1 سَمَٰعِيلَ 8 - أَتَّوْرَتْ دَ أَنَّبَاوَا

إِسْرَٰٓءِيلَاوَا سُنْ ضُواْڧَا عَبَاسُ سَرْكِے

¹ دَ سَمَٰعِيلَ يَڟُوڢَ سَيْ يَسَا یَیَنْسَ مَظَا شُوغَبَنِّ عَ إِسْرَٰٓءِيلَ؞

² سُونَنْ طَنْ ڢَارِنْسَ يُواْوٜىٰلْ، سُونَنْ نَبِيُنْ كُمَ أَبِيَ؞ سُنْيِ عَيْكِنْ شَرِيعَ أَ بٜىٰيٜىٰرْشٜىٰبَ؞

³ عَمَّا یَیَنْسَ بَسُ بِے غُرْبِنْسَبَ؞ سُنْ جُويَا غَ نٜىٰمَنْ كُطِ، سُنَ ثِنْ حَنْثِ، سُنَ جُجُّويٜىٰ غَسْكِيَ ثِكِنْ شَرِيعَ؞

⁴ سَبُواْدَ حَكَ دُكَنْ دَتَّاوَنْ إِسْرَٰٓءِيلَ سُكَ حَطُ سُكَذُواْ وُرِنْ سَمَٰعِيلَ أَغَرِنْ رَمَ؞

⁵ سُكَثٜىٰ وَ سَمَٰعِيلَ ‏«‏يَنْذُ كَا ڟُوڢَ، كُمَ یَیَنْكَ بَاسَبِنْ غُرْبِنْكَ؞ سَبُواْدَ حَكَ كَذَاٻَا مَنَ سَرْكِنْ دَ ذَيْ يِمَنَ شَرِيعَ كَمَرْ سَوْرَنْ أَلْعُمَّيْ؞»‏

⁶ عَمَّا سَمَٰعِيلَ بَيْجِ دَاطِنْ مَغَنَرْسُ نَنٜىٰمَنْ سَرْكِنْ دَ ذَيْ يِمُسُ شَرِيعَبَ؞ سَيْ يَيِ أَدُّعَ غَ يَهْوٜىٰهْ؞

⁷ يَهْوٜىٰهْ يَأَمْسَ مَسَ يَثٜىٰ ‏«‏كَيِ دُكَنْ أَبِنْدَ جَمَعَ سُكَ ڢَطَا مَكَ؞ غَمَا بَكَيْ سُكَڧِيبَ، نِنٜىٰ سُكَڧِ دَ ذَمَ سَرْكِنْسُ؞

⁸ تُنْ لُواْكَثِنْدَ نَكَٰوُاْسُ دَغَ ڧَسَرْ مَصَرْ، حَرْ ذُوَا يَوْ، سُنْ جُويَا مِنِ بَايَ سُنْ كُواْمَ سُنَ بِنْ وَطَنْسُ أَلُّواْلِ؞ يَنْذُ كُمَ حَكَ سُكٜىٰيِ مَكَ؞

⁹ تُواْ، سَيْ كَسَوْرَرٜىٰسُ، عَمَّا كَغَرْغَطٜىٰسُ سُواْسَيْ غَمٜىٰدَ يَدَّ سَرْكِنْ ذَيْ دِنْ‌غَيِ دَسُو؞»‏

¹⁰ سَيْ سَمَٰعِيلَ يَڢَطَا وَجَمَعَرْ دَسُكٜىٰ ضُواْڧُواْ عَبَاسُ سَرْكِے دُكَنْ مَغَنَرْ دَ يَهْوٜىٰهْ يَيِ؞

¹¹ سَمَٰعِيلَ يَثٜىٰ مُسُ ‏«‏غَا يَدَّ كُواْوَنٜىٰ سَرْكِے ذَيْ دِنْ‌غَيِ دَكُو؞ ذَيْ ݣُوشِ یَیَنْكُ سُذَمَ سُواْجُواْجِنْسَ، وَطَنْسُنْسُ ذَاسُيِ عَيْكِ دَ كٜىٰكُنَنْ يَاڧِنْسَ، وَطَنْسُ كُمَ ذَاسُهَوْ دَوَكِنْسَ، وَطَنْسُ كُمَ ذَاسُ ذَمَ مَاسُ جَا غَبَنْ كٜىٰكُنَنْ دُواْكِنْ يَاڧِ؞

¹² ذَيْ تِلَسْتَ وَطَنْسُ سُذَمَ شُوغَبَنِّ عَكَنْ سُواْجُواْجِ دُبُو دُبُو دَ سُواْجُواْجِ حَمْسِنْ حَمْسِنْ؞ یَیَنْكُ مَظَا ذَاسُ نُواْمٜىٰ غُواْنَكِنْسَ، سُغِرْبٜىٰ حَڟِنْسَ، سُڧٜىٰرَ مَسَ كَايَنْ يَاڧِنْسَ دَ نَكٜىٰكُنَنْ دُواْكِنْ يَاڧِنْسَ؞

¹³ سَرْكِنْ كُمَ ذَيْ ݣُوشِ یَنْ مَاتَنْكُ سُدِنْ‌غَ شِرْيَ مَسَ تُرَارٜىٰ، سُيِمَسَ دَڢٜىٰ دَڢٜىٰ دَ غَشٜىٰ غَشٜىٰ؞

¹⁴ ذَيْ ڨُوثٜىٰ ڢِيلَيٜىٰنْ غُواْنَكِنْكُ وَطَنْدَ سُكَڢِݣَوْ دَ غُواْنَكِنْكُ نَ عِتَتُوَنْ إِنَبِے دَ نَ عِتَتُوَنْ ظَيْتُنْ يَبَا مَعَيْكَتَنْسَ؞

¹⁵ ذَيْ كَرْٻِ زَكَّ تَهَڟِنْكُ دَ تَ إِنَبِنْكُ سَبُواْدَ مَاسُ عَيْكِ أَغِدَنْسَ دَ سَوْرَنْ شُوغَبَنِّ؞

¹⁶ ذَيْ كُمَ ڨُوثٜىٰ مَڢِے ݣَوْ دَغَ بَايِنْكُ مَظَا دَ مَاتَادَ شَانُنْكُ دَ جَاكُنَنْكُ دُواْمِنْ سُيِمَسَ عَيْكِ؞

¹⁷ ذَيْ كَرْٻِ زَكَّ تَدَبُّواْبِنْكُ؞ سَعَنً كُو دَ كَنْكُ ذَاكُ ذَمَ بَايِنْسَ؞

¹⁸ أَ لُواْكَثِنْ ذَاكُيِ كُوكَا سَبُواْدَ كُو كُكَثٜىٰ كُنَ سُوانْ سَرْكِے، عَمَّا يَهْوٜىٰهْ بَذَيْجِ كُبَ؞»‏

¹⁹ عَمَّا دُكْدَهَكَ مُتَنٜىٰنْ بَسُجِ غَرْغَطِنْ سَمَٰعِيلَ بَ؞ سُكَثٜىٰ ‏«‏أَعَ، مُو دَيْ سَرْكِے مُكٜىٰسُواْ،

²⁰ دُواْمِنْ مُو مَا مُذَمَ كَمَرْ سَوْرَنْ أَلْعُمَّيْ؞ بَرِ سَرْكِنْمُ يَيِ مَنَ شَرِيعَ يَكُمَيِ مَنَ جَغُواْرَ عَيَاڧٜىٰ يَاڧٜىٰنْمُ؞»‏

²¹ بَايَنْ سَمَٰعِيلَ يَسَوْرَرِ دُكَنْ أَبِنْدَ سُكَ ڢَطَا، سَيْ يَمَيَرْوَ يَهْوٜىٰهْ؞

²² سَعَنً يَهْوٜىٰهْ يَثٜىٰ مَسَ ‏«‏كَجِ بُڧَاتَرْسُ، كَنَطَ مُسُ سَرْكِے؞»‏ سَيْ سَمَٰعِيلَ يَثٜىٰ وَ إِسْرَٰٓءِيلَاوَا ‏«‏تُواْ، أَنْجِ، كُواْوَ يَكُواْمَ غَرِنْسَ؞»‏