرْغَوَ؞ عَثِكِنْسُ أَݣَويْ سُواْجُواْجِنْ لِبِيَ دَ نَ سُكِّمْ دَ نَ إِتِيُواْڢِيَ؞

⁴ يَڨُوثٜىٰ بِرَنٜىٰ مَاسُ كَتَنْ‌غَ نَ يَهُودَ، يَوُثٜىٰ حَرْ ذُوَا عُرُوشَلِيمَ؞

⁵ سَيْ أَنَّبِے شٜىٰمَيَ يَذُواْ وُرِنْ رٜىٰهُواْبُواْوَمْ دَ سَوْرَنْ شُوغَبَنِّنْ يَهُودَ وَطَنْدَ سُكَ تَارُ أَ عُرُوشَلِيمَ دُواْمِنْ سُنَ غُدُنْ شِشَكْ؞ يَثٜىٰ مُسُ ‏«‏إِنْجِ يَهْوٜىٰهْ، ‏‹‏كُنْ يَاشٜىٰنِ، دُواْمِنْ حَكَ نِے مَا إِنَ يَاشٜىٰكُ إِنَ بَاشٜىٰكُ أَ حَنُّنْ شِشَكْ؞›‏ »‏

⁶ سَيْ سَرْكِے دَ شُوغَبَنِّنْ إِسْرَٰٓءِيلَ سُكَ ڧَسْڧَنْتَرْ دَكَنْسُ سُكَ تُوبَ سُكَثٜىٰ ‏«‏عِ، يَهْوٜىٰهْ يَايِ أَبِنْدَ يَكٜىٰ دَيْدَيْ؞»‏

⁷ سَعَدَّ يَهْوٜىٰهْ يَغَ سُنْ تُوبَ، سَيْ يَهْوٜىٰهْ يَسَاكٜىٰيِنْ مَغَنَ دَ شٜىٰمَيَ ثٜىٰوَ ‏«‏تُنْدَيَكٜىٰ سُنْ ڧَسْڧَنْتَرْ دَكَنْسُ، بَذَنْ هَلَكَاسُ بَ، عَمَّا ذَنْ طَنْ تَيْمَكٜىٰسُ؞ بَذَنْ حُكُنْتَسُ تَهَنُّنْ شِشَكْ بَ؞

⁸ عَمَّا ذَاسُ بَوْتَاوَ شِشَكْ، دُواْمِنْ سُكُواْيِ يَدَّ ذَاعَ بَمْبَنْتَ ڟَكَانِنْ يِنْ حِدِمَ غَ اللَّهْ دَ كُمَيِنْ حِدِمَ غَ مَاسُ مُلْكٍ دُونِيَا؞»‏

⁹ سَيْ سَرْكِے شِشَكْ نَ مَصَرْ يَذُواْ يَڢَاطَوَ عُرُوشَلِيمَ دَ يَاڧِ، يَكُمَ ݣُوشِ كَايَ دَغَ ثِكِنْ غِدَنْ يَهْوٜىٰهْ دَ نَغِدَنْ سَرْكِے؞ يَݣُوشٜىٰ كُواْمٜىٰ حَرْ دَ غَرْكُوُاْيِنْ ظِينَارِيَ وَطَنْدَ سُلَيْمَٰنُ يَيِ؞

¹⁰ عَمَّا سَرْكِے رٜىٰهُواْبُواْوَمْ يَسَاكٜىٰيِنْ وَطَنْسُ غَرْكُوُاْيِ نَڧَرْڢٜىٰنْ تَغُلَّ أَمَدَدِنْ نَظِينَارِيَ وَطَنْدَ شِشَكْ يَݣُوشٜىٰ؞ يَسَاسُ أَ حَنُّنْ سُواْجُواْجِ مَاسُ غَادِنْ ڧُواْڢُواْڢِنْ غِدَنْ سَرْكِے؞

¹¹ أَ دُكْ لُواْكَثِنْ دَ سَرْكِے ذَيْ شِغَ غِدَنْ يَهْوٜىٰهْ، سَيْ مَاسُ غَادِ سُݣُوشِ غَرْكُوُاْيِنْ سُرِڧٜىٰ سُبِيشِ؞ عِدَنْ يَا تَڢِے، سَيْ سُكُواْمَرْ دَسُو سُأَجِيٜىٰ أَطَاكِنْ أَجِيَرْسُ؞

¹² سَبُواْدَ رٜىٰهُواْبُواْوَمْ يَڧَسْڧَنْتَرْ دَكَنْسَ، سَيْ ڢُشِنْ يَهْوٜىٰهْ يَݣُونْتَ؞ يَهْوٜىٰهْ كُوَ بَيْ هَلَكَاشِ غَبَاطَيَبَ؞ أَݣَويْ وَطَنْسُ أَلْعَمُرَ مَاسُ ݣَوْ كُوَ أَ يَهُودَ؞

تَارِيحِنْ مُلْكٍ رٜىٰهُواْبُواْوَمْ عَتَڧَيْثٜىٰ

¹³ سَرْكِے رٜىٰهُواْبُواْوَمْ يَكَڢَ مُلْكِنْسَ سُواْسَيْ، يَكُمَيِ ڧَرْڢِے أَ عُرُوشَلِيمَ؞ يَنَ دَ شٜىٰكَرَا أَرْبَعِنْ دَ طَيَ سَعَدَّ يَڢَارَ مُلْكِ؞ يَكُوَ يِشٜىٰكَرَا غُواْمَشَا بَݣَويْ يَنَ مُلْكِ أَ عُرُوشَلِيمَ، بِرْنِنْ دَ يَهْوٜىٰهْ يَذَاٻَا دَغَ ثِكِنْ دُكَنْ إِسْرَٰٓءِيلَ دُواْمِنْ أَغِرْمَمَ سُونَنْسَ أَوُرِنْ؞ سُونَنْ مَامَرْ رٜىٰهُواْبُواْوَمْ نَعَمَ ثٜىٰ دَغَ ڧَسَرْ أَمُّوانْ؞

¹⁴ رٜىٰهُواْبُواْوَمْ يَعَيْكَتَ مُغُنْتَا غَمَا بَيْ سَا ذُوثِيَارْسَ غَ نٜىٰمَنْ يَهْوٜىٰهْ بَ؞

¹⁵ دُكَنْ أَيُّكَنْ دَ رٜىٰهُواْبُواْوَمْ يَيِ دَغَ ڢَرْكُواْ حَرْ ذُوَا ڧَرْشٜىٰ، سُنَ أَرُبُوثٜىٰ عَثِكِنْ لِتَّڢِنْ تَارِيحِنْ أَنَّبِے شٜىٰمَيَ دَ ثِكِنْ لِتَّڢِنْ إِدُّواْ مَيْ غَنِ؞ أَنْيِ تَيَاڧِ ڟَكَانِنْ رٜىٰهُواْبُواْوَمْ دَ يٜىٰرُواْبُواْوَمْ أَ لُواْكَتَيْ دَبَمْ دَبَمْ؞

¹⁶ رٜىٰهُواْبُواْوَمْ يَكُواْمَ غَ كَاكَنِّنْسَ، عَكَ بِنّٜىٰشِ عَبِرْنِنْ دَاوُدَ، وَتُواْ عُرُوشَلِيمَ؞ سَيْ طَنْسَ أَبِيَ يَغَاجٜىٰشِ يَذَمَ سَرْكِے؞