1 تِمُواْتِ 6 - أَتَّوْرَتْ دَ أَنَّبَاوَا

¹ دُكْ وَطَنْدَ سُكٜىٰ ڧَرْڧَشِنْ غُنْ‌غُمٜىٰنْ بَوْتَا، سَيْ سُبَا إِيَايٜىٰنْ‌غِجِنْسُ ثِكَكّٜىٰنْ بَنْ غِرْمَ وَنْدَ يَدَاثٜىٰ، دُواْمِنْ كَدَ عَيِ مَغَنَرْ رٜىٰنِ غَ سُونَنْ اللَّهْ تَرٜىٰدَ كُواْيَرْوَرْمُ؞

² كَدَ بَايِ وَطَنْدَ إِيَايٜىٰنْ‌غِجِنْسُ مَاسُبِنْ عِيسَىٰ نٜىٰ سُيِ مُسُ رَشِنْ بِيَيَّ، عَكَنْ ثٜىٰوَ سُو إِيَايٜىٰنْ‌غِجِنْسُ یَنْعُوَنٜىٰ ثِكِنْبِے؞ أَ مَيْمَكُوانْ حَكَ، سَيْ سُڧَارَ ڧُواْڧَرِ تُنْدَيَكٜىٰ إِيَايٜىٰنْ‌غِجِنْسُ، وَطَنْدَ سُكٜىٰ سَامُنْ أَمْڢَانِنْ عَيْكِنْسُ مَاسُبِينٜىٰ، كُمَ وَطَنْدَ عَكٜىٰڧَوْنَ؞ لَلَّيْ نٜىٰ كَكُواْيَرْ، كَكُمَيِ غَرْغَطِے عَكَنْ وَطَنَّنْ أَبُبُوَ؞

غَرْغَطِ غَمٜىٰدَ ذَمَنْ ݣُونْثِيَرْ رَيْ

³ دُكْ وَنْدَ يَكٜىٰيِنْ كُواْيَرْوَا دَبَمْ وَدَّ بَتَكُمَ يَرْدَ دَ عَيْنِحِنْ كَلْمُواْمِنْ عُبَنْ‌غِجِنْمُ عِيسَىٰ أَلْمَسِيحُ بَ دَ كُمَ كُواْيَرْوَرْ دَ بَتَدَاثٜىٰ دَ بِنْ حَلِ إِرِنْ نَ اللَّهْ بَ،

⁴ وَنَّنْ يَنَ ثِكٜىٰ دَ غِرْمَنْ كَيْ، بَيْ كُوَ سَنْ كُواْمٜىٰبَ؞ يَنَ كُمَ دَ حَلِنْ مَرْمَرِنْ غَرْدَمَ دَ مُهَوَرَ غَمٜىٰدَ كَلْمُواْمِ؞ أَيْ، وَنَّنّٜىٰ يَكٜىٰ حَيْڢَرْ دَ كِيشِ دَ ضِكِثِ دَ ٻَاتَ سُونَ دَ مُوغَيٜىٰنْ ظَثٜىٰ ظَثٜىٰ،

⁵ دَ يَوَنْ غَرْدَمَ تَرٜىٰدَ وَطَنْدَ تُنَانِنْسُ يَذَمَ بَنْظَ، غَسْكِيَ كُمَ تَغُجٜىٰ مُسُ؞ وَطَنَّنْ سُنَ غَنِنْ بِنْ اللَّهْ وَتَ حَنْيَثٜىٰ تَسَامُنْ أَرْزِڧِ؞

⁶ بَابُ شَكَّ!‏ أَݣَويْ بَبَّرْ رِيبَ ثِكِنْ ذَمَنْ حَلِ إِرِنْ نَ اللَّهْ تَرٜىٰدَ ݣُونْثِيَرْ رَيْ؞

⁷ غَمَا بَمُ شِغُواْ ثِكِنْ دُونِيَا دَ كُواْمٜىٰبَ، حَكَمَا بَذَامُ عِيَ ڢِتَ ثِكِنْتَ دَ كُواْمٜىٰبَ؞

⁸ عِدَنْ دَيْ مُنَدَ عَبِنْثِ دَ رِيغُنَنْ سَاوَا، وَنَّنْ مَا يَا إِسَ؞

⁹ عَمَّا وَطَنْدَ سُكٜىٰ مَرْمَرِنْ يِنْ أَرْزِڧِ سُكَنْ ڢَاطَ ثِكِنْ جَرَّبَ، ثِكِنْ تَرْكُواْ نَمُوغَيٜىٰنْ شَعَوَثٜىٰ شَعَوَثٜىٰ إِرِ إِرِنَّبَنْظَ دَ نَثُوتَرْ دَ وَطَنْدَ سُكَنْ شَا كَنْسُ، سُجَٰوُاْسُ ذُوَاغَ لَلَثٜىٰوَ دَ هَلَّكَ؞

¹⁰ غَمَا ڧَوْنَرْ كُطِ عِتَثٜىٰ تُوشٜىٰنْ كُواْوَثٜىٰ إِرِنْ مُغُنْتَا؞ عَثِكِنْ مَرْمَرِنْ يِنْ أَرْزِڧِ دَ سَوْرِ، وَطَنْسُ سُنْ رَبُ دَ بَنْ‌غَسْكِيَرْسُ حَرْ سُكَ جَٰوُاْ وَكَنْسُ بَڧِنْ ثِكِ إِرِ إِرِ مَاسُ ذَاڢِ؞

غَرْغَطِ غَ تِمُواْتِ

¹¹ عَمَّا يَا كَيْ تِمُواْتِ، كَيْ نَ اللَّهْ نٜىٰ، سَيْ كَغُجٜىٰ وَدُكَنْ وَطَنَّنْ أَبُبُوَ، كَسَا كَيْ غَ نٜىٰمَنْ أَدَلْثِے دَ كَسَنْثٜىٰوَ دَ حَلِ إِرِنْ نَ اللَّهْ دَ بَنْ‌غَسْكِيَ دَ ڧَوْنَ دَ جِمْرٜىٰوَ دَ كُمَ تَوَلِعُ؞

¹² كَيِ ݣَكْݣَوَرْ ڟٜىٰرٜىٰنَّنْ، وَتُواْ ڟٜىٰرٜىٰ نَبَنْ‌غَسْكِيَ؞ كَكَرْٻِ لَادَ نَرَيْ مَدَوَّمِ، وَنْدَ عَكَ كِرَاكَ دُواْمِنْسَ، وَنْدَ كُمَ كَيِ ݣَكْݣَوَرْ شَيْدَ عَكَنْسَ أَغَبَنْ شَيْدُ مَاسُيَوَ؞

¹³ إِنَ عُمَرْتَرْكَ أَغَبَنْ اللَّهْ وَنْدَ يَكٜىٰ بَادَ رَيْ غَ دُكَنْ كُواْمٜىٰ دَ كُمَ أَلْمَسِيحُ عِيسَىٰ وَنْدَ عَثِكِنْ شَيْدَرْسَ أَغَبَنْ بُنْتُسْ بِلَتُسْ يَيِ ݣَكْݣَوَرْ شَيْدَ،

¹⁴ كَكِيَايٜىٰ عُمَرْنِنَّنْ بَاتَرٜىٰدَ كَذَمَ أَبِنْ زَرْغِ كُواْ لَيْڢِے بَ، حَرْ سَيْ عُبَنْ‌غِجِنْمُ عِيسَىٰ أَلْمَسِيحُ يَبَيَّنَ؞

¹⁵ وَنَّنْ بَيَّنَرْ كُوَ اللَّهْ ذَيْسَا تَكَسَنْثٜىٰ أَدَيْدَيْ لُواْكَثِ؞ اللَّهْ وَنْدَ شِ كَطَيْ نٜىٰ مَيْ إِيكُواْ دُكَ مَيْ أَلْبَرْكَ، سَرْكِنْ سَرَاكُنَ دَ عُبَنْ‌غِجِنْ إِيَايٜىٰنْ‌غِجِ،

¹⁶ وَنْدَ شِ كَطَيْ نٜىٰ مَرَرْ مُتُوَ، مَيْ كَسَنْثٜىٰوَ عَثِكِنْ حَصْكٜىٰنْ دَ بَاوَنْدَ يَنَ عِيَ كُسَدَشِ؞ شِينٜىٰ وَنْدَ بَابُوَنِنْ دَ يَتَٻَ غَنِ، كُواْ يَ عِيَ غَنِ؞ أَغَرٜىٰشِ غِرْمَ دَ مُلْكِ مَرَرْ ڧَارٜىٰوَ سُتَبَّتَا؞ أَمِينْ؞

مَاسُبِنْ عِيسَىٰ دَ سُكٜىٰ مَاسُ أَرْزِڧِ

¹⁷ كَا عُمَرْثِ وَطَنْدَ سُكٜىٰ دَ أَرْزِڧِ عَدُونِيَرْ نَنْ ثٜىٰوَ كَدَ سُطَغَ كَيْ كُواْ سُسَا ذُوثِيَارْسُ عَكَنْ أَرْزِڧِ مَرَرْ تَبَّتَا؞ عَمَّا سُسَا ذُوثِيَارْسُ غَ اللَّهْ وَنْدَ يَكٜىٰ تَنَدَ مَنَ كُواْمٜىٰ عَيَلْوَثٜىٰ دُواْمِنْ جِنْ دَاطِنْمُ؞

¹⁸ كَاعُمَرْثٜىٰسُ سُنُونَ أَلْحٜىٰرِ، سُيَلْوَتَ ثِكِنْ يِنْ أَيُّكَ مَاسُ ݣَوْ، سُكَسَنْثٜىٰ مَاسُ بَايَرْوَ حَنُّ سَكٜىٰ، سُنَ تَيْمَكُوانْ وَطَنْسُ؞

¹⁹ تَهَكَ ذَاسُيِ وَكَنْسُ أَجِيَ وَدَّ ذَاتَذَمَ تُوشٜىٰنْ رَايُوَا مَيْ ذُوَا، دُواْمِنْ سُكَڢُ ثِكِنْ رَيْ وَنْدَ شِينٜىٰ عَيْنِحِنْ رَيْ؞

مَغَنَرْ ڧَرْشٜىٰ

²⁰ يَا تِمُواْتِ، كَلُورَ دَ أَبِنَّنْ دَ عَكَ بَاكَ أَمَانَ؞ كَوَارٜىٰ كَنْكَ دَغَ مَغَنْ‌غَنُنْ بَنْظَ نَرَشِنْ ڟُواْرُوانْ اللَّهْ دَ شِغَ ثِكِنْ وَوَنْثِنْ غَرْدَمَ تَرٜىٰدَ مَاسُ غَابَادَكَيْ، مَاسُ مَغَنَ غَمٜىٰدَ حَنْيَرْ دَ عَكٜىٰ طَوْكَ وَيْ عِلِمِ نٜىٰ، عَمَّا ڧَضْيَا نٜىٰ؞

²¹ تَوُرِنْ بِنْ وَنَّنْ كُواْيَرْوَا، وَطَنْسُ مُتَنٜىٰ سُنْ رِغَا سُنْ رَبُ دَ حَنْيَرْ بَنْ‌غَسْكِيَ؞ أَلْحٜىٰرِ يَكَسَنْثٜىٰ تَرٜىٰدَكُو؞ أَمِينْ؞