1 تَسَلُواْنِكَاوَا 4 - أَتَّوْرَتْ دَ أَنَّبَاوَا

إِرِنْ رَايُوَرْ دَ تَكٜىٰ ڢَرَنْتَ وَ اللَّهْ رَيْ

¹ عَڧَرْشٜىٰ كُمَ، یَنْعُوَ، مُنَ ضُواْڧُوانْكُ، مُنَ كُمَ ڧَرْڢَڢَاكُ سَبُواْدَ عُبَنْ‌غِجِ عِيسَىٰ ثٜىٰوَ كُيِ رَايُوَرْ دَتَ ثَنْثَنْتَ دَكُو، رَايُوَرْ دَتَكٜىٰ ڢَرَنْتَاوَا اللَّهْ رَيْ، كَمَرْ يَدَّ كُكَ كُواْيَ أَوُرِنْمُ؞ كُواْدَيَكٜىٰ كُنَ يِنْ إِرِنْ رَايُوَرْ نَنْ، سَيْ كُڧَارَ ڧُواْڧَرِ سُواْسَيْ؞

² غَمَا كُنْ سَنْ عُمَرْنِنْ دَ مُكَ بَاكُ تَوُرِنْ إِيكُوانْ عُبَنْ‌غِجِ عِيسَىٰ؞

³ غَمَا وَنَّنْ شِينٜىٰ نُڢِنْ اللَّهْ، يَمَيْدَكُو مَاسُ ڟَرْكِے؞ سَبُواْدَ حَكَ، سَيْ كُغُجٜىٰ وَحَلِنْ لَلَتَ؞

⁴ كُواْوَ يَسَنْ يَدَّ ذَيْبِدَ جِكِنْسَ ثِكِنْ ڟَرْكِے دَ مُتُنْثِ،

⁵ بَتَ مُوغُوَرْ شَعَوَبَ يَدَّ وَطَنْدَ بَا يَهُودَاوَا بَ سُكٜىٰيِ، وَطَنْدَ بَسُسَنْ اللَّهْ بَ؞

⁶ كَدَ وَنِ يَثُوثِ طَنْعُوَنْسَ كُواْ يَيِ مَسَ لَيْڢِے أَوَنَّنْ أَلْعَمَرِ، غَمَا عُبَنْ‌غِجِ ذَيْ حُكُنْتَ مَاسُ عَيْكَتَ دُكَنْ وَطَنَّنْ أَبُبُوَ، كَمَرْ يَدَّ مُكَ غَيَ مُكُ تُنْدَ ڢَرْكُواْ، مُكَكُمَيِ مُكُ غَرْغَطِے؞

⁷ غَمَا اللَّهْ بَيْ كِرَامُ دُواْمِنْ مُيِ ذَمَنْ ڧَظَنْتَا بَ، سَيْدَيْ ذَمَنْ ڟَرْكِے؞

⁸ سَبُواْدَ حَكَ دُكْ وَنْدَ يَڧِ يَرْدَ دَ وَنَّنْ كُواْيَرْوَا، بَمُتُمْ يَڧِبَ، اللَّهْ نٜىٰ يَڧِ، اللَّهْ وَنْدَ يَكٜىٰ بَاكُ رُوحُنْسَ مَيْ ڟَرْكِے؞

⁹ غَمٜىٰ دَ ڧَوْنَرْ یَنْعُوَ كُوَ، بَ سَيْ وَنِ يَرُبُوتَ مُكُبَ، دُواْمِنْ كُو دَ كَنْكُ اللَّهْ يَكُواْيَ مُكُ ثٜىٰوَ كُڧَوْنَثِ جُونَ؞

¹⁰ حَڧِيڧَ كُوَ، كُنَ ڧَوْنَرْ دُكَنْ یَنْعُوَ أَدُكْ ڧَسَرْ مَكِدُواْنِيَ؞ سَيْ دَيْ مُنَ ڧَرْڢَڢَاكُ، یَنْعُوَ، كُڧَارَ يِنْ حَكَ ڨُورَيْ دَ غَسْكٜىٰ؞

¹¹ كُيِ ڧُواْڧَرِ كُيِ ذَمَنْ نَڟُوَ، كُكُلَ دَ أَلْعَمُرَنْ دَسُكٜىٰ غَبَنْكُ كَوَيْ، كُنَ كُمَ عَيْكِ دَ حَنُّوَنْكُ يَدَّ مُكَ كُواْيَ مُكُ؞

¹² تَهَكَ ذَاكُ ذَمَ مَاسُ مُتُنْثِ غَ وَطَنْدَ بَ مَاسُبِے بَ، كُمَ بَذَاكُ دُواْغَضَ عَكَنْ كُواْوَبَ؞

دَاوُاْوَرْ عُبَنْ‌غِجِ

¹³ عَمَّا یَنْعُوَ، بَامُسُواْ كُكَسَنْثٜىٰ دَ رَشِنْ سَنِ غَمٜىٰدَ وَطَنْدَ سُكَيِ بَرْثِبَ، وَتُواْ وَطَنْدَ سُكَ مُتُ، دُواْمِنْ كَدَ كُيِ بَڧِنْ ثِكِ كَمَرْ سَوْرَنْ مُتَنٜىٰنْ دَ بَاسُدَ سَا ذُوثِيَا؞

¹⁴ تُنْدَ مُكَ غَسْكَتَ عِيسَىٰ يَمُتُ، يَكُمَ تَاشِ، حَكَكُمَ مُكَ غَسْكَتَ ثٜىٰوَ وَطَنْدَ سُكَيِ بَرْثِ عَثِكِنْ عِيسَىٰ، اللَّهْ ذَيْ دَاوُاْ دَسُو تَرٜىٰدَشِ؞

¹⁵ مُنَ كُوَ سَنَرْ مُكُ بِسَغَ كَلْمَرْ عُبَنْ‌غِجِ ثٜىٰوَ مُو دَ ذَامُ كَسَنْثٜىٰ دَ رَيْ أَ لُواْكَثِنْ دَ عُبَنْ‌غِجِ ذَيْ دَاوُاْ، بَذَامُ رِغَا وَطَنْدَ سُكَيِ بَرْثِ تَاشِ بَ، كُواْ كَطَنْ؞

¹⁶ غَمَا عُبَنْ‌غِجِ دَ كَنْسَ مَا ذَيْ سَوْكُواْ دَغَ سَمَ دَكِرَا مَيْ ڧَرْڢِے دَ مُرْيَرْ بَبَّنْ مَلاَىِٕكَ دَ كُمَ بُوسَرْ ڧَهُوانْ اللَّهْ؞ وَطَنْدَ سُكَ مُتُ ثِكِنْ أَلْمَسِيحُ، سُونٜىٰ ذَاسُ ڢَارَ تَاشِ؞

¹⁷ سَعَنً مُو دَ ذَامُ كَسَنْثٜىٰ دَ رَيْ أَ لُواْكَثِنْ، ذَاعَ طَوْكٜىٰمُ تَرٜىٰدَسُو عَثِكِنْ غِرْغِجٜىٰ، دُواْمِنْ مُسَدُ دَ عُبَنْ‌غِجِ أَسَرَرِنْ سَمَ؞ ذَامُ كُمَ كَسَنْثٜىٰ تَرٜىٰدَ عُبَنْ‌غِجِ حَرْ أَبَدَا؞

¹⁸ سَبُواْدَ حَكَ، سَيْ كُڧَرْڢَڢَ جُونَ دَ وَنَّنْ مَغَنَ؞