1 تِمُواْتِ 4 - أَتَّوْرَتْ دَ أَنَّبَاوَا

غَرْغَطِ ذُوَا وُرِنْ تِمُواْتِ

¹ تُواْ، رُوحُ يَبَيَّنَ أَ سَرَرِ ثٜىٰوَ عَݣُونَكِنْ ڧَرْشٜىٰ وَطَنْسُ ذَاسُبَرْ بَنْ‌غَسْكِيَرْسُ تَغَسْكِيَ، سُمَيْدَ حَنْكَلِ غَ رُوحُواْحِ مَاسُ رُوطُ دَ كُواْيَرْوَرْ ڧَضْيَا تَ أَلْجَنُ؞

² كُواْيَرْوَرْ نَنْ ذَاتَ تَاسُواْ تَوُرِنْ مُنَاڢُنْثِنْ مَاسُ ڧَضْيَا، وَطَنْدَ تُنَانِنْ ذُوثِيَارْسُ يَمُتُ، كَمَرْ أَنْڧُواْنٜىٰشِ دَ ڧَرْڢٜىٰ مَيْ وُتَا؞

³ إِرِنْ مُتَنٜىٰنَّنْ سُنَ حَنَ يِنْ عَوْرٜىٰ، سُنْ كُمَ عُمَرْتَ عَبَرْ ثِنْ عَبِنْثِ إِرِ إِرِ؞ غَاشِ كُوَ اللَّهْ نٜىٰ يَحَلِثِّ عَبِنْثِنْ دُواْمِنْ وَطَنْدَ سُكَ بَادَ غَسْكِيَ سُكَ كُمَ سَنْ غَسْكِيَرْ سُكَرْٻَ دَ غُواْدِيَ؞

⁴ غَمَا دُكْ أَبِنْدَ اللَّهْ يَحَلِتَّ يَنَدَ ݣَوْ، كُمَ كَدَ عَڧِ كُواْمٜىٰ إِنْ دَيْ أَنْكَرْٻٜىٰشِ دَ غُواْدِيَ،

⁵ غَمَا أَنْڟَرْكَكٜىٰ شِ تَوُرِنْ كَلْمَرْ اللَّهْ دَ أَدُّعَ؞

مَيْحِدِمَ مَيْݣَوْ نَ أَلْمَسِيحُ عِيسَىٰ

⁶ عِدَنْ كَا كُواْيَرْ دَ یَنْعُوَ وَطَنَّنْ أَبُبُوَ، ذَاكَ ذَمَ مَيْ حِدِمَ مَيْݣَوْ نَ أَلْمَسِيحُ عِيسَىٰ، وَنْدَ يَيِ غِرْمَ عَثِكِنْ كَلْمَرْ نَنْ تَبَنْ‌غَسْكِيَ دَ كُمَ كُواْيَرْوَرْ نَنْ مَيْݣَوْ وَدَّ كَكٜىٰبِے هَرْوَيَوْ؞

⁷ كَيِ نٜىٰسَ دَ تَڟُونِيُواْيِنْ صَاٻُواْ دَ نَبَنْظَ دَ وُاْڢِ؞ أَ مَيْمَكُوانْ حَكَ هُواْرَرْ دَ كَنْكَ ثِكِنْ حَلِ إِرِنْ نَ اللَّهْ؞

⁸ كُواْدَيَكٜىٰ حُواْرُوانْ جِكِے يَنَدَ طَنْ أَمْڢَانِ، عَمَّا دَيْ كَسَنْثٜىٰوَ دَ حَلِ إِرِنْ نَ اللَّهْ يَڢِ أَمْڢَانِ عَتَكُواْوَثٜىٰ حَنْيَ، غَمَا يَنَ جَٰوُاْ أَلْبَرْكَ غَ رَايُوَرْ نَنْ تَيَنْظُ دَ كُمَ رَايُوَا مَيْ ذُوَا؞

⁹ وَنَّنْ مَغَنَ تَبَّتَاثِّيَثٜىٰ، كُمَ تَا إِسَ عَكَرْٻٜىٰتَ غَبَاطَيَ؞

¹⁰ شِيَسَا مُنَ يِنْ عَيْكِ دَ ڨُوذُواْ مُنَ ڢَامَ، غَمَا مُنْ سَا ذُوثِيَارْمُ غَ اللَّهْ مَيْ رَيْ وَنْدَ يَكٜىٰ مَيْ ثٜىٰتُوانْ كُواْوَ، مُسَمَّنْ غَ وَطَنْدَ سُكَ بَادَ غَسْكِيَ؞

¹¹ كَاعُمَرْتَ كَكُمَ كُواْيَرْ دَ وَطَنَّنْ أَبُبُوَ؞

¹² كَدَ كَبَرْ وَنِ يَرٜىٰنَ ڧُرُثِيَرْكَ، عَمَّا كَذَمَ أَبِنْ كُواْيِ غَ سَوْرَنْ مَاسُبِے، ثِكِنْ مَغَنَ دَ رَايُوَا دَ ڧَوْنَ دَ بَنْ‌غَسْكِيَ دَ كُمَ ڟَبْتَرْ رَيْ؞

¹³ كَاڢِنْ إِنْذُواْ، كَثِيغَبَدَ كَرَنْتَ رُبُوتَثِّيَرْ مَغَنَرْ اللَّهْ وَ جَمَعَ دَ يِنْ وَعَظِ دَ كُمَيِنْ كُواْيَرْوَا؞

¹⁴ كَدَ كَڨَلٜىٰ وَنَّنْ بَيْوَرْ دَ كَكٜىٰ دَ عِتَ، وَدَّ عَكَبَاكَ تَوُرِنْ أَنَّبْثِ لُواْكَثِنْ دَ مَجَلِسَرْ دَتَّاوَا سُكَسَا مَكَ حَنُّنْ أَلْبَرْكَ؞

¹⁵ كَعَيْكَتَ وَطَنَّنْ أَبُبُوَ ثِكِنْ عَيْكِنْكَ، كَمِيڧَ كَنْكَ غَبَاطَيَ غَرٜىٰسُ، دُواْمِنْ كُواْوَ يَغَ ثِيغَبَنْكَ؞

¹⁶ كَلُورَ سُواْسَيْ دَ كَنْكَ دَ كُمَ كُواْيَرْوَرْكَ؞ كَنَاثٜىٰ دَ يِنْ وَطَنَّنْ أَبُبُوَ، دُواْمِنْ إِنْ كَيِ حَكَ، ذَاكَثٜىٰثِ كَنْكَ دَ كُمَ مَاسُ جِنْكَ؞