1 سَمَٰعِيلَ 7 - أَتَّوْرَتْ دَ أَنَّبَاوَا

¹ مُتَنٜىٰنْ كِرِيَتْ يٜىٰيَرِمْ سُكَجٜىٰ سُكَ طَوْكِ عَݣُوتِنْ يَرْجٜىٰجٜىٰنِيَ نَ يَهْوٜىٰهْ سُكَ كَيْ شِ غِدَنْ أَبِينَدَبْ وَنْدَ يَكٜىٰ عَكَنْ تُدُ؞ سُكَ كٜىٰٻٜىٰ طَنْسَ عٜىٰلٜىٰيَظَرْ يَلُورَ دَ عَݣُوتِنْ يَرْجٜىٰجٜىٰنِيَ نَ يَهْوٜىٰهْ؞

شُوغَبَنْثِنْ سَمَٰعِيلَ عَ إِسْرَٰٓءِيلَ

² عَكَ طَوْكِ لُواْكَثِ مَيْ ڟَوُاْ، وَجٜىٰنْ شٜىٰكَرُ عَشِرِنْ عَݣُوتِنْ يَرْجٜىٰجٜىٰنِيَ يَنَ ذَمَ أَ كِرِيَتْ يٜىٰيَرِمْ؞ أَ لُواْكَثِنَّنْ، دُكَنْ مُتَنٜىٰنْ غِدَنْ إِسْرَٰٓءِيلَ سُكَيِ كُوكَا سُنَ نٜىٰمَنْ يَهْوٜىٰهْ؞

³ سَيْ سَمَٰعِيلَ يَيِ مَغَنَ دَ دُكَنْ غِدَنْ إِسْرَٰٓءِيلَ يَثٜىٰ ‏«‏عِدَنْ دَ غَسْكٜىٰ كُكٜىٰسُواْ كُكُواْمَ غَ يَهْوٜىٰهْ، سَيْ كُواْوَ يَذُواْ دَ دُكَنْ ذُوثِيَارْسَ؞ تُواْ، سَيْ كُرَبُ دَ دُكَنْ غُمَكَنْ أَلُّواْلِنْ ڧَبِيلُ دَ كُمَ غُمَكَنَّنْ عَشْتُواْرٜىٰتْ؞ كُمِيڧَ كَنْكُ دُكَ غَ يَهْوٜىٰهْ كُيِ مَسَ سُجَّدَ شِ كَطَيْ، سَعَنً ذَيْثٜىٰثٜىٰكُ دَغَ حَنُّنْ ڢِلِسْتِيَاوَا؞»‏

⁴ سَيْ إِسْرَٰٓءِيلَاوَنْ سُكَ ظُبَرْدَ غُمَكَنَّنْ بَعَلْ دَ عَشْتُواْرٜىٰتْ سُكَيِ وَ يَهْوٜىٰهْ كَطَيْ سُجَّدَ؞

⁵ سَيْ سَمَٰعِيلَ يَثٜىٰ ‏«‏عَتَارَ إِسْرَٰٓءِيلَاوَا دُكَ أَ مِظْڢَ، نِے كُوَ ذَنْيِ أَدُّعَ غَ يَهْوٜىٰهْ دُواْمِنْكُ؞»‏

⁶ سُكَ تَارُ أَ مِظْڢَ دُكَنْسُ؞ سُكَ جَٰوُاْ ضُوَ سُكَ ظُبَ يَذَمَ كَمَرْ هَدَايَ أَغَبَنْ يَهْوٜىٰهْ، سُكَ كُمَيِ أَظُمِ دُكَنْ رَانَرْ؞ سُكَ تُوبَ سُنَ ثٜىٰوَ ‏«‏مُنْيِ وَ يَهْوٜىٰهْ ذُنُوبِ؞»‏ أَ مِظْڢَ نٜىٰ سَمَٰعِيلَ يَڢَارَ يِنْ عَيْكِنْ شَرِيعَ عَثِكِنْ إِسْرَٰٓءِيلَ؞

⁷ دَ ڢِلِسْتِيَاوَا سُكَجِ ثٜىٰوَ إِسْرَٰٓءِيلَاوَا سُنْ تَارُ أَ مِظْڢَ، سَيْ سَرَاكُنَنْ ڢِلِسْتِيَاوَا سُكَ تَتَّارُ ذَاسُ ڢَاطَوَ إِسْرَٰٓءِيلَ دَ يَاڧِ؞ دَ إِسْرَٰٓءِيلَاوَا سُكَجِ وَنَّنْ سَيْ سُكَ ڢِرْغِتَ سُواْسَيْ غَمٜىٰدَ ڢِلِسْتِيَاوَنْ؞

⁸ سَيْ إِسْرَٰٓءِيلَاوَا سُكَثٜىٰ وَ سَمَٰعِيلَ ‏«‏كَدَ كَدَيْنَ ضُواْڧُوانْ يَهْوٜىٰهْ اللَّهْ نْمُ يَڢِتَرْ دَمُو دَغَ حَنُّنْ ڢِلِسْتِيَاوَا»‏؞

⁹ سَيْ سَمَٰعِيلَ يَطَوْكِ طَنْ ضَغُواْ يَمِيڧَ شِ طُنْ‌غُمْ هَدَايَ تَڧُواْنَاوَا غَ يَهْوٜىٰهْ؞ سَعَنً سَمَٰعِيلَ يَيِ ضُواْڧُواْ غَ يَهْوٜىٰهْ أَمَدَدِنْ إِسْرَٰٓءِيلَاوَا، يَهْوٜىٰهْ كُمَ يَأَمْسَ مَسَ؞

¹⁰ عَيَيِنْ دَ سَمَٰعِيلَ يَكٜىٰ مِيڧَ هَدَايَ تَڧُواْنَاوَا، سَيْ ڢِلِسْتِيَاوَا سُكَ مَڟُواْ ذَاسُ ڢَاطَ مُسُ دَ يَاڧِ؞ عَمَّا أَ رَانَرْ نَنْ سَيْ يَهْوٜىٰهْ يَسَكِ ڟَاوَ مَيْ ڧَرْڢِے دَغَ سَمَ عَكَنْ ڢِلِسْتِيَاوَا؞ يَهْوٜىٰهْ يَسَا سُكَ ضِكِثِے غَبَاطَيَ، سُكَ جُويَا سُكَ غُدُ دَغَ غَبَنْ إِسْرَٰٓءِيلَاوَا؞

¹¹ سُواْجُواْجِنْ إِسْرَٰٓءِيلَ سُكَ ڢِتَ دَغَ مِظْڢَ سُكَبِے ڢِلِسْتِيَاوَنْ، سُكَيِ تَكَكَّشٜىٰسُ حَرْ ذُوَا ݣُورِنْ بٜىٰتْكَرْ؞

¹² سَيْ سَمَٰعِيلَ يَطَوْكِ ڧَتُوانْ دُوڟٜىٰ يَكَڢَ شِ ڟَكَانِنْ مِظْڢَ دَ شٜىٰنْ؞ يَكُمَسَا مَسَ سُونَ عٜىٰبٜىٰنٜىٰظٜىٰرْ، وَتُواْ ‏«‏دُوڟٜىٰنْ تَيْمَكُواْ،»‏ يَنَ ثٜىٰوَ ‏«يَهْوٜىٰهْ نٜىٰ يَتَيْمَكٜىٰمُ حَرْ ذُوَا يَنْذُ؞»‏

¹³ تَهَكَ عَكَيِ نَصَرَا عَكَنْ ڢِلِسْتِيَاوَا؞ بَسُ كُمَ سَاكٜىٰ شِغَ يَنْكِنْ إِسْرَٰٓءِيلَ بَ، غَمَا يَهْوٜىٰهْ يَا يِتَيِنْ غَابَادَ ڢِلِسْتِيَاوَا دُكَنْ ݣُونَكِنْ رَايُوَرْ سَمَٰعِيلَ؞

¹⁴ عَكَ مَيَرْوَ إِسْرَٰٓءِيلَاوَا دُكَنْ غَرُضُوً دَ ڢِلِسْتِيَاوَا سُكَ ڨُوثٜىٰ، وَتُواْ غَرُضُوً دَسُكٜىٰ دَغَ عٜىٰكْرُوانْ ذُوَا غَتْ؞ تَهَكَ إِسْرَٰٓءِيلَاوَا سُكَ مَيْدَ دُكَنْ يَنْكِنْ ڧَسَرْسُ ڧَرْڧَشِنْ مُلْكِنْسُ؞ حَكَكُمَ عَكَسَامِ سَلَمَ ڟَكَانِنْ إِسْرَٰٓءِيلَاوَا دَ أَمُواْرِيَاوَا؞

¹⁵ سَمَٰعِيلَ كُوَ يَيِ عَيْكِنْ شَرِيعَ عَثِكِنْ إِسْرَٰٓءِيلَ دُكَنْ ݣُونَكِنْ رَنْسَ؞

¹⁶ كُواْوَثٜىٰ شٜىٰكَرَا يَكَنْ كٜىٰوَيَ دَغَ بٜىٰتٜىٰلْ، ذُوَا غِلْغَلْ، ذُوَا مِظْڢَ، أَوُرَارٜىٰنَّنْ يَكَنْيِ وَ إِسْرَٰٓءِيلَاوَا شَرِيعَ؞

¹⁷ سَعَنً يَكَنْ كُواْمَ غِدَنْسَ أَ رَمَ، عِنْدَ يَكَنْ ذَوْنَ يَنَيِ وَمُتَنٜىٰنْ إِسْرَٰٓءِيلَ شَرِيعَ؞ يَكُمَ غِنَاوَا يَهْوٜىٰهْ بَغَدٜىٰنْ هَدَايَ أَ رَمَ؞