2 تَارِيحِ 10 - أَتَّوْرَتْ دَ أَنَّبَاوَا

ظُرِيُواْيِنْ أَرٜىٰوَ سُنْيِ تَاوَيٜىٰ

¹ رٜىٰهُواْبُواْوَمْ يَتَڢِے شٜىٰكٜىٰمْ، غَمَا دُكَنْ جَمَعَرْ إِسْرَٰٓءِيلَ سُنْ تَارُ أَوُرِنْ دُواْمِنْ سُنَطَشِ سَرْكِے؞

² سَعَدَّ يٜىٰرُواْبُواْوَمْ طَنْ نٜىٰبَتْ يَجِ لَابَرِ ثٜىٰوَ ذَاعَ نَطَ رٜىٰهُواْبُواْوَمْ سَرْكِے، سَيْ يَكُواْمُواْ دَغَ مَصَرْ عِنْدَ يَكٜىٰدَ ذَمَ تُنْدَ يَغُجٜىٰ وَ سُلَيْمَٰنُ؞

³ مُتَنٜىٰ سُكَ عَيْكَ عَكِرَا يٜىٰرُواْبُواْوَمْ يَذُواْ؞ سَيْ شِے دَ دُكَنْ جَمَعَرْ إِسْرَٰٓءِيلَ سُكَ تَڢِے وُرِنْ رٜىٰهُواْبُواْوَمْ سُكَثٜىٰ،

⁴ ‏«‏بَابَنْكَ يَسَا مَنَ غُنْ‌غُمٜىٰنْدَ يَدَنّٜىٰمُ سُواْسَيْ؞ يَنْذُ عِدَنْ كَسَوْڧَڧَ مَنَ أَيُّكَنَّنْ دَ سُكَ دَنّٜىٰمُ سُواْسَيْ دَ أَبُبُوَ مَاسُ نَوْيِنْدَ يَسَا عَكَنْمُ، تُواْ، ذَامُيِ مَكَ حِدِمَ؞»‏

⁵ سَرْكِے رٜىٰهُواْبُواْوَمْ يَثٜىٰ مُسُ ‏«‏كُتَڢِے؞ بَايَنْ ݣُونَ عُكُ كُدَاوُاْ كُكَرْٻِ أَمْسَ؞»‏ سَيْ مُتَنٜىٰنْ سُكَ تَڢِے؞

⁶ سَعَنً رٜىٰهُواْبُواْوَمْ يَنٜىٰمِ شَوَرَرْ ڟُواْڢَڢِّنْ مَذَنْ دَ سُكَيِ وَبَابَنْسَ سُلَيْمَٰنُ حِدِمَ لُواْكَثِنْ دَ يَكٜىٰدَ رَيْ؞ يَثٜىٰ مُسُ ‏«‏وَثٜىٰ شَوَرَا ذَاكُ بَانِ دُواْمِنْ إِنْ أَمْسَوَ مُتَنٜىٰنَّنْ؟»‏

⁷ سُكَ أَمْسَ مَسَ ‏«‏عِدَنْ ذَاكَجِے تَوْسَيِنْ وَطَنَّنْ مُتَنٜىٰ، كَكُمَ سَا سُجِ دَاطِے، كَيِ مُسُ مَغَنَ مَيْݣَوْ، تُواْ، ذَاسُ ذَمَ بَايِنْكَ مَاسُ أَمِنْثِ حَرْ أَبَدَا؞»‏

⁸ عَمَّا رٜىٰهُواْبُواْوَمْ يَڧِ يَبِے شَوَرَرْ دَ ڟُواْڢَڢِّنْ مَذَنَّنْ سُكَ بَاشِ، سَيْ يَبِے شَوَرَرْ سَمَارِنْ دَ سُكَيِ غِرْمَ تَرٜىٰ دَشِ، وَطَنْدَ سُكٜىٰيِ مَسَ حِدِمَ؞

⁹ يَثٜىٰمُسُ ‏«‏كُبَانِ شَوَرَا غَمٜىٰدَ إِرِنْ أَمْسَرْ دَ ذَنْبَا مُتَنٜىٰنَّنْ دَ سُكَثٜىٰ مِنِ، ‏‹‏كَسَوْڧَڧٜىٰ مَنَ نَوْيِنْ غُنْ‌غُمٜىٰنْ بَابَنْكَ وَنْدَ يَدَنّٜىٰمُ سُواْسَيْ›‏؞»‏

¹⁰ سَيْ سَمَارِنْ سُكَثٜىٰ مَسَ ‏«‏غَا أَمْسَرْ دَ ذَاكَبَا مَاسُ ثٜىٰوَ ‏‹‏بَابَنْكَ يَسَا مَنَ غُنْ‌غُمٜىٰنْدَ يَدَنّٜىٰمُ سُواْسَيْ، عَمَّا بَرِ كَسَوْڧَڧَ مَنَ؞›‏ كَثٜىٰمُسُ، ‏‹‏ڧَرَمِنْ يَڟَرْ هَنُّونَ يَڢِ ݣُونْݣُوسُوانْ بَابَنَ كَوْرِ؞

¹¹ بَابَنَ يَسَا مُكُ غُنْ‌غُمٜىٰنْدَ يَدَنّٜىٰكُ سُواْسَيْ، عَمَّا ذَنْ ڧَارَ دَنّٜىٰكُ؞ بَابَنَ يَدُوكٜىٰكُ دَ بُلَلَ، عَمَّا نِے ذَنْ هُواْرٜىٰكُ دَ بُلَلَ مَيْ هَڧُواْرَنْ ڧَرْڢٜىٰ؞›‏ »‏

¹² بَايَنْ ݣُونَ عُكُ، سَيْ يٜىٰرُواْبُواْوَمْ دَ دُكَنْ مُتَنٜىٰنْ سُكَ دَاوُاْ وُرِنْ رٜىٰهُواْبُواْوَمْ بِسَغَ عُمَرْنِنْدَ يَبَاسُ؞

¹³ سَرْكِے يَڧِ شَوَرَرْ دَ ڟُواْڢَڢِّنْ مَذَنْ سُكَ بَاشِ، سَيْ يَيِ وَمُتَنٜىٰنْ ذَاڢِنْ مَغَنَ؞

¹⁴ يَيِ مَغَنَ بِسَغَ شَوَرَرْ دَ سَمَارِنْ سُكَ بَاشِ يَثٜىٰ ‏«‏بَابَنَ يَسَا مُكُ غُنْ‌غُمٜىٰنْدَ يَدَنّٜىٰكُ سُواْسَيْ، عَمَّا ذَنْ ڧَارَ دَنّٜىٰكُ؞ بَابَنَ يَدُوكٜىٰكُ دَ بُلَلَ، عَمَّا نِے ذَنْ هُواْرٜىٰكُ دَ بُلَلَ مَيْ هَڧُواْرَنْ ڧَرْڢٜىٰ؞»‏

¹⁵ سَرْكِے بَيْ سَوْرَرِ مُتَنٜىٰنْبَ، غَمَا نُڢِنْ يَهْوٜىٰهْ اللَّهْ نٜىٰ؞ يَيِ حَكَ دُواْمِنْ يَثِكَ مَغَنَرْسَ وَدَّ يَيِ وَ يٜىٰرُواْبُواْوَمْ طَنْ نٜىٰبَتْ تَبَاكِنْ أَنَّبِے أَهِيَ مُتُمِنْ شِلُواْ؞

¹⁶ عَمَّا سَعَدَّ إِسْرَٰٓءِيلَاوَا دُكَ سُكَ غَانٜىٰ سَرْكِے بَيْ سَوْرَرٜىٰسُبَ، سَيْ مُتَنٜىٰنْ سُكَ أَمْسَوَ سَرْكِے سُكَثٜىٰ، ‏«‏إِنَا ضُوَنْمُ دَ دَاوُدَ؟ بَامُ دَ رَبُوانْ غَادُواْ أَوُرِنْ طَنْ يٜىٰسّٜىٰ؞ يَا إِسْرَٰٓءِيلَ، كُواْوَ يَكُواْمَ تٜىٰنْتِنْسَ!‏ بَرِ دَاوُدَ يَلُورَ دَ غِدَنْسَ!‏»‏ دُواْمِنْ حَكَ مُتَنٜىٰنْ إِسْرَٰٓءِيلَ سُكَ وَڟٜىٰ، كُواْوَ يَكُواْمَ غِدَنْسَ؞

¹⁷ عَمَّا رٜىٰهُواْبُواْوَمْ يَثِيغَبَدَ مُلْكٍ مُتَنٜىٰنْ إِسْرَٰٓءِيلَ وَطَنْدَ سُكٜىٰ عَيَنْكِنْ يَهُودَ كَطَيْ؞

¹⁸ سَعَنً سَرْكِے رٜىٰهُواْبُواْوَمْ يَعَيْكِ أَدُواْنِرَمْ، وَنْدَ يَكٜىٰ شُوغَبَنْ عَيْكِنْ دُواْلٜىٰ ذُوَا وُرِنْ إِسْرَٰٓءِيلَاوَا، عَمَّا سُكَ جٜىٰجّٜىٰڢٜىٰشِ دَ دُوَڟُو سُكَ كَشٜىٰ؞ غَنِنْ حَكَ رٜىٰهُواْبُواْوَمْ يَيِ سَوْرِ يَشِغَ كٜىٰكٜىٰنْ دُواْكِ يَغُدُ ذُوَا عُرُوشَلِيمَ؞

¹⁹ تُنْدَغَ وَنَّنْ لُواْكَثِ، مُتَنٜىٰنْ أَرٜىٰوَثِنْ إِسْرَٰٓءِيلَ سُكَ شِغَ غَابَادَ ذُرِيَرْ دَاوُدَ؞