1 سَمَٰعِيلَ 3 - أَتَّوْرَتْ دَ أَنَّبَاوَا

يَهْوٜىٰهْ يَبَيَّنَ كَنْسَ غَ سَمَٰعِيلَ

¹ أَنَانً يَرُواْنَّنْ سَمَٰعِيلَ يَنَيِ وَ يَهْوٜىٰهْ حِدِمَ أَ حَنُّنْ عٜىٰلِ؞ عَݣُونَكِنْنَنْ يَهْوٜىٰهْ بَيْ ثِكَ يِنْ مَغَنَ دَ مُتَنٜىٰ بَ، كُمَ بَعَثِكَ غَنِنْ رُعُيُواْيِ؞

² وَتَرَانَ دَ دَرٜىٰ عٜىٰلِ وَنْدَ أَ لُواْكَثِنْ عِدَنُونْسَ سُنْ ڢَارَ ڟُوڢَ كُمَ بَايَ غَنِ سُواْسَيْ، يَنَ ݣُونْثٜىٰ أَ عِنْدَ يَسَابَا؞

³ سَمَٰعِيلَ كُمَ يَنَ ݣُونْثٜىٰ ثِكِنْ غِدَنْ يَهْوٜىٰهْ عِنْدَ عَكَ أَجِيٜىٰ عَݣُوتِنْ يَرْجٜىٰجٜىٰنِيَ نَ اللَّهْ؞ كَاڢِنْ سَاڢِيَ تَايِ تُنْ ڢِتِلَرْ يَهْوٜىٰهْ بَتَمُتُبَ،

⁴ سَيْ يَهْوٜىٰهْ يَكِرَا سَمَٰعِيلَ؞ شِے كُوَ يَأَمْسَ يَثٜىٰ ‏«‏إِنَ ذُوَا؞»‏

⁵ سَيْ يَغُدُ ذُوَا وُرِنْ عٜىٰلِ يَثٜىٰ ‏«‏غَا نِے نَنْ، أَيْ، كَا كِرَنِ؞»‏ عَمَّا عٜىٰلِ يَثٜىٰ مَسَ ‏«‏أَعَ، بَنْ كِرَاكَبَ؞ كُواْمَ كَݣُونْتَ!‏»‏ سَيْ سَمَٰعِيلَ يَكُواْمَ يَݣُونْتَ؞

⁶ سَيْ يَهْوٜىٰهْ يَسَاكٜىٰ كِرَنْسَ ‏«‏سَمَٰعِيلَ!‏»‏ سَمَٰعِيلَ يَتَاشِ يَتَڢِے وُرِنْ عٜىٰلِ يَثٜىٰ ‏«‏غَا نِے نَنْ، أَيْ، كَا كِرَنِ؞»‏ سَيْ عٜىٰلِ يَأَمْسَ مَسَ يَثٜىٰ ‏«‏بَنْ كِرَاكَبَ، طَانَ، كُواْمَ كَݣُونْتَ؞»‏

⁷ سَمَٰعِيلَ كُوَ بَيْ رِغَا يَسَنْ ثٜىٰوَ يَهْوٜىٰهْ نٜىٰ يَكٜىٰ كِرَنْسَبَ، غَمَا بَعَبَيَّنَ مَغَنَرْ يَهْوٜىٰهْ غَ سَمَٰعِيلَ بَتُكُنَ؞

⁸ يَهْوٜىٰهْ يَا سَاكٜىٰ كِرَنْ سَمَٰعِيلَ سَوْ نَعُكُ، سَيْ سَمَٰعِيلَ يَتَاشِ يَتَڢِے وُرِنْ عٜىٰلِ يَثٜىٰ ‏«‏غَا نِے، أَيْ، كَا كِرَنِ؞»‏ أَ نَنْ نٜىٰ عٜىٰلِ يَغَانٜىٰ ثٜىٰوَ يَهْوٜىٰهْ نٜىٰ يَكٜىٰ كِرَنْ يَرُوانْ؞

⁹ عٜىٰلِ يَثٜىٰ وَ سَمَٰعِيلَ يَجٜىٰ يَݣُونْتَ؞ عِدَنْ يَا سَاكٜىٰ جِنْ كِرَنْ سَيْيَثٜىٰ ‏«‏يِمَغَنَ، يَهْوٜىٰهْ، غَمَا بَاوَنْكَ يَنَجِ؞»‏ سَيْ سَمَٰعِيلَ يَجٜىٰ يَݣُونْتَ وُرِنْ ݣُونْثِيَرْسَ؞

¹⁰ يَهْوٜىٰهْ كُوَ يَسَاكٜىٰ ذُوَا أَوُرِنْ يَڟَيَ يَيِ كِرَا يَثٜىٰ ‏«‏سَمَٰعِيلَ!‏ سَمَٰعِيلَ!‏»‏ سَيْ سَمَٰعِيلَ يَأَمْسَ يَثٜىٰ ‏«‏يِمَغَنَ غَمَا بَاوَنْكَ يَنَجِ؞»‏

¹¹ يَهْوٜىٰهْ كُوَ يَثٜىٰ وَ سَمَٰعِيلَ ‏«‏ذَنْيِ وَنِ أَبِنْدَ بَعَڟَمَّنِ بَعَ إِسْرَٰٓءِيلَ، حَرْ دُكْ مُتُمِنْدَ يَجِ كُنّٜىٰنْسَ ذَاسُ تَاشِ؞

¹² أَ رَانَرْ نَنْ ذَنْ ثِكَ دُكَنْ مَغَنَرْدَ نَيِ غَمٜىٰدَ عٜىٰلِ دَ عِيَلِنْسَ دَغَ ڢَرْكُواْ حَرْ ڧَرْشٜىٰ؞

¹³ غَمَا نَا ڢَطَا مَسَ ذَنْ يَنْكٜىٰ حُكُنْثِ مَرَرْ ڧَارٜىٰوَ عَكَنْ عِيَلِنْسَ سَبُواْدَ ذُنُوبِنْ یَیَنْسَ دَ يَسَنِ؞ يَسَنْ يَدَّ سُكٜىٰ وُلَڧَنْتَ سُونَنَ عَمَّا بَيْ هَنَاسُبَ؞

¹⁴ سَبُواْدَ حَكَ غَمٜىٰدَ دَنْ‌غِنْ عٜىٰلِ نَا ضَنْڟٜىٰ ثٜىٰوَ بَابُ هَدَايَ كُواْ بَايَرْوَرْ دَ ذَاتَ عِيَ طَوْكَرْ حَكِّنْ ذُنُبَنْسُ حَرْ أَبَدَا؞»‏

¹⁵ سَمَٰعِيلَ كُوَ يَݣُونْتَ حَرْ وَايٜىٰوَرْ غَرِ؞ دَ يَتَاشِ سَيْ يَبُوطٜىٰ ڧُواْڢُواْڢِنْ غِدَنْ يَهْوٜىٰهْ؞ يَجِڟُواْرُواْ يَڢَطَا وَ عٜىٰلِ رُعُيَرْ،

¹⁶ عَمَّا عٜىٰلِ يَكِرَا شِ يَثٜىٰ ‏«‏سَمَٰعِيلَ طَانَ!‏»‏ سَيْ سَمَٰعِيلَ يَثٜىٰ ‏«‏غَانِ؞»‏

¹⁷ عٜىٰلِ يَتَمْبَيٜىٰشِ يَثٜىٰ ‏«‏مٜىٰنٜىٰنٜىٰ يَثٜىٰ مَكَ؟ كَدَ ڢَا كَٻُواْيٜىٰ مِنِ كُواْمٜىٰ؞ بَرِ اللَّهْ يَيِ مَكَ حُكُنْثِ مَيْ ڟَنَنِ عِدَنْ بَكَڢَطَا مِنِ دُكَنْ أَبِنْدَ يَڢَطَا مَكَبَ؞»‏

¹⁸ سَيْ سَمَٰعِيلَ يَڢَطَا مَسَ كُواْمٜىٰ دَكُواْمٜىٰ، بَيْ ٻُواْيٜىٰ مَسَ كُواْ أَبُ غُدَا بَ؞ سَعَنً عٜىٰلِ يَأَمْسَ يَثٜىٰ ‏«‏أَيْ، يَهْوٜىٰهْ نٜىٰ شِ، بَرِ يَيِ دُكْ أَبِنْدَ يَيِمَسَ ݣَوْ؞»‏

¹⁹ سَمَٰعِيلَ يَيِ غِرْمَ، يَهْوٜىٰهْ كُوَ يَنَ تَرٜىٰ دَشِ؞ يَهْوٜىٰهْ بَيْ يَرْدَ كُواْ طَيَ دَغَ ثِكِنْ مَغَنَرْ سَمَٰعِيلَ يَذَمَ بَنْظَبَ؞

²⁰ دُكَنْ إِسْرَٰٓءِيلَ دَغَ يَنْكِنْ ذُرِيَرْ دَنْ عَ أَرٜىٰوَ ذُوَا يَنْكِنْ بٜىٰيٜىٰرْشٜىٰبَ عَكُدُ سُكَ غَانٜىٰ ثٜىٰوَ سَمَٰعِيلَ تَبَّتَاثّٜىٰنْ أَنَّبِے نٜىٰ نَ يَهْوٜىٰهْ؞

²¹ يَهْوٜىٰهْ كُوَ يَثِيغَبَدَ بَيَّنَ كَنْسَ أَ شِلُواْ؞ أَوُرِنْ نٜىٰ يَبَيَّنَ كَنْسَ غَ سَمَٰعِيلَ تَوُرِنْ مَغَنَرْسَ؞