1 سَمَٰعِيلَ 4 - أَتَّوْرَتْ دَ أَنَّبَاوَا

¹ دُكْ سَعَدَّ سَمَٰعِيلَ يَيِ مَغَنَ كُوَ دُكَنْ مُتَنٜىٰنْ إِسْرَٰٓءِيلَ سُكَنْ سَوْرَرٜىٰشِ؞ أَنَانً سَيْ إِسْرَٰٓءِيلَاوَا سُكَ ڢِتَ ذَاسُ ڢُسْكَنْثِ ڢِلِسْتِيَاوَا عَيَاڧِ؞ سُكَ كَڢَ سَنْسَنِنْ يَاڧِنْسُ أَ عٜىٰبٜىٰنٜىٰظٜىٰرْ؞ ڢِلِسْتِيَاوَا سُو مَا سُكَ كَڢَ نَاسُ أَعَڢٜىٰكْ؞

ڢِلِسْتِيَاوَا سُنْ ڨُوثٜىٰ عَݣُوتِنْ يَرْجٜىٰجٜىٰنِيَ

² ڢِلِسْتِيَاوَا سُكَ شِرْيَ سُڢَارَ يَاڧِ؞ بَايَنْ ڢَطَ مَيْ ذَاڢِ، سُكَثِ نَصَرَا عَكَنْ إِسْرَٰٓءِيلَاوَا؞ عَكَ كَشٜىٰ سُواْجُواْجِنْ إِسْرَٰٓءِيلَاوَا دُبُو حُطُ أَ ڢِيلِنْ يَاڧِ؞

³ سَعَدَّ وَطَنْدَ سُكَ ڟِيرَا سُنْ كُواْمَ سَنْسَنِنْ يَاڧِنْسُ، سَيْ دَتَّاوَنْ إِسْرَٰٓءِيلَ سُكَثٜىٰ ‏«‏مٜىٰنٜىٰنٜىٰ يَسَا يَهْوٜىٰهْ يَسَا ڢِلِسْتِيَاوَا سُكَثِ نَصَرَا عَكَنْمُ يَوْ؟ مُجٜىٰ مُطَوْكِ عَݣُوتِنْ يَرْجٜىٰجٜىٰنِيَ نَ يَهْوٜىٰهْ دَغَ شِلُواْ مُكَٰوُاْ، دُواْمِنْ يَهْوٜىٰهْ يَكَسَنْثٜىٰ تَرٜىٰدَمُو يَكُمَ ثٜىٰثٜىٰمُ دَغَ حَنُّنْ أَبُواْكَنْ غَابَنْمُ؞»‏

⁴ سَيْ عَكَ عَيْكَ دَ مُتَنٜىٰ ذُوَا شِلُواْ، عَكَ كَٰوُاْ عَݣُوتِنْ يَرْجٜىٰجٜىٰنِيَ نَ يَهْوٜىٰهْ مَيْ إِيكُواْ دُكَ، وَنْدَ يَكٜىٰ ظَوْنٜىٰ أَڟَكَانِنْ حَلِتُّو مَاسُ ڢِكَڢِكَيْ؞ یَیَنَّنْ نَ عٜىٰلِ مَظَا بِيُ، وَتُواْ هُواڢْنِ دَ ڢِنٜىٰهَسْ، سُنَ تَرٜىٰدَ عَݣُوتِنْ يَرْجٜىٰجٜىٰنِيَ نَ اللَّهْ؞

⁵ دَ عَكَ شِغَرْدَ عَݣُوتِنْ يَرْجٜىٰجٜىٰنِيَ أَ سَنْسَنِنْ يَاڧِ، سَيْ إِسْرَٰٓءِيلَاوَا سُكَ طَغَ مُرْيُواْيِنْسُ بَاكِ طَيَ حَرْ ڧَسَا تَغِرْغِظَ؞

⁶ دَ ڢِلِسْتِيَاوَا سُكَجِ ڧَارَرْ مُرْيُواْيِنْ إِبْرَانِيَاوَا سُكَثٜىٰ ‏«‏مٜىٰ يَكَٰوُاْ إِيهُ مَيْڧَرْڢِے حَكَ دَغَ سَنْسَنِنْ إِبْرَانِيَاوَا؟»‏ دَ سُكَجِ ثٜىٰوَ أَيْ، عَݣُوتِنْ يَرْجٜىٰجٜىٰنِيَ نَ يَهْوٜىٰهْ نٜىٰ يَشِغُواْ سَنْسَنِنْ يَاڧِنْ،

⁷ سَيْ ڟُواْرُواْ يَكَامَ ڢِلِسْتِيَاوَنْ؞ سُكَثٜىٰ ‏«‏وَنِ اللَّهْ يَشِغُواْ سَنْسَنِنْ يَاڧِنْ؞»‏ سُكَيِ إِيهُ سُكَثٜىٰ ‏«‏وَيُّواْ!‏ وَنِ أَبُ بَيْتَٻَ ڢَرُوَ دَمُو حَكَبَ!‏

⁸ لَلَّيْ تَامُ تَا ڧَارٜىٰ!‏ وَ ذَيْثٜىٰثٜىٰمُ دَغَ إِيكُوانْ أَلُّواْلِنَّنْ مَاسُ ڧَرْڢِے؟ سُونٜىٰ أَلُّواْلِنْ دَ سُكَ هَلَّكَ مَصَرَاوَا دَ كُواْوَنٜىٰ إِرِنْ بَلَعِ أَدَاجِ!‏

⁹ يَا كُو ڢِلِسْتِيَاوَا، سَيْ كُيِ ڧَرْڢِنْ حَلِ سُواْسَيْ!‏ إِنْ بَهَكَبَ ذَاكُ ذَمَ بَايِنْ إِبْرَنِيَاوَنَّنْ كَمَرْ يَدَّ دَا سُكٜىٰ بَايِنْكُ؞ كُيِ مَذَنْتَكَ!‏ كُيِ يَاڧِ!‏»‏

¹⁰ ڢِلِسْتِيَاوَا كُوَ سُكَيِ ڢَطَ سُواْسَيْ سُكَثِ إِسْرَٰٓءِيلَاوَا دَ يَاڧِ حَرْ سُواْجُواْجِنْ إِسْرَٰٓءِيلَ سُكَ وَڟٜىٰ، كُواْوَ يَغُدُ ذُوَا تٜىٰنْتِنْسَ؞ يَاڧِنْ يَثِ إِسْرَٰٓءِيلَ سُواْسَيْ حَرْ سُواْجُواْجِ دُبُو تَلَاتِنْ سُكَ مُتُ؞

¹¹ عَكَ ڨُوثٜىٰ عَݣُوتِنْ يَرْجٜىٰجٜىٰنِيَ نَ اللَّهْ، عَكَ كُمَ كَشٜىٰ یَیَ مَظَا بِيُ طِنَّنْ نَ عٜىٰلِ، وَتُواْ هُواڢْنِ دَ ڢِنٜىٰهَسْ؞

مُتُوَرْ عٜىٰلِ

¹² أَنَانً سَيْ وَنِ مُتُمِنْ ذُرِيَرْ بِلِيَامِنُ يَغُدُ دَغَ ڢِيلِنْ يَاڧِنْ يَذُواْ حَرْ شِلُواْ؞ يَ إِسُواْ دَ يَغَغُّنْ رِيغُنَ دَ تُواْكَ عَكَنْسَ دُواْمِنْ أَ نُونَ بَڧِنْ ثِكِ؞

¹³ سَعَدَّ يَشِغُواْ غَرِنْ شِلُواْ، عٜىٰلِ يَنَ ظَوْنٜىٰ عَكَنْ كُجٜىٰرَرْسَ عَبَاكِنْ حَنْيَ يَنَ جِرَا، غَمَا ذُوثِيَارْسَ تَدَامُ سُواْسَيْ غَمٜىٰدَ لَاڢِيَرْ عَݣُوتِنْ يَرْجٜىٰجٜىٰنِيَ نَ اللَّهْ؞ دَ مُتُمِنْ بِلِيَامِنُ نَنْ يَشِغَ غَرِنْ سَيْ يَبَظَ لَابَرِنْ، سَيْ دُكَنْ مُتَنٜىٰنْ غَرِنْ سُكَ أَمْسَ دَ كُوكَا غَبَاطَيَ دَ بَبَّرْ مُرْيَ؞

¹⁴ دَ عٜىٰلِ يَجِ مُرْيُواْيِنْ كُوكَنْ مُتَنٜىٰ، سَيْ يَيِ تَمْبَيَ يَثٜىٰ ‏«‏عَكَنْ مٜىٰ كُوكَنَّنْ يَتَاسُواْ حَكَ؟»‏ مُتُمِنْ كُوَ يَرُوغَ دُواْمِنْ يَڢَطَا وَ عٜىٰلِ أَبِنْدَ يَڢَرُ؞

¹⁵ أَ لُواْكَثِنْ عٜىٰلِ يَكَيْ شٜىٰكَرُ ثَسَعِنْ دَ تَݣُوسْ، كُمَ بَايَ عِيَ غَنِ؞

¹⁶ سَيْ مُتُمِنْ يَثٜىٰ وَ عٜىٰلِ ‏«‏نِنٜىٰ نَا ڢِتُواْ دَغَ ڢِيلِنْ يَاڧِ، كُمَ يَوْ نٜىٰ نَغُدُ دَغَ يَاڧِنْ؞»‏ عٜىٰلِ يَتَمْبَيٜىٰشِ يَثٜىٰ ‏«‏طَانَ، مٜىٰنٜىٰنٜىٰ يَڢَرُ؟»‏

¹⁷ مُتُمِنَّنْ يَأَمْسَ يَثٜىٰ ‏«‏إِسْرَٰٓءِيلَاوَا سُنْ غُدُ أَغَبَنْ ڢِلِسْتِيَاوَا، كُمَ أَنْكَشٜىٰ سُواْجُواْجِ دَيَوَ؞ یَیَنْكَ هُواڢْنِ دَ ڢِنٜىٰهَسْ دُكَ سُنْ مُتُ، أَنْكُمَ ڨُوثٜىٰ عَݣُوتِ نَ اللَّهْ؞»‏

¹⁸ دَ مُتُمِنَّنْ يَ عَمْبَثِ أَبِنْدَ يَڢَرُ دَ عَݣُوتِ نَ اللَّهْ، سَيْ عٜىٰلِ يَڢَاطِ دَ بَايَ دَغَ كَنْ كُجٜىٰرَرْسَ عِنْدَ يَكٜىٰ ظَوْنٜىٰ عَڧُواْڢَرْ غَرِ؞ يَكَرْيَ وُيَنْسَ يَمُتُ، غَمَا يَا ڟُوڢَ، كُمَ يَنَدَ ڧِبَ سُواْسَيْ؞ يَيِ عَيْكِنْ شَرِيعَ عَ إِسْرَٰٓءِيلَ شٜىٰكَرُ أَرْبَعِنْ؞

¹⁹ أَ لُواْكَثِنْ كُوَ مَاتَرْ ڢِنٜىٰهَسْ طَنْ عٜىٰلِ تَنَدَ ثِكِ تَكُمَ كُسَ حَيْڢُوَ؞ دَ أَجِ لَابَرِ ثٜىٰوَ أَنْڨُوثٜىٰ عَݣُوتِنْ يَرْجٜىٰجٜىٰنِيَ نَ اللَّهْ، كُمَ بَابَنْ مِجِنْتَ يَمُتُ حَطٜىٰ دَ مِجِنْتَ، سَيْ ذَاڢِنْ حَيْڢُوَ يَكَامَتَ، تَحَيْڢُ؞

²⁰ سَعَدَّ تَݣُونْتَ تَنَ بَاكِنْ مُتُوَ، سَيْ مَاتَانْدَ سُكٜىٰ لُورَ دَ عِتَ سُكَثٜىٰ مَتَ ‏«‏كَدَ كِجِڟُواْرُواْ، كِنْ حَيْڢِ نَمِجِ؞»‏ عَمَّا بَتَبَاسُ حَنْكَلِ بَ بَلّٜىٰ أَمْسَ؞

²¹ سَيْ تَسَا وَيَرُوانْ سُنَ إِكَبُوادْ، مَيْ مَعَنَ ‏«‏طَوْكَكَ تَرَبُ دَ إِسْرَٰٓءِيلَ؞»‏ تَا بَادَ وَنَّنْ سُونَ سَبُواْدَ أَنْڨُوثٜىٰ عَݣُوتِ نَ اللَّهْ، كُمَ مِجِنْتَ دَ بَابَنْسَ سُنْ مُتُ؞

²² تَا ثٜىٰ ‏«‏طَوْكَكَ تَرَبُ دَ إِسْرَٰٓءِيلَ، سَبُواْدَ أَنْڨُوثٜىٰ عَݣُوتِنْ يَرْجٜىٰجٜىٰنِيَ نَ اللَّهْ؞»‏