1 تِمُواْتِ 3 - أَتَّوْرَتْ دَ أَنَّبَاوَا

هَلَيٜىٰنْ ذَمَنْ شُوغَبَا

¹ مَغَنَرْ نَنْ تَبَّتَاثِّيَ ثٜىٰ، ثٜىٰوَ دُكْ وَنْدَ يَكٜىٰ مَرْمَرِنْ ذَمَ مَيْ كُلَ دَ جَمَعَرْ مَاسُبِے، عَيْكِنْ دَرَجَ يَكٜىٰ مَرْمَرِنْسَ نٜىٰ؞

² يَا كَمَاتَ مَيْ كُلَ دَ جَمَعَرْ مَاسُبِے يَكَسَنْثٜىٰ مَرَرْ لَيْڢِے أَغَبَنْ مُتَنٜىٰ، يَكَسَنْثٜىٰ مَيْ مَتَ طَيَ، مَيْ حَنْكَلِ، مَيْ نَڟُوَ، مَيْ كَامُنْ كَيْ، مَيْ كَرْٻَرْ بَاڧِ، مَيْ عِيَ كُواْيَرْوَا سُواْسَيْ،

³ بَا مَيْ بُغُوَبَ، بَا مَيْ نٜىٰمَنْ ڢَطَابَ عَمَّا مَيْ تَوَلِعُ، بَا مَيْ غَرْدَمَبَ، كُمَ بَا مَيْ سُوانْ كُطِبَ؞

⁴ دُواْلٜىٰنٜىٰ يَكَسَنْثٜىٰ وَنْدَ يَ عِيَ بِيدَ عِيَلِنْسَ دَݣَوْ، يَنَ سَا يَارَنْسَ سُذَمَ مَاسُبِيَيَّ دَ بَنْ غِرْمَ غَرٜىٰشِ تَكُواْوَثٜىٰ حَنْيَ؞

⁵ غَمَا إِنْ حَرْ وَنِ بَيْسَنْ يَدَّ ذَيْبِدَ عِيَلِنْسَبَ، تُواْ، يَيَ ذَيْ عِيَ لُورَ دَ جَمَعَرْ مَاسُبِنْ اللَّهْ؟

⁶ كَدَ يَذَمَ سَابُوانْ تُوبَ، دُواْمِنْ كَدَ غِرْمَنْ كَيْ ذَيْسَا حَرْ يَشِغَ ثِكِنْ إِرِنْ حُكُنْثِنْ دَ عَكَيِ وَ شَيْطَنْ؞

⁷ يَا كَمَاتَ مَيْ كُلَ دَ جَمَعَ يَكَسَنْثٜىٰ وَنْدَ يَكٜىٰدَ شَيْدَ مَيْݣَوْ أَغَبَنْ مُتَنٜىٰنْ دَ بَ مَاسُبِيبَ، دُواْمِنْ كَدَ يَذَمَ أَبِنْ كُنْيَا، يَڢَاطَ ثِكِنْ تَرْكُوانْ شَيْطَنْ؞

⁸ حَكَ مَا مَاسُ حِدِمَ عَثِكِنْ جَمَعَرْ مَاسُبِے، دُواْلٜىٰنٜىٰ سُكَسَنْثٜىٰ مَاسُ حَنْكَلِ، بَ مَاسُ بَاكِ بِيُ أَ مَغَنَبَ، بَكُمَ مَاسُيَوَنْ شَنْ ضُوً إِنَبِے كُواْ مَاسُ ثُوتَا أَ ڢَنِّنْ كُطِبَ؞

⁹ دُواْلٜىٰنٜىٰ سُكُمَ رِڧٜىٰ أَسِيرِنْ بَنْ‌غَسْكِيَ دَ تُنَانِنْ دَيَكٜىٰ تَبَّتَرْ مُسُ بَاسُ دَ لَيْڢِے؞

¹⁰ وَطَنَّنْ مَاسُ حِدِمَ كُمَ سَيْ أَنْ‌ڠُودَاسُ تُكُنَ، سَعَنً، عِدَنْ أَنْتَبَّتَا بَاسُدَ لَيْڢِے، تُواْ، سَيْ سُكَامَ عَيْكِنْ حِدِمَ؞

¹¹ حَكَ مَا مَاتَا مَاسُ حِدِمَ سُذَمَ مَاسُ حَنْكَلِ، بَ مَاسُ مَغَنَرْ ٻَاتَ سُونَبَ، عَمَّا سُذَمَ مَاسُ نَڟُوَ، مَاسُ أَمِنْثِ ثِكِنْ كُواْمٜىٰ؞

¹² مَيْ حِدِمَ عَثِكِنْ جَمَعَرْ مَاسُبِے يَكَسَنْثٜىٰ دَ مَثٜىٰ طَيَ، يَنَ كُمَ بِيدَ يَارَنْسَ دَ سَوْرَنْ عِيَلِنْسَ أَ حَنْيَرْ دَتَدَاثٜىٰ؞

¹³ وَطَنْدَ سُكٜىٰ حِدِمَ مَيْݣَوْ عَثِكِنْ جَمَعَرْ مَاسُبِے سُكَنْ سَامُواْ وَكَنْسُ سُنَ مَيْݣَوْ دَ تَبَّثِ ثِكِنْ بَنْ‌غَسْكِيَرْسُ ثِكِنْ أَلْمَسِيحُ عِيسَىٰ؞

أَسِيرِنْ أَدِّينِنْمُ

¹⁴ أَسَعَدَّ نَكٜىٰ رُبُوتَ وَطَنَّنْ عُمَرْنَيْ ذُوَا غَرٜىٰكَ، إِنَسَا ذُوثِيَا ذَنْذُواْ وُرِنْكَ بَادَ جِمَاوَابَ؞

¹⁵ عَمَّا عِدَنْ أَنْثِ مِنِ لُواْكَثِ، عُمَرْنَنَّنْ ذَاسُسَا كَسَنْ يَدَّ يَا كَمَاتَ مُبِدَ كَنْمُ عَثِكِنْ غِدَنْ اللَّهْ، وَتُواْ جَمَعَرْ مَاسُبِنْ اللَّهْ مَيْ رَيْ، وَدَّ تَكٜىٰ غِنْشِڧِ دَ كُمَ تُوشٜىٰنْ غَسْكِيَ؞

¹⁶ بَا شَكَّ، أَسِيرِنْ بَنْ‌غَسْكِيَرْمُ دَ ظُرْڢِ يَكٜىٰ؞ أَلْمَسِيحُ يَبَيَّنَ ثِكِنْ جِكِے، أَنُّونَ شِے مَيْ غَسْكِيَ نٜىٰ تَ رُوحُ؞ مَلاَىِٕكُ سُكَ غَنْشِ، أَنْيِ شٜىٰلَرْسَ غَ أَلْعُمَّيْ؞ أَنْ بَادَ غَسْكِيَ غَرٜىٰشِ عَدُونِيَا، أَنْطَوْكٜىٰشِ ثِكِنْ طَوْكَكَ؞