1 سَمَٰعِيلَ 29 - أَتَّوْرَتْ دَ أَنَّبَاوَا

ڢِلِسْتِيَاوَا بَسُ أَمِنْثٜىٰ دَ دَاوُدَ بَ

¹ ڢِلِسْتِيَاوَا كُوَ سُنْ تَتَّارَ دُكَنْ سُواْجُواْجِنْسُ أَ عَڢٜىٰكْ، سُواْجُواْجِنْ إِسْرَٰٓءِيلَ كُوَ سُكَ كَڢَ سَنْسَنِنْسُ أَ مَٻُٻُّغَرْ ضُوً دَتَكٜىٰ أَ يٜىٰظِرٜىٰيٜىٰلْ؞

² يَايِنْ دَ شُوغَبَنِّنْ ڢِلِسْتِيَ سُكٜىٰبِدَ ڧُنْ‌غِيُواْيِنْ سُواْجُواْجِنْسُ، وَطَنْسُ طَرِے طَرِے، وَطَنْسُ دُبُو دُبُو، دَاوُدَ دَ مُتَنٜىٰنْسَ سُنَ بِيٜىٰ عَبَايَ تَرٜىٰدَ سَرْكِے عَكِشْ؞

³ مَنْيَنْ سُواْجُواْجِنْ ڢِلِسْتِيَ سُكَ تَمْبَيِ عَكِشْ سُكَثٜىٰ ‏«‏مٜىٰنٜىٰنٜىٰ إِبْرَنِيَاوَنَّنْ سُكٜىٰيِ أَنَنْ؟»‏ عَكِشْ يَأَمْسَ يَثٜىٰ ‏«‏وَنَّنْ دَاوُدَ نٜىٰ وَنْدَ يَيِ وَ طَالُوتَ سَرْكِنْ إِسْرَٰٓءِيلَ حِدِمَ؞ يَڢِ شٜىٰكَرَا طَيَ تَرٜىٰدَنِ؞ كُمَ تُنْدَغَ رَانَرْدَ يَبَرْ طَالُوتَ يَذُواْ وُرِينَ بَنْ تَٻَ سَامُنْسَ دَ لَيْڢِے بَ كُواْ كَطَنْ؞»‏

⁴ عَمَّا مَنْيَنْ سُواْجُواْجِنْ ڢِلِسْتِيَ سُكَيِ ڢُشِے دَ عَكِشْ، سُكَثٜىٰ مَسَ ‏«‏كَسَا مُتُمِنَّنْ يَكُواْمَ ذُوَا وُرِنْدَ كَبَاشِ يَذَوْنَ؞ بَذَيْبِيمُ ذُوَا وُرِنْ يَاڧِنْ بَ؞ يَنَ عِيَ جُويَا عَكَنْمُ لُواْكَثِنْ يَاڧِنْ؞ ذَيْ عِيَيِنْ أَمْڢَانِ دَ وَنَّنْ ظَرَڢِ يَثِثِّرٜىٰ كَوُنَنْمُ دُواْمِنْ يَڢَرَنْتَوَ مَيْغِدَنْسَ رَيْ؞

⁵ تُنَ ڢَا، بَشِينٜىٰ دَاوُدَ طِنْ دَ عَكٜىٰ غِرْمَمَ دَ ضَوَ دَ وَاڧُواْڧِ أَنَثٜىٰوَ ‏«‏ ‏‹‏طَالُوتَ يَكَشٜىٰ دُبَّيْ، دَاوُدَ كُوَ دُبُنْ دُبَّيْ؟›‏ »‏

⁶ سَيْ عَكِشْ يَكِرَا دَاوُدَ يَثٜىٰمَسَ ‏«‏نَا ضَنْڟٜىٰ دَ سُونَنْ يَهْوٜىٰهْ مَيْ رَيْ، كَيْ مَيْ أَمِنْثِنٜىٰ، نَسُواْ كَتَڢِے كَيِ يَاڧِ تَرٜىٰدَ سُواْجُواْجِنَ؞ بَنْ تَٻَ سَامُنْكَ دَ لَيْڢِے بَ تُنْ رَانَرْدَ كَذُواْ وُرِينَ حَرْ ذُوَا يَنْذُ؞ عَمَّا سَوْرَنْ شُوغَبَنِّنْ بَسُ يَرْدَ دَكَيْبَ؞

⁷ سَبُواْدَ حَكَ سَيْ كَكُواْمَ ثِكِنْ سَلَمَ، كَدَ كَيِ أَبِنْدَ ذَيْ تَادَ حَنْكَلِنْ سَوْرَنْ شُوغَبَنِّنْ ڢِلِسْتِيَاوَا؞»‏

⁸ دَاوُدَ يَثٜىٰ وَ عَكِشْ ‏«‏مٜىٰنَيِ؟ وَنٜىٰ لَيْڢِے كَسَامٜىٰنِ دَشِ تُنْدَغَ رَانَرْدَ نَڢَارَ حِدِمَرْكَ دَ ذَيْ هَنَنِ إِنْڢِتَ إِنْيِ يَاڧِ دَ أَبُواْكَنْ غَابَنْكَ مَيْغِدَانَ سَرْكِے؟»‏

⁹ عَكِشْ يَثٜىٰ ‏«‏أَغَنِينَ كَنَدَ غَسْكِيَ كَمَرْ طَنْ عَيْكَ نَأَلُّواْلِ؞ عَمَّا دُكْدَهَكَ مَنْيَنْ سُواْجُواْجِنْ ڢِلِسْتِيَاوَا سُنْ ثٜىٰ بَذَاكَ تَڢِے يَاڧِنَّنْ تَرٜىٰدَمُوبَ؞

¹⁰ تُواْ، غُواْبٜىٰ دَ سَسَّڢٜىٰ، كَتَاشِ دَكَيْ دَ مَاسُيِ وَمَيْغِدَنْكَ طَالُوتَ حِدِمَ؞ دَ حَصْكٜىٰ يَڢَارَ بَيَّنَ سَيْ كُكَامَ حَنْيَ؞»‏

¹¹ سَيْ دَاوُدَ يَتَاشِ دَ سَسَّڢٜىٰ يَكَامَ حَنْيَ تَرٜىٰدَ مُتَنٜىٰنْسَ دُواْمِنْ سُكُواْمَ ڧَسَرْ ڢِلِسْتِيَاوَا، ڢِلِسْتِيَاوَا كُوَ سُكَ هَوْرَ ذُوَا يٜىٰظِرٜىٰيٜىٰلْ؞