1 سَمَٰعِيلَ 28 - أَتَّوْرَتْ دَ أَنَّبَاوَا

¹ أَنَانً عَݣُونَكِنْنَنْ ڢِلِسْتِيَاوَا سُكَ تَتَّارَ سُواْجُواْجِنْسُ دُواْمِنْ سُيِ يَاڧِ دَ إِسْرَٰٓءِيلَاوَا؞ سَيْ عَكِشْ يَثٜىٰ وَ دَاوُدَ ‏«‏كَسَنِ ڢَا، كَيْ دَ مُتَنٜىٰنْكَ ذَاكُ حَطَكَيْ تَرٜىٰدَنِ دَ سُواْجُواْجِنَ ثِكِنْ يَاڧِنْ؞»‏

² دَاوُدَ يَأَمْسَ وَ عَكِشْ يَثٜىٰ ‏«‏بَاشَكَّ، كَيْ مَا ذَاكَ سَنْ عَيْكِنْ دَ ذَنْعِيَيِ؞»‏ عَكِشْ يَأَمْسَ يَثٜىٰ ‏«‏دَ ݣَوْ، ذَنْ مَيْدَكَيْ مَيْغَادِنَ حَرْ إِيَاكَرْ رَنْكَ؞»‏

طَالُوتَ يَا ظِيَرْثِ مَثٜىٰ مَيْ دُوبَ

³ سَمَٰعِيلَ كُوَ يَا رِغَا يَا مُتُ، دُكَنْ إِسْرَٰٓءِيلَ سُكَيِ كُوكَنْسَ؞ سُكَ كُمَ بِنّٜىٰشِ أَغَرِنْسَ رَمَ؞ طَالُوتَ كُوَ يَا رِغَا يَا كَوَرْدَ مَاسُ بُواْكَنْثِ دَ مَاسُ حَطَكَيْ دَ رُوحُواْحِنْ مَتَتُّو دَغَ ڧَسَرْ؞

⁴ ڢِلِسْتِيَاوَا سُكَ تَارَ كَنْسُ سُكَذُواْ سُكَ كَڢَ سَنْسَنِنْ يَاڧِ أَغَرِنْ شُنٜىٰمْ؞ طَالُوتَ كُوَ يَتَتَّارَ سُواْجُواْجِنْ إِسْرَٰٓءِيلَ دُكَ يَكَڢَ سَنْسَنِنْ يَاڧِنْسَ عَبَبَّنْ تُدُنْ غِلْبُواْوَ؞

⁵ دَ طَالُوتَ يَغَ سُواْجُواْجِنْ ڢِلِسْتِيَاوَا سَيْ يَجِڟُواْرُواْ يَڢِرْغِتَ أَ ذُوثِيَارْسَ سُواْسَيْ؞

⁶ يَنٜىٰمِ نُڢِنْ يَهْوٜىٰهْ؞ عَمَّا يَهْوٜىٰهْ بَيْ أَمْسَبَ، كُواْ تَوُرِنْ مَڢَرْكَيْ، كُواْ تَوُرِنْ أَبُبُوَنْ نٜىٰمَنْ سَنِنْ نُڢِنْ يَهْوٜىٰهْ أَ حَنُّنْ ڢِرِسْتِ، كُواْ تَوُرِنْ وَنِ أَنَّبِے؞

⁷ سَيْ طَالُوتَ يَثٜىٰ وَمَاسُ يِمَسَ حِدِمَ ‏«‏كُڢِتَ كُنٜىٰمَ مِنِ وَتَ مَيْ حَطَكَيْ دَ رُوحُواْحِنْ مَتَتُّو دُواْمِنْ إِنْ تَڢِے إِنْ تَمْبَيٜىٰتَ أَبِنْدَ ذَيْ ڢَرُ؞»‏ سُكَ أَمْسَ مَسَ سُكَثٜىٰ ‏«‏أَيْ، أَݣَويْ وَتَ بُواْكَ أَغَرِنْ عٜىٰنْدُوارْ؞»‏

⁸ سَيْ طَالُوتَ يَسَا وَطَنْسُ رِيغُنَ دُواْمِنْ يَثَنْجَ كَمَنِّ؞ سَيْ يَتَڢِے تَرٜىٰدَ وَطَنْسُ مُتَنٜىٰنْسَ بِيُ سُنْ ذُواْ وُرِنْ مَاتَرْ دَ دَرٜىٰ؞ يَثٜىٰ مَتَ ‏«‏كِكِرَوُاْ مِنِ رُوحٌ وَنِ وَنْدَ يَمُتُ؞ كِتَادَ مِنِ مُتُمِنْ دَ ذَنْ كِرَا سُونَنْسَ؞»‏

⁹ مَاتَرْ تَأَمْسَ مَسَ تَثٜىٰ ‏«‏حَڧِيڧَ كَسَنْ أَبِنْدَ سَرْكِے طَالُوتَ يَيِ، يَدَّ يَكَوَرْدَ مَاسُ حَطَكَيْ دَ رُوحُواْحِنْ مَتَتُّو دَ مَاسُ بُواْكَنْثِ دَغَ ڧَسَرْ؞ مٜىٰيَسَا كَكٜىٰ سَا مِنِ تَرْكُواْ، دُواْمِنْ كَسَا عَكَشٜىٰنِ؟»‏

¹⁰ طَالُوتَ يَرَنْڟٜىٰ مَتَ دَ يَهْوٜىٰهْ يَثٜىٰ ‏«‏نَا ضَنْڟٜىٰ دَ سُونَنْ يَهْوٜىٰهْ مَيْ رَيْ بَابُ حُكُنْثِنْ دَ ذَيْسَامٜىٰكِ غَمٜىٰدَ وَنَّنْ؞»‏

¹¹ سَيْ تَثٜىٰ ‏«‏وَ ذَنْ كِرَا مَكَ؟»‏ يَأَمْسَ يَثٜىٰ ‏«‏كِتَادَ مِنِ سَمَٰعِيلَ؞»‏

¹² دَمَاتَرْ تَغَ سَمَٰعِيلَ سَيْ تَيِ إِيهُ دَ ڧَرْڢِے، تَثٜىٰ وَ طَالُوتَ ‏«‏أَشٜىٰ، كَيْنٜىٰ سَرْكِے طَالُوتَ!‏ دُوانْمٜىٰ كَرُوطٜىٰنِ؟»‏

¹³ سَرْكِے يَثٜىٰمَتَ ‏«‏كَدَ كِجِڟُواْرُواْ؞ مٜىٰ كِكَ غَنِ؟»‏ تَا أَمْسَوَ طَالُوتَ تَثٜىٰ ‏«‏نَغَ وَنِ رُوحُ يَنَ ڢِتُواْوَ دَغَ ڧَسَا؞»‏

¹⁴ سَيْ يَتَمْبَيٜىٰتَ ‏«‏يَيَ كَمَنِّنْسَ يَكٜىٰ؟»‏ تَا ثٜىٰ ‏«‏وَنِ ڟُواْهُوانْ مُتُمْ نٜىٰ يَكٜىٰ هَوْرُواْوَ، يَنَ سَنْيٜىٰ دَ بَبَّرْ رِغَا؞»‏ سَيْ طَالُوتَ يَغَانٜىٰ سَمَٰعِيلَ نٜىٰ، سَيْ يَدُرْڧُسَ يَرُسُنَ دَ ڢُسْكَرْسَ حَرْ ڧَسَا؞

¹⁵ سَمَٰعِيلَ يَتَمْبَيِ طَالُوتَ يَثٜىٰ ‏«‏دُوانْمٜىٰ كَدَمٜىٰنِ تَوُرِنْ تَادَنِ حَكَ؟»‏ طَالُوتَ يَثٜىٰ ‏«‏إِنَ ثِكٜىٰ دَ دَامُوَ ڨُورَيْ!‏ ڢِلِسْتِيَاوَا سُنَ يَاڧِ دَنِے، كُمَ اللَّهْ يَرَبُ دَنِے؞ بَايَ أَمْسَ مِنِ كُواْمٜىٰ يَنْذُ، كُواْ تَوُرِنْ وَنِ أَنَّبِے، كُواْ تَوُرِنْ مَڢَرْكَيْ؞ دُواْمِنْ حَكَ نَكِرَاكَ كَڢَطَا مِنِ إِنْسَنْ أَبِنْدَ ذَنْيِ؞»‏

¹⁶ سَمَٰعِيلَ يَثٜىٰ مَسَ ‏«‏دُوانْمٜىٰ كَكٜىٰ تَمْبَيَاتَ، تُنْدَ يَهْوٜىٰهْ يَرَبُ دَكَيْ يَكُمَ ذَمَ أَبُواْكِنْ غَابَنْكَ؟

¹⁷ يَهْوٜىٰهْ يَايِ مَكَ دَيْدَيْ يَدَّ يَڢَطَا تَبَاكِنَ؞ يَهْوٜىٰهْ يَا يَاغٜىٰ مُلْكٍ دَغَ حَنُّنْكَ يَبَا مَڨُوبْثِنْكَ دَاوُدَ؞

¹⁸ سَبُواْدَ بَكَيِ بِيَيَّ دَ مُرْيَرْ يَهْوٜىٰهْ بَ، بَكَ هَلَّكَرْ دَ مُتَنٜىٰنْ أَمَلٜىٰكْ سَبُواْدَ ڢُشِنْسَبَ، يَهْوٜىٰهْ يَنَيِ مَكَ وَنَّنْ عَيَوْ؞

¹⁹ بَنْدَ حَكَمَا، يَهْوٜىٰهْ ذَيْبَادَ مُتَنٜىٰنْ إِسْرَٰٓءِيلَ تَرٜىٰدَكَيْ أَ حَنُّنْ ڢِلِسْتِيَاوَا؞ غُواْبٜىٰ كُمَ كَيْ دَ یَیَنْكَ مَظَا ذَاكُ كَسَنْثٜىٰ تَرٜىٰدَنِ أَنَنْ؞ يَهْوٜىٰهْ كُمَ ذَيْبَادَ سُواْجُواْجِنْ إِسْرَٰٓءِيلَ أَ حَنُّنْ ڢِلِسْتِيَاوَا؞»‏

²⁰ نَنْ دَ نَنْ سَيْ طَالُوتَ يَڢَاطِ عَڧَسَا غَبَاطَيَ سَبُواْدَ ڟَنَنِنْ ڢِرْغِتَ غَمٜىٰدَ مَغَنَرْ دَ سَمَٰعِيلَ يَيِ مَسَ؞ بَا شِ دَ ڧَرْڢِے، غَمَا بَيْثِكُواْمٜىٰبَ تُنْدَغَ عَبِنْثِنْ يَمَّ نَجِيَ حَرْ دَرٜىٰنَّنْ؞

²¹ سَيْ مَاتَرْ تَجٜىٰ كُسَدَشِ تَغَ أَڢِرْغِثٜىٰ يَكٜىٰ، سَيْ تَثٜىٰمَسَ ‏«‏غَاشِ، نِے بَيْوَرْكَ نَسَدَوْكَرْ دَ رَيْنَ، نَيِ أَبِنْدَ كَڢَطَا مِنِ؞

²² يَنْذُ بَرِ كَجِ أَبِنْدَ نِے بَيْوَرْكَ ذَنْ ڢَطَا مَكَ؞ بَرِ إِنْبَاكَ غُرَاسَ كَطَنْ، كَثِ دُواْمِنْ كَسَامِ ڧَرْڢِنْ كُواْمَاوَا؞»‏

²³ سَيْ طَالُوتَ يَڧِ، يَثٜىٰ ‏«‏بَذَنْثِ كُواْمٜىٰبَ؞»‏ عَمَّا دَ مَاسُ يِمَسَ حِدِمَ سُكَ ڧَرْڢَڢَ شِ تَرٜىٰدَ مَاتَرْ، سَيْ يَجِ مَغَنَرْسُ؞ سَيْ يَتَاشِ دَغَ ڧَسَا يَذَوْنَ عَكَنْ غَدُواْ؞

²⁴ مَاتَرْ كُوَ تَنَدَ وَنِ یَرْ سَانِيَ مَيْ ڧِبَ أَغِدَا؞ سَيْ تَيِ سَوْرِ تَطَوْكَ تَيَنْكَ؞ تَا كُمَ طَوْكِ غَارِ تَݣُوٻَ، تَيِ وَيْنَ مَرَرْ يِسْتِ؞

²⁵ سَعَنً تَكَيْوَ طَالُوتَ دَ مُتَنٜىٰنْسَ، سُكَثِ؞ سَعَنً سُكَتَاشِ سُكَ تَڢِے دَ دَرٜىٰنَّنْ؞