1 سَمَٰعِيلَ 27 - أَتَّوْرَتْ دَ أَنَّبَاوَا

دَاوُدَ يَا يِ ذَمَ عَثِكِنْ ڢِلِسْتِيَاوَا

¹ دَاوُدَ يَيِ تُنَانِ أَ رَنْسَ يَثٜىٰ ‏«‏بَاشَكَّ وَتَرَانَ ذَنْ مُتُ أَ حَنُّنْ طَالُوتَ؞ بَا أَبِنْدَ ذَنْعِيَيِ سَيْ إِنْ غُدُ ذُوَا ڧَسَرْ ڢِلِسْتِيَاوَا؞ طَالُوتَ ذَيْ بَرْ نٜىٰمَنَ عَيَنْكِنْ إِسْرَٰٓءِيلَ، نِے كُمَ إِنْ كُٻُثٜىٰ دَغَ حَنُّنْسَ؞»‏

² دُواْمِنْ حَكَ دَاوُدَ يَتَاشِ تَرٜىٰدَ مُتَنٜىٰنْسَ طَرِے شِدَ، سُكَ ڧٜىٰتَرٜىٰ ذُوَا وُرِنْ عَكِشْ طَنْ مَوُاكْ سَرْكِنْ غَتْ؞

³ دَاوُدَ دَ مُتَنٜىٰنْسَ تَرٜىٰدَ عِيَلَنْسُ سُكَ ذَوْنَ دَ عَكِشْ أَ غَتْ؞ دَاوُدَ يَكَسَنْثٜىٰ دَ مَاتَنْسَ بِيُ، أَهِنُواْوَمْ دَغَ يٜىٰظِرٜىٰيٜىٰلْ دَ أَبِغِيٜىٰلْ وَدَّ دَا مَاتَرْ نَبَلْ ثٜىٰ مُتُمِنْ كَرْمٜىٰلْ؞

⁴ دَ عَكَ ڢَطَا وَ طَالُوتَ ثٜىٰوَ دَاوُدَ يَتَاشِ ذُوَا غَتْ، سَيْ يَدَيْنَ نٜىٰمَنْسَ؞

⁵ دَاوُدَ يَثٜىٰ وَ عَكِشْ ‏«‏عِدَنْ نَا سَامِ ڢَضٍ جِنِ أَغَبَنْكَ، إِنَ ضُواْڧُوانْكَ كَبَانِ وُرِنْ ذَمَ ثِكِنْ وَنِ ڧَوْيٜىٰ إِنْ ذَوْنَ؞ غَمَا بَدَيْدَيْ بَنٜىٰ نِے مَيْيِمَكَ حِدِمَ إِنْ ذَوْنَ دَكَيْ ثِكِنْ بِرْنِنْ مُلْكِ؞»‏

⁶ أَ رَانَرْ نَنْ سَيْ عَكِشْ يَبَا شِ غَرِنْ ظِكْلَكْ، شِے يَسَا ظِكْلَكْ يَذَمَ نَسَرَاكُنَنْ يَهُودَ هَرْوَيَوْ؞

⁷ دَاوُدَ يَذَوْنَ عَيَنْكِنْ ڢِلِسْتِيَ شٜىٰكَرَا طَيَ دَ وَتَا حُطُ؞

⁸ أَ لُواْكَثِنْ ذَمَنْسَ أَ ظِكْلَكْ، دَاوُدَ يَكَنْ ڢِتَ دَ مُتَنٜىٰنْسَ سُكَيْ هَرِ عَكَنْ مُتَنٜىٰنْ غٜىٰشُرْ دَ نَ غِرْظِ دَ نَ أَمَلٜىٰكْ؞ تُنْدَا وَطَنَّنْ مُتَنٜىٰ سُونٜىٰ مَذَوْنَنْ يَنْكِنْ، وَتُواْ تَوَجٜىٰنْ يَنْكِنْ شُرْ حَرْ ذُوَا ڧَسَرْ مَصَرْ؞

⁹ دُكْ سَعَدَّ دَاوُدَ يَڢَاطَ مُسُ دَ يَاڧِ، بَايَ بَرِنْ نَمِجِ كُواْ مَثٜىٰ دَ رَيْ؞ يَكَنْ ݣُوشِ أَوَكِ دَ شَانُو دَ جَاكُنَ دَ رَاڧُمَ دَ رِيغُنَ؞ سَعَنً يَكُواْمَ وُرِنْ عَكِشْ؞

¹⁰ دَ عَكِشْ يَتَمْبَيِ دَاوُدَ ‏«‏عَكَنْ وَطَنّٜىٰ نٜىٰ كَكَيْ هَرِ يَوْ؟»‏ سَيْ دَاوُدَ يَأَمْسَ يَثٜىٰ ‏«‏نَكَيْ وَمُتَنٜىٰنْ كُدَنْثِنْ ڧَسَرْ يَهُودَ،»‏ كُواْ كُمَ ‏«‏نَكَيْ وَمُتَنٜىٰنْ كُدَنْثِنْ يَنْكِنْ يٜىٰرَمٜىٰيٜىٰلْ،»‏ كُواْ كُوَ ‏«‏نَكَيْ وَمُتَنٜىٰنْ كُدَنْثِنْ يَنْكِنْ كٜىٰنِيَاوَا؞»‏

¹¹ دَاوُدَ بَايَ بَرِنْ نَمِجِ كُواْ مَثٜىٰ دَ رَيْ دُواْمِنْ كَدَ سُكَيْ لَابَرِ أَبِرْنِنْ غَتْ سُثٜىٰ ‏«‏غَا أَبِنْدَ دَاوُدَ يَعَيْكَتَ؞»‏ أَبِنْ دَ دَاوُدَ يَدِنْ‌غَيِ كٜىٰنَنْ دُكَنْ ݣُونَكِنْدَ يَذَوْنَ عَڧَسَرْ ڢِلِسْتِيَ؞

¹² عَكِشْ يَ أَمِنْثٜىٰ دَ دَاوُدَ حَرْ يَثٜىٰ وَكَنْسَ ‏«‏يَنْذُ يَذَمَ أَبِنْ ڨَمَ سُواْسَيْ غَا مُتَنٜىٰنْسَ إِسْرَٰٓءِيلَاوَا حَرْ ذَيْ ذَمَ مِنِ مَيْ حِدِمَ دُكَنْ ݣُونَكِنْسَ؞»‏