1 سَمَٰعِيلَ 23 - أَتَّوْرَتْ دَ أَنَّبَاوَا

دَاوُدَ يَا ثٜىٰثِ بِرْنِنْ كَيْلَ

¹ أَنَانً دَاوُدَ يَسَامِ لَابَرِ ثٜىٰوَ ڢِلِسْتِيَاوَا سُنَ يَاڧِ دَ مُتَنٜىٰنْ كَيْلَ عَڧَسَرْ يَهُودَ كُمَ سُنَ ڨُوثٜىٰ مُسُ حَڟِ دَغَ وُرِنْ بُغُنْ حَڟِ؞

² سَيْ يَنٜىٰمِ نُڢِنْ يَهْوٜىٰهْ يَثٜىٰ ‏«‏إِنْ جٜىٰ إِنْ ڢَاطَوَ ڢِلِسْتِيَاوَنَّنْ دَ يَاڧِ؟»‏ يَهْوٜىٰهْ يَأَمْسَ مَسَ يَثٜىٰ ‏«‏كَتَڢِے كَڢَاطَ مُسُ دَ يَاڧِ كَثٜىٰثِ كَيْلَ؞»‏

³ عَمَّا مُتَنٜىٰنْ دَسُكٜىٰ تَرٜىٰدَ دَاوُدَ سُكَثٜىٰ مَسَ ‏«‏غَاشِ، أَنَنْ عَڧَسَرْ يَهُودَ مُنَ جِنْ ڟُواْرُواْ، يَيَ ذَيْ كَسَنْثٜىٰ عِدَنْ مُكَ تَڢِے كَيْلَ دُواْمِنْ مُيِ يَاڧِ دَ سُواْجُواْجِنْ ڢِلِسْتِيَاوَا؟»‏

⁴ دَاوُدَ يَسَاكٜىٰ نٜىٰمَنْ نُڢِنْ يَهْوٜىٰهْ؞ يَهْوٜىٰهْ كُوَ يَأَمْسَ مَسَ يَثٜىٰ ‏«‏كَغَنْ‌غَرَ ذُوَا كَيْلَ، غَمَا ذَنْبَاكَ نَصَرَا عَكَنْ ڢِلِسْتِيَاوَا؞»‏

⁵ سَيْ دَاوُدَ دَ مُتَنٜىٰنْسَ سُكَ تَڢِے كَيْلَ سُكَيِ يَاڧِ دَ ڢِلِسْتِيَاوَا؞ سُكَ كَكَّشٜىٰسُ دَيَوَ سُكَ ڨُوثٜىٰ دَبُّواْبِنْسُ؞ تَهَكَنٜىٰ دَاوُدَ يَثٜىٰثِ مَذَوْنَنْ غَرِنْ كَيْلَ؞

⁶ سَعَدَّ أَبِيَتَرْ طَنْ أَهِمٜىٰلٜىٰكْ يَغُدُ ذُوَا وُرِنْ دَاوُدَ أَ كَيْلَ يَذُواْ تَرٜىٰدَ عٜىٰڢُوادْ نَنٜىٰمَنْ نُڢِنْ يَهْوٜىٰهْ؞

طَالُوتَ يَا ڢِتَ نٜىٰمَنْ دَاوُدَ

⁷ سَيْ طَالُوتَ يَسَامِ لَابَرِ ثٜىٰوَ دَاوُدَ يَتَڢِے كَيْلَ؞ دَيَجِ حَكَ سَيْيَثٜىٰ ‏«‏يَوَّ!‏ اللَّهْ يَسَا شِ أَ هَنُّونَ؞ يَيِ وَكَنْسَ تَرْكُواْ دَ يَشِغَ بِرْنِنْ دَ عَكَ كٜىٰوَيٜىٰ دَ كَتَنْ‌غَ، عَكَ كُمَ ڟَرٜىٰشِ دَ ڧُواْڢُواْڢِنْ دَ عَكَنْ كُلّٜىٰ دَ سَنْدُنَنْ ڧَرْڢٜىٰ؞»‏

⁸ سَبُواْدَ حَكَ طَالُوتَ يَكِرَا دُكَنْ مُتَنٜىٰنْسَ سُغَنْ‌غَرَ ذُوَا يَاڧِ أَ كَيْلَ، دُواْمِنْ سُكٜىٰوَيٜىٰ دَاوُدَ دَ مُتَنٜىٰنْسَ؞

⁹ دَ دَاوُدَ يَجِ طَالُوتَ يَنَ شِرِنْ يِمَسَ مُغُنْتَا، سَيْيَثٜىٰ وَ أَبِيَتَرْ ڢِرِسْتِ ‏«‏كَكَٰوُاْ عٜىٰڢُوادْ نَنٜىٰمَنْ نُڢِنْ يَهْوٜىٰهْ أَنَنْ؞»‏

¹⁰ دَاوُدَ يَيِ أَدُّعَ يَثٜىٰ ‏«‏يَا يَهْوٜىٰهْ، اللَّهْ نَ إِسْرَٰٓءِيلَ، نَجِ ثٜىٰوَ طَالُوتَ يَنَ شِرِ يَذُواْ كَيْلَ يَهَلَّكَ بِرْنِنْ سَبُواْدَنِ؞

¹¹ مُتَنٜىٰنْ كَيْلَ ذَاسُ بَادَنِ أَ حَنُّنْسَ؟ طَالُوتَ ذَيْ غَنْ‌غَرُواْ نَنْ كَمَرْ يَدَّ نِے بَاوَنْكَ نَجِ؟ يَا يَهْوٜىٰهْ، اللَّهْ نَ إِسْرَٰٓءِيلَ، كَڢَطَا وَ بَاوَنْكَ!‏»‏ يَهْوٜىٰهْ يَأَمْسَ يَثٜىٰ ‏«‏ذَيْ غَنْ‌غَرُواْ؞»‏

¹² دَاوُدَ يَسَاكٜىٰ تَمْبَيَ يَثٜىٰ ‏«‏كُواْ مُتَنٜىٰنْ كَيْلَ ذَاسُ بَادَنِ دَ مُتَنٜىٰنَ أَ حَنُّنْ طَالُوتَ؟»‏ يَهْوٜىٰهْ يَأَمْسَ يَثٜىٰ ‏«‏ذَاسُ بَايَرْدَكُو؞»‏

¹³ سَيْ دَاوُدَ دَ مُتُمْ طَرِے شِدَ دَسُكٜىٰ تَرٜىٰ دَشِ، سُكَ ڢِتَ دَغَ كَيْلَ سُكَيِ تَيَٰوُاْ دُكْ عِنْدَ ذَاسُ عِيَ ٻُواْيٜىٰوَ؞ دَ طَالُوتَ يَجِ دَاوُدَ يَكُٻُثٜىٰ دَغَ كَيْلَ، سَيْ يَڢَسَ تَڢِيَرْ؞

دَاوُدَ يَا ٻُيَ عَتُدَّنْ يَنْكِنْ دَاجِنْ ظِڢْ

¹⁴ دَاوُدَ يَذَوْنَ أَوُرَارٜىٰنْ ٻُيَ نَتُدَّنْ يَنْكِنْ دَاجِنْ ظِڢْ؞ طَالُوتَ كُوَ يَيِ تَنٜىٰمَنْسَ كُواْوَثٜىٰ رَانَ، عَمَّا اللَّهْ بَيْ بَادَشِ أَ حَنُّنْ طَالُوتَ بَ؞

¹⁵ سَعَدَّ دَاوُدَ يَكٜىٰ أَ هُواْرٜىٰشْ ثِكِنْ دَاجِنْ ظِڢْ، سَيْ يَسَامِ لَابَرِ ثٜىٰوَ طَالُوتَ يَڢِتَ نٜىٰمَنْسَ دُواْمِنْ يَكَشٜىٰشِ؞

¹⁶ يُواْنَتَنْ طَنْ طَالُوتَ يَتَڢِے وُرِنْ دَاوُدَ أَ هُواْرٜىٰشْ يَڧَرْڢَڢَشِ يَڟَيَ غَ اللَّهْ؞

¹⁷ يُواْنَتَنْ يَثٜىٰ مَسَ ‏«‏كَدَ كَجِڟُواْرُواْ؞ حَنُّنْ بَابَنَ طَالُوتَ بَذَيْ عِيَ يِمَكَ كُواْمٜىٰبَ؞ كَيْ نٜىٰ ذَاكَ ذَمَ سَرْكِنْ إِسْرَٰٓءِيلَ، نِے كُمَ ذَنْ ذَمَ نَبِيٜىٰ دَكَيْ؞ كُواْ بَابَنَ طَالُوتَ مَا يَسَنْ دَ حَكَ؞»‏

¹⁸ سُو بِيُ ڢَا سُكَيِ وَجُونَ يَرْجٜىٰجٜىٰنِيَ، يَهْوٜىٰهْ كُوَ شَيْدَرْسُ؞ سَيْ يُواْنَتَنْ يَكُواْمَ غِدَا، دَاوُدَ كُوَ يَذَوْنَ أَ هُواْرٜىٰشْ؞

¹⁹ وَطَنْسُ مُتَنٜىٰنْ غَرِنْ ظِڢْ سُكَ تَڢِے وُرِنْ طَالُوتَ أَ غِبٜىٰيَ سُكَثٜىٰ مَسَ ‏«‏غَاشِ، دَاوُدَ يَنَ عَٻُواْيٜىٰ عَثِكِنْمُ أَوُرِنْ ٻُيَ نَيَنْكِنْ هُواْرٜىٰشْ عَتُدُنْ هَكِلَ وَنْدَ يَكٜىٰ عَكُدَنْثِنْ يٜىٰشِمُوانْ؞

²⁰ سَبُواْدَ حَكَ، رَنْكَيَدَطٜىٰ، دُكْ لُواْكَثِنْ دَ كَكٜىٰسُواْ، سَيْ كَغَنْ‌غَرَ ذُوَا وَجٜىٰنْمُ؞ مُنَ أَشِرْيٜىٰ مُسَاشِ أَ حَنُّنْكَ؞»‏

²¹ طَالُوتَ يَأَمْسَ يَثٜىٰ ‏«‏يَهْوٜىٰهْ يَيِ مُكُ أَلْبَرْكَ سَبُواْدَ كُنْدَامُ دَنِے؞

²² كُجٜىٰ كُسَاكٜىٰ دُوبَوَ، كُتَبَّتَرْ دَ عِنْدَ يَكٜىٰدَ ذَمَ دَ كُمَ وَنْدَ يَغَنْشِ أَوُرِنْ؞ غَمَا أَنْثٜىٰ يَنَدَ وَيُواْ سُواْسَيْ؞

²³ كُجٜىٰ كُسَنْ دَيْدَيْ وُرَارٜىٰنْ دَيَكٜىٰ ٻُيَ، سَيْ كُكُواْمُواْ مِنِ دَ تَبَّتَاثّٜىٰنْ لَابَرِ؞ سَعَنً ذَنْبِيكُ؞ عِدَنْ كُوَ يَنَ عَيَنْكِنْ، ذَنْ نٜىٰمٜىٰشِ كُواْعِنَ، كُواْ دَمَا وَنَّنْ ذَيْ بُڧَاثٜىٰنِ إِنْبِے دُكَنْ غِدَاجٜىٰنْ يَهُودَ؞»‏

²⁴ سَيْ سُكَتَاشِ سُكَ رِغَا طَالُوتَ ذُوَا دَاجِنْ ظِڢْ؞ دَاوُدَ كُوَ دَ مُتَنٜىٰنْسَ سُنَ أَ دَاجِنْ مَوُانْ تَوَجٜىٰنْ ݣُورِنْ أَرَبَ وَنْدَ يَكٜىٰ عَكُدَنْثِنْ يٜىٰشِمُوانْ؞

²⁵ طَالُوتَ دَ مُتَنٜىٰنْسَ سُكَ تَڢِے نٜىٰمَنْ دَاوُدَ، عَمَّا دَ دَاوُدَ يَجِ سَيْ يَغَنْ‌غَرَ ذُوَا وَنِ بَبَّنْ تُدُ أَ دَاجِنْ مَوُانْ يَذَوْنَ عَثَنْ؞ دَ طَالُوتَ يَجِ حَكَ سَيْ يَبِے دَاوُدَ ذُوَا ثَنْ؞

²⁶ طَالُوتَ دَ مُتَنٜىٰنْسَ سُنَ تَڢِيَ أَغٜىٰڢٜىٰ طَيَ نَبَبَّنْ تُدُنْ، دَاوُدَ كُمَ تَرٜىٰدَ مُتَنٜىٰنْسَ سُنَ أَطَيَنْ غٜىٰڢٜىٰنْ؞ دَاوُدَ دَ مُتَنٜىٰنْسَ سُكَيِ تَسَوْرِ دُواْمِنْ سُغُجٜىٰ وَ طَالُوتَ، غَمَا طَالُوتَ دَ مُتَنٜىٰنْسَ سُنَ تَڧَارَ مَڟُواْوَ كُسَ دُواْمِنْ سُكَامَ دَاوُدَ؞

²⁷ سَيْغَا وَنِ طَنْ عَيْكَ يَذُواْ وُرِنْ طَالُوتَ يَثٜىٰ ‏«‏ذُواْ دَ سَوْرِ!‏ ڢِلِسْتِيَاوَا سُنْ ڢَاطَوَ ڧَسَرْمُ إِسْرَٰٓءِيلَ دَ يَاڧِ!‏»‏

²⁸ سَبُواْدَ حَكَ طَالُوتَ يَبَرْ بِنْ دَاوُدَ يَكُواْمَ دُواْمِنْ يَيِ يَاڧِ دَ ڢِلِسْتِيَاوَا؞ شِيَسَا عَكٜىٰثٜىٰ دَ وُرِنَّنْ تُدُنْ رَبُوَ؞

²⁹ دَاوُدَ كُوَ يَبَرْ دَاجِنْ مَوُانْ يَتَڢِے وُرَارٜىٰنْ ٻُيَ نَيَنْكِنْ عٜىٰنْ‌غٜىٰدِ؞