1 تِمُواْتِ 5 - أَتَّوْرَتْ دَ أَنَّبَاوَا

كُواْيَرْوَا غَمٜىٰدَ حَكِّنْ مَاسُبِے

¹ كَدَ كَڟَاوَتَا وَ ڟُواْهُواْ، عَمَّا كَڧَرْڢَڢَ شِ كَمَرْ شِ بَابَنٜىٰ أَغَرٜىٰكَ؞ سَمَارِ كُمَ كَيِ مُسُ مَغَنَ كَمَرْ یَنْعُوَ،

² ڟُواْڢَڢِّنْ مَاتَا كُمَ كَمَرْ مَامَا، سَعَنً یَنْ مَاتَا كُمَ كَمَرْ یَنْعُوَ دَ مَتُڧَرْ ڟَبْتَرْ رَيْ؞

³ كَبَادَ غِرْمَ غَ مَاتَانْدَ مَذَنْسُ سُكَ مُتُ، وَطَنْدَ أَغَسْكِيَ بَاسُدَ كُواْوَ وَنْدَ ذَيْ تَيْمَكٜىٰسُ؞

⁴ عِدَنْ مَثٜىٰ وَدَّ مِجِنْتَ يَمُتُ تَنَدَ یَیَ كُواْ جِيكُواْكِ، تُواْ، سَيْ سُڢَارَ كُواْيُوانْ نُونَ حَلِ إِرِنْ نَ اللَّهْ غَ دَنْ‌غِنْسُ، دُواْمِنْ تَهَكَ سُو مَا ذَاسُ مَيَرْ وَ إِيَايٜىٰنْسُ تَيْمَكُوانْ دَ سُكَ سَامُ دَغَ غَرٜىٰسُ؞ غَمَا وَنَّنْ يَڢَرَنْتَ وَ اللَّهْ رَيْ؞

⁵ مَثٜىٰ وَدَّ مِجِنْتَ يَمُتُ، وَدَّ بَاتَدَ كُواْوَ دَ ذَيْ تَيْمَكٜىٰتَ، تَكَنْ سَا ذُوثِيَارْتَ غَ اللَّهْ، تَنَ ضُواْڧُواْ دَ أَدُّعُواْعِ دَرٜىٰ دَ رَانَ ذُوَا غَرٜىٰشِ دُواْمِنْ تَيْمَكُواْ؞

⁶ عَمَّا مَثٜىٰ وَدَّ مِجِنْتَ يَمُتُ، وَدَّ كُمَ تَكٜىٰ رَايُوَرْ سُوانْ جِنْ دَاطِنْ كَنْتَ كَوَيْ، تَا رِغَا تَا مُتُ كُواْدَيَكٜىٰ أَ رَايٜىٰ تَكٜىٰ؞

⁷ كَكُمَ بَاسُ وَطَنَّنْ عُمَرْنَيْ، دُواْمِنْ سُكَسَنْثٜىٰ وَطَنْدَ بَاسُدَ أَبِنْ زَرْغِ أَغَبَنْ مُتَنٜىٰ؞

⁸ دُكْ وَنْدَ بَايَ كُلَ دَ دَنْ‌غِنْسَ، مُسَمَّنْ عِيَلِنْ غِدَنْسَ، يَا يِمُسُونْ بَنْ‌غَسْكِيَرْسَ كٜىٰنَنْ، يَكُمَڢِ وَنْدَ يَكٜىٰ مَرَرْ بَادَ غَسْكِيَ مُونِ؞

⁹ مَثٜىٰ دَ مِجِنْتَ يَمُتُ بَتَ إِسَ أَ لِسَّڢْتَا تَ ثِكِنْ مَاتَانْدَ مَذَنْسُ سُكَ مُتُبَ، سَيْدَيْ عِدَنْ شٜىٰكَرُنْتَ سُنْ كَيْ سِتِّنْ، كُمَ لُواْكَثِنْ دَ مِجِنْتَ يَكٜىٰدَ رَيْ تَكَسَنْثٜىٰ مَثٜىٰ مَيْ أَمِنْثِ غَرٜىٰشِ؞

¹⁰ يَا كَمَاتَ تَكُمَ كَسَنْثٜىٰ وَدَّ عَكَ سَنْ أَيُّكَنْتَ مَاسُ ݣَوْ نٜىٰ؞ وَتُواْ، تَذَمَ وَدَّ تَيِ رٜىٰنُوانْ یَیَنْتَ دَݣَوْ، تَنَ كَرْٻَرْ بَاڧِ، تَنَيِ وَڟَرْكَكَا حِدِمَ، تَنَ تَيْمَكُوانْ وَطَنْدَ سُكٜىٰ ثِكِنْ دَامُوَ، كُمَ تَكُواْوَثٜىٰ حَنْيَ تَنَ مِيڧَ كَنْتَ غَ يِنْ أَبُبُوَنْ كِرْكِ؞

¹¹ عَمَّا كَدَ كَسَ مَتَ مَاسُ ڧُرُثِيَ وَطَنْدَ مَذَنْسُ سُكَ مُتُ ثِكِنْ وَنَّنْ لِسَّڢِ، دُواْمِنْ سَعَدَّ شَعَوَرْ جِكِنْسُ تَرَبَ حَنْكَلِنْسُ دَغَ أَلْمَسِيحُ سُكَنْ سُواْ سُيِ عَوْرٜىٰ؞

¹² تَهَكَ سُنَ جَٰوُاْ وَكَنْسُ حُكُنْثِ، غَمَا سُنْ كَرْيٜىٰ أَلْڧَوَرِنْسُ نَڢَرْكُواْ؞

¹³ بَنْدَ حَكَمَا، سُكَنْ كُواْيِ ذَمَنْ بَنْظَ، سُنَ شِغٜىٰ شِغٜىٰنْ غِدَاجٜىٰنْ مُتَنٜىٰ؞ بَا مَا ذَمَنْ بَنْظَ سُكٜىٰيِ كَوَيْبَ، عَمَّا حَرْ دَ غُلْمَ مَا، سُنَ شِغَ أَلْعَمُرَنْ وَطَنْسُ، وَنْدَ بَيْكَمَتَبَ؞

¹⁴ نَڢِسُواْ مَتَ مَاسُ ڧُرُثِيَ وَطَنْدَ مَذَنْسُ سُكَ مُتُ سُيِ عَوْرٜىٰ، سُحَيْڢِ یَیَ، سُبِيدَ شَعَنِنْ غِدَاجٜىٰنْسُ، دُواْمِنْ كَدَ عَبَا أَبُواْكِنْ غَابَنْمُ دَامَرْ يِنْ مَغَنَرْ ٻَاتَ سُونَ عَكَنْمُ؞

¹⁵ غَمَا وَطَنْسُ كُمَ رَشِنْ لُورَ يَسَا سُنْ رِغَا سُنْ رَبُ دَ حَنْيَ سُنَ بِنْ شَيْطَنْ؞

¹⁶ عِدَنْ أَݣَويْ مَاسُبِے وَطَنْدَ عَثِكِنْ دَنْ‌غِنْسُ أَݣَويْ مَاتَانْدَ مَذَنْسُ سُكَ مُتُ، تُواْ، سَيْ تَتَيْمَكٜىٰسُ، كَدَ أَسَا وَجَمَعَرْ مَاسُبِنْ عِيسَىٰ نَوْيِ؞ تَهَكَ جَمَعَرْ مَاسُبِے ذَاسُ سَامِ دَامَرْ تَيْمَكُوانْ عَيْنِحِنْ وَطَنْدَ مَذَنْسُ سُكَ مُتُ دَ كُمَ وَطَنْدَ بَاسُدَ كُواْوَ وَنْدَ ذَيْ تَيْمَكٜىٰسُ؞

¹⁷ دَتَّاوَنْ دَسُكٜىٰ تَڢِيَرْدَ حِدِمَرْسُ يَدَّ يَا كَمَاتَ سَيْ عَبَاسُ غِرْمَنْدَ يَدَاثٜىٰ، مُسَمَّنْ وَطَنْدَ سُكٜىٰ ڢَامَ ثِكِنْ وَعَظِ دَ كُواْيَرْوَا؞

¹⁸ غَمَا رُبُوتَثِّيَرْ مَغَنَرْ اللَّهْ تَثٜىٰ ‏«‏بَذَاعَ رُڢٜىٰ بَاكِنْ بِجِمِ سَعَدَّ يَكٜىٰ سُسُّكَبَ»‏ دَ كُمَ ‏«‏مَيْ عَيْكِ يَثَنْثَنْثِ لَادَنْسَ»‏؞

¹⁹ كَدَ كَيَرْدَ دَ وَتَ ڧَارَرْ دَ عَكَ كَٰوُاْ عَكَنْ وَنِ دَتِّجُوانْ جَمَعَرْ مَاسُبِے، سَيْ دَ شَيْدُ بِيُ كُواْ عُكُ؞

²⁰ غَمٜىٰ دَ وَطَنْدَ سُكٜىٰ ثِيغَبَ ثِكِنْ ذُنُوبِ، كَڟَاوَتَا مُسُ أَغَبَنْ جَمَعَ، دُواْمِنْ سَوْرَنْ سُجِڟُواْرُواْ؞

²¹ أَغَبَنْ اللَّهْ دَ أَلْمَسِيحُ عِيسَىٰ دَ كُمَ مَلاَىِٕكُنْ دَ عَكَ ذَاٻَا، إِنَ مَكَ غَرْغَطِے كَبِے وَطَنَّنْ عُمَرْنَيْ بَنْدَ نُونَ بَمْبَنْثِ كُواْ نُونَ كَڢِ سُوانْ وَنِ ڢِيٜىٰدَ سَوْرَنْ؞

²² كَدَ كَيِ سَوْرِنْ سَا وَوَنِ حَنُّنْ أَلْبَرْكَ، كَدَ كُمَ كَيِ تَرَيَّ ثِكِنْ ذُنُوبِ نَوَطَنْسُ؞ عَمَّا كَكٜىٰٻٜىٰ كَنْكَ دَ ڟَرْكِے؞

²³ كَدَ كَيِ تَشَنْ ضُوَ كَطَيْ، عَمَّا كَشَا ضُوً إِنَبِے كَطَنْ سَبُواْدَ ثِيوُانْ ثِكِنْكَ دَ كُمَ يَوَنْ رَشِنْ لَاڢِيَرْكَ؞

²⁴ ذُنُبَنْ وَطَنْسُ مُتَنٜىٰ سُنَانَنْ أَ ڢِيلِ، كُمَ سُكَنْ بَيَّنَ كَاڢِنْ أَ حُكُنْتَسُ؞ عَمَّا وَطَنْسُ دَغَ بَايَ نٜىٰ ذُنُبَنْسُ سُكَنْ بَيَّنَ أَ ڢِيلِ؞

²⁵ حَكَكُمَ أَيُّكَ مَاسُ ݣَوْ أَ ڢِيلِ سُكٜىٰ، كُواْ بَمَا أَ ڢِيلِ سُكٜىٰبَ، بَاسَ عِيَ كَسَنْثٜىٰ عَٻُواْيٜىٰ؞